عينكو عالدكانة ياخوانّا
ياصحابى ، ياأهلى و يا جيرانى - معلش هستأذن كام يوم كده فيه سبوبة أخلصها و آجى على طول.
السبانخ فى التلاجة و الشاى فى الرف اللى فى الوش و السكر فى النملية.
فيه أربع مانجيات مرقداهم فى الدولاب محدش يهوب ناحيتهم - ممكن تفتحوا البطيخة اللى تحت البوفية بدل ماتحمض.
و النبى بس حد يلم الغسيل من فوق السطوح و يكهرب الباب عشان ماتسرقش - بصوا اللى عايز يقيل ولا حاجة الملايات كده كده هتتغسل بعد مارجع مفيش مشكله بس أنا خدت المخدات معايا (ممكن تستخدموا قالبين طوب من اللى تحت السرير)!ا
و النبى عينكم عالدكانه لحسن أرجع ألاقيها هى رخرة دخلت فى معمعة الضرب و تزورنا كونداليزا فى الحتةو انا لسة مانجدتش الأنترية.
آه قبل مانسى - هتوحشونى
السبانخ فى التلاجة و الشاى فى الرف اللى فى الوش و السكر فى النملية.
فيه أربع مانجيات مرقداهم فى الدولاب محدش يهوب ناحيتهم - ممكن تفتحوا البطيخة اللى تحت البوفية بدل ماتحمض.
و النبى بس حد يلم الغسيل من فوق السطوح و يكهرب الباب عشان ماتسرقش - بصوا اللى عايز يقيل ولا حاجة الملايات كده كده هتتغسل بعد مارجع مفيش مشكله بس أنا خدت المخدات معايا (ممكن تستخدموا قالبين طوب من اللى تحت السرير)!ا
و النبى عينكم عالدكانه لحسن أرجع ألاقيها هى رخرة دخلت فى معمعة الضرب و تزورنا كونداليزا فى الحتةو انا لسة مانجدتش الأنترية.
آه قبل مانسى - هتوحشونى