أيوه خدامه

Sunday, November 05, 2006

أقفلوا أسواق النخاسة .. و كفاياكم لعب فى الهرمونات


مش خلاص بقى – كفاية لت و عجن : التحرش الجنسى فى مصرالسعار الجنسى يصيب شباب مصر – هتك الأعراض علنا فى وسط القاهرة – ثورة الجياع : جنازة و م شبعانين لطم.
واضح تماما المبالغة فى هذا الموضوع و زى مالاحظت ان شهود العيان هم فقط المدونين و حتى صور الزحمة( اللى مش واضحة بالمرة) اللى قدام السينما نقلا عن المدونات برضه- حتى الصحف القومية و المعارضة بتبدأ كلامها : نقلا عن مدونة عالأنترنت حدث كيت و كيت .... !!!
الله .. هو فيه ايه يا بشر – ماتحسبوها صح – الموضوع غير كده تماما و ماحدث من تجمع شبابى فى وسط البلد و أى حركة نص كم صدرت من شاب ليها تفسير منطقى جدا و متوافق مع فسيولوجيا البنى آدمين :
بقى اللى حصل انه موسم أفلام العيد كما هو معروف من زمان موسم جامد جدا للأفلام و لكنا – كجمهور- كنا لا نشعر بما يحدث خلف الكواليس و لكن ماحدث هذا العام يا ساده يا كرام انه انقسم منتجوا و موزعوا أفلام العيد الى حزبين : و بدون الدخول فى تفاصيل لا تعنينا استخدم كل حزب كل أسلحته للترويج لفيلمه : حزب فيلم "عليا الطرب بالتلاته" و الآخر حزب فيلم "كامل الأوصاف" –
و الدنيا اتقلبت لسوق نخاسة : قررررررررررب قرب عندنا جوارى و عبيد من كل لون و شكل ادخل يا سيد و عاين بنفسك - متع عينك و ستجد مايسّرك – جوارى تحل من عالمشانق : بترقص و تفتح و تصور سيديهااات و عندنا عبيييد من كل مكان و انقلبت الليلة الى سوق نخاسة بمعنى الكلمة : طلعت الفاضلة دينا فوق العربيات على قارعة الطريق ترقص للشعب المصرى على صوت سعد الصغير قوى و الفاتن ريكو وخريج الستار إصلاحية محمد عطية كلمات رائعة : العنب العنب العنب - أرجوكم عيشوا معايا اللحظة : دينا (وهى عَََلَم) بشحمها و لحمها و .... بترقص لك يا باشا .. أيوه انت ..و جنابك بتستحضر فى ذهنك السيديهايه اياها – فاكرها؟؟ أيوه هى دى – و فرقة سعد الصغير أوى" تلامذتها" بيتنططوا حواليها برضك بشحمهم و لحمهم و .... أيوه ليك انت برضه... و لامؤاخذه اتنين صبيان عوالم بيغنولك : انهاردة فرحى ياجدعان .. ماشى يا عمى؟؟ و مفيش مانع يكون أصحاب السوء كانوا عازمينك على سجارة بانجو أو قرصين صراصير ( حيث يعرف العيد الصغير برواج شديد لسوق المخدرات : راجع حجم الظبطيات قبل العيد بكام يوم) – و هنقول انك طالب جامعى : بتشوف فى "الحرم" الجامعى مالذ وطاب و هنفترض برضك انك بتركب مواصلات عامة "و ياريت لو ميكروباصات تحديدا" و ياسلام لو كنت بتتفرج على ميلودى ارابيا – ماشى يابا –
هاتلى بقى أبو الهول فى اللحظة دى و تخيل معايا بقى ايه اللى ممكن يحصل له "فسيولوجيا" !!!!!!!!
مصر شبابها زى الفل – شباب أى شعب ده اللى يقدر يستحمل اللى بيحصل و فى الآخر يقولك سعار .. تحرش .. هياج غير مبرر .. يعنى تلعب فى الهرمونات و تقوللى جرالهم ايه؟ ترمى عود كبريت مولع فى قلب صفيحة بنزين و زعلان قوى انه ولع؟؟
اللى أنا فعلا مستغرباله : يعنى الحكومة مش قادرة على شوية ال... دول ؟ مش لاقيين لهم تهمة؟ طب مشوها اشغال طريق و جرجروهم عالقسم زى مابتعملوا مع محاسن أم العيال اللى قاعدة بمشنة كوسة فى سوف الجيزة ولا عطوة بتاع الكشرى اللى كل مايصلح عربيته تيجوا تدغدغوها له – ماتنضفولنا بقى البلد من البلاوى اللى شبهونا و جرسونا فى كل العالم – داحنا سمعتنا بقت طين و يقولك : فن ....حرية الفنون ... الفنان سفير الشعوب ..
مش طردتوا عمرو خالد و قلتوا بيسبب فتنة بين الشباب ؟ الدكتورعمر عبد الكافى ؟ الشيخ وجدى غنيم؟ ألخ ألخ.. ماكنش أولى بالطرد شوية الزبالة دول؟؟ الواحده مننا بقت مكسوفة تقول انها مصرية بسببهن و بسبب عهرهن – احنا اتاخدنا فى الرجلين.
و من موقعى هذا أنا بعتذر لكل الشرفاء المصريين , بعتذر لكل من تهمه مصر , بعتذر لكل الأمة العربية عن خذلان مصر(اللاأرادى) لهم بسبب انتساب أمثال هؤلاء الحثالة لنا - و أحب ان أؤكد ان دى مش مصر و احنا لا جالنا سعار و لا حاجة – مصر زى ماهى : الأم و الأخت الكبيرة – النيل و الهرم و خير جند الأرض - مصر أحمد زويل و الشيخ الشعراوى و أم كلثوم و عبد الحليم – مصر تمر حنه و ورد بلدى و كرم و شهامة و رجولة – مصر صلاة تراويح و صلاة عيد و مستقر آل البيت – عمرنا ماهنكون لا رقاصين و لا طبلجية و لا قوادين – و هتفضل أمان زى ماربنا ذكر فى القرآن .
بس أرجوكم أدعولنا – احنا تعبنا قوى و الله العظيم تعبنا قوى و يارب بقى يزيح الغمه – قااادر يا كريم

Labels:

56 Comments:

  • At Sunday, November 05, 2006, Blogger khalid jarrar said…

    eh il gamal da ya sis?:))
    ra2i3a o mota2alliqa like always:)

    you are right, il ra22asat o ashbahohom, have effected the image of egypt badly. i was so surprised when the first member of my family went to egypt couple of years ago, and came back telling us how conservative the society is, and how its almost not normal to see a girl not wearing 7ijab in the street etc.
    did i tell you that my little bro is studyin in il qahira now?:)))
    he loves egypt so much, and is having great time:)

     
  • At Sunday, November 05, 2006, Blogger Sampateek said…

    لا شك ان كل ما يحيط بالشاب العربي يدعوه بعنف الي الانحراف من فيديو كليب و افلام و سيديهات و ارتفاع مهور و قلة البنات المحترمات الفضلوات

    المجتمع هو المسئول الاول و الحكومات العربية هي المسئول الثاني
    و كل اب و ام هم المسئولان الثالث
    اضم صوتي الي صوتك يا غاليتي تمر

    تعالي نضحك قبل ان نجف من الدمع

     
  • At Sunday, November 05, 2006, Blogger abu elleil said…

    إقتباس
    هاتلى بقى أبو الهول فى اللحظة دى و تخيل معايا بقى ايه اللى ممكن يحصل له "فسيولوجيا" !!!!!!!!

    تعليق
    كانت "نزلة السمان" غرقت من زمان
    :)

     
  • At Sunday, November 05, 2006, Blogger حاول تفتكرنى said…

    تمر حنة
    لا اعرف لماذا تجاهلت كل البلوجات التى تناولت هذه القضية منذ بدايتها ، ربما اعتبر حديثى عنها - مع انى مش حاجة - يعطى للموضوع قيمة وأهمية كبيرة لا يستحقها من بعيد قريب او بعيد
    ولكن لانكِ كتبت فى الموضوع وتناولتيه بالطريقة التى تعودنا عليها منك فى البحث عن الجذور المصابة وترك الاراق فأنها ستقع من تلقاء نفسها ، فأحب ان اؤكد ان الحرب شغالة من زمان من أكثر من 100 سنة ولكن الشخصيات متباينة ومختلفة فالطابور طويل قبل دينا ( الاوكوشة ) خريجة الآداب ولن ينتهى عندها فبوسى سمير استلمت راية ، ونحن كما نحن شباب وكهولا واطفالا ونساءا أكتسبنا قيما رغم هذا الطابور ولن نتنازل عنها ، واذا كان هناك قلة من الشباب اصابها عدوى انفعالية جراء مثيرات مختلفة فهولاء الشباب ضحايا لهذه المثيرات وضحايا لسلوكهم الجمعى ، فلو كانوا فرادى لن يسلوكوا هذا السلوك حتى لو كانوا اولاد ( غوازى ) - مع اعتذارى للفظ -

    ولا انكر انى بعد قراءة مقالك حاولت القراءة فى افكار المدرسة السلوكية فى علم النفس تلك الافكار التى جعلت الإنسان يسيطر على الاسد ويجعله يرقص على رجل واحدة وجعلت الدببة تلبس تايير والفيل ابو زلومة يمشى على الحبل برجل واحدة

    وكيف قام بافلوف - العالم الروسى - بأكتشاف نظرية المثير والاستجابة بالتجربة الشهيرة على الكلب ولعابه
    وتمنيت ان لو كان بافلوف لسه عايش او ثورنديك او حتى واطسون رواد السلوك وتواجدوا امام السينما المذكورة وتعرضوا لكل هذه المثيرات من رقص وطبل وعري ، وفى هذه المعطيات عيد وكل عام وانتم بخير يا جناب الكومندا المهم ، واآف السوماتك التى ترتديها المراهقات والجينس اللى مبين الاندر ويير ، ومحدش شايف حاجة ومحدش هامه حاجة ، اعتقد ان الجماعة الرواد دول كانوا نسوا علم النفس وسنينه وصرخوا باعلى صوت وقالوا ( فلتحيا الفنكوش) وكله ماشى

    سيدتى الفاضلة
    المسألة مش مسألة سلوك
    القضية قضية مثير
    فبلدنا امان ، وهكذا وصفها رب العرش العظيم فى كتابه العزيز ( أدخلوا مصر إن شاء الله آمنين)ولكن اين مصر ، ومن يطلب هذا الأمان
    لكل فتاه تطلب الأمان فالأمان له شرط وحيد هو الوقار والاعتدال والحشمة ، والقصد فى امشى كما وصى لقمان الحكيم ابنه

    اشعر انى اطلت وجنحت بالموضوع بعيدا لذلك وجب على الاعتذار

    تحياتى

     
  • At Sunday, November 05, 2006, Blogger Mostafa Maher said…

    الموضوع مش مبالغه خالص على فكره.. هو كان مسكوت عليه .و في تزايد
    لو نزلتي وسط البلد خصوصا.. لازم تقابلي حاجة من دي اقل قليلها بنت بتتعاكس بمد ايد .
    ايام ما كنت فالمدرسة كانو مسمين الشوارع اللي حوالين المدرسة بـ dangers area من العمايل اللي بتحصل.. و المدارس اللي فالمنطقة بتنبه على البنات متعديش من هناك و كل ام بردو خصوصا فترات الدخول و الخروج رغم ان ادارة المعادي التعليمية فقفا المدرسة على طول الا ان الموضوع بلوظة خالص.

    فتخيلي ان كل تجمع شبابي بيكون خطر على اي بنت . الموضوع دا من سنين .. و محدش تصدى له .. و النتيجة ان اي بنت بئت مستباحه وسط المارة في ازحم مناطق القاهره دون تدخل اي بنى آدم ولا غفير حتى مش ظابط هقول ... و لما الموضوع يحصل يوم الوقفة و ايام العيد الثلاثة و كله بيكذب او مش عايز يصدق فدا هيزود الموضوع .. لازم يكون فيه امن فالشوارع و عقوبة لامثال هؤلاء اللي عرونا على رأيك..

    بس اعتقد ان تلت تربع دول العالم عندها فيديو كليب و افلام و يمكن بورنو كمان بس شبابها مبيعملش كدا ... لان في امن شايف شغلة و مش بيجري ورا المتظاهرين و البياعين فالشوارع و سايب البلد تولع... و في احترام للآخر و دا اللي منسمعش عنه حاجة فبلادنا العربية

    و سلامي ليكي عشان بئالي كتير معتبتش عندك

     
  • At Sunday, November 05, 2006, Anonymous احمد فتحى - انها حقا تمرمنطق said…

    عزيزتى تمرمنطق

    لم اجد من تناول هذا الحدث بتلك الموضوعيه وفى هذا الاطار الصحيح الذى ربط بين المقدمات الواقعيه والنتائج المنطقيه إلا تمرحنه على مستوى المدونات ، وإلا جريده اسبوعيه وحيده على مستوى الصحافه ، وماعدا ذلك فالكل غارق اما فى بحر التهويل وكأن الامر ظاهره عامه ، او التهوين وكأن الامر لايعدو مجرد زحام عيد ، وإلى كلا الفربقبن انضم وتماهى معه مستغلا الفرصه اصحاب الاهداف والنوايا المستتره.
    اتمنى ان يتعلم منك كثير من المدونين كيفية طرح ومعالجة الموضوعات بالفكر المتزن والواعى لحقائق الاشياء وبالاستنتاج المنطقى المبنى على واقع ملموس وليس على انطباع

    ومن زاويه اخرى يمكننا القول بانه ربما مانحسبه الآن شرا فى ظاهره ، هو فى باطنه غطاء ساتر لخير قادم من عيون المتربصين ، ولعل تلك النتائج هى مقدمات لما هو اكبر واخطر وهكذا حتى تشتعل الدائره لتحرق صانعها وينقلب السحر على الساحر ، ويكون حقا تدميرهم فى تدبيرهم

    ربما ذلك الذى حدث ومر مرور الكرام يكسر حاجز الخوف لدى الاغلبيه الصامته وتنتابها حالة هياج تحت تأثير الفكر الجمعى غير الموجه لتشعلها نارا تحرق الخبث وتستبقى الطيب فى نقاء وجلاء

    عذرا للإطاله
    وتحياتى مع عظيم التقدير

     
  • At Sunday, November 05, 2006, Blogger ahmedsobhy said…

    والله العظيم انتى بمائةرجل هى ده مصر وهم دولا المصريين ثقافة ووعى مش ناس راكبة الموجة ونزلة تشريح وشماتة وفرحةفى المصايب اللى بتحصل لاخوتنا وبناتنا وزوجتنا وامهاتنا ارفع قبعتى احتراما لك
    مدون جديد أحمد
    www.ahmedsobhy.blogspot.com

     
  • At Sunday, November 05, 2006, Blogger عمر said…

    تمر حنة: بصي أنا عادة بتعجبني آرائك بس المرة دي حختلف معاكي، حكاية "اللعب في الهرمونات" دي فيها تسطيح جامد جدا للموضوع، وحضربلك مثل بنفسي علشان مش طالبة معايا تنظير النهاردة: أنا شاب مصري في منتصف العشرينات غير متزوج ومعرض لكل ما تطلقي عليه "لعبا في الهرمونات" من أفلام إلي انترنت إلي أصدقاء سخفا بيصروا علي الكلام في تلك المواضيع،وطبعا الحاجة الجنسية إحساس طبيعي زي الجوع بالضبط ومن غيره سينقرض الجنس البشري، وأيضا حعترف انه في فترات الاضمحلال الفكري والنفسي بيكون من الأسهل أن تثير انتباهي فتاة في الشارع إذا كانت مثيرة نسبيا (واقصد بنسبيا بالنسبة للأغلب الأعم من الماشيين في الشارع) يعني أنا دلوقتي في أمريكا، مفهوم "مثيرة نسبيا" دة مختلف عنه في مصر، ولكن أن يصل الأمر إلي التحرش الفعلي دي مسألة صدقيني مالهاش علاقة بالهورمونات إطلاقا، لسبب بسيط وهو ان التحرش لا يشبع الحاجة الجنسية، إنما يشبع رغبة نفسية في الإيذاء

    صدقيني المشكلة أكبر من أفلام العيد والكلام دة، فيه مشكلة نفسية واجتماعية خطيرة، معني ان واحد يروح لواحدة ما يعرفهاش ويمد إيده عليها إنه يحمل في قلبه قدر كبير من الاحتقار لنفسه والاحتقار والاستهتار بالآخر

    أناشايف ان فيه عدةأشياء لو كانت موجودة في بلدنا كانت ستمنع تلك الظاهرة: أولا نظام تعليم محترم يشعر الإنسان بقيمته، ثانيا خطاب ديني أكثر عمقا، ثالثا تكافؤ في الفرص، رابعا نظام أمني محترم يقوم علي تطبيق القانون

    وطبعا كل الحاجات دي عمرها ما حتتحقق في ظل القيادة الحكيمة للزعيم المزمن قائد الطلعة الجوية، وربننا قادر علي كل شيء

     
  • At Sunday, November 05, 2006, Blogger واحد من الناس said…

    ارجوا ان تراجعي نفسك جيدا ولا تدفني رأسك في الرمال
    فالحل في المواجهه وليس الهروب
    وما حدث هو للأسف حقيقه و الحقيقه دائما مره
    وياريت تفري الي انا كتبته في البوست بتاعي وتقولي رأيك

     
  • At Monday, November 06, 2006, Anonymous احمد فتحى - كلام كتير said…

    الى الجميع

    كل ما ذهبتم اليه من آراء هى بالفعل صحيحه اعتمادا على زاوية رؤيا كل منكم للأمر ، لكن لننظر الى الأمر نظرة طائر من اعلى حتى تكتمل الصوره
    سنجد ان كل الاسباب والعوامل التى ذكرتموها لتعليل الحدث هى اسباب وعوامل حقيقه ولكنها ليست بالجديده على المجتمع كما انها هى هى نفسها التى ادت الى تردى كافة الاوضاع وعلى كافة المستويات ، حتى فى علاقة الرجل بزوجته ، لذلك يجب ان ننحى تلك العوامل المشتركه جانبا ليتضح العامل الفعال وحيد الصله ، وكما ذكرت ووصفت تمر حنه مسرح الاحداث ، ماذا نتوقع ان يحدث فى مثل هذا الجو وعلى تلك الخلفيه.

    ومن جهه اخرى ، لانعول على التربيه والاخلاق كثيرا فى كبح جماح تلك الغريزه ، لابد ان يتعاون المجتمع ككل على ذلك بمراقبة سلوكيات افراده وتقويمها اولا وتيسير امور الزواج ثانيا.

    كما ان التربيه الدينيه والتدين لايستطيعان فعل ذلك منفردين ، غاية الامر انهما يعينان على العفه ترهيبا من العقوبه المغلظه ، وبدون تنظير ايضا ، لنرجع الى القصص

    النبى يوسف عليه السلام والقصه معلومه ونذكر بأنه لم ينجو إلا ببرهان من ربه وليس بنفسه

    النبى موسى عليه السلام وفي قصته وضوح اكثر للصوره ، لماذا عندما كان متجها لمقابلة والد الفتاتين جعلهما تسيران خلفه وتوجهانه للطريق الى المنزل؟
    مع انه نبى معصوم ومع ذلك خاف ان تسير الفتاتين امامه وفد تستغرقان بصره

    إن اول من يدخل الجنه شاب دعته امرأه جميله فاستعفف وقال انى اخاف الله.

    لكن هيهات وخاصة فى زماننا هذا

    هل لك ان تتخيل وضعك بين باب الجنه (الغيب) وباب دعوة دينا لك (المنظور)، والله لن تستطيع وانا لن اسنطيع وسالبى دعوة دينا

    لنكن موضوعيين , هناك فتيل اشعل تلك القنابل الموقوته والممقوته ايضا وأيا كانت وحشية واجرام وشبق هؤلاء ماكانوا ليجرؤا على فعل ذلك فى اجواء عاديه لولا تهيئة المزاج بحفلة الزار المفتوحه للجميع فى ذلك اليوم

    واخيرا هذا ليس دفاع او تبرير لفعل على وجه الخصوص ، ولكنه مجرد نقاش وجدل حول حاله او قضيه على وجه العموم

     
  • At Monday, November 06, 2006, Blogger تمر حنه said…

    khalid Jarrar
    هل هلالك يا خالد - و الله ليك وحشه
    ماهو ده اللى بنقوله - ان الأعلام بقوته و تأثيره بيعطى انطباعات سيئه أو جيده على الشعوب بخلاف الواقع - و الشرفاء بيروحوا فى الرجلين - و بالنسبة لأخوك اللى فى مصر مانا بقول أتارى مصر منورة و فيها حد من ريحتك. و النبى ماتطول الغيبة علينا

    كلبوزتى
    و أنا كمان أوافقك بشدة
    مش هنجف من الدمع ان شاء الله يلبنتى سبحانه اللى قال : "ان مع العسر يسرا" فرجه قريب - و هتشوفى

    أبو الليلالى
    طب الحمد لله - ربنا سترها على نزلة السمان و كويس قوى انهم نقلوا رمسيس فى الوقت المناسب الا كات بقت سداح مداح
    شكرا على الأغنية

    حاول تفتكرنى
    شكرا على التعضيض بصورة علمية و هذه المناظرة العلمية هى ماتنقصنى دائما - لانى لست قارئة جيدة
    اذا كان الأنسان يستطيع تغيير سلوكيات الوحوش ضد الطبيعى باستخدام منهج مدروس و الكثير من المحاولات المتكررة و المثابرة , اذن هناك أمل دائما
    وجود أمثالى و أمثالك من المصريين الذين لايزالون يؤمنون بمصر يجب ان يكونوا هم مروضوا الوحوش - ولابد للصبح أن ينجلى

     
  • At Monday, November 06, 2006, Anonymous Anonymous said…

    This is the first time I join a "blog" discussion. So hi every one. At first, I was sickened with the story. But after i read so much about it in the BBC post, I am convinced (may be because I want to) that it was a hype. The whole episode sounds like a "port-saeedy" story telling. Like the part on the taxi driver who fought may be 100 would be assailants. yeah right!! Also, how many shops are actually open during the Eid??
    Having said that, I am convinced that people are angry the "awbash" are now the majority of people living in Cairo. And yes, most Egyptian men will try to pick up any girl(s) walking down the street so let us not pretend we are ok. The moral fabric of this country has been defiled by moth. It is corrupted and I think we are condemened to slow decay. We are all guilty even if nothing happened during the Eid!!

     
  • At Monday, November 06, 2006, Blogger themidas-egypt said…

    I know this sounds crazy. But they need to allow legal hookers back in Egypt!!

     
  • At Monday, November 06, 2006, Blogger themidas-egypt said…

    Well refernce to my suggesstion below. Please visit my blog and let me know what you think.

     
  • At Monday, November 06, 2006, Anonymous Anonymous said…

    Hallo Tamr_hennah, i have something to sAY I HOPE I CAN DO IT. SOME BODY ASK ME FROM LONG TIME ABOUT MY MEANING ABOUT THAT gIRLS ARE RESPONSIBEL FOR WHAT IT HAPPEN; I SAID IT IS VERY IMPORTANT THAT WE CAN THINK AND BEHAEVE LIKE HUMENBEEN; BUT THERE IS SOMETHING ELSE WHIS IS ALSO VERY IMPORTANT; ( OPEN market:" sok maftuh") , if u have some fruts or if u by some meet and u want to use it the next day u will not leave it on the stairs , but u will keep it in ur home other wiss evry one how have a littel bit hungry will think u dont need it very much ???? do u get me?
    NAgdi

     
  • At Monday, November 06, 2006, Blogger tota said…

    العزيزة تمر حنة
    انت فعلا اقرب فكر صادفنى متفق معايا فى الحدث

    ملابسات الحدث هى فعلا العامل الاساسى التى يجب ان نعتمد عليه لانها هى المتغير الوحيد اما باقى المتغيرات فهى متواجدة كل يوم نفس الافلام والكليبات والانترنت والشباب نفسهم تحت نفس الضغوط ونفس الكبت
    فجأة اصيبو بهذا السعار تانى يوم العيد لازم يكون فى سبب اضافى

    معترفين ان فى معاكسات وتمتد لتحرش بس الصورة المهولة للحدث غير مستساغة فكريا ولا يوجد اى دليل منطقى عليها
    لا صورة تؤيد الحدث وتضارب ملحوظ فى اقوال الشهود وهذا لا يؤكد الحدث

    المدونون ذاتهم وسلبيتهم الغير مفهومة وتصرفهم تجاه الحدث بالتوثيق بمجموعة صور غير واضحة وكنت اتصور ان رد فعلهم هو واحد يصور مجموعة الصور التى لا تدل على شىء هذا من باب واجب الصحافة والتوثيق والسبق الصحفى طبعا اما باقى الشهود الستة فمن غير المنطقى هو وقوفهم فقط على رأس الشوارع لمنع الفتيات الاخريات من المرور ليه مكنش حد لابس حزام ولا عنده حجر فى ايده ينزل بيه ضرب وهو متخيل ان دى اخته او امه

    اؤيد فكرة ان التحرش الجنسى فسيولوجيا لا يؤدى غرض الاشباع وانها حالة مرضية سيكولوجية وهذا دليل اخر على انه من الصعوبة تجمع كل هؤلاء على نفس ذات المرض والا يبقى شبابك يا بهية كلهم مرضى نفسيين

    هذا ليس هروب من مواجهة الحقيقة فالحقيقة اننا لسنا فى المدينة الفاضلة وعندنا اخطاء ومشاكل وبطالة وتحرش وكل شىء وهذا موجود فى اى دولة اخرى ذات اقتصاد وانفتاح وانحلال

    اذا لنرفع ايدينا عن بهية كفانا ما نحن فيه لا ينقصنا اضافة كارثة عدم امان وتخويف وفزع لبنات بهية
    بنت بهية اللى خارجة مش لازم علشان تتفسح علشان تشقى على بيت وعيال عايزة تمشى فى شارع امان

    لو كان ده حصل فعلا فالعيب مش على بنت بهية ولا على اللى عملو كده
    العيب على كل راجل شاف الحدث قدامه وما تدخلش وادى درس لكل متحرش يعلمه فيه احترام الشرف واعتقد ان الكلمة دى بتوجع اى راجل اقصد كلمة الشرف لما يشوفه بينداس كده

    اشكرك فعلا على البوست ده يا تمر يمكن خرجنى عن صمتى بعد ما تعبت من الدفاع
    تحياتى

     
  • At Tuesday, November 07, 2006, Blogger تمر حنه said…

    Mostafa Maher
    معلش يا عم مصطفى – تلات تربع بلاد العالم فعلا عندهم كليبس و بورنو موفيز و ستريبتيز رسمى و ميرى و حريم دينا ماتسواش حاجة فى أسواقهم – لكن فيه هناك (أوروبا و بعض الدول المتقدمة) بشرية مش فايقة للمسخرة – بشرية دماغها شغالة أربعة و عشرين ساعة – لازم يصحوا الفجر يجروا عالمدرسة و الجامعة و المكتب و السوق و الحياة .... عارفين انهم لو دماغهم ماشتغلتش هيتفرموا – لو واحد صحى الصبح مولع و درجة حرارته عدت الأربعين هيتعكز و يروح السبوبة بتاعته عشان مايترميش مع الهوملس ( الذين لا يملكون مأوى)و لو واحد ماجابش الخطة الموضوعة له من قبل النظام أو لم يجدد – تانى يوم هيتألش و ييجى اللى يحل محله
    مفيش حاجة اسمها أمضى لى و لا أجيب شهادة دكتور مضروبة و لا و حيات النبى آخر مرة و وشرف أمى ماعدت أغيب ولا شكاوى فى مكتب العمل من تعسف المديرين – و لما بيعملوا مسخرة – لامؤاخذه بيعملوها برضه زى الكتاب مابيقول- (راجع ليالى السبت عندهم)
    الناس دى عارفة يعنى ايه مسئولية لأنه لا هواده معهم و لازم يطبقوا سيستم – السيستم ده يا درش هو كتابهم السماوى الذى يطبق بحذافيره و هذا آخر شئ يتبع فى بلدنا – مع ان القاعدة الأولىفى الحياة : سواء بيت – غيط – شغل – مدرسة – قهوة – نادى حكومة – دين – دوله ........ هو النظااااام أى السيستم
    و مع فراغ مكان السيستم يا أخى فى الأنسانية كلنا ضايعين – أنا و انت و صحابك بتوع مدرسة المعادى الثانوية العسكرية (مش صح؟) مش عارفين نعمل ايه أمتى و ازاى
    و من تداعيات عدم وجود السيستم : عدم وجود عقوبات رادعة و السماح بالكوسة للتخلص من أى مزنق
    يا مصطفى اسمح لى : منتهى الهوان ان يقف على باب كل مدرسة عسكرى و لكن الصح هو انه لو ولد اتقفش بيتحرش ببنت يتجرر من قفاه (رسمى و ميرى) و يتلقح فى القسم – ولا يسمح له بالأستنجاد بأبوه (ماهو لازم الأب كمان يتلسع عشان يصحح للواد و يربى صح) أو أبو حد تانى و يتطبق عليه عقوبة تتناسب مع دين الدولة اللى هو عايش فيها : حبس – جلد – قطع ايده – قطع اى حاجة – و استرضاء البنت و أهلها بالطريقة التى تروق لهم و يجب عدم التهاون و منع الأستثناءات تماما
    حطيت لك ايدك 0 لامؤاخذه عالجرح؟) يبقى مش المفروض لا الأمن يجرى ورا دول و ولا ورا محاسن أم العيال – و لكن يضع سيستم صحيح بعقوبات بنت كلب – تحرق بصحيح و الدور و الباقى عالسلطة التنفيذية ....... و دى ليها كلام تانى خالص – ألا صحيح تحب السلطة خضرة ولا طحينة؟؟

     
  • At Tuesday, November 07, 2006, Blogger تمر حنه said…

    أحمد فتحى
    عارف يا فتحى المسأله لاهى منطق ولا وعى أنما بغمض عينى و أحس – و بابقى متأكدة ان اللى هقوله متوافق مع "ضمائر" الآخرين بغض النظر عن أقلامهم – ليس لى مصلحة لا فى تهوين أو تهويل – بحب البلد دى أوى أوى أوى ياحمد و صعبانه عليا أوى أوى أوى– عندى فرص نادرة عشان أسيبها – يمكن ماديا هاتنطر فوق قوى – لكن هسيبها لمين؟ أجرى؟ أهرب و انت تهرب و نسيبلهم الهرم و النيل و قناة السويس و البترول و الآثار و شرم و الغردقة و مارينا يغرفوا منها و يملوا كروشهم ؟؟
    بالنسبة للزاوية التانية : عندى نفس احساسك – شعور خفى بالتفاؤل – فمن جهة تدبيرهم فهو فعلا و يقينا تدبيرهم – أليسوا هم من أباحوا فوازير رمضان فى نفس توقيت صلاة التراويح؟ أليسوا هم من سجنوا أبو الفتوح و تركوا دينا ؟ أليسوا هم من سمحوا بالبورنو كليبس و روبى و بوسى سمير و هيفا و مروة و اللاتى أصبح حريمها و شبابهاا موديلز لأولادنا الذين يرهقوننا كثيرا فى محاولات اثناءهم و أقناعهم باننا يجب ألا نتخذهم قدوة و طول النهار خناقات مع العيال: يابنتى الحمالات كده حرام – يابنى البنطلون الساقط اللى مبين لامؤاخذه – لباسك ده عيب – يا بنتى شكلك نيله و تكون الردود – الله يا ماما ماكلهم عاملين كده – انتى من زمن الديناصورات ولا ايه؟على آخر الزمن و بسبب "هم" أصبحت الفضيلة من شيم الديناصورات
    ربما – كما قلت ماحدث يكسر حاجز – يكسر صمت – يكسر نافوخ حد مهم – المهم .... عذرا للأطاله - خالصين

     
  • At Tuesday, November 07, 2006, Anonymous احمد فتحى - العدل said…

    صدقت توته فيما قالت :

    "لو كان ده حصل فعلا فالعيب مش على بنت بهية ولا على اللى عملو كده
    العيب على كل راجل شاف الحدث قدامه وما تدخلش"

    ومصداقا لقول توته ، هناك حدث تاريخى ، فلقد دخل على سيدنا عمر وسيدنا على رضوان الله عليهم فوم يمسكون بتلابيب قاتل لعرضه على عمر للحكم فيه ، فاستدعى الشهود ، فاجمعوا على ان القاتل كان يطارد المقتول فى الطريق دون ان يدركه ، فإذا بشخص يقطع الطريق على المقتول ويعرقله ويمسكه فيدركه القاتل فيقتله.

    فال سيدنا عمر : فليقتل القاتل .

    هنا نهض سيدنا على منفعلا وقال : والله ما هذا حكم الله !!!!

    ثم استطرد : من قتل يقتل جزاء وفاقا
    ومن امسك بالقتيل قبل ان يقتل فليحبس حتى يدركه الموت فى محبسه لانه حبس القتيل بين يديه حتى ادركه الموت على يد القاتل
    ومن شاهد الواقعه ولم يتدخل ليمنعها فلتفقأ عيناه

    ورضى الله عنهم اجمعين

    حقا هكذا يكون العدل ولكن

    نزل العدل بمصرنا وناجى ربه قائلا :

    اللهم انك خلقتنى وانا العدل
    اينما حللت فانا دائما عدل
    حللت يمصر فإذا بى انا المظلوم

    تحياتى

     
  • At Tuesday, November 07, 2006, Blogger تمر حنه said…

    Ahmedsobhy
    مبروك يا صبحى انضمامك للعائلة التدوينية – كلنا هنجيلك و نبارك و نضرب نار كمان
    متشكرة على الكلام الذى أتمنى أن يكون لى فيه نصيبر – واخد بالك ان فيه ناس كل قضيتها انهم يشمتوا فى الحكومة و يسلطوا الضوء على التقصير الأمنى فى هذه الواقعة تحديدا – اتهموا الأمن بالتقصير فى التواجد فى أماكن وقوع الحدث و لم الليلة – اذا كانت حدثت بالفعل – و لكنهم تركوا غلطة الحكومة القديمة فى التهاون فى وضع الأنظمة – لم يلوموا الحكومة على سماحها بالمجون فى شوارع عاصمة أكبر دولة اسلامية – نفسى أقوللهم لو عايزين تشتموا – ليكوا حق بس اشتموا فى الموضع الصح – نورت يا صبحى

    عمر
    أنا بقى مش مختلفة معاك – أقرأ ردى على تعليق مصطفى ماهر – بس عندى تحليل لموضوع النسبية فى الاثارة : دين الدولة الرسمى و عادات و تقاليد مصر تجعل من الممارسة الجنسية الكاملة و التى تشبع غريزة الرجل و المرأة حد سواء فى مكان ما من الصعوبة الا اذا وضعت فى اطار شرعى و رسمى يتطلب المال و الجهد و الوقت و ده لمصلحة الأفراد نفسهم – وجودك فى أمريكا بالطبع يجعلك تلمس مشاكل اختلاط الأنساب و حمل المراهقات ....- و بالتالى يصبح موضوع الممارسات الجنسية و ماقرب اليها من قول أو عمل هو الشغل الشاغل للكثير من الشباب و المراهقين فى بلادنا – و من منطلق ان الممنوع مرغوب مع قصر اليد – و لخبطة النظام الأعلامى التى لا تتناسب بالمرة مع امكانيات المطرح حدانا – وصل معدل الهرمونات لأعلى معدل : شحن ..شحن ..شحن .. و صعوبة شديدة فى التفريغ - حصل عندهم شورت فى النافوخ قافلة يعنى – فيقولك اخبط و اجرى فى الزحمة أهو ينوبنا مالحب جانب –عندنا مثل يقولك : اتجمز بالجميز لحد مايجيلك التين – أهو احنا بقى اللى فتحنا البرميل من قعرة – خدنا زبالة الغرب و تركنا وش القفص - برضه عيب سيستم . و بقولك : مصر عايزاك ياعمر


    واحد من الناس
    يعنى عايزنى أقولك : أيوه البنات انتهك شرفها فى الشارع و العيال جالهم سعار جنسى و هيجان غير مبرر و الداخلية كخ كخ و دينا دح دح – ماشى أ"دينا" قلناها – و بعدين مش لازم ياواحد نفهم جدور الموضوع و مين السبب فى الموال و ازاى يحصل تغيير مظبوط عشان لما نقف قدام الخديوى توفيق فى ميدان المنشية و يقولنا ايه طلباتكم يا صيع نعرف نحدد عايزين ايه؟ ولا عايزها سوده و كحلى و نكره أم البلد و نجد لأنفستل ألف مبرر للهروب ؟؟ مش برضك كده أفيد؟؟ألا اشمعنى يعنى ميدان المنشية اللى اتقابلوا فيه يا واحد؟


    أحمد فتحى
    رائع و ممتع – مقدرش أرفعلك الطرحة (غطاء رأسى) و لكن تخيلها قبعة


    Anonymous
    و بعدين .. حضرتك دلوقتى كل اللى عملتوا انك بتحاول بأقصى الطرق انك تنقل لنا أحساسك بالأكتئاب الشديد من أحوال بلدناااااااااا التى وصل الفساد الى أعمق نقطه فى عمودها الفقرى – فهمتنا ان كل الرجالة شمامين و البنات سهله – طب و بعدين؟؟ أحيي قدرتك على الملاحظة و التحليل و تمكنك الشديد من اللغة الأنجليزية (و مالو العربى) اقرا تعليقات البشريه اللى فوق و الردود عليها و اعرف مين القاتل و مين القتيل – أوعى تخلط الأوراق – أوعى تيأس – ممكن تقول ان عيال الدولة مش متربيين و هقولك صح مالقوش اللى يربيهم و ده مش ذتبهم – بص يا أنونيموس يوم ما أبنك يغلط : المنطق بيقول انها غلطتك انت : ايتس يور فولت لأنك معرفتش تربيه – يوم ماتحرمه من المصروف من غير ذنب و يروح يسرق من شنط زمايله عشان يشترى قزازة ميه ساقعة لانه فعلا عطشان و هيموت من العطش يبقى هو مش غلطان : ايتس يور فولت لأنك مقدرتش احتياجاته الغريزيه فى الشرب و الدنيا حر – احنا حاليا صلاحياتنا أقل بكتير من رسم خريطة أخلاقية لدوله لأننا بننساق زى الدونكيز و لامؤاخذه –بص لها كده

     
  • At Tuesday, November 07, 2006, Blogger تمر حنه said…

    Themidas-egypt
    و النبى لامؤاخذه هى مش ناقصة – أهو انت من يطفئ الرماد بالنار
    ازاى تقترح ان الدعارة تقنن ؟؟؟ يعنى جهنم دنيا و آخره يا راجل – طيب من جهة منطقية : برضه عايز تاخد من قعر برميل الغرب – طب ياجدع مشيها كده : أطالب بتقليد الغرب فى كل شئ : الأنظمة – مكانة البحث العلمى – الوعى الثقافى – تغيير السلم الوظيفى – الأتضباط – عدم الكذب – القضاء على الرشوة – ثم تذيلها بمقولتك الشهيرة : تقنين الدعارة - لكن مالقيتش غير الدعارة؟ و بعدين فيه حد يسمى نفسه مداس؟؟ ياريت نغير الأسم لمزيد من التواصل – شرفتنا

    Nagdi
    طبعا فاهماك – هى فعلا منظومة متكاملة – و للأسف حاجات كتير مبنية على بعض – الغلا و عدم تناسب الدخول مع الأسعار و عدم استطاعة رب الأسرة الوفاء بالتزاماته تجاه بناته – تقدر تقول هزت مكانة الأب فى العائلة و سلبته بعض الحقوق و جعلته يوافق اليوم على ماكان يرفضه بالأمس – بالبلدى : اتكسرت عين كبير الأسرة – مضطر انه يصدق ان البنت فى الشارع لنص الليل لأنها بتطبق ورديتين عشان تجهز روحها –و مع رطرطة وصلات الدش و دخولها لكل بيت جعل البنات عندها استعداد للأنسياق وراء الغلط – أنا مش بأبرر الخطأ – بس ده واقع – لو انت أب هتعرف انها أصبحت مهمة شاقة جدا انك ماتسيبش اللحمة عالسلم للكلاب تنهش فيها و أصبح فعلا تمسكنا بالدين و الأخلاق و الفضيله كالقابض على جمرة من نار - الموضوع فعلا محتاج مجهود ... قول يارب

    Tota
    واحشانى .. المدونون عينهم على سكة واحدة : القاء اللوم عالحكومة – و هى غلطتها فعلا لكن منذ سنوات و سنوات – مش ده المهم – مش عارفة ليه حاسه ان وطنية بعض المدونين تحولت الى نوع من الشماتة فى الحكومة ولو على حساب سمعة بهية – ليه خلوها تصفية حسابات؟ من تحت لتحت (فاهمانى) مش اللى حارقهم بنات بهيه – ده احساس مش أكتر
    الحاجات اللى ذكرتيها بقى هى اللى تحتاج الى اتهام الحكومة فعلا : البطالة ....و كل شئ آخر
    أما بالنسبة لموضوع الشرف يا توتا الجميلة فاصبح نسبى لأن الهرمونات ملعوب فيها بقسوة منذ سنين
    و زى ماقالت توتا محدش يحط ايده على بهية الا اللي هيطبطب أو هيمسح دموعها .... سيبوها فحالها بقى

     
  • At Tuesday, November 07, 2006, Blogger عمر said…

    أنا عايز بس أقول ان حكاية تصفية الحسابات مع الحكومة دي مهمة جدا، حتي تقوم أي نهضة في هذا البلد، لازم يكون فيه مجموعة من الإصلاحيين المجردين من الصالح الشخصية المباشرة، يعني لابد أن يبذل مجهود بدون انتظار فائدة شخصية مباشرة.. طبعا أي تقدم بيحصل في المجتمع فوائده بتعم علي الجميع، لكن للأسف هذا المفهوم غائب عن المصريين، وكل واحد يحاول أن يحصل علي أكبر قدر من المكاسب وفقا للأوضاع الحالية، حتي المتحمسين للديمقراطية منهم المستعد للتخلي عن مطالبة لصالح مكاسب شخصية، الحقيقة هناك ناس مهتمة بالمصلحة العامة لكن غير مؤثرين

    أنا بالمناسبة عارض تصور نظري لكيفية احداث تغيير للوضع الحالي في مصر عن طريق تغيير توزيع السلطة.. حاجة كدة علي ما قسم، فابقوا تعالوا يعني يخواننا ما يصحش كدة
    (لا مؤاخذة يا تمر حنة يعني الدعاية دي ما عليهاش ضرايب فا متقلقيش!)

    وحلوة منك "مصر عايزاك" دي :) دة بس من ذوقك والله، أنا كما عايزها! بس أعملها إيه منكدة عليا علي طول ومش واخدة بالها من نفسها وانت عارفة الرجالة عنيها فارغة
    :)

     
  • At Tuesday, November 07, 2006, Blogger Little 'O' said…

    I'm absolutely content with your analysis of this topic in particular and agree, to a large extent, with everything you're saying. I also believe that as much as these assaulters are criminals, they are also victims and are used as scape goats to save the government from the responsibility. El moshkela el kebeera en mafeesh 7ad beykhaf min 7aga aw min 7ad. If someone believes that the solution would be to provide security then they're absolutely mistaken. Let me explain. During my 4-year stay in Egypt, I spent most of my time in and around the Downtown area. Other than the many accounts I witnessed in the street, I have been provoked and harrassed a countless number of times especially as I moved from campus to other in Tahrir square. Believe it or not, most of these accounts involved respectable members of our police force, from the lowest of ranks and moving high up. I'm sure you are all aware of how the area around AUC is 'secured' at all times. Yet, the many times that some form of harrassment would happen to me or a friend, police officers would either watch and ignore or get involved in it. Why would an assaulter fear anyone? Akherha eh ya3ny? 3al2a? A night in jail?
    If people would fear God, or would fear a tighter security system that is in favor of justice, harrassment would only be an exception to the normal. If everyone respected themselves and their society things would be different. If our government placed tighter control on the media and those who are polluting our society we would definitely be proud of ourselves. Let us all pray to God and think analytically to solve this issue. Bring Egypt back to its Golden days. Cheers!!!

     
  • At Tuesday, November 07, 2006, Blogger caesar said…

    تصدقى وتامنى بالله انتى واحشنى مووت مووت وفكك بقة من الكلام الكبير دة احنا عايزين بوست من بتوع زمان حاجات بالسمن البلدى كدة والكلام التقيل والشاى ابو نعناع
    جتهم نيلة هيشيلونا الهم على اية مش كفاية اللى عملاة فينا الدنيا
    ماللى يتقفش يتقفش واللى يتنل يتنل
    يلعن بكرة ع امبارح ع الكل كاليلة

     
  • At Wednesday, November 08, 2006, Blogger themidas-egypt said…

    Dear Tamr Hena,

    First Midas is not Madas. I hope it is a simple misunderstanding of the english (actually greek) name. if however, you are making fun of me: Rabena yesame7hk.

    I am not in the habit of burrying my head in the sand. The bottom of the barrel as you say is a solution to a social problem that cannot be solved in our gneration or the next.

    by the way, I am married. And I don't think it is "manly" to pay for sex. Having said that, "da3ara" is available for any one who wants it. Just observe any busy street in mohandessen or Nasr city while you are driving to know what I mean.

    There are mad dogs out there. Do you think I like or etically and religously condone my suggestion. Trust me NO.

    All I want is for those "Kelab Mas3ora" to find a piece of meat that is willing to be part of the bottom of the barrel.

    I don't like my suggestion any more than you do. But I thought your forum was for open and decent discussions. By the way, I can be crazy but decent.

    3moman, Al-khelaf fe Al Ra2ay la yofsed llwed Qadia.

    Al Salam 3alyokom

     
  • At Wednesday, November 08, 2006, Blogger Ahmoss said…

    Actually i dont like what u said at all ,,, let's say u r wearing a fine gold ring that looks really expensive..do u know how much hunger in Egypt now the poverty is way more than the sexual need but still this will never be a reason for some one to come and steel ur ring and no one can defend him by saying " abou el hol law shaf el khatem dah kan sara2oh " !!!!1

    Regards ''

     
  • At Wednesday, November 08, 2006, Blogger واحد من الناس said…

    احنا لازم نصدق بالمشكله عشان نحلها انما كلامك بيقول ان مفيش مشكله ولا حاجه والدنيا ربيع والجو بديع قفلي على كل المواضيع
    وياريت تقري التحليل الي انا كتبه في البوست بتاعي
    وشكرا

     
  • At Wednesday, November 08, 2006, Anonymous Anonymous said…

    دينا مرقصتش في الشارع



    الخبر اهه

    http://www.alarabiya.net/Articles/2006/11/06/28863.htm

     
  • At Thursday, November 09, 2006, Blogger Aoossa said…

    أنونيموس أفندى
    دينا رقصة فى الشارع
    وشوفت صورها وهى بترقص فى الشارع
    مع العندليب المبرشم
    بتاع العنب وتم تحويلها الى لجنة تأديب من قبل نقابة المشخاصتيه
    ======================
    تمر حنه
    هاتى ودنك الشمال
    أثناء تصوير دينا للفيلم أغمن عليها أكتر من مره وشيع أنها تعانى من مرض نادر وشيع مؤخرآ أنها عندها أيدز
    أنا مالى هم اللى بيقولوا
    وااااااااااااااااءء

     
  • At Thursday, November 09, 2006, Blogger دماغ ماك said…

    زوروني عندي حاجة مهمة
    http://www.demaghmak.blogspot.com

     
  • At Thursday, November 09, 2006, Blogger Aladdin said…

    انا مش مصدق موضوع دينا دا خالص!!! اتقال كده بالطريقة المصرية الواطية عشان الناس تقول لااااااااااااا مصر لسه بخير وشبابنا زي الفل ولا تحرش ولا حاجة بجد شعب واطي وهايفضل طول عمره واطي!!!

     
  • At Thursday, November 09, 2006, Blogger Ahmed Shokeir said…

    تمر حنة

    فعلا أنا هنا باعتبر كلامك عن اللعب بالهرمونات هو جزء من تحديد الأسباب التي تقود الكثيرين الى التحرش الجنسي
    فالجو العام المصاحب للحادثة جو غير نقي وغير صحي وفي تلك الأماكن من الصعب ان تنتصر الفضيلة كما أنه من الصعب ان تنتشر التقوي في الملاهي الليلية
    قلة حدث لها لعب في الهرمونات واستجابت له لان الظروف المحيطة ساعدته على الإستجابة من عدم وجود أمن يحكم الموضوع لوجود عوامل إثارة اثارت الغريزة لإشتباه في تعاطي مخدرات لقلة تربية لحرمان من حقوق طبيعية لقهر انساني عنيف تولدت منه الشرارة عند شخص انتقلت بالعدوى لبعض ضعاف النفوس من متواجدين في جو عام مساعد لذلك بدون اي نية مسبقة
    وحدث هوجة غير مخطط لها مثل الحرائق التي تتولد عن الماس الكهربائي نتيجة زيادة الاحمال وفي عدم وجود وسائل إطفاء ينتشر الحريق ويظهر ان الاحمال كانت زيادة اوي

    اما ان يتحول الموضوع إلى ظاهرة واكتشف في اليوم التالي للحدث ان البعض يبدوا عليه الرعب الحقيقي من الخروج في شوارع البلد فكان ذلك نتيجة المبالغة وتصوير الموضوع كأنه ظاهرة تنتشر في شوارع القاهرة ولايأمن الشخص على زوجته واولاده واخواته من السير في شوارع القاهرة فهذا تهويل يصعب معه معالجة القضية وتختفي القضية بعد أيام طي النسيان
    تحرش فيه تحرش ، كان والآن وسيكون ولكن البحث في عوامل اسبابه وتفاديها قدر المستطاع سوف يقلل حجم انتشاره
    اما التهويل كان نتيجته كما تقولين هوجة ولت وعجن واخرها شوية ستات متشحين بالسواد اما النقابة إحتجاجا واخرها الهتاف يسقط يسقط حسني مبارك
    مثلما كانت أجندة البعض تريد

    وياحسرتاه ضاعت القضية وانتهت بين وقفات احتجاجية وحملة اتكلموا شوية بنات عمالين يقولوا اللي بيحصلهم
    بدون اي تحليلات منطقية

    أعتذر للإطالة

     
  • At Friday, November 10, 2006, Blogger khalid jarrar said…

    Rabbina yikrimik ya tamr 7inna khajjalteeni b gad *blushing*
    ib2i zoreeni! wallahi bafra7 feeki giddan lamma tzoreeni:)

     
  • At Friday, November 10, 2006, Blogger Gbalawy said…

    تمر حنه

    اعتقد ان اللى عملته اسره الفلم ده وبرده فلم بتاع مروى لما نزلت برده وسط البلد السنه اللى فاتت
    كانت تحرك جامد من تلاحم الشعب مع الفن
    دى دماغ عمنا السبكى وامثاله ويظهر ان التلاحم قلب بين الشعب وبعضه
    بس برده اقولك
    انا متفق مع تحليلك

     
  • At Saturday, November 11, 2006, Blogger مصرى بلا حدود said…

    عزيزتى تمرمنطق

    على فكره ان بنيت مدونه جديده وشغال فيها تشطيب ، الله يسامحك انتى السبب ، والشوره شورتك لما قعدت كام يوم اونا ادور على مكان كويس وفى الاخر قلت ياواد ما انت بتفهم فى البرمجه ، شغل مخك وابنى للك واحده على ذوقك ، مع انى كنت مريح بالى من البرمجه وصداعها ، بس بحد والله شورتك جميله ، وانا بكتب للك دلوقت مع اذان الفجر وقايم الم العده واصلى وبعدين ابقى اركب لها الاكسسوارات.

    ياريت تشرفيها بزيارتك وياريت التصميم يعجبك لان رايك يهمنى

    احمد فتحى
    http://egytrueman.blogspot.com

     
  • At Saturday, November 11, 2006, Blogger ام العيال said…

    تمرمر
    تحياتي اليك و الله انت اجدع من اجدع حد حيدافع عن مصر اضم صوتي اليك و اقول ارحمونا بقه هيه من ناقصه جتكو قرف مليتو البلد و الله العظيم لما بسافر اي بلد عربي بلاقي الناس عيزين يرحبو بيا يقوموايه مكلمني مصري من بتاع الافلام الواقعه و يقعدو بسألوني عن حاجات غريبه اقعد احلف ان مصر مش كده و دي افلام بس و الواقع حاجه تانيه شوهتو صوره البلد منكو لله مصر الحضاره و الرقي بقت دينا و عطيه و سعد الاهبل

     
  • At Sunday, November 12, 2006, Blogger تمر حنه said…

    سي عمر
    لأ عداك العيب و قزح – يوم الجمعة بعد الصلا هنجيلك مطرحك و نعرف اقتراحاتك الجديدة و ندلو بدلولولاتنا –
    ربنا يصلح الأحوال

    Little”O”
    تشيييرز يا قمر … أولا .. نورتى .. ثانيا: هى منظومة متكاملة و فيها هارمونى غريب – مثل نظرية الأوانى المستطرقة (الكابيلاريتى) عندما لا يوجد الوازع الداخلى و الخوف من الله – تفشل الطرق الأخرى حتما و يأتى هذا الوازع منذ الصغر بالتربية و تعليم الأنتماء مع أبجديات الحروف و ربما قبل ذلك –
    أقولك ايه؟ أنا هحاول مع ولادى و انتى كمان حاولى …..يمكن !!ا

    Caesar
    طب و ربنا أنت كمان ليك وحشة – بص لأنا بس هاسلت أيدى مالليلة دى و أفوقلك .. بس يا أبو القياصر أنت عارف انه عندما ينادى الوطن لا مجال للتردد – و عشان تمشى صح : حبة فوق و حبة تحت

    Themidas
    Actually I was making fun of the name as I was provoked by your suggestion, but didn’t mean to hurt you at all, I’ll try to be decent from now on, know what I am Egyptian ,living in Cairo since I was born, I know quite well what's going on down there in the streets , I have been harassed and subjected to solicitation myself, I know, but listen, is it the solution to get rid of El Kelab El mas3ora is to approve their deeds? Medas, Islam and Christianity never allowed de3ara , as well as traditions, do you think that it’s decent to raise your children among prostitution?
    And as you said, al 7’elaf fi Al Ray la …glad having you among us

    Ahmoss
    وحياتك لو كان أبو الهول لسه فيه الروح كان سرقه – يا عم أحمس : تانى مرة عشان البيه : فعلا العيال مش متربية – بس ده مش ذنبهم – مالقوش حد يربيهم – لا أم ولا أب مش فاضيين عايزين يملوا بطونهم و يدولهم شهادة – كيلو اللحمة وصل 55 جنية – الدرس الخصوصى الساعة ب 40 جنيه – منين؟؟؟؟؟ مين فاضى يراقب و يربى؟ أبو الهول؟؟

    واحد من الناس
    نهار اسود دانا بقول العيال فى الشارع شاربة مخدرات !!!يعنى بانجو .. يعنى حشيش يا سعاد ..فين الربيع يا باشا ؟ فوريرة رايحة البوست عندك و هدلو بدلوى – آل بديع آل ..

    Anonymus
    دينا يا باشا ممكن ترقص فى أى مكان صحرا ان كان أو بستان – هى رقصت فى الشارع و هى لامسة الأمه – يعنى على باب السينما و السيد نقيب الممثلين حولها لتحقيق عاجل ..
    http://us.moheet.com/asp/show_g.asp?pg=8&lc=36&lol=1854658

    Aoossa
    كلو يوسسسسع أحلى أوسه – معلش بقالى مده ماجتلكيش من أول عامناول – قلت لك سلمك عالى و أنا ركبى بتنشر عليا من المراتيزم – و بطلى بقى تشنعى على الخلق – تلاقيها هى كمان عندها مراتيزم زى حالاتى – ربنا يهدى العاصى – بقولك ايه يا أوخشى – عندك تحت واحد اسمه علاء الدين مبهدلنى و مبهدل المصريين كلهم و النبى اتعاملى انتى معاه –ماليش نفس اتخانق انهارده

    الغالى شوقير
    انت تطول زى مانت عايز – اشجينى .. هو ده الكلام.. الراجل ده بيحب مصر ياخوانا – الموضوع باين .. الظاهران وقفة ميدان التحرير كل جمعة بعد الصلا بقت كيف – عموما متعودين عليها من أيام عرابى باشا - مش برضك كان ميدان المنشية ياحمد؟ المفروض نتطور بقى و ننوع فى وقفاتنا – يمكن …. ربما …. جايز !!!ا

    العزيز خالد جرار
    اسمها بفرح بيكى مش بفرح فيكى … دا الفرح و الهنا و السعد لما بنشوفك يا جرار … يالا بقى مش عايز تيجى مصر؟ مصر مشتاقه لك ….طب تعالى زور أخوك … أهى تلكيكة و السلام

    الجبلاوى
    أهلا أهلا .. يا سلام يا جبلاوى .. انت فنان .. أوحيت لى بفكرة أوريجينال موت – لو واحد زى السبكى ده مسك جامعة الدول العربية -مش انت معايا -انو ممكن يرجع الوحدة العربية و يزيل الفوارق العرقية بين الشعوب؟ و النبى يا جبلاوى الواد اللى فى الصورة ده يا تاخده تنيمه يا ترميه فى أى ملجأ – شكله يقطع القلب

    مصرى بلا حدود (فتحى سابقا)
    زرنا المدونة و بخرناها و دخلنا باليمين – الهى يأتيك خيرها و يكفيك شرها – نقول ايه؟ مبروك عالأرض ؟ لأ مش دى – طب خليها حمدالله عالسلامة – فتحى ماتنسانيش بالدعا أنا و العيال .
    يا جماعة الراجل ده بيقول كلام كبير أوى بس طولوا بالكم عليه لأنه رغاى شوية بس بيجيب مالآخر

    أم العيال
    طولتى الغيبة ليه يا قمر؟؟ مرة كنت فى بلد أوروبى شقيق –شايفه التواضع؟ هههه- و سألونى لو كنا لسه بنركب جمال و ياترى البيوت فيها باركنج للجمال ولا بنسيبها فى الشارع –حصلت ياخواجة- ياشيخة ملعون ده اعلام – سيك انتى أخبار الرز بلبن ايه؟ نازله لك بوصفة جديدة فيها الشفا بس نخلص من موال الهرمونات ده عشان ضميرنا يستريح . الدنيا بردت أوى نزلتى البطاطين و هويتيها عشان العيال؟

     
  • At Sunday, November 12, 2006, Blogger themidas-egypt said…

    Tamr Henna,

    Thank you for your comment. Friends can "joke" with one another. It is fine. I was jsut caught off guard since it was not expected. You were decent but a bit aggressive unnecessarily. Anyways, it is water under the bridge.

    Fact is Omar Ibn El-khatab, Rady Allah 3anho, suspended the "7hdood" during 3am El-ramada. If the times we live in are not far worse I don't know what is.

    I am a deeply devout person in the religous sense. However, I am also pragmatic. Insha Allah the hookers and who use their services kolohm yomoto.

    Having said that, I am really pleased that no one actually liked my suggestion (at least no one showed interest). Perhaps there is still a silver linning. May be the moral fabric of this society has not decayed after all.

    Most pleased to have made your acquaintance.

     
  • At Sunday, November 12, 2006, Blogger khalid jarrar said…

    2allah o inti malik i7na blahjitna bin2ool bafra7 feeki haha!! 2h il dictatoriyyah di!

    I am coming inshalla :D


    fil 3eed il kibeer to visit majid:) maybe we can organize a big bloggers meeting! :))

     
  • At Sunday, November 12, 2006, Blogger المزاجنجي said…

    تمورة تمر مر تمرانه
    الاول ازيك
    التاني وحشتيني
    التالت انا يمكن قلت كلام مشابه لكلامك ده في احدى تعليقاتي (تقوليش احدى غزواتي ههههه)
    المهم بصي اللي عملوا كده فالعيد وانا ابصم واجزم انهم شباب مهمشين من نوعية بياعين البطاطا وماسحي الاحذية اللي كل عيل منهم محوش له قرشين علشان يخرج يهيس فالعيد ويضرب له قزازتين كودافين او يبلبعله كام شريط برشام لزوم الاحتفال بالعيد ومن ثم فلا حرج لو قابل حتة لحمة عارية انه يتعامل معها على اساس انه معلي وللاسف هناك في هذه الافعال قاده ومنقادين واول وما القادة اللي عاملين دماغ عاليةيهبوا المنقادين بيهتفوا وجري وراهم وبتلاقيها بتولع بس من واقع تجربة كلهم عيال خايبة وخايفة ومقهورة كمان ولو حد تصدي لهم ممكن يتراجعوا بسهولة ولو قعدتي مع حد منهم وفكرتيه بربنا والحلال والحرام ممكن يرتجع ففعلا مش كل شبابنا وحشين لكن هي بتبقى زي ما بيقولو مناسبات ام بقى بالنسبة لموضوع الشيخة دينا واعوانها فدول لهم حرقة بجاز لانهم بيتعمدوا الاثارة واللعب على الغرائز وبرضه دول لا يمثلوا شريحة كبيرة من المجتمع علشان تنكسفي انك تقولي انا مصرية لو حسبتيهم مقارنة بالشعب كله يبقى احنا من اتقى شعوب الارض بس بجد تناولك للموضوع رائع وحمدلله على السلامة وابقى شرفينا بقى

     
  • At Sunday, November 12, 2006, Blogger ام العيال said…

    تجيش احطلو هرمونات في الرز بلبن
    يا بنت الايه و الله فكره بس اجبها منين
    مفيش غير وزاره الزراعه
    هرمونات المحصول مضمونه يمكن يطرح مانجا؟؟

    ههههههههههههههههههههههههههههههههههههههههههههههههههههههههههههههه

     
  • At Monday, November 13, 2006, Blogger أُكتب بالرصاص said…

    لا فض فووك

    هي اصلها ناقصة سي سعد الصغير والا الست المفضوحة دينا

    الشباب مولع ومش ناقص

    ما نملكه بايدينا دلوقت
    اننا ندعو للشباب دي بالهداية
    وندعو للحكومة انها تخلي عندها دم وتوفر فرص عمل لهم

    وندعو للشبكي وامثاله من المنتجين

    ونقول لهم
    خفوا شوية على الشباب
    مش عايزين تفاهاتكم

     
  • At Monday, November 13, 2006, Blogger IBN BAHYA said…

    كلامك صح .. أنا معاكي الأفنديات بتوع الطابور الصهيوني الخامس للتآمر على الوطن من أمثال إيناس الدغيدي وغيرها نازلين تلطيش وتخريب في الشباب .. حد يقولك كله على النت والدنيا مفتوحة .. يا عمنا ماشي بس لما يكون عيني عينك وبموافقة الرقابة ونازل أفلام سيما يبقى الوضع مختلف والله .. يا ناس راقبوا الوضع من بداية ظهور الأفلام الفارغة دي وكملها عمارة يعقوبيان الفارغ من أي مضمون غير جنس لواط سكر أو سكر لواط دعارة أو لواط دعارة سكر .. حد يقولي فيه إيه تاني في الفيلم السكة ده غير الثلاث مشاهد المكررة إن صوتا أو صورة كل مرة ؟ فيه في الفيلم أي مضمون غيرها ؟؟؟

    لو سعادتكم مش مصدقين كلامي وحاسين إنه مبالغة .. معاكم حق إيه اللي وصل حثالة زي إيناس الدغيدي للموساد عشان يسلطوها علينا ؟؟ كلام جميل لكنه مردود عليه .. الموساد والمنظمات التابعة أو الشقيقة أو الصديقة كنوادي الروتاري والليونز وغيرها من المحافل الماسونية هي التي تقوم بالدور .. وصلت ولا لسه ؟؟؟ طيب تيجوا ناخد مثل واضح أوي أوي الأيام دي ؟؟؟
    راقبوا السخرية المتكررة في عدة أفلام حالية من الشخصية السودانية ومن أصحاب البشرة السمراء بغزارة وتركيز ... إيه رأيكم هل هناك ربط بين ذلك وبين ما يراد لمنطقتنا من تفسيخ وتقطيع ديني ومذهبي وعرقي وأخيراً لوني كمان؟؟؟

    طيب لو ده مش توجهات وإملاءات يكون إيه ؟؟؟ لا يجب أن يمر الموضوع مرور الكرام لأسباب عديدة أهمها أنه ليس من الكرام بل من اللئام وثانيها أنه موضوع هام وحيوي لكونه ينبه عن النعرة الجديدة التي يروج لها حثالة الفن في بلدنا العزيز مصر ليثبتوا للكافة أنهم أدوات قذرة وأراجوزات في يد من يدفع لهم النقود بغض النظر عن جنسيته ومكانه سواء في تل أبيب أو غيرها من العواصم العربية ... فبعد الذي قدموه لنا من عري وخلاعة ووقاحة لإفساد شبابنا بدأوا اليوم يساهمون بنصيب جيد في حركة التمزيق الصهيوأمريكية لبلادنا لطوائف ومذاهب وديانات وأعراق وأخيراً ألوان كمان ... ليت أصحاب الأقلام المحترمة يهبون للتصدي لذلك الغزو الذي يقودة أعشار الفنانين بل ليسوا من الفنانين أصلاً وإنما هم حثالة تسترزق باسم الفن وتبيع من أجل الدولار كل قيمة وكل وطن وكل كل شيء ... ربنا ياخدهم ونرتاح
    إبن بهية
    http://ibnbahya.blogspot.com/

     
  • At Tuesday, November 14, 2006, Blogger الساحر said…

    لا والله تعبتينى معاكى يا تمر حنة حرقتى لى الموضوع لكن مش مهم كفاية اقراة واتشرف بانى اعلق علية
    الموضوع باختصار
    زى ماقلتى تجمع هائل فى العيد اللى انا شخصيا لا انصح بالخروج والفسح ايام العيد نظرا للزحمة الشديدة وكل انواع البشر
    اللى فاكرين انهم كانو صايمين ومن حقهم يفكو عن نفسهم بسجارة بانجو او نظرة هنا الى ان تطور الامر على غرار الاستفتاء واعتبرو العيد استفتاء على فحولة شباب مصرولتعلمى ان الشباب فى العيد يتجمعون صحبةلاكثر من 15 فرد
    يشجعون انفسهم على القيام بما يحلو لهم وما تملية عليهم الدماغ اللى عاملينهاوقد كان معاكسة شفهية تطورت لهرج ومرج
    للاسف صورها البعض واحتفى بها كانفراد لامثيل لة وتطوع الاستاذا اللى كنت باحترمة وائل عباس ونصب نفسة شاهد عيان على المحطات الفضائية مع انة لا يملك الا فيديو للزحمة وعلى المتخلفين التخيل ونسج القصص الخيالية
    هذا ان لم نغفل دور الحكومة فى تضخيم الموضوع ان لم يكن لها دور فية حتى تثبت ان التحرش صفة شعبية لا تخص الاستفتاء واعضاء الوطنى فقط
    و ايضا لشغل الراى العام المصرى باى شىء عن ما يحدث فى البلد
    واشتعال الاسعار
    هل ياترى دة تحضير لاستفتاء قادم
    للسادة اصحاب البلوجز عاهدناكم مدافعين عن الشعب المصرى فيما يعانية مالكم تحولتو لمدعين علية هل هى الشهرة؟

     
  • At Tuesday, November 14, 2006, Blogger khalid jarrar said…

    haha:))
    what kind of dictatorship is this? its bafra7 feeki b lahjitna!
    :))

    za`3rati ya tamr 7inna ana gay insha2alla fil 3eed il kibeeer :D :D :D

    yalla ni3mal bloggers meeting when i come?:)

     
  • At Tuesday, November 14, 2006, Blogger تمر حنه said…

    egypt
    مانا عارفة اننا لسه فينا حته حلوة بالرغم من المنغصات المستمرة – و ان شاء الله – مع الكثير من الأصرار هنصبح حلوين أوى – بس بليز يعنى تشرح لة و للساده الحضور يعنى ايه اسمك (:

    Annonymus frm bab El she3rya
    و انا كمان لفرح فيك - و أهلا فيك و اهلا في ماجد - و العيد هيبقى فعلا كبير لما تيجوا و يشرفنى أنا و البلوجارية ان نلتقى "فيك" لما تيجى بلدك مصر و نصير نحنا ضيوقكم

    المزاجنجى
    طاخ طاخ طاخ (ضرب نار) ألف حمدالله عالسلامه يا مزاجو – انت كنت فين – بحثنا عنك فى كل مكان – و سألنا عنك موج البحر و فيروز الشطئآن – أوعى تعملها تانى و تغيب عننا – و الحاقا لكلامك – و من موقعى هذا بأكد على كل أم و أب انهم يراعوا أولادهم عشان لا ينضموا لبيلعين البطاطا و ماسحى الأحذية ( بالمعنى المعنوى) يعنى ممكن ابنى يبقة ماسح أحذية – أخلاقيا و ليس بالمعنى الحرفى للكلمة – لو لم يجد من يعلمه علو الهمه – و فى نفس الوقت ممكن يكون الصبى فعلا بيمسح أحذية (لضيق ذات اليد) و لكن أخلاقه و دينه فى السما – تحذير: هذا الدور دوميستيك و لا تعتمدوا على الأعلام أو المدارس أو أى جهه حكومية – وقد أعذر من أنذر – ويلكم باك يا كبير و جايالك هوا

    أم العيال
    ههههههههههههههههههههههههههه – ضحكتينى و انا ماليش نفس
    بلاش هرمونات المانجة بيقولوا بتطرح منجه ببذرتين – تبقى مصيبة ههههههههه
    خليكى فى هورمونات القشطة العبد الرازق – خالى البذر – المهم ماتيأسيش
    - نزلتى البطاطين و الغيارات الصوف ؟؟

    اللى بيكتب بالرصاص
    ماهو عمو السبكى عايز قمحة و القمحة عند الفرخة… و الفرخة لازم ترقص و الشباب عايز يلعب و اللعبة عند الفرخة و الفرخة تكاكى و تقول ياوراكى – و تأتى القمحة و تاكلها برضك الفرخة .. و هكذا دواليب دواليب …. انها حقا أيام السبكى و الفراخ ..

     
  • At Tuesday, November 14, 2006, Blogger khalid jarrar said…

    المبدعة تمر حنة اشكر زيارتك، تفاجئت بها جدا! كيف وجدتي مدونتي!
    سعيد جدا بحضورك و اتمنى ان تتابعيني كما اتابعك

     
  • At Wednesday, November 15, 2006, Blogger تمر حنه said…

    ibnbahya
    يابن خالتى الشرفاء و ريقهم نشق فى اللى انت بتقولوا طب راجع كده تعليقات الناس حبايبنا على تدوينة –
    – اسمها قصة ولا مناظر عن عمارة يعقوبيان( الأرشيف عندى- شهر يوليو اللى فات ) أنا نقسى كتبت بالحرف : يا عم على يابو شادى يا بتاع الرقابة : الدخلة بتاعتك كانت شديدة علينا قوى – مش المجتمع بتاعنا ده اللى تعرض له الفيلم ده بالمشاهد الصادمة دى و تقوله اسقاطات سياسية و ركز فى المضمون و سيبك من الشكليات –
    احنا مجتمع مقفول واخد عالرموز – وبعدين كلام كتير -:يعنى فكرتنى بالظبط بواحدة لابسة مايوه ماشية فى شارع قصر النيل الساعة أتنين الضهر – أبو مين ده اللى مش هيبحلق فيها و هيتصرف بهمجية معاها و يحسس و يعتذر !! و بعدين كلام تانى ..
    وحيات أبوك ماتخلطتش عيشا على أم الخير و تجيلنا من فوق لو العين على ايرادات الشباك - بلا ليبرالية بلا بدنجان . انتهى
    و فعلا اهى حصلت يا خواجة
    و لكن .. كنت أقصد واحدة لابسة مايوه و ماشيه فى حالها يبقى ايه الحال لو كانت دينا الغازية شخصيا !! يابن خالتى كلها مقدمات سهل جدا استنتاج عواقبها لأنها منطقية جدا ولكن المصالح هى الحكم ربنا يسترها على خالتى بهية

    الساحر
    طبعا ..عادة .. ضميرنا واحد يا ساحر و أى حد يحكم ضميره هيبق نفس الكلمتين بتوعى .. مصر بتاعتى
    –مصر بتاعتك مصر بتاعتنا كلنا;
    يابنى الشهرة حلوة و الكرسى ليه طعم تانى .. حتى لو فى مجال التدوين اللى كنا فاكرينه مرايه للناس اللى تحت .. الناس اللى مفيش تحتيهم أرض ولا فوقيهم سقف .. الموضوع اتقلب تصفية حسابات و نشر غسيل لامؤاخذه وسخ ..و لو على حساب السمعة و الشرف و الليلة بقلبت وقفة احتجاج لنساء يتشحن بالسواد برضك فى ميدان التحرير تطالب بسقوط الحكومة .. لأ و واخد بالك الحريم ماسكه يفط مكتوب عليها بالأنجليزى .. على أساس ان الحكومة تعليم أجنبى : اتفضحنا يا ساحر فضيحة اللحمة فى السوق و بالعنجليزى
    كلمة فسرك : سك على موضوع استعراض فحولة الشعب دى لحسن مصر بتستورد مقويات بالملايين يا باشا..قطيعة

    Khalid Jarrar
    لولولولوى .. و النبى لانعمل ميتينج .. بس مش فى ميدان التحرير .. شكلها كده هيبقى الميتنج فى القسم هات لنا فايدك بقى عيش و حلاوة ..بس بالمكسرات

    Anonymus
    أحنا لينا مصادرنا الخاصة يا باشا ..مش هما بس
    يا عزيزى لقد تابعناك من قبل ان تبدأ حتى..

     
  • At Thursday, November 16, 2006, Blogger themidas-egypt said…

    Thanks for asking. Midas (My-Das is how to pronounce it) is a name from greek methologies. Mr. Midas ya seti had a goldon touch. Every thing he touched turned into gold. Now you may think that I think highly of me to use that name (maghror ya3ni). Actually, No.

    The golden touch was a curse disguised as a blessing. True, Midas can be very risch because he can transform anything to gold. But actually he could not eat or drink or love or touch any living thing. Needless to say, any living thing he touched turned to gold, and died....

    Ya3ni. I know it is a strange name, but being lacking in imagination I could not find a better one. Hope that explained it.

     
  • At Thursday, November 16, 2006, Blogger khalid jarrar said…

    هاها!!
    أصبح هناك أهل المصادر الخاصة من المدونين ايضا؟
    :)
    سآخذ حذري منك:)

     
  • At Friday, November 17, 2006, Blogger ام العيال said…

    و اخيرا زرتيني
    يا نهار ابيض
    يا نهار مبروك
    ابعتلك طبق رز بلبن من ابو هرمونات
    من عرف ايه ؟؟؟

     
  • At Sunday, November 19, 2006, Blogger ody911 said…

    دى نفس وجهة نظري
    أأيدك
    وعلى رأيك
    أيوه خدمة
    وعادى بقة
    أودى

     
  • At Tuesday, November 21, 2006, Anonymous ام دليلة said…

    واقعية صريحة خفيفة الظل و ناقدة لازعة
    احييكى بشدة جعلتى للمدونات النسائية طعم و معنى

     
  • At Tuesday, November 21, 2006, Blogger raspoutine said…

    على رأى عادل امام
    احنا بقينا فى زمن المسخ

     
  • At Wednesday, January 10, 2007, Anonymous Anonymous said…

    يا اختى انتى قلتى كلام حلو جداااااااا ولكن ياريت يبقى عندنا هويه ، قلتى عمرو خالد والشيخ الشعراوى وصلاة التراويح والعيد ، واحنا عمرنا ما هنكون راقصات ولا صيعين ولا ولا إيه لزمتهاااااااااا ، بلد عبد الحليم وأم شحتوت ، إحنا كمان ميشرفناش نكون مغنيين ولا مثل هؤلاء المغنيين ، أسال الله ان يرحمهم وان يتجاوز عن سيئاتهم ، وان كنتى معترضه عن دينا الراقصه فعليكى ان تعترضى على افلام عبد الحليم وخاصة فى فلم ( ابى فوق الشجره ) والقذاره اللفعلها ، ولكن نسال الله له الرحمه والمغفره والجنه
    mohammed_muslim4ever@hotmail.com

     
  • At Wednesday, March 21, 2007, Blogger Mohamed said…

    بجد أنا مش عارف أقولك إيه أنا عنيا دمعت بجدبس والله طول ما في ناس بتكتب زيك كده وبتفكر زيك كده يبقى بلدنا هتفضل بخير .. بجد بوست أكتر من رائع

     

Post a Comment

Links to this post:

Create a Link

<< Home