أيوه خدامه

Sunday, December 09, 2007

تسمح تزورنى الليلة....... يا فندم




بالأمس القريب - ابان تناولى الاستمورنج ( لفظ يقال فى الصباح بغرض تناول الطعام و احتساء الكافايين و النيكوتين حتى تفيق الشخصه مننا من نعاسها ) .
و لما كنت فى حالة استرخاء عظيم و بلا أى نوع من المسئوليات العملية ( حيث اننى فى اجازة مدفوعة الثمن و مفتوحة من قبل مديرى العظيم تقديرا لعبقريتى و تقريبا محافظة منه على اسمه فى السوق ) سمعت أغنية عتيقة تقريبا من جرامافون الجيران (آله صوتيه ضخمة تعمل بالمنافيللا - مكافئة للأى بود حاليا ) تقول كلماتها العبقرية :
يا سمباتيك خالص يا مهندم .... تسمح تزورنى الليلة يافندم
و ياسلام عالحماس و الدلال اللى كانوا فى صوت الست - يدل على شبق شديد و ولع متناهى سرمدى .
و بما ان الأستمورنج كان عالى و يحتوى على العديد من مشتقات الكافايين و النيكوتين و القليل من المثبطات الكيميائية فقد وجدتنى أتساءل : ليه ماتكونش العلاقات كلها و بكافة أنواعها على هذه الوتيرة : و تيرة" تسمح تزورنى الليلة يافندم" ؟؟؟
ليه كتمة الأنفاس يا ناس ؟ ده حتى القرب الزيادة بيقطع عروق المحبة .... و يعم الملل على المطرح ... و يصبح الأعتياد فى مركز لا بأس به فى العلاقة .
و بما انى مشاغبة قديمة و ناشطة لا يستهان بجانبها فى مجال تستيف العواطف و اعادة تشكيل العلاقات الأنثوذكورية فقد وجدتنى أستدعى فى ذاكرتى مخلوق رائع و جدير بالملاحظة و التقدير .
فجأة قفزت فى مخيلتى صورة الأرملة السوداء ... تلك العنكبوتة الرائعة ذات السواد الفاحم و البطن الحمراء ... و هى نوع من العناكب التى تفتك بذكرها فور الأنتهاء من عملية التزاوج .... أرجوكم بلاش نتسرع فى الحكم على المسكينة .. و نتهمها بالقسوة بل دعونا نحلل سلوكها بموضوعية .. يافندم .

طيب .. كل من له نبى يصلى عليه .. أكيد الأنثى دى مبترتكبش عملية الأغتيال دى من فراغ ... دى حقيقى أستاذة .. فأنا أظن أنها تمتلك حاسة سادسة عالية جدا ... و بتحسبها صح : بعد الجواز و الدخلة و الحاجات كلها .. ها.. و بعدين ؟؟ العنكب هيسلت ايدو من شَبَكة الزوجية و العناكب النونو و يشوف حاله بره و يسيبنى أضرب أخماس فى أسداس و يعلن فراره و أنا اللى هتشبح (مصطلح بمعنى المعاناة من آثار ضرب أو تعذيب أو تربية أطفال ) فمن أجل أبنائى و نفسيتى و حالتى المزاجية هخلص الليلة بدرى بدرى ولا حاجة لدوختى فى محكمة الأسرة أو على الأقل المصحات النفسية كباقى المخلوقات الغبية ( تقصدنا احنا بالتأكيد ) .... و من ناحية
أخرى ميحصلش ملل بيننا و هعيش بالتأكيد على ذكراه - ثم تبتسم فى خبث و تكشر عن نابيها الصغننين و .... هم يا جمل .
عبقرية لا يستهان بها ... فتلك المخلوقة من حرضها على الفتك ببعلها الا غريزتها المتيقظة ؟؟ من أوحى لها بعملية الأغتيال المنظمة لذلك الذكر و هو لم يفق حتى من آثار الدُخلة و قبل أن يدرك الصباحية الا روحها السامية المنبسطة و ر غبتها فى فى تفعيل شعار
الحزب : أسرة صغيرة تساوى حياة أفضل ؟؟ مرحى لها و لأنتماءاتها الحزبية .
فيا أيها الرجل ... أنزل بقى من عالمسرح يا نجم .. فنحن نحبكم جدا و نشتاق اليكم كثيرا .. أحيانا يعنى .. و حاول أن تُبقى على
ماتبقى من الشوق و الحنين والرغبة بالكثير من الأختفاء ولا تظهر الا عندما يحين دورك فى السكريبت -
فقد قالت جدتى فى احدى تجلياتها : جنازة بتار ولا قعدة الراجل فى الدار ... ( بالمناسبة جدو كان طالع معاش مبكر و آثر قضاء اجازتة المفتوحة الى جانبها - و توفيت المسكينة بتصلب فى الشرايين فى سن مبكرة جدا ) ...
فالأنثى - بكافة موديلاتها - تحتاج الى مساحة حرة ... تكرة الأوف سايد .. الذى لا تجد وسيلة ردع له الا بركلات الجزاء (راجع قانون الفيفا - صفحة 14 - فقرة 9 ج)


المرأة يالافندى مثل زهرة التمر حنه (هكذا قال البستانى الأعظم ):

أنها تعطى عطرها من على البعد .....فإذا اعتسفها مغتصب وقربها من أنفه فلن يجد عطرا ولا أريجا"
أنها تمنح فقط من على بعد أريجها....... وشذاها يصل لمن يحافظ على مسافة بينه وبينها
فإن أوغل فى حماها .. لن يغنم شيئا " ... انتهى كلام البستانى


و هكذا ... أخى الذكر الأدمى .... تحلى بالصبر ... و اللياقة ... و حافظ على المساقة حتى لا تلقى مصير ذكر الأرملة السوداء ...
و انتظر اس ام اس من أنثاك نصها : يا سمباتيك خالص يا مهندم تسمح تزورنى الليلة.... يافندم ......

Labels:

172 Comments:

  • At Sunday, December 09, 2007, Blogger ارحم دماغك! said…

    هاههاهاهاهااا
    مين اللي بتقول كدة؟..النسواااان؟
    بتوع سهران فين يا منيل للساعادي؟

    ده بيبقى منى عينه يطييييير والعقربة بتاعته اللي بتقصقصلو ريشه..
    على فكرة العقربة بتعمل نفس عملة الأرملة السوداء..ده نوع من قصقصة الريش الاستباقية أصلا..

     
  • At Sunday, December 09, 2007, Blogger khalid jarrar said…

    ya khabaaar abyaaad!!

    ana wallahi came to check your blog wil shar fi3nayya, law ma la2itch post kont 7akassir iddonya!

    :D :D :D

    tamr 7innnaaaa :D

    ya mar7aba ya mar7aba :D

    as for the post, 7ayyartoona ma3akom, sometimes the trend is: men are cold, they never share emotions, they never care to spend time with us, they prefer to be out with their frineds, they they they..

    and now: they stay home too much, they are too close, etc!

    :O

    have you seen that movie, when Mel Gibson is hit with a lighting and he suddenly starts hearing what women say in their minds and their internal dialouges?!

    i wish, WISH for that to happen to me!!!

     
  • At Sunday, December 09, 2007, Blogger الطائر الحزين said…

    حمدا لله على سلامتك

    فعلا لسه سامع شريط فيه هذا المعنى

    انك تكون عزيز وان القرب يولد التعود وكثرة الحديث تألفة الأذن و وكثر ة التعود سيتحول لروتين والروتين يقتل الاجتهاد والبعد الخفيف افضل من القرب الدائم

    هذا فى العناكب

    فما بالك بالنحل المسكين

    الذى يتقاتل لاجل الملكه

    يا جبابرة


    تحياتى

     
  • At Sunday, December 09, 2007, Blogger Mohamed A. Ghaffar said…

    يابخت من زار وخفف

    فى بدايه الموضع لم اكن مقتنع ومع نهايته طلعت اجرى

     
  • At Sunday, December 09, 2007, Blogger karakib said…

    قال زهرة قال
    الزهرة لازم تتعصر كده
    و تتقطع و تتحط في اوزازة بحيث اننا نعملها اوزازة كولونيا
    قال وردة و ما تقربش لا اموتك
    لأ بقي احب اقول لك الذكر الادمي غير العنكبوتي خالص
    --------------
    ملحوظه
    كل اللي فوق ده استفزاز :)

     
  • At Sunday, December 09, 2007, Blogger Desert cat said…

    بصراحة دخلت دماغى انثى العنكبوت
    قوية تعرف تعيش وتتعايش
    من غير ما حد ينغص عليها عيشتها
    تحياتى يا قمرة
    وابقى قولى للجريان لو سمحتوا وطوا الصوت شوية لوثتوا ودانا

     
  • At Sunday, December 09, 2007, Blogger Amr Ahmed said…

    ههههههههههههههه

    فكرة برضو
    انا كنت قريت عن العنكبوتة دي

    في مقال لانيس منصور

    بس لا للتطبيق علي البني ادمين

    اااااااااه
    هما عنكبوت زي الفل

    احنا لا

     
  • At Sunday, December 09, 2007, Anonymous م محمد شعبان said…

    حمد لله على السلامه
    وشكرا يا ستي على هذا التوضيح لما يدور على عقول بنات حواء
    هذا العالم المليئ بالأعاجيب والغرائب
    ولكن اعتقد انه لا يوجد فيه كثير من الثوابت بل كل شئ متغير كله حسب الحاله النفسيه للمرأه
    والعاقل من يدرك ذلك ويتعامل معه

     
  • At Sunday, December 09, 2007, Blogger نوسه said…

    لا مش معاااكى خاااالص
    ده موبايله مغلق بقاله 3 ساعات بس وهيجيلى انهيار عصبى خلاص وبعمل اى حاجه تشغلنى عشان متصلش وتتطلعلى البت النكديه بتاعت الهاتف الذى طلبته ربما يكون مغلقا

     
  • At Sunday, December 09, 2007, Blogger أبو أمك said…

    انتظرت الاس ام اس من أنثاي..فلم تصل
    بل وصلت اس ام اس غيرها وفيها تقول
    "كلمني شكراً"

     
  • At Monday, December 10, 2007, Blogger إنـســـانـة said…

    ههههههههههههههه

    طب والله فكرة
    !!!!

     
  • At Monday, December 10, 2007, Blogger مش فاهمه said…

    طيب مافيه فكرة احلى خليه يتجوز واحده تانيه و اهو الحمل يخف عليكى شويه و تعرفى تشمى نفسك هبابه و يبقى مسئولياته فيفتى فيفتى بينك و بين العروسه الجديده و لضمان ان العروسه الجديده ماتبقاش للفسح و الدلع و كده و انتى للهم و التمريض و الغسيل و كده برضه اختارى له واحده تعرفيها و تسكن جنبك علشان تشوفيها فى الرايحه و الجايه و بكده تقلبوا له دماغه و تتفقوا عليه و هو يخلص بدرى بدرى من غير اراقه نقطه دم واحده ........ايه رأيك عمليه نضيفه ميه لميه

     
  • At Tuesday, December 11, 2007, Anonymous caesar said…

    والله تعبتونا معاكم نقرب تقولوا دا قارفنى نبعد تقولوا دا شايف شوفه برة
    ارحموا عزيز قوم ذل
    عينكم فيه وتقولوا اخيه
    وسلملى ع البتنجان

     
  • At Tuesday, December 11, 2007, Blogger Soona57 said…

    حبيبة قلبى
    مبروك رجوعك
    وعن أذنك عشان أقرأ اللى أنت كتباه

     
  • At Tuesday, December 11, 2007, Blogger محمود علي said…


    اتفق معاكي في كل الي قولتيه يا فندم
    من غير دم ومن عض
    لازم يكون في مساحه حريه بين الطرفين
    عشان علي الاقل يشتاقوا لبعض
    بس انا معترض معاكي في حاجه
    انك حددتي مساحه الحريه من عندك انتي
    وده غلط
    لازم مساحه الحريه تتحد من الطرفيين
    او علي الاقل حد يحدد والتاني يتفهم


     
  • At Tuesday, December 11, 2007, Blogger None said…

    تصدقي صح

    طب نقنعهم بقي ازاي بالفكرة دي من غير مانجرح ولا نعور مشاعرينهم..حاكم ساعات الرقه بردو بتبقي قتلاهم ويفضلوا يقولوا "حاسس انك عايزة تبعدي عني... او مابقتيش تحبيني زي الاول" .. وتبدأ اولي جولات العط وانه يدور برة علي الحنان اللي مفتقده جوا

     
  • At Wednesday, December 12, 2007, Anonymous انوشه said…

    صح عندك حق هي احسن مننا كتيييير اختصرت خطوات كتير مناول يوم تعيش الارمله السوداء

     
  • At Wednesday, December 12, 2007, Blogger أبوشنب said…

    على فكرة

    النحل بقة

    بيقومو على العريس في الصباحية بالقباقيب

    لغاية اما يجيبو اجله

    حسرة علينا

    قعدنا للزمن اللي عنين النسوان فتحت فيه على عالم الحشرات

    يا حفيظ يا حفيظ يا حفيظ

     
  • At Wednesday, December 12, 2007, Blogger Memo said…

    اعتقد ان في ستات كتير هما من نفسهم مش عايزين المساحه دي يعني في كتير من الستات بتفضل ان المساحه دي تبقا ضئيلة عن الراجيل لانها بطبعيتها اكثر وفاء و احتياج
    تحياتي

     
  • At Wednesday, December 12, 2007, Blogger Searcher said…

    يا سلام
    لو تتحول كل العلاقات لتعالى زورنى الليله يافندم
    دى تبقى حاجه عنب خالص
    تحياتى

     
  • At Wednesday, December 12, 2007, Blogger Esmeralda said…

    عشان كده اخترتي اسم تمر حنه؟؟؟؟
    اه يا شيخه الا موضوع الجنازة و التار ده
    الراجل من دول يقعد فى البيت من هنا و عينه تورررررر فى كل حته
    ديه مش مكانها له؟؟؟؟ العيال فين؟؟؟
    البت اتاخرت ليه؟؟؟؟
    انتي كل يوم عند امك؟؟؟؟
    ايه اللبس ده؟؟؟

    ما هو صعب برضه و بعدين موضوع الجواز ده بيطول مش شويه كده و بخ
    هوا هوا
    لازم مساحه حريه و خصوصيه

    بس برضه فيه ستات ممكن يفضلوا طريقه الموت البطيييييئ
    عذبيه الاول بعدين اورثيه

     
  • At Wednesday, December 12, 2007, Blogger bahry said…

    ههههههههههههه

    اولا حمدلله علي السلامة يا عنكبوته

    بس دا مين دا اللي بيتكلم

    صحيح يا ولاد

    رمتني بداءها وانسلت

    شوية والنبي بس علشان النفس

    دا انتوا لصقة الماني

    وطواط لازق في الوش ومزيكة حسب الله كلها مش محوقه فيه

    بس برضه زي العثل

    عثل عثل يعني

    انا والله كنت مفكرتك براة البلاد
    شو بدي بالاولاد
    الله يخلي الاولاد

    كيفك انت
    ملا انت

    زعلت بوقته وما حللته

    انو انت هيدا انت

    رغم العيال والناس

    انت الاساس وبحبك بالاساس



    ربنا يخليكي يا فيروز
    كيفك انت

    بحري

     
  • At Thursday, December 13, 2007, Blogger maged stephen said…

    10 Reasons God Created Eve
    ***
    10. God worried that Adam would always be lost in the garden because He knew men would never ask for directions.
    ********************
    9. God knew that Adam would one day need someone to hand him the TV remote because men don't want to see what is on TV; they want to see WHAT ELSE is on TV.
    ********************
    8. God knew that Adam would never buy a new fig leaf when the seat wore out and therefore would need Eve to get one for him.
    ********************
    7. God knew that Adam would never make a doctor's appt for himself.
    ********************
    6. God knew that Adam would never remember which night was garbage night.
    ********************
    5. God knew that if the world was to be populated there would have to someone to bear children because men would never be able to handle it.
    ********************
    4. As Keeper of the Garden Adam would never remember where he put his tools.
    ********************
    3. The Scripture account of creation indicates that Adam needed someone to blame his troubles on when God caught him hiding in the garden.
    ********************
    2. As the Bible says, "It is not good for man to be alone", he only ends up getting himself in trouble.
    ***
    And the NUMBER ONE reason...
    ***
    1. When God finished the creation of Adam he stepped back, scratched his head and said, "I can do better than that." better than that."

     
  • At Thursday, December 13, 2007, Blogger DantY ElMasrY said…

    الستان اللى قالت عليهم ميمو بيبقو عاملين زى القتب اللى طلع لجوزهم فى قفاه
    تتعامل معاه بطريقة شيلنى يا حواش

     
  • At Thursday, December 13, 2007, Anonymous Anonymous said…

    اولا الحشيش اللى انتى بتضربيه مش مظبوط هبوه عالى شويتين مين بقى اللى قالك ان ان تعالى زورنى الليله يا افندم حلو ومين قالك ان الجواز وحش طب خدى عندك انا متجوز من خمس سنين وعارف مراتى من 8 سنين وعندنا 3 عيال وبنزور بعض على طول ومش شايف اى حاجة من الى انتى او النسوان اللى مقيداكى صح وعلى فكرة الاصطاف ده شكله بيعمل عقدة اضطهاد وهلاوس سمعية وبصرية حادة
    mego

     
  • At Thursday, December 13, 2007, Blogger ايمو said…

    هو مين راح لمين ولا مين اتجوز مين هو مين اللي مين انا مش فاهم حاجه
    بس علي كل حال العنكبوته برده غلطانه

     
  • At Friday, December 14, 2007, Blogger carol 2002 said…

    على فكرة .. بجد جميلة فى كلامك
    بعتذر لأننى لا أفضل مثل هذه المواضيع
    فى قرائاتى

    ولكن خِفت ظلك أجبرتنى على المتابعه
    و أيضا مزجك بين توضيح فكرة قويه و جريئة فى قالب الكومديه الهزلية

    رائعه يا جميلة
    بالتوفيق دائما
    :)

     
  • At Friday, December 14, 2007, Anonymous شمس said…

    بسم الله الرحمن الرحيم
    اختى العزيزة اتقى الله خلى بالك من كلامك عشان ربنا هيحاسبك عليه
    يعنى ايه العلاقات اللى انت بتقولى عليها ده؟
    وازاى يعنى الست ترضى على نفسها الكلام ده ...ازاى ترضى الست ان هيه تبقى لمؤخذه يعنى.....؟

     
  • At Friday, December 14, 2007, Anonymous mehro said…

    صنف النسوة ده عجيب فعلا.
    لاعايز يرحم و لا رحمة ربنا تنزل.
    نقعد في البيت مش عاجب نخرج نشم هوا- و يمكن تمر حنة- مش عاجب.
    لا و إيه؟ آخرة المطمة عايزين يقتلونا بعد ما ....
    نسوان مش عارفة عايزة إيه بالضبط.

     
  • At Friday, December 14, 2007, Blogger جبهة التهييس الشعبية said…

    لا يا حبيبتي اذا كنتي وصلتي للمرحلة دي يبقى بالسلامة يا شرابات

    بجد يعني

    اصل الواحدة لما تبقى مش طايقة العنكبوت بتاعها للدرجة دي يبقى بلاها احسن

    وعلى رأي ارحم دماغك لو كانت العنكبوتاية طايقاه بتبقى لزقة بعيد عنك وكنت فين وبتكلم مين واتأخرت ليه لكن لمن المسألة توصل لدرجة شوية كده عشان النفسي يبقى بلاها يا اوختشي

    شبابك يا حبيبتشي

     
  • At Friday, December 14, 2007, Blogger جبهة التهييس الشعبية said…

    اه نسيت اقول لك
    انت وحشتيني قوي

     
  • At Saturday, December 15, 2007, Blogger Ragi said…

    السيدة التى تسمى نفسها تمر حنة وتدون تحت عنوان ( ايوه خدامة ) ، اقل ما توصف به هو انها ذات حس ساخر وتجيد كتابة الكوميديا السوداء ، وكتاباتها ذات ابعاد لا يمكن ان تسبر اغوارها الا بالغوص فى اعماق موضوعاتها التى تعكس بعض مكنونات نفسها فى مواقفها من الرجال والجنس والحرية والحياة فى عمومها
    اكتب الان تعليق على اخر ماكتبته وهى مقله فى الكتابة بدرجة ملحوظة اذا قارنتها مثلا بنوارة نجم وهذه الندرة التى تكشف عن الدلال الانثوى المشهور فى التمنع والانتظار حتى يحين الوقت المناسب لضربة لازب والفوز بالجائزة وهى هنا اى الجائزة التفاف القراء حول ما كتبته بعد طول انتظار
    اخر ماكتبت تمر حنة موضوع عن العنكبوت الانثى المسماة بالارملة السوداء التى تلتهم الذكر بعد انتهاءه من ممارسة للجرم المشهود معها ( التلقيح ) وحدث ارتباط فى ذهنها بين سلوك العنكبوت العملى فى التخلص من الذكر بعد انتهاء مهمته بالتهامه و المطربة الشبقة وقد غلبها الشوق الي عشيقها ذات ليلة تدعوه الى زيارتها فى احدى الاغنيات القديمة ، و بينما الاغنية تتسلل الى سمعها من بعيد يترائى لها التشابه بين العاشقة الولهانة والعنكبوت القاتلة و يهبط عليها الالهام ليرسم لها شكل العلاقة المثالية بين الذكر والانثى بين بنى البشر فى الاقتراب للالتحام فى علاقة جنسية سريعة تهدىء من الحاح الهرمونات ثم تكشر الانثى عن انيابها فيبتعد الرجل مؤثرا السلامة ومنتظرا ليلة اخرى يبلغ فيها الشوق مداه عند الانثى فتدعوه لجولة اخرى
    وانا كنت دائما اتجنب الكتابة او التعليق على موضوعات الجنس والعلاقة بين الذكر والانثى التى كثيرا ما تتناولها المدونات النسائية التى تسمح بكثير من الحرية للتعبير عن الاراء خصوصا اذا كانت الكاتبة تتخفى وراء اسم مستعار الا اننى هذه المرة وجدت الموضوع الذى كتبته تمر حنة يلح على ولا استطيع التوقف عن التفكير فيه لسببين اولهما الاسلوب المميز للكاتبة والسبب الثانى المهم انه قد فاتها كما يحدث عادة مع النساء اللاتى يقتربن كثيرا من مشكلة ما فيرون تفصيلة واحدة منها ولا يكترثن بالنظر من بعيد لرؤية الصورة كلها
    ما فات تمر حنة هو ان الذكر ايضا يمل الانثى ولا يستطيع الاستمرار فى علاقة جنسية ابدية مع انثى واحدة ولكنه دائما يشمشم هنا وهناك عن انثى جديدة مختلفة وهنا شاء السميع العليم ان يقيده باربع زوجات فقط ولو ترك له الباب مفتوحا لصال وجال كما يشاء كما قيدته الظروف ايضا بالغاء الرق فلم يعد ملك اليمين متاحا ايضا
    فلتحمد ربها وتشكر فضله كل انثى خطرت على قلب رجلها فعرج على فراشها ولا تشعرن بأى قلق او خوف ففى الصباح سوف تكون مجرد ذكرى تتبدد مع دخان سيجارته وتذوب فى ثمالة فنجان قهوته

     
  • At Sunday, December 16, 2007, Blogger أحمـــــد علـــــــى said…

    داخلة فينا شمال كدةعلى طول؟؟ مش تعتذرى الأول على غياب 3 شهور؟؟ وحشتينا .. وكل سنة وانت طيبة
    وطبعا أنا بشجع فكرتك.. على الأقل الواحد يموت مبسوط ومدلع ومونة سريعة.. أحسن ما يموت بعد خمسين ستين سنة يجيله الضغط والسكر والقلب من عمايل مراته وعياله ويجيله الربو والجوب الأنفية والسرطان من عمايل الحكومة..موتة بدرى بدرى ويرتاح

     
  • At Monday, December 17, 2007, Blogger Adel said…

    تمورة اولا وحشتينييييييييييييي موت وهاقربك من مناخيري ايه رايك والله العظيم انا ارتكبت اكبر غلطة في حياتى تخيلي انا مش عارف اضيف اخربوست طلع من معميع قلبي لانى ولله الحمد بقيت اتمتع بكمية غباء لم ولا ولن ولم وكل ادوات النفي انى كان ممكن اوصل لها انا قريت البوست ده لكن وربنا ما بقيت فاهم هو فيه ايه المهم انا بس باطمنك وانت لفي بقى على بقيت العيلة وطمنيهم والنبي تدعو لي بالشفا من الغباوة اللي بقيت فيها دي هههههههههههه

     
  • At Tuesday, December 18, 2007, Blogger الطائر الحزين said…

    كل عام انت بخير
    دعواتك

     
  • At Wednesday, December 19, 2007, Blogger Mohamed_sobhy84 said…

    مع اني مش فاهم حاجه
    بس النتيجه اني بلاش اتجوز احسن اتقتل ليله الدخله

     
  • At Thursday, December 20, 2007, Blogger Hosam Yahia said…

    بدا الاخوان امس اول ايام عيد الاضحى لمبارك ببدء الحمله الهدف منها اطعام اخوانهم الفلسطينين فى غزه بعد ان شحت مصادر اطعامهم
    وذكر مصدر موثوق به داخل جماعه الاخوان المسلمين ان الاخوان اطلقوا مشروعا عرفوه بمشروع الاضحيه وبالتعاون مع الهلال الاحمر المصرى ولجنه الغوث بنقابه الاطباء (التابعه للاخوان).......وهذه بدايه حسنه لدعم الفلسطينين ويرجى ان تتعلم الجمعيات الاهليه والاحزاب السياسيه من الاخوان على الاقل هذه النقطه

    www.sotelhoria.blogspot.com

     
  • At Thursday, December 20, 2007, Blogger appy said…

    جامده العناكب دى بس نصيحه دى مش معامله صح للرجاله صدقينى عن تجربه

     
  • At Saturday, December 22, 2007, Blogger بينى و....وبينى said…

    نمر حنة
    انا معاكى جدا0فأنا ملولة لأقصى درجة0مش بس الرجالة 0أى حاجه لازم تبعد من حين لاخر عشان منملش منها0وانا مع العنكبوتة جدا0لسه هتستنى لما يعملها فيها سى السيد 0فينك يامينة تتعلمى0

     
  • At Sunday, December 30, 2007, Blogger BaTaBeeT said…

    lol
    betfakarini ama kont rakba taxi w seme3t "m2darsh 3la keda w m2am el sayeda"


    begad el post to7fa... :D m3 eny arachnophobic

     
  • At Monday, December 31, 2007, Blogger عبدالرحمن فارس said…

    الرائعون كالأحجار الكريمه لا نصنعهم ولكن نبحث عنهم لنهنئهم بالعام الجديد ... كل عام وأنتم بخير
    عام مضى وعام يأتي ويارب السنه دي تكون أحسن من الي قبليها ونشوف نفسنا و بلادنا أحسن .... بدري بدري كده قبل الزحمه

     
  • At Wednesday, January 02, 2008, Blogger طائرٌ حر said…

    بصي يا تمر.. إنت دماغك كويسة و بتفكر لكن للأسف ستاتنا لما بيفكروا بيودونا في داهية .. يا تمر القرب هو اللي بيجيب المحبة .. و البعيد عن العين بعيد عن القلب .. أصلحي زوجك إذا كان مش عاجبك فيه بعض خصال و لاحظي إن فيه كتيييير مش لاقييين ( أو مش لاقيات )
    إن الله يكره المرأة التي لا تستغنى عن زوجها .. و مع ذلك تشكو منه و تكفر عشرته ..
    ما ذنب زوجك إنك إشتغلتي و زاحمتيه في شغله و في الحاجة اللي ربنا خلقه يعرف يعملها؟
    إيه يكون شعورك لو دخل عليكي المطبخ و قالك بس بس بلاش طبيخ إنتي طبيخك زي السم .. بس بس بلاش غسيل بوظتيلنا الهدوم ..بس بس بلاش غم دانتي حرمة دكر

    نعمل لكم إيه ؟

    إحمدي ربنا يا تمر على النعمة لان غيرك مش لاقيها ..

    أنا مش قصدي أقطع عليكي إبداعك الفني و الفضفضة اللي بتعمليها على المدونة .. لكن قصدي إننا نفتكر الحاجات الحلوة لبعض علشان منكرهش عيشتنا ..
    و من لم يشكر الناس لم يشكر الله

     
  • At Wednesday, January 02, 2008, Blogger aya said…

    والنبى انتى عسل
    بلا رجالة بلا هم
    بجد انتى زى العسل وسكرة

    انا اول مرة اجى عندك بس فعلا كنت هاموت من الضحك

    البوست جامد
    واحلى سلام للارملة السوداء
    فعلا تستاهل وسام الدولة من الدرجة الاولى

    وهو ده الكلام

    وبلا نيلة بقى

     
  • At Monday, January 07, 2008, Blogger بنت القمر said…

    الفكرة مش في ليله الدخله ولا نيله
    الفكرة زي ما قلتي في المساحه الحرة التي تبحث فيها عن ذاتها وتستمتع بوحدتها
    في مكالمه صديقه وفي خرجه سينما مع اخري لوحدهما
    ان شا الله قاعده ناقعه رجليكي في طشت الغسيل بحبه ملح ولا بتلقطي في حواجبك
    كده في سكوووووت في هدووووء في صمت بدون عاوز شاي
    عاوز طفايه السجاير
    ناوليني شاحن الموبايل
    بس مساحه حرة يا ناااس
    تحياتي

     
  • At Monday, January 07, 2008, Blogger بنت القمر said…

    علي رأي المثل خليك في كوزك لما نعوزك
    ههههههههه
    تحياتي

     
  • At Saturday, January 12, 2008, Blogger مروة الزارع said…

    تعليقى دعوة منى لزيارة تدوينتى الأخيرة

    بس مش هعلق اكتر من كدة

     
  • At Monday, January 14, 2008, Anonymous اوركيدا said…

    بصراحة انتى زى العسل وبحس ان اسلوبك زى اسلوب الانتيمة بتاعتى عشان كدة بحب اقرا كل اللى كتباه
    اما موضوع العناكب دة حلو اوى انا من بعد الجواز وانا شايفة ان فكرة الجواز ديه مملة اوى وملهاش لازمة بس يالا اللى حصل بقي

     
  • At Monday, January 14, 2008, Blogger simple girl.. ..simple dream said…

    حمدلله على السلامة يا شيخة
    انت كنت غطسانة فين كل المدة دى

    انت ليكى اسلوب مختلف ومتميز
    فيه الكثير من خفة الدم والتمرد وسعة الافق

    مش مهم انا متفقة معاكى فى وجهة نظرك ولا لا
    بس انا بحب اسلوبك وبتابعك دايما

     
  • At Thursday, January 17, 2008, Anonymous meroo said…

    مش فاهمه دى طلعت فاهمه كل حاجه انا بقى اللى مش فاهمه ايه الفكره فى معارضه ان الواحد يتجوز اتنين ومش هقول اكتر لان حاليا بتهيألى مفيش حد هيقدرعلى اكتر والله فيها حل لمشاكل كتير واولهم المشكله الى انتى عارضاها ينى يبقى نص الاسبوع معاه والنص التانى تراوه

     
  • At Sunday, January 20, 2008, Blogger سكوت هنصوت said…

    اخيرا نزلتي بوست يا تمر هندي

    طب بصي بقى ده انتي شكلك هتتكيفي قوي في عالم الحيوانات...و لو دخلتي عالم الحشرات هتتمزجي اكتر

    اه ما هي العناكب مش حشرات عشان العباقرة الي هيقولولك حشرة...

    العناكب حيوان يا رجالة..ست الحشرات بقى في نظري هي الجميلة انثى فرس النبي

    الي بتبقى يا ولداه بتصلي قبل الصيد واول من تاكله جوزها برضة بعد التزاوج

    بس الحقيقة هي ليها اسباب تانية..السبب العلمي ان بعد اللقاء بتحتاج لكمية ضخمة من البروتين عشان تقدر تضع البيض المخصب الي عندها...و لإن بعد الجماع بتكون في حالة وهن يمنعها من انتظار الرزق او السعي وراءه تسعى المسكينة الى اكل ابو العيال لإنه اقرب مصدر للبروتين ليها..و كمان ماهو لازم يضحي عشان خاطر عياله..ولا يعني كانوا عيالها هي بس

    نهايته...تسلم ايدك والله على الكلام الجامد بتاع المساحة والفراغ ده..مهم قوي اليومين دول

     
  • At Tuesday, January 22, 2008, Blogger 3ala asm masr said…

    دى تانى مره أكتب التعليق يارب ينزل بقى المره دى
    بصى ياستى أنا مش معاكى فى موضوع البعد ده أبدا بس بردو القرب مش لدرجة انهم يقعدوا الاتنين بوزهم فى بوز بعض طول النهار

    دى أول مره أزور مدونتك ودماغها عاليه أوى
    أسمحيلى أضيف اللينك عندى

     
  • At Thursday, January 24, 2008, Blogger حاول تفتكرنى said…

    يبقى الأعتراف أن الأسلوب الرائع للمقال يعطي تشويقا اٌناعا لغير المقتنع بثبات افكارة موضوعية محتواها

    تحياتي

     
  • At Thursday, January 24, 2008, Blogger maii omar said…

    دي أول زيارة
    ولقيتك نازلة المدونة بعد فترة غياب زي مافهمت..
    بس نازلة ببوست عنكبوتي مثير...باحيي معاكي أنثى العنكبوت اللي قدرت تعمل اللي مش قادرين نعمله

    :)

     
  • At Thursday, January 31, 2008, Anonymous Anonymous said…

    انا مش عارف ليه بس انا معجب بالبتاعهالمدونه دي اوي بس مقله (بكسر القاف)جدا في المواضيع ياريت تنزل كتاب او تكتب في مجله

     
  • At Monday, February 11, 2008, Blogger akeed said…

    اولا المدونة بتاعتك رائعة جداً دية اول زيارة لى ثانيا الموضوع جميل جداً واللى يقرأ الموضوع المفروض يفهم ما بين السطور ....


    موضوع جامد
    تحياتى
    أكيـــــــــــــد

     
  • At Tuesday, February 12, 2008, Blogger صوت من مصر said…

    الكلام ده كبير جدا

     
  • At Saturday, February 16, 2008, Blogger مدونة يلا نفضحهم said…

    ما أروعه محراب التدوين الذي جعلنا نعرف ونتعرف علي الكثير من المدونين الشرفاء الذين إمتلأت قلوبهم وعقولهم بحب هذا الوطن والعمل والسهر علي رفعته وعزته والقضاء علي الظلم الذي يستشري بين جنباته ....
    ===================
    إنضم معنا في حملة الألف مدون للإفراج عن المدون الدكتور إبراهيم الزعفراني
    علي مدونة يلانفضحهم : http://www.yallanefdahom2.blogspot.com/
    الدكتور الزعفراني الفارس النبيل

     
  • At Sunday, February 17, 2008, Blogger شريف طلال said…

    رائع
    عظيم
    فظيع
    حاضر هاخد بنصيحتك
    تحياتى

     
  • At Wednesday, February 20, 2008, Anonymous Anonymous said…

    Dear Tamarmer

    To start with, let me take off my hate and give you a big bow for all delicious and down to the point pieces of art you made so far, either in original pieces or even in replies.

    As soon as I encountered your blog, like many many others, I became instantly addicted and reviewed all of your postings, you are taking all of us to undiscovered summits with a whole lot of smooth menace and beautiful articulation.

    Only reservation I have, is that I still do not get enough of you, and probably will never ever do, especially with you keep slacking off a bit too much

    Love

    Ahmed

     
  • At Thursday, February 21, 2008, Blogger Misrdream said…

    انا انبسطت ان الاستمورننج بتاعي كان فى مدونتك النهارده
    تحياتي

     
  • At Thursday, February 21, 2008, Blogger Mohamed Esam said…

    اتمنى زياره مدونتى
    mobkhat.blogspot.com

     
  • At Friday, February 22, 2008, Blogger شريف طلال said…

    انا ضد المبادئ العنكبوتيه دى
    هههههههههههههه
    شكراً

     
  • At Saturday, February 23, 2008, Anonymous Anonymous said…

    انا مش كاتبه اعلق على المدونه دى بالذات انما بصارحه المدونه ككل رائعة وأسلوبك يجنن بس ليه بطولى الغيبه كدة انا كل يوم ادخل اشوف هل من جديد حتى مش بتردى على التعليقات لعل المانع غير تحياتى ليكى واتمنى أأرالك حاجه قريب

     
  • At Sunday, February 24, 2008, Blogger الطائر الحزين said…

    كيف حال حضرتك
    يارب تكونى بخير
    تحياتى

     
  • At Tuesday, February 26, 2008, Blogger Awa7'er eshetaa said…

    walahy 3andek 7a2...bas meen ely yefham b2a...
    m7na mmken ne2oll tsma7 tezorny el lela ya fandem..we homa ye2olo ..la mo27'za ezeyara mamno3a:)
    kalakeeeeeeeee3 b2a....wenzam lazem at2al 3aleh....:)

     
  • At Sunday, March 02, 2008, Blogger maha zein said…

    والله انتبي جمدة
    وعندك مليون حق
    والعنكبوتة السودة دي جمدة
    ودماغها عالية
    عرفة والله وبجد انا معاها في الي بتعمله لو فعلا تحليلك كان صح
    قال بعد ما تخلف وتتبهدل وتتخن وتبقه اوع ...يسيبها ويروح يتجوز
    يخي ده بعده
    وربنا تديله مقلب حرمية
    وتقلبه علي بوزة
    وتشبحه علي رأيك
    سعات بفكر
    لو جوزي فكر ...بس فكر مثلا يجوز علي
    ولا خطيبي مثلا كان بصباص هعمل ايه
    لو خطيبي بصباص هسيبه ونقصر الشر من اولها ...بجد والله ولا تقوليلي بكره يعقل ولا كده
    ولا كان جوزي الي بفكر يجوز علي هيكون فى حل واحد
    مش هسيبه
    بس هوز عليه شويه ستات جمدين يمسكوه يشبحوه
    واغمز عسكري باتنين جنيه في ايده واخليه يحبسه
    وبعدين بقه يجي دوري
    اديله ضربه تشله واعد جنبه كده اذل فيه
    ايوه
    اذله
    لا متقوليش علي شرسة
    خالص
    اوعي ياخدك بيهم شفقة ولا رحمة
    لازم يتعمل فيهم كده
    وربنا دول صنف لازم ....
    ولا بلاش
    نقصر الشر احسن
    مدونتك اكتر من رائعة خلاص بقت عندي في الفيفروت...بهنيكي علي انها بقت عندي في الفيفروت
    وفعلا اسلوبك اكثر من رائع
    وانتي بأفكارك الجمدة القوية دي عندي في الفيفروت

     
  • At Sunday, March 02, 2008, Blogger maha zein said…

    انتى عسل اوي...وسكر اوي...وحبيتك اوي...قريت كل بوستاتك وبجد مش عرفة اقولك ايه
    عيني وجعتني من القراية وبجد بشكرك
    انا مبسوطة منك اوي
    وببقه عوزة ادخل جوه المدونة بتاعتك وادور عليكي واهريكي بوس واقولك برافو عليكي يا عسل
    يا امو دم شربات
    شربات يا ناس

     
  • At Saturday, March 08, 2008, Blogger حنة said…

    ربنا يتوب علينا من خدمة البيوت
    يا رب
    اختك حنة
    من غير تمر
    تقبلي صداقتي فقد شعرت بأن بيننا مزاجا مشتركا .. بس انتي اشطر في الكتابة
    فتقبلي اعجابي ومودتي

     
  • At Monday, March 10, 2008, Anonymous عبدالرحمن فارس said…

    نفتقدك منذ فتره

    كوني هنا دائما
    لا تبتعدي كثيرا

    محبتي

     
  • At Tuesday, March 11, 2008, Blogger امين سر said…

    أنت
    يا سارقة ياء النداء من حروفي
    لماذا أنتِ مرتبكة ؟
    نعم أعنيك أنت
    ادعوك للإنضمام للفكرة
    فانتِ وحدك .. تلك التي لم تأت
    هذا طريق لم يكن يعرفه احد
    و لا يعرف احد
    طريق لم تعرفه اقدام المارة
    و لم تدنسه من قبل عجلات سيارة فارهة وقودها من عرقك و دمي
    تعالي معنا و املئي الدنيا بالضجيج
    نظرة على اسرار اون لاين لن تضيرك
    و مشاركتك تأكدي انها مصدر سعادة لنا
    http://asraronline.com/vb/

     
  • At Thursday, March 13, 2008, Anonymous Anonymous said…

    بصراحة والله ومن كل قلبي أقولك أن دي أجمل مدونة قريتها بحس أنك بتتكلمي بلسان كل لون من ألوان الناس وأنك بتوريني بعينك اللي أنتي شيفتية وأحنا مشفهنوش أو محرومين منه دا غير أسلوبك الرائع جدا جدا اللي والله شدني وبقيت مش قادر أقوم من أمام الجهاز قبل ما أكمل الموضوع المكتوب خصوصا وأني بدأت أقرا ء في الدونات من حوالي أسبوعين فقط وعنوان مدونتك لفت نظري لأطلع عليه فقط فلقتني مش قادر أقاوم ولأني قرات المدونة كلها من بداية الكتابة إلي آخر موضوعتها مرة واحدة فلاحظت التدرج اللي أنتي مشيتي فيه وأعجبني أكثر شيء جرأتك والتي أحسدك عليها جدا وبجد الله أنا كان نفسي زوجتي وحبيبتي وأم أولادي الغالية تقرا هذا الكلام وتستفيد منه لأني أستفدت منه بس ظروف الغربة والسفر لأجل لقمة العيش فياريت تنقشي الموضوع دا وتأثيره علي زوجة مع وقف التنفيذ لكي أضع نفسي مكانها اأشعر بما تشعر به ولا تريد أن تبوح.

    atta75atta@hotmail.com

     
  • At Friday, March 14, 2008, Blogger mona said…

    فينك من ديسمبر

    وحشتينا
    ووحشتنا بوستاتك القوية

    نحن في الانتظار

     
  • At Sunday, March 16, 2008, Anonymous Anonymous said…

    انتي رحتي فين يا تمر ؟
    مش عيب تسيبي الدكانة كدة تنش و الزباين تنفض و تروح تدور على دكانة تانية ؟
    مش ده رزق عيالك برضه ؟
    و لا سي لفندي جوزك خلاص ستتك و قعدك و بقيتي هانم بدل خدامة
    ردي يا تمر..في انتظار بوستاتك الجديدة

     
  • At Sunday, March 23, 2008, Anonymous سهر said…

    والله انتى سكر وفكرة بردوا لية لاء يا اوختى هههههههه

     
  • At Sunday, March 23, 2008, Anonymous Anonymous said…

    الله يخرب بيت الرجالة ونكد الرجالة الواحد فيهم يعمل انه حمش وهو ولا حاجة بياخد على قفاه بالجزمة
    مش كفاية بنشتغل ونصرف على بيوتهم وهما زي الهبل فالحين ياكلوا ويناموا ويشخطوا وينطروا
    يعني احنا خدامين ابوهم
    نشتغل برة وجوة ونشوف طلباتهم وطلبات عيالهم ونصرف عليهم وعلى البيت وفي الاخر يتنططوا علينا
    ربنا يهدهم ويهد نكدهم وفقرهم
    دول بوز فقر ونكد
    الراجل ده مش فالح غير في انه يتنطط على مراته وخلاص طول النهار والليل
    انا جوزي سايب اخته على حل شعرها وتلبس المحزق والملزق والارف وجاي يقرفني انا المحجة طول النهار ايه ده
    اللبس ضيق
    لونه لفت
    اصله مش عارف فيه ايه
    اصل البيت في ترابية
    في رداية عيش في كباية المية
    يجي من الشغل بسلامته المحروس ويقلع هدومه كل حتة في اوضه ولمي الهدوم وعلقيها خدامة اهله
    حاجة تقرف
    انا حاموت حايفعني

     
  • At Monday, March 24, 2008, Blogger TAM said…

    دى كانت استمورننج ايه دى

    انثى العنكبووت

    !!!!!!!

    اكياس بلاستيك وقلنا ماشى انما كده واضح ان الجنس الذكورى عامل مشكلة كبيرة

     
  • At Thursday, March 27, 2008, Anonymous Anonymous said…

    أنتي فين معنتيش بتكتبي لية من فترة طويلة علي العموم كنت أريد منك خدمة بسيطة لو رديتي علي اميلي أرسلك طلبي
    atta75atta@hotmail.com

     
  • At Thursday, April 03, 2008, Blogger HOSSAM said…

    الي الاستاذة اللي عاوزة الافندي يزورها بالليل
    انا بكتبلك في 2/4/2008 مع ان النص اللي علي البلوجر دا من ديسمبر 2007 المهم
    مش هقولك عجبني النص عشان انت شكلك مثقفة غلباوية أو ربما من انصار التمرد النسوي أنااااااااااااا اسم ولا اقولك مش مهم عشان احنا مش بتفرق معانا الاسامي
    هقولك حاجة واحدة بس احلي حاجة في النص الصدق التمرد احلي حاجة هو ان النص انت وانت النص بس يا خساااااااااااارة دي حروف بتعتبر عن صوت مكتوم وبس هقولك انا تعملي اية ولا تنادي عليه يزورك ولا حاجة اعملي حاجة بسيطة جدااااااااااااااا افتحي صدرك للهوااااااااااا واصرخي من جوااااااااااا قلبككككككككك انا حررررررررررررررررررررة بس اوعي تصدقي نفسك عشان انا كمان رغم اني راجل صرخت كتير اقول اني حرررررررررر بس مطلعتيش حر عشان المجتمع والقيود وابوها عاوز شقة وعاوز مهر وعاوز اوضة نوم وعاوز وعاوزز الله يحرق الحب وسنينه واخرين قررت اني العن قلبي والعن حبي واتمردددددددددددددددد اتمرد علي نفسي مش ع مجتمعي وقوانينه قررت اتمرد وارفض الصراخات الهبلة بتاعة قلبي عن الحب والهوا والضمير ومتسبهاش وحدها ومش هتلاقي غيرها وكل عينة الكلام الاهبل داااااااااااااا وأخيراااااااااااا تحرررررررررت وعشان كدا بوجهلك دعوة للحرية اصرخي من قلبككككككككككككككككككك بكل قوة والعني الناس والزمن والعني ضعفك والعني حاجتك للاخر بصي يا اسمك اية انت هما بيقولوا الراجل محتاج ست والست محتاجة راجل وبعدين طيب اقولك انا احسن حل طظ في الاثنين الراجل والست وسلمي علي العلاقات الانثوذكورية ويلا انا وانتي نعمل تمرد نسوي رجالي ونقول طظ في الكل
    انا علي فكرة اسمي ولا مش مهم بس لو تحبي نتواصل ايملي
    hossam1706@gmail.com

     
  • At Friday, April 04, 2008, Blogger مـ~ـاجدولين said…

    شكلها ثوره ضد الذكوره


    وانثى العنكبوت شعارها

    مدونه جميله لي زيارات اخرى

     
  • At Saturday, April 05, 2008, Blogger كريم الشاذلي said…

    امممممممممممم
    إلى أين يذهب عقل الأنثى ...
    موضوع عجبني
    تحياتي

     
  • At Sunday, April 06, 2008, Blogger زهقان said…

    معجب جدا بأرائك بالرغم من إنى من الجانب المعادى لكن من مدة مش باينة عندك سبوبة ولا إيه عموما منتظر جديدك

     
  • At Tuesday, April 08, 2008, Blogger sharif ghazi said…

    قد يكون ممكن

     
  • At Wednesday, April 09, 2008, Anonymous Anonymous said…

    وفيها ايه لمل نتزاور ولكن لقرض الشعروالدردشة فى الحال المايل بتاعنا ودخول الدونة تزاور وارسال الايميلات تزاور ومجرد الجلوس امام الكمبيوتر تزاور من غير سماح ولا عزاء فى سماح لديكم
    ناجح يوسف

     
  • At Saturday, April 19, 2008, Blogger أحمد كمال said…

    اللهم عافنا و اعفو عنا ، يا لطيف من الجنس المخيف

     
  • At Saturday, April 19, 2008, Blogger دكتور بهــدوء said…

    رائع
    رائع


    الاسلوب جامد

    وفعلا ماحدش بياخد م المرأه حاجه حلوه الا برضاها و المحافظه ع المسافه بينهم زي ما قلتي
    اللي هيا مسافه الرضا والتفاهم

     
  • At Thursday, April 24, 2008, Blogger mona said…

    أين أنت يا تمر حنة؟؟

    وحشتينا جدا

     
  • At Saturday, April 26, 2008, Blogger واحد وبيتكلم said…

    شاركني الصراخ http://kalamser.blogspot.com/

     
  • At Tuesday, April 29, 2008, Anonymous بسيونى said…

    انا جاتلى فكره زى دى بدل ما الشاب يوجع دماغه بالعفش و البنت توجع دماغها بالنيش كل واحد يفضل فى بيت أهله و يكتفوا بالزيارات الزوجيه يوم الخميس و العطلات الرسميه

     
  • At Thursday, May 01, 2008, Blogger yomna said…

    الست عنكبوت دي ست تمام...لو بس الواحدة مننا تتعلم منها شوية كانت الحياة بقى لونها بمبي

    على فكرة البلوج اكتر من رائع بس ليه بقالك كتير مكتبتيش فيه حاجة

    انا مستنية كلام جديد منك

     
  • At Thursday, May 08, 2008, Blogger أحلام ممنوعة said…

    بس تعرفى العنكبوتات (مؤنث العناكب)بيمثلوا الرجالة فى عالم العناكب..والعناكب بتمثل الجنس الناعم عندنا (خشى من الشباك يا محاسن)
    طبعا فكرانى بهزر ..طيب أنا هأسبتلك..
    مين فينا اللى بيجيب الشقة وبيدفع المهر وبيجيب (السكاكين)والشوك ..هتقوليلى انتى اللى بتجيبى السكاكين بس من فلوس العريس ,,
    تعالى بقى فى إطلالة سريعة نخش بيت العنكبوت ونبص مين اللى كون عش الزوجية؟؟!!
    العلماء يا أختى قالوا إن الأنثى هيا اللى بتبنى البيت وده طبعا جه تصديق للقرآن"كمثل العنكبوت"إتخذت" بيتا"
    يعنى الأنثى عندهم هى الذكر عندنا ..فأنا معاكى فإنها تنفذ كل اللى قلتى عليه مع تدارك الخطأ البسيط اللى نبهتك ليه طبعا ...
    بس بجد متألقة..

     
  • At Friday, May 09, 2008, Anonymous Anonymous said…

    يسلم فومّك
    هوا دا الكلام
    فلتحيا الأرملة

     
  • At Monday, May 12, 2008, Anonymous Anonymous said…

    هههههههههههههههههههه

     
  • At Wednesday, May 14, 2008, Blogger mona said…

    الورد كله ملا الجناين واشمعنى أنت اللي غايبة عنا يا تمر حنة

     
  • At Tuesday, May 27, 2008, Blogger ابو اعصار said…

    فينك يا تمر عسا المانع خير

     
  • At Thursday, May 29, 2008, Blogger أسوور said…

    قرر رئيس مجلس ادارة الجريدة مشكورا أن يتبنى كل ما يكتبه المدونون
    وان يفرد مساحة لا بأس بها لبوستات البلوجرز
    كما وافق على نشر البوستات المرشحة بتوقيع كتابها وصورهم
    وذلك ايمانا منه بقوة التدوين وبأنها صوت المصريين
    ***
    على كل مدون يرغب فى نشر مقالات - تحقيقات - قصص - نقد - ادب - شعر - سياسة او أى كتابات لم يرد ذكرها
    ان يرسل البوست المرشح مذيل بتوقيعه وعنوان المدونة والإسم الحركى ان اراد
    مرفق بصورة شخصية له
    على الإيميل التالى

    amyasser@hotmail.com

    أو ترك اللينك الخاص بالبوست والمعلومات الخاصة بالمدون فى تعليق على العنوان التالى

    www.amyasser.blogspot.com

    تحت عنوان خاص لجريدة الأسرة العربية
    الجريدة تصدر الإثنين من كل أسبوع

     
  • At Friday, May 30, 2008, Anonymous النوبى said…

    ههههههههههههههههههههههههههههههه
    يا افكارك الجامده

    ال عنكبوت ال

    سيبو الحاجات دى لينا احنا الغلابة

    تحياتى

    رئيس جهمورية اسوان العربية

     
  • At Friday, May 30, 2008, Blogger عمرو النوبى said…

    ههههههههههههههههههههههههههههه

    يا افكارك الجامده

    ال عنكبوت ال

    ياستى سيبى الحاجات دى لينا احنا الغلابة

    تحياتى

    رئيس جمهورية اسوان العربية

     
  • At Friday, May 30, 2008, Blogger عمرو النوبى said…

    فيــــــــــنك يا تمر حنة

    وحشتنا مواضيعك يابنتى

     
  • At Monday, June 09, 2008, Blogger أسوور said…

    جريدة الأسرة العربية
    قرر رئيس مجلس ادارة الجريدة مشكورا أن يتبنى كل ما يكتبه المدونون
    وان يفرد مساحة لا بأس بها لبوستات البلوجرز
    كما وافق على نشر البوستات المرشحة بتوقيع كتابها وصورهم
    وذلك ايمانا منه بقوة التدوين وبأنها صوت المصريين
    ***
    على كل مدون يرغب فى نشر مقالات - تحقيقات - قصص - نقد - ادب - شعر - سياسة او أى كتابات لم يرد ذكرها
    ان يرسل البوست المرشح مذيل بتوقيعه وعنوان المدونة والإسم الحركى ان اراد
    مرفق بصورة شخصية له
    على الإيميل التالى

    amyasser@hotmail.com

    أو بتعليق على هذا البوست نفسه
    يترك لينك البوست اللى عايز ينشره الجرنال له
    تحت عنوان جريدة الأسرة العربية
    الشـــــــــــــــــروط
    -مراعاة الصحة اللغوية والنحوي والإملائية قدر الإمكان.
    -مراعاة الا يزيد البوست المراد نشره فى الجريدة عن صفحة ايه فور.
    - أولوية النشر تكون للبوستات التى فيها موضوعات عامة تهم فراء الصحف.
    -اولوية النشر للبوستات التى ترسل على الميل المذكور أعلاه كفايل وورد مرفق.
    الجريدة تصدر الإثنين من كل أسبوع

     
  • At Monday, June 09, 2008, Blogger واحده من اصحاب القمر said…

    تمر حنه كل التحيه يا جميلتي يلتفون حولك يعشقون الصخب والجنون بين سطورك الثائره .
    الأرمله السوداء العنكبوتيه لا يقتصر حضورها علي النساء انها كيان ربما يحتل رجل او امراءه يشعر ويثابر من اجل شيء ما وحين يناله لا يعرف ماذا يفعل به فالأخر حينها تحول الي غريب لا يعرف عنه اكثر من كونه اصبح ممل وعديم النفع ادعو كل الجميع هنا الي التأكد ان ما يسعون من اجله هو فعلا ما يريدون وأوكد ان نساء البشر لن تقتل او تنهي عمر رجل تحب بل ترعي وتحب الي الابد والرجل ايضا حين يحب كيف يغتال من احب ويحب الي الابد سيرعي ويبقي علي العهد .

    عزيزي راجي صاحب مدونه عين في الجنه
    اتعس الرجال هم من ينتقلون من فراش الي فراش وفي نهايه 50 عام يتسألون ابناء من هؤلاء مع من كنا بالامس مع من سنكون غدا سيكون كل من لا يفي بعهده للأخر وحيدا ممزق الوجدان والثياب .

    في نهايه الامر ادعو الجميع الي ترك مساحه لمن نحب من عمق حبنا سنترك للحبيب الفرصه للتنفس والانطلاق ليس بمفرده ويبقي الطرف الاخر في انتظاره ولكن ننطلق معا نحو حياه تحمل الصدق والوفاء لنعود ومعنا اشتياق مراهقين صغار يمارسون الحب للمره الاولي

    كل التحيه والاحترام للمدونه الجريئه

    اميره جمال

     
  • At Tuesday, June 10, 2008, Blogger حكايتنا said…

    طريقتك في الكتابة رااااااائعة
    قريبة من القلب
    دمتي ب ود

     
  • At Thursday, June 26, 2008, Blogger عاشقة الحب said…

    شكرا على الموضوع

    تحياتي

     
  • At Saturday, June 28, 2008, Blogger mona said…

    يا تمر حنة يا تمرحنة

    وحشتينا
    طمنينا إنك بخير بس

     
  • At Thursday, July 10, 2008, Blogger سمير مصباح said…

    عندى ليكى فكرة احسن
    انا شفت بعينى فى قريه جنب دمياط عاده غريبه جدا
    واحنا موافقين نتنازل ونوافق ان العاده دى تتعمم على مخاليق الله الرجاله الغلابه( ده اذا كان لسه فيه من الصنف ده)
    وعاده القريه دى والقرى اللى حوالها ان الست اللى تنبسط (هه) تنبسط من جوزها
    تقوم تجوزه واحده تانيه هى اللى تختارهاله وعلى حسابها كمان
    اه والله العظيم
    ايه بقى رأيك فى العبقريه دى
    اهى تبقى اتخلصت منه وبجميله كمان

     
  • At Sunday, July 13, 2008, Blogger Blank-Socrate said…

    يا رب تكونى بخير
    مفتقدك بالرغم من انى مش صديق للمدونه لكن متابع جيد و اقلقنى غيابك
    تحياتى

     
  • At Sunday, July 13, 2008, Blogger Blank-Socrate said…

    لحظه لحظه
    owner approval
    و اخر حاجه بتاريخ 10 -7
    يعنى انت مش منقطعه عن النت انتى بتابعى مدونتك
    يا الهى
    طيب ايه اخبارك
    عارف عارف
    لا انا و لا انت نعرف بعض
    لكن
    ليه
    و لو عرفت هأعمل ايه
    حاولى دايما مهما كانت الظروف تكونى ايجابيه
    عارفه ليه
    لانك مش خدامه
    و مش تابعه
    و مش سلبيه
    و لو كانت الظروف سلبيه لا قدر الله انت مؤمنه ان كل شىء يحدث بسماح من الله
    عارف عارف انى لسعت و شطحت بأفكارى بعيد
    لكن انت مدونه ناجحه بالنسبه لينا
    و ممكن يكون السبب اللى كان بيدفعك للكتابه فى الاتجاة دا انتهى
    لكن اكيد لسه فى احداث تانيه بتحصل
    انت اللى بتملكى المدونه و انت مش مدينه للقراء بشىء
    دى افكارك انت و انت حرة
    على فكرة يمكن من الحاجات اللى انا باحبها فيك انط متمردة بحجه و عقل و ذكاء و دى حاجه بتدى طابع لذيذ جدا للشخصيه
    معلهش طولت
    كان نفسى احكى شويه
    تحياتى
    اتمنى عودتك

     
  • At Thursday, July 17, 2008, Blogger eshrakatt said…

    وهو يا ترى فيه راجل يعرف يحس انه راجل من غير ما يكتم على نفسنا ويطلع عنينا دى هى دى متعتهم فى الحياه انا اسيطر واتحكم ابقى راجل عارفه حتى كل من يتشدقون بحرية المرأة والحجات الى هى استهلاك اعلامى دى جواهم عقد الدنيا وكم من الاذدواجيه لا يعلمها الا الله يا حبيبتى احنا فى مجتمع ذكورى متخلف غبى عارفه نخلص منهم ازاى يروحو يتجوزو 4 ويحلو عنا انا عندى استعداد جوزى يتجوز 10 بس يحل عنى

     
  • At Monday, July 21, 2008, Blogger hana zain said…

    Dear Tamr

    i want to meet you in person if possible. my name is Hana, if you still follow the comments on your blog, i will be in Cairo for the coming ten days. wherever you are i will come to meet you.

    email me at hanadizainal@gmail.com

    hope to hear from you

     
  • At Tuesday, August 12, 2008, Blogger سمير مصباح said…

    اين انت طوال هذا الوقت
    نريد تدوينة جديدة

     
  • At Thursday, August 14, 2008, Blogger Blank-Socrate said…

    ازيك عامله ايه
    عارف هتقولى انى اتعودت
    مش مشكله
    عارفه انا حاسس انى مش بعيد عنك
    انا معرفكيش خالص و لا انت لكن بصراحه
    حاسس ان اوقات البنى ادمين بيكونوا قرييبين جدا من بعضهم حتى لو ميعرفوش بعض
    بمعنى ان انا انسان و انت انسانه
    تجارب و الالام مختلفه
    احتياجات مختلفه
    لكن فى النهايه مشاعر انسانيه واحدة
    الغريبه اننا اوقات كتير بنكون السبب ان الدنيا مش مظبوطه
    اوقات احنا اللى بنكون بنجرح الناس اللى بنحبهم و اننا بسبب انانيتنا بنكون سبب الجروح اللى احنا و اللى بنحبهم واقعين فيها
    اوقات جهلنا
    و اوقات ضعفنا و حبنا
    ان تعبت من انى اجرح و اتجرح
    و تعبت من الضعف
    و مقدرش الغى قلبى
    هكون حجر او مكنه
    و دا مينفعش
    انا شايف ان الحل حب اكتر
    بذل اكتر
    لان فى الحب انا باتغلب على ضعف الاحتياج
    يعنى بمجرد ما انا بانزع الاحتياج الشخصى الفردى من القرار اكيد دا بشكل حياديه و ايجابيه فى انعكاسه على الاخريين
    يعنى راحه و حب اكتر
    اهتمام بيهم
    مينفعش اطلب من الناس يكونوا كويسين
    لان عارف ان الموضوع صعب جدا
    ممكن ابتدى بنفسى
    لكن انا مش قادر على نفسى
    معلهش الدنيا و اشباع حاجاتى فيها ارخص بكتير من لحظه الالم فى وش الناس اللى بنحبهم
    فى مقوله جميله للام تريزا
    I have found the paradox, that if you love until it hurts, there can be no more hurt, only more love.
    تحياتى ليكى
    لو انت كويسه نشكر ربنا
    لو انت مش تمام او فى اى مشاكل حاولى ان انت تسيطرى على الامور بالطريقه دى
    بذل اكتر حب سلام
    سورى انا بصراحه بصراحه بقول الكلام دا لنفسى
    و تطفل منى انى اكتبه هنا
    لكن ان غاب قط المدونه العب يا عقلى
    باااااااااى

     
  • At Wednesday, September 03, 2008, Blogger khalid jarrar said…

    kol 3am o inti b2alf kher ya abla tamr7inna :D ramadan mbarak 3aleki o 3ala ahlik inshalla :)

     
  • At Friday, September 12, 2008, Blogger Randa El- Adawi said…

    هاهاها!

    تعجز الكلمات عن الوصف فقررت ان اتنحى من كتابة تعليق يليق
    ^^

     
  • At Wednesday, September 24, 2008, Blogger هموم مواطن said…

    الله ينور عليكى

     
  • At Friday, September 26, 2008, Blogger أبو أمك said…

    يا سمباتيك خالص يا مهندم
    تسمح تدون تاني.. يافندم؟

     
  • At Thursday, October 02, 2008, Blogger Prometheus said…

    Dear Tamr Henna,
    I am not sure u would read that comment or whether u would be informed:
    But i wish u did not stop writing on that blog, because u stoped it since december 2007, hope to read again:
    u may wonder who am i, but its not so important though.

     
  • At Monday, October 06, 2008, Blogger Blank-Socrate said…

    تحياتى

     
  • At Wednesday, October 08, 2008, Blogger شفقة هانم واحسان بك said…

    أسلوبك رائع وأفكارك جريئة
    موهوبة ولديك كل مقومات العمل الأدبي
    بس واضح ان فيه حاجات تانية شغلاكي
    وغالبا هيكون الجواز والعيال وأبوهم
    عمالة بس تكتبي كلام جامد .. وتنصحينا
    باين كده إن باب النجار مخلع
    ولا إيــــه ؟؟؟


    تحياتي وإستغاثاتي
    إحســـان ذكر ال مش عنكبوت

     
  • At Tuesday, October 21, 2008, Blogger mony said…

    ههههههه

    دمك زي السكر


    و كلامك لبق جدا و مرتب

     
  • At Thursday, November 13, 2008, Blogger Blank-Socrate said…

    WE still waiting for u
    waiting "me" inside you

     
  • At Friday, November 14, 2008, Anonymous yosra hassan said…

    رائعة رائعة رائعة مقدرش اقول اكثر من كدة

     
  • At Monday, November 24, 2008, Blogger شاب مصري مفروس said…

    لالا
    طب وليه كده
    ما الطيب احسن
    انتو هتخوفونا من الجواز ليه من اولها كده

     
  • At Thursday, December 04, 2008, Blogger Hatem said…

    انتي روحتي فين و بطلتي تكتبي ليه معقولة حد في موهبتك و خفة دمك يبطل كتابة

     
  • At Wednesday, December 24, 2008, Blogger Blank-Socrate said…

    كل سنه و انت طيبه
    السنه بتخلص
    كفايه و منتظرينك
    عودى يا هاميس
    :)

     
  • At Thursday, December 25, 2008, Blogger relove said…

    الله يكون في عون الرجالة لو كل الستات بتفكر كدة
    سبحان الله يعني

     
  • At Sunday, January 11, 2009, Blogger أخوك said…

    السلام عليكم ورحمة الله

    وفقك الله لما يحب ويرضاه

     
  • At Sunday, February 08, 2009, Blogger fr7ty said…

    السلام عليكم

    موقع أكثر من رائع شكرا لكم

    موضوع جميل جدا يستحق القراءه

    يوتيوب فيديو فرحتي

    http://www.fr7ty.com

    منتديات نسائيه

    http://www.fr7ty.com/vb

     
  • At Friday, February 13, 2009, Blogger صبرني يارب said…

    شوفي اجدع حاجه قولتيها فى الليله دي هو المثل بتاع جدتك

    اعرف واحده برضه من دورها كده مخضرمه يعنى دايما تقول المثل ده


    جنازه بتار ولا قاعده الراجل فى الدار

    ولله الحمد تعالى انعم عليا براجل ما بيقعدش فى الدار

    ورغم انه هاديء الطباع ولطيف وظريف والحمد لله على نعمته علينا
    الا انه بررررررررضه مجرد ما القاعده تطول فى البيت عن ساعتين متواصلين يبدأ البوز _عنده يعنى يطول_ والتتنيح قدام التليفزيون يزييييييييد
    واه ثم اااااااااه من اجازات الاعياد

    اكفيكى الشر يا اختي لازم على تاني او ثالث يوم على الاكثر نكون متخانقين ههههههههههههههههههههههههه

    تحياتي ليكى يا .افندمه

     
  • At Sunday, February 15, 2009, Blogger mony said…

    انتى مش ممكن بجد..دماغك ماشاء الله..مدروخة جامد
    ربنا يحميكى..يارب

     
  • At Sunday, February 22, 2009, Blogger Blank-Socrate said…

    تحياتى

     
  • At Monday, March 02, 2009, Blogger Blank-Socrate said…

    انا تعبيت
    بقولك ايه
    blanksocrate@gmail.com
    يا تكملى تدوين
    يا تطمنينى عليك
    :)

     
  • At Monday, March 09, 2009, Blogger mona said…

    طمنينا بس انك بخير

     
  • At Sunday, March 15, 2009, Blogger Blank-Socrate said…

    كفايه يا مفتريه بقى
    :((((((((((
    اى حاجه
    طيب اى حاجه :)
    تحياتى

     
  • At Monday, March 16, 2009, Blogger Ali said…

    تسمح تحن علينا يافندم وتتابع الكتابه من جديد

     
  • At Tuesday, March 31, 2009, Blogger Blank-Socrate said…

    انا نفسى اعرف الناس بتعلق و خلاص مش عارفين ان انت اخر مرة كتبتى من سنه و نص
    ؟
    !
    عندى فضول انى اعرف ايه اللى حصل
    خاصه انك لسه بتابعى المدونه
    اكيد الموضوع مش بسيط
    و لو ان الحياة للاسف كلها دراما صعب اننا نتخيلها
    حتى الانسان اللى ممكن نفتكر انه عايش فى سلام و معندوش مشاكل
    ممكن يكون فى حاله من الشك و عدم تحديد الهدف
    او الشك فى جدوى الحياة
    و يكون فى جحيم اكتر من ناس كتير تانيه بتعانى
    عامه
    اتمنى ان تكونى بخير
    يا رب
    :)

     
  • At Tuesday, April 07, 2009, Anonymous Ahmad said…

    متيجي بقي
    دانا بحب اقرالك اوي

     
  • At Saturday, April 18, 2009, Blogger نعكشة said…

    هوه حضرتك بطلتي تكتبي ليه من 2007؟؟؟

    لعل المانع خير

    سلام عليكِ

     
  • At Saturday, April 25, 2009, Blogger قلم جاف said…

    عوودي يا تمر حنة..

     
  • At Wednesday, May 06, 2009, Blogger Ishi said…

    طيب ياستي
    بلاش تكتبي
    خلينا كده علي نار وانتي سايقه فدلالك
    وطظ فكل عشاقك

     
  • At Tuesday, May 19, 2009, Blogger Blank-Socrate said…

    اسكتى يا تمر حنه مش خطيبتى التى يفترض ان تكون اتخطبت
    بصراحه انتوا خنقه
    فيها ايه لو فوزيه كانت خلتنى امسك ايديها علشان اعرف انها عندها ود
    مش كان زمانى انا اللى خطبتها
    مخنوق قوى

     
  • At Sunday, June 21, 2009, Blogger سقراط مصر said…

    ههههههههه
    هي فعلا بتحب تخافظ على مسافه بس الكلام ده في الطور الاول في علاقتهم ببعض ... لكن بعد الجواز .. سهران فين يا منيل الساعه دي

    بالنسبه للسفاحه انثى العنكبوت دي فهي اظاهر انها ما تعرفش حاجه عن قانون المراه والطفل وقانون الخلع يا اما ما تعرفش محام شاطر

    هههههههههههههه
    محكمة الاسرة دلوقتي وقوانينها شديدة قوي على الرجاله
    انا محامي وعارف
    القاضي بيبقى بينطق لاحكام وهو مفروس
    ما هو دكر برضه وبيغير على جنس

     
  • At Sunday, June 21, 2009, Blogger Blank-Socrate said…

    مساء الخير
    :)
    تحياتى
    --------
    طبعا انت اكيد عارفه انى باجى هنا ادور على نفسى
    ممكن بعد ما ترجعى للتدوين اكون معاكى تدوينه او اتنين
    لكن بالوضع الحالى ممكن اكون معاكى سنين مستنى رجوعك
    يمكن انا هنا باتمنى ترجعى
    و يرجع معاكى كل اللى باحبهم
    لكن للاسف حتى لو رجعتى هما مش هايرجعوا
    بس انا هنا باقلوهم انا مستنيكوا
    :(
    و انت بعيد عن الكلام احسن و لا و انت بتتكلمى
    يا ترى زهقتى و لا خلصتى كلااام
    و لا ممنوعه من الكلااااااااااااااام
    يا ترى بتقولى اننا فى عالم افتراضى و اهتميتى بالواقع اكتر
    و لا الواقع اجبرك انك تعيشى فيه
    تحياتى

     
  • At Thursday, July 09, 2009, Anonymous Anonymous said…

    أين ذهب هذا المبلغ الضخم وهو " 130 مليار دولار" ؟.....؟

    فى حديثه بقناة الجزيرة فى سبتمبر 2004 قال الأستاذ محمد حسنين هيكل أنه خلال الثلاثين سنة الأخيرة حصلت مصر على 150 مليار دولارعلى شكل منح وقروض وهبات .. صرف منها حوالى 12 مليار دولارعلى مشاريع البنية الأساسية وستة مليارات دولارعلى مشروع مترو الأنفاق .. ومصيرالمبلغ الباقى غير واضح !!!! أين ذهب هذا المبلغ الضخم وهو " 130 مليار دولار" ؟.....؟ و لمزيد من التفاصيل أذهب إلى مجموعة مقالات ثقافة الهزيمة فى هذا الرابط:

    www.ouregypt.us

     
  • At Friday, September 11, 2009, Blogger Blank-Socrate said…

    كل سنة و انت طيبة
    رمضان كريم

     
  • At Wednesday, October 14, 2009, Blogger Blank-Socrate said…

    hi my friend died and I miss him

     
  • At Thursday, October 15, 2009, Blogger dr.w.krm said…

    اولا اسمحيلى ان ابدى اعجابى بمدونتك جدا جدا جدا جدا
    ثانيا صحيح دى اول مرة ازورها بس لا يمكن تكون اخر مرة
    ثالثا وده الاهم بجد انتى انسانه نفسى اتعرف عليكى كتير لأنك بتتكلمى بكلام قريب من قلبى اوى
    رابعا اسفه على التطويل وتقبلى تعليقى وطبعا يشرفنى زيارتك ليه فى مدونتى
    بصى....طبعا انتى عندك حق والمعنى اللى تقصديه عميق وانا حسيته
    تواجد الرجل بصورة اجباريه فى حياتنا شىء مدمر وسيطرته على كامل جوانب الحياه برده شىء يغيظ
    وبالتالى نظرا لتواجده المستمر هيكون دورنا احنا تنفيذ الاوامر وبس وده طبعا مستحيل
    ممكن الراجل يبقى موجود ويفرض نفسه فى حياتنا بس مش بالتحكمات ولكن بشخصيه منطقيه خفيفه بتفهم ...سورى فى الكلمه
    ساعتها بس هنحتاجه فى كل حاجه واى حاجه ونعترف بقوامته اللى ربنا قال عليها
    لكن تدخل الرجل عمال على بطال فى حياة الست بهدف التدخل وخلاص ده شىء ان شاء الله مش هيجى الا على دماغه
    :-))

     
  • At Wednesday, December 02, 2009, Blogger Blank-Socrate said…

    hiiiiii
    انا عرفت واحد قريبى انسان ممتاز على الانسانة اللى باحبها بهدف انهم يرتبطوا
    اصل انا باحبها حب افلاطونى و هيا اكدت قبل كدا اننا اخوات و اصحاب
    انا مش زعلان
    بس انا صعبان عليا
    نفسى انه يحبها
    و نفسى انى احب انسانة تانية بجد وتحبنى هيا كمان

     
  • At Wednesday, December 02, 2009, Blogger Blank-Socrate said…

    هو انت بصراحة كنت بتفكرى كويس و دمك خفيف
    لكن مش فاكر كنت رومانسية وعاطفية و لا عملية
    اصل انا لية باقولك حاجات خاصة
    هو طبعا الميزة الرئيسية ان انت موجودة و مش موجودة
    بس انت ممكن تكونى مثلا بتستخفى بكلامى
    ممكن تكونى انسانة كويسة بس متعصبة و مشاعرك تتغير لو عرفتى انى مسيحى
    ممكن تكونى ملام من الملايكة الكتير اللى عايشين فى الدنيا
    و للاسف لازم الكل يتألم
    الكويس و الوحش
    الكويس بيأن من اجل احساسه بانه انسان غير صالح و من ردود افعال الدنيا و الناس الغير سوية
    و الانسان اللى مش كويس بيأن من رغبة غير متناهية للاستحواذ و الامتلاك
    -----------
    نسبة كبيرة بتتوارى خلف الاسماء المستعارة و الفضاء الافتراضى علشان عجزهاعن مواجهة الواقع
    ------------
    ---------------
    بالمنطق لو انا باضايقك بكلامى هنا
    اكيد مكنتيش هتنشريه
    فشكرا للمتنفس دا
    ----------------
    اخر حاجة لو تعرفى اى واحدة مسيحية لاسعه من 22 الى 25 سنة مثلا
    و من اسرة اعلى من المتوسط و اقل من الثرى
    و فى نفس الوقت على مستوى عالى من الثقافة و التحضر
    و مش مهم الجمال المقبول فقط
    ممكن تعرفيها عليا
    :)
    اتمنى تكونى بخير
    دا بفرض ان انت اصلا سيدة
    او مؤنث يعنى
    يااااة انا عارف انى رغاى قوى

     
  • At Monday, January 04, 2010, Anonymous ابو علي said…

    تعليقي مش على البوست دا بس لكن على المدونه كلها .... بجد بجد تحفه اسلوبك هايل و سخريتك لادعه

    بالتوفيق دائما و مواضيع احلى اكتر

     
  • At Monday, February 08, 2010, Anonymous EHAB said…

    where are you? alot of peopl are missing your writing.

    I hope you are fine,

     
  • At Friday, February 19, 2010, Blogger أحمد الصعيدي said…

    مدونة تستحق النتابعة وقلم مترابط

    وأدبية تقص الحكايا كما يجب أن يكون

    سعيد بوجودي الاول هنا

    تقبلي مروري سيدتي

    السلام عليكم

     
  • At Monday, February 22, 2010, Blogger Blank-Socrate said…

    هاى
    انا بطلت كتابة زيك :)
    مش عارف مؤقتا و لا هكمل
    بااااااى

     
  • At Thursday, March 04, 2010, Anonymous Anonymous said…

    True idea

     
  • At Friday, March 12, 2010, Anonymous Anonymous said…

    I think, you will come to the correct decision.

     
  • At Saturday, March 13, 2010, Blogger mostafa said…

    I had the honor to read these modawanat.
    It really elevate to a very high ground it reality picture of every thing good or bad or ugly.
    it touch the heart of man women feelings and mis understanding
    Tamt Henna this quality of writing can be global and could be translated,
    keep it up,good luck,and please dont stop you are gifted talant lady with a vision if i can support in any way i will be more than happy,
    Mostafa Los Angeles,California

     
  • At Wednesday, March 31, 2010, Anonymous Anonymous said…

    عودى ياتمر حنه وحشتينا لعل المانع خير ..........................طب طمنينا عليكى

     
  • At Wednesday, May 12, 2010, Blogger khalid jarrar said…

    offf offf..zamaaan 3annnik ya tamr 7inna!

     
  • At Saturday, June 19, 2010, Blogger عرفة فاروق عبد لله said…

    السلام عليكم

    انا خدت لفة فى المدونة وعجبتنى جداا

    بس مرديتش اعلق فبل ما اظبط دماغى

    بكاسين ويسكى احمر وسيجارة وكام اغنية لمنير

    هههههههههه

    بصى يا ستى

    الاغنية ملهاش ذنب الفن الشعبى دايما بيعبر عن اختلاجات النفس الانسانية البسيطة بكل نزقها وايمانها وفاطمة عيد ومنير والحلو افضل تلاتة على الاطلاق
    وعندك مكرم والبلبيسى
    المهم مش كل الستات الارملة السوداء ولا كل الرجالة جوزها
    احنا فى مصر عندنا ذكورة ومعندناش رجولة حقيقة للاسف غالبة بس فى البلد رجالة برضو ومش عايز اقول انا منهم

    المهم

    أكيد هيكون ليا زيارات تانية فيها كلام كتر واوضح

     
  • At Tuesday, October 26, 2010, Blogger liberalita said…

    ههههههههه شكله المفروض يكون هذا الوضع مع كل الرجال ..

    ما أقول غير تحيا العناكب و العقارب .,,

    .....
    i'm following you

     
  • At Thursday, November 18, 2010, Anonymous Anonymous said…

    ثقافة الهزيمة .. أسكندرية ليه؟

    متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول . ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

    محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، و حلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين.

    هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية..

    باقى المقال ضمن مقالات ثقافة الهزيمة بالرابط التالى www.ouregypt.us

     
  • At Saturday, November 20, 2010, Anonymous المواطن مصري said…

    تتكلمين عن المرا’ بملائكية كبيرة كما لو كانت من صنف حملة العرش ولا يأتيهن الباطل من خلف ايديهن ولا خلفهن..لماذا تتكلمين عن انثى العنكبوت وهي تتصرف بوظيفية خلقت من أجلها..ولا تتكلمين عن المرأة الانسان التي لها حق الاختيار وتختار دائما أن تاخذ ولا تعطي..تأخذ من كل شئ ولا تعطي الا بحالة مزاجية ..مثل مالكة العزبة التي تستمتع بحالة الثور الذي يدور بالساقية ليرفع لها الماء وكل اماله هو ان تتكرم بوضع عصابة على عينيه حتى لا يصاب بالدوران ويقع..ليستمر في العطاء وتوفير الماء لها..انكم صنف أنانيون ..تنظرون الى الوظيفية التي بكم وهي الانجاب والسهر على مصلحة الأبناء كما لو كانت عطية منكم او هبة تتفاخرون بها الى يوم الدين..ولا تسعى بعد أن تتكون لها اسرة بزوج حمار ليل نهار وذرية الا لتوفير المزيد من الماء للعزبة ولا تبذل اي شئ لاسعاد الثور المسكين الذي يلف ويلف حتى يقع ..وهنا تفوز بلقب الارملة التي تسعى وتعاني من اجل الابناء...لا تعممي الاحكام سيدتي ..فإن منكن من لا تستحق الا ان أن تتلقى العدل المطلق من رب العباد دون شفقة من الثور المقتول عن عمد منكن.

     
  • At Thursday, January 06, 2011, Anonymous نورا said…

    بجد مدونتك رائعة احببتها جدا

     
  • At Tuesday, January 18, 2011, Blogger الحصان الأسود said…

    انتى مختفية فين يا انسة من سنتين

    طفشتي من هنا و المدونة دي مالهاش اصحاب وللا اية

     
  • At Saturday, April 02, 2011, Blogger علان العلانى said…

    واوقفنى في النطق والصمت تارة وتارة وقال لى:ما وقف فيه ناطق ولا صامت،فمن نطق وصمت فهو من اهل معرفتى التى عنها نطق وصمت.

    وقال لى:بين النطق والصمت برزخ فيه قبر العقل وفيه قبور الأشياء


    تحية وسلام
    وقبل ذلك وبعده
    الاحترام

     
  • At Tuesday, May 17, 2011, Anonymous سوسو said…

    الصورة حلوة اوى اختيار موفق للموضوع واتمنى لكم النجاح
    صديقتكم ميرو

     
  • At Sunday, January 08, 2012, Blogger khalid jarrar said…

    alo? :)

     
  • At Saturday, January 21, 2012, Anonymous ليله حنه said…

    مقال جميل

     
  • At Saturday, February 04, 2012, Anonymous Anonymous said…

    يا جماعة ارجوكم اى حد يعرف صاحبة المدونة دى يا اما يطمننا عليها او يقولنا اى خبر عنها و بجد لو انتى بتقرى كلامنا ياريتى لو تخشى تقولى اى حاجة و تطلعى احنا بس حبناكى من كتاباتك و عايزين نطمن عليكى

     
  • At Saturday, February 04, 2012, Anonymous caesar said…

    الحمدلله انك موجودة و لانى لما كتبت الرسالة اللى قبل دى ع طول لاقيته بيقولى انتظر موافقة صاحب المدونة و دة خبر حلو ف حد ذاته لانه فى ناس كتير سايبة كومنتات من تاريخ 5/2011 اخرهم اتمنى انك ترجعى اسلوبك مميز و انتى انسانه رقيقة

     
  • At Monday, May 14, 2012, Blogger sherif hamdy said…

    اول مرة اقرا مدونة و اول مرة اهتم انى اقول راى فى مدونة بس موضوع انثى العنكبوت دة شدنى جدا لانى حاولت دراسة المراة على مدى عشرين سنة طبعا مش هاقدر اقول طرق الدراسة بس كل الى هاقدر اقول علية ان الى فية ست او بنت فى حياتة فهو عايش على جمرة نار دى لو امك الى بتموت فى التراب الى بتمشى علية بقت صاحبتك هتجنن امك

     
  • At Monday, July 16, 2012, Anonymous شبكة الاصالة العربية said…

    راائعة

     
  • At Thursday, March 07, 2013, Anonymous mai said…

    ليه مابترديش يا تمر حنه خليتي بينا وبعدتي عنا ليه وحشتيني اوي اوي والله وقاطعة فيا كل شويه اقرا البوستات القديمة واضحك وبعدين يبقى نفسي اعيط عارفة انا متبعاك من اول بوست بس دي اول مره اكتبلك

     
  • At Tuesday, April 16, 2013, Blogger هندسة وصفية said…

    كانت ايام جميلة .. انا مكتئب

     

Post a Comment

Links to this post:

Create a Link

<< Home