بعد الكاتينة الدهب و الدبوس الألماظ ....
لم أكد أهنأ برؤية ألوان العلم المصرى تلهو فوق أعلى قمة فى العالم .. الا انى أخدت حتة دين لطمة فوقتنى .
خبر و كأنه بيقوللى فوقى يا ماما .. و اللى طلعكوا قمة افرست قادر يخسف بيكم سابع أرض ....
الخبر بيقول : تصدير خادمات مصريات للملكة السعودية .......
بغض النظر بقى عن استبدال كلمة خادمات بـ : مديرات منازل أو عمالة نسائية .. أو استبدال كلمة تصدير بـ : تبادل خبرات أو تعاون مع وضع ضوابط مشدده .. و صياغة عقود لضمان كل الحركات.....
مالآخر : تصدير الستات المصريات للخدمة فى بيوت الأخوة السعوديين !!!ا
و كأن هذا ما كان ينقصنا " لبروزة" صورة مصر عالميا.. و كأن المصرى أستكتفى محليا ..و مرحبا بالمرمطة الخارجية .
و الأغرب على الإطلاق أن يصدر هذا القرار من "سيدة مصرية" !!!؟؟
هل تتخيلى سيدتى الوزيرة ما يمكن أن يحدث خلف الأبواب المغلقة فى بيوت الأغراب؟ هل سمعتى عن ملك اليمين هناك و استحلال البعض لفروج الخادمات الأجنبيات؟
هل قرأتى عن داخليات بعض هذه المناطق اجتماعيا و عرقيا و قبليّا ؟ و هل سمعتى عما يسمى بعنوسة الذكور فى الخليج نتيجة ارتفاع مهور المواطنات و مبالغة أهاليهن فى مطالب الزواج و دور الخادمات الأجنبيات فى حل مثل هذه المشاكل داخليا مقابل بضع ريالات أو دراهم أو دنانير .. مع وجود بعض علماء الدين المهاطيل الذين يخترعون كل يوم تكييف فقهى لحل مشكلات قائمة ؟؟
هل قامت وزارتك بتأمين أطفال تلك المغتربة الباحثة عن فتافيت الموائد و ضمان عدم ضياعهم فى الشوارع و غرف الليل كما ضاعت من قبل بعض أسر السائقين و الحرفيين و معظم من عمل هناك ؟؟
يا دى الوكسه .. يادى الوكسه .. يعنى القرار ده طالع عشان يوفر على بعض الشيوخ مشوار الحوامدية اللى بيهد حيلهم و قررنا نخليها خدمة ديليفرى و هنحط لهم رقم مختصر كمان ولا ايه الوضع ؟؟
صدر منذ أكثر من عام قرارا بمنع تسفير الخادمات و الكوافيرات للعمل فى الخارج حفاظا على شرف هذه العمالة بعد الأنتهاكات الصريحة للعمالة النسائية من الدول الآسيوية و شمال أفريقيا التى وجدتها الوزارة فى دول الخليج ,, طب ايه اللى اتغير؟ أهل الخارج ولا نسائنا ؟؟
خبر و كأنه بيقوللى فوقى يا ماما .. و اللى طلعكوا قمة افرست قادر يخسف بيكم سابع أرض ....
الخبر بيقول : تصدير خادمات مصريات للملكة السعودية .......
بغض النظر بقى عن استبدال كلمة خادمات بـ : مديرات منازل أو عمالة نسائية .. أو استبدال كلمة تصدير بـ : تبادل خبرات أو تعاون مع وضع ضوابط مشدده .. و صياغة عقود لضمان كل الحركات.....
مالآخر : تصدير الستات المصريات للخدمة فى بيوت الأخوة السعوديين !!!ا
و كأن هذا ما كان ينقصنا " لبروزة" صورة مصر عالميا.. و كأن المصرى أستكتفى محليا ..و مرحبا بالمرمطة الخارجية .
و الأغرب على الإطلاق أن يصدر هذا القرار من "سيدة مصرية" !!!؟؟
هل تتخيلى سيدتى الوزيرة ما يمكن أن يحدث خلف الأبواب المغلقة فى بيوت الأغراب؟ هل سمعتى عن ملك اليمين هناك و استحلال البعض لفروج الخادمات الأجنبيات؟
هل قرأتى عن داخليات بعض هذه المناطق اجتماعيا و عرقيا و قبليّا ؟ و هل سمعتى عما يسمى بعنوسة الذكور فى الخليج نتيجة ارتفاع مهور المواطنات و مبالغة أهاليهن فى مطالب الزواج و دور الخادمات الأجنبيات فى حل مثل هذه المشاكل داخليا مقابل بضع ريالات أو دراهم أو دنانير .. مع وجود بعض علماء الدين المهاطيل الذين يخترعون كل يوم تكييف فقهى لحل مشكلات قائمة ؟؟
هل قامت وزارتك بتأمين أطفال تلك المغتربة الباحثة عن فتافيت الموائد و ضمان عدم ضياعهم فى الشوارع و غرف الليل كما ضاعت من قبل بعض أسر السائقين و الحرفيين و معظم من عمل هناك ؟؟
يا دى الوكسه .. يادى الوكسه .. يعنى القرار ده طالع عشان يوفر على بعض الشيوخ مشوار الحوامدية اللى بيهد حيلهم و قررنا نخليها خدمة ديليفرى و هنحط لهم رقم مختصر كمان ولا ايه الوضع ؟؟
صدر منذ أكثر من عام قرارا بمنع تسفير الخادمات و الكوافيرات للعمل فى الخارج حفاظا على شرف هذه العمالة بعد الأنتهاكات الصريحة للعمالة النسائية من الدول الآسيوية و شمال أفريقيا التى وجدتها الوزارة فى دول الخليج ,, طب ايه اللى اتغير؟ أهل الخارج ولا نسائنا ؟؟
لا تعنينى قِبلة هؤلاء النسوة .. ولا يعنينى عند من سيخدمن .. ما يعنينى هو ... هوانهن و مذلتهن فى أى مكان فى العالم مقابل حفنة أموال أيّا كان نوع العُملة.
Labels: كاسك .. ياوطن
posted by تمر حنه @ 3:21 AM
35 Comments:
At Tuesday, May 29, 2007,
Mohamed said…
يعني أنا مش عارف بصراحة هما عايزين يعملوا في الناس إيه تاني . خلاص بناتنا هيتباعوا في سوق الرخيص .
أنا عايز أعرف الحاجة عيشة اللي بتتكلم وتقول تبادل خبرات .. خبرات إيه وبتاع إيه ده الفلبين- ياللي مش بتعرفي تقري أصلا- الفلبين منعت أي خدامة تطلع من عندها نقوم ننافس الفلبين .. بعد ما كنا بنصدر مهندسين ودكاترة ومدرسين هنصدر خدامات..
يعني المدرسة السعودية تقول لزميلتها المدرسة المصرية : تصدقي امبارح الخدامة المصرية اللي عندي بنت الـ( .. ) عملت وسوت ..
هي دي الخدمة اللي بتقدميها للسعوديين واللى انتي هتقبضي كام على الراس ..
يا شيخة حرام عليكي اتقي الله .
At Tuesday, May 29, 2007,
Anonymous said…
أول تعليق :)
... الموضوع مهم قوي الله يبارك لك على انك لفتى الانتباه ليه .. ولو ان الموضوع غريب شوية .. ليه؟ لأن دول الخليج عموماً والسعودية خصوصاً اعتادوا على العمالة الآسيوية من سنين طويلة !!! طيب إيه اللي جرى ؟ اللي جرى في رأيي انهم بدأوا ينتبهوا- للأثار الاجتماعية - لوجود جحافل الهنديات والسريلانكيات والاندونيسيات والفليبينيات طبعاً....
والمربيات اللي بتربي العيال الصغيرة على غير اللغة العربية أو بالكتير قوي .. عربي خليجي مكسر !!!!
...
السؤال التاني
اشمعنى المصريات ؟ ولا القرارات شملت المغربيات كمان مثلاُ ؟؟ ماهم نفس الظروف برضه ( فقر + جهل + عنوسة + خليجيين ).. الله اعلم .. واللي عارف يقدر يفتينا في الموضوع
الجزء التالت بقى هو الهبل
هبل الناس المصريين اللي مش عارف ليه مش بيبصوا لقدام ويتعظوا من قصص البنات اللي وقعوا في الفخ .. مش عارف ليه ؟ نفسي اعرف الهبل والدروشة بتاعتهم هتوديهم لغاية فين ... بت اتجوزت سعودي ورجعت بعد 6 اشهر حامل ولا على ايدها عيل ورماها رمية كلب وماحدش عايز يقربلها... طيب اتعظوا بقى وما تقعوش في الفخ مرة تانية ... لكن لأ .. الغباوة دي اصلها وراثة ... والفقر بيخلي الناس يكون عندها (أمل عبيط وساذج) ان قصة بنتهم ممكن تكون احسن من غيرها
بس التجربة علمتنا .. ان
الللي خدته القرعة تبقى تاخده أم الشعور
وسلامو عليكو
At Tuesday, May 29, 2007,
محمود على said…
عادي جدا يا تمر حنه
لازمي تتوقعي حاجه زي ديه
احنا في مصر
يعني البني ادم ارخص من الكوتشي الباتا
At Tuesday, May 29, 2007,
Anonymous said…
عادي جدا يا تمر حنه
لازمي تتوقعي حاجه زي ديه
احنا في مصر
يعني البني ادم ارخص من الكوتشي الباتا
At Tuesday, May 29, 2007,
Anonymous said…
عادي جدا يا تمر
احنا في مصر
يعني البني ادام ارخص من الكوتشي الباتا
At Tuesday, May 29, 2007,
Anonymous said…
tasawary enty awel wa7da gat 3la baly lama shoft el5abar we geet ma5sos aqraa enty katabty feeh wala la2 gad3a ya tota ...mabrok 3la mror 3am 3la mdwantek ..ana ma bady3sh wa2ty m3aky ana baksab kteeer m3aky ..u really make me feel am not alone and that what am feeling is real not hallucinations sallam ya 2amar
At Tuesday, May 29, 2007,
محمد عبد الغفار said…
اما إذال الخليجيين للمصريين فواقع ملموس ومفضوح حتى لو كان استاذ فى الجامعه وقديماص قالوا من خرج من داره اتقل مقداره
ما يعنيى الا تتحول هذه الأتفاقيه الى
سبيل الى الدعاره المقنعه وان يكون فيها ما يضمن ذلك
اما غير ذلك فلا ، لأنه لا يوجد عمل شريف واخر حقير انما عامل شريف وعامل حقير
At Tuesday, May 29, 2007,
انا من اهوى ومن اهوى انا said…
واللهى هو احنا اللى بنجيبه لروحنا
احنا منظرنا فى دول الخليج بقى زى الزفت طبعا عارفين هما بيقولو علينا ايه ؟ اقول ولا اخبى ؟ بيقولو علينا بلد النسوان بلد الراقصات ، بلد شارع الهرم ، ماهو دا مننا احنا احنا اللى بنعمل كدة فى روحنا ، رجاله فين بقى الرجاله اذا كانو بيسمحو لستاتهم واخواتهم وبناتهم يسافرو ويتعمل فيهم كدة وطبعا فيه كلام ماينفعش يتقال هنا لانى هتحاسب عليه جامد اوى من ربنا قبل اى حد تانى ، لما القرار دا يخرج من سيدة يبقى اولى بيها تسفر بنتها او اختها علشان تدعم موقفها ؟
محدش يعرف بيتعمل ايه فى المصريين برة الرجاله فمابالك بالستات اخواتنا وبناتنا برغم ان اللى تسافر دى مهما كانت ظروفها تبقى عايزة ال ..... ، طبعا هانشوف النتيجه بعد اول 9 شهور من دلوقتى لما يرجعو وفى ايدهم اطفال هايكونو اطفال شوارع المستقبل ، وسلملى على الخليج واهله .
At Tuesday, May 29, 2007,
bahry said…
مصر مش كده
بجد حاجة مش ممكن
الموضوع بقه مقرف جدا منظرنا بقه زفت
هو الستات في مصر يا اما خدامات او رقصات وبرعاية الحكومة ووزارة السياحة وكمان القوي العاملة
محتاجين تصحيح الصورة ديه عنا وعن بلدنا وشعار مصر مش كده لازم ينتشر اكتر علشان الهطل اللي فكرين كده
البلد بقت كده وكده
At Tuesday, May 29, 2007,
Unknown said…
الدولة بتسعى يا ستى على القضاء على تزمت الرجل واستعباده لها واشى كنس وطبيخ ورضاعة ومش عارف إيه ع السرير
وقال إيه ببلاش
قامت جابت فرصة تعمل كل ده بس بالعملة الصعبة
تبقى كفرت يعنى
جاتكوا نيلة
انا مش باشتم
دى بس مؤنث نيل
At Tuesday, May 29, 2007,
maged stephen said…
أقدم مهنة فى التاريخ هى المهنة التى أرى انها لن تنقرض
أما اذا كنتى لديك أحلام يقظة بأن يرفع أحد المسئولين فى هذا البلد الذى اعشقه لواء الفضيلة
فيبقى غطينى وصوتى علىّ
At Tuesday, May 29, 2007,
bluestone said…
يا سيدتي الفاضلة .. افتكر ان مفيش واحد مصري فاهم الفولة وعارف آخرة المشوار ده ايه ..
بس لاننا معندناش دعارة مقننة ولا توجد نقابة لفتيات الليل قالك نسميها تصدير خادمات .. بس الصغير قبل الكبير فاهم دول مين وراحيين يشتغلوا ايه ..
واعتقد كمان ان الناس اللي هتقدم عشان تسافر هما كمان عارفين هما رايحين يشتغلوا ايه .. وبدل ما الكفيل والوسيط ومكتب التسفير يشفطوا العمولة .. آهو الحكومة تستفيد وآهو كله عملة صعبة ...
انما بقى الكلام الحمضان بتاع صورة مصر وصورة المرأة المصرية قدام العالم .. وشكلنا وتمننا اللي رخص ودمنا اللي ببلاش ... كلام مابيوكلش عيش يا حبيبتي ومحدش بيسمعه دلوقتي ولا بيقوله غير الناس المغرضين الشريرين اللي زي وزيك وزي المعلقين هنا وغيرهم .. ودول بقى انتي عارفة مغرضين واعداء وبيشوهوا صورة مصر .. ولازم يتحاكموا . .آه
At Tuesday, May 29, 2007,
admelmasry said…
ايوا خدامة
ــــــــــــ
قبل قراءتي للبوست .. كنت مقتنع تمام الاقتناع وكل الثقة من كونك تكتبي من نابع الضمير النسوي والذي يخاف بالطبع علي اهل بلده من نفس النوع
وبعد ان وجدت هذه العبارة تاكد ظني
*************
لا تعنينى قِبلة هؤلاء النسوة .. ولا يعنينى عند من سيخدمن .. ما يعنينى هو ... هوانهن و مذلتهن فى أى مكان فى العالم مقابل حفنة أموال أيّا كان نوع العُملة
************
بالفعل .. اصبحتي تمثلي لي الان كل الضمير الانثوي الغائب حين يريد ان يتكلم
.
.
انا الاخر اشعر بالذل والهوان تجاة مثل هذه المواقف
عند عسر الحال وقصر اليد .. اسمع عبارات متناثرة
.
طب ما انزل اشتغل .. ما كل الحريم بتشتغل .. اهو علي الاقل اساعد
.
.
صراحه انا لا ارفض عمل المراة مطلقا بل اشجع عليه .. ولكن ان ياتي هذا من منطلق الذل والهوان فانا ارفضه بكل المقاييس
.
.
يتسارع الي ذهني الرد وقتها و اشعر انه لابد ان يكون :
عندما ازحف علي بطني ولم تجدوا ما تقتاتوا به .. اخرجوا من بيتوكم باحثين عن الطعام
.
.
ليس سهلا ان يري اي رجل منا اهل بيته بعد ان عاشو في سنين من العفه والطهارة مصانين الكرامة
يفكرون في خوض معارك حياتية بحثا عن لقمة العيش
وهم كمثل سمك الزينه
لا يستطيع ان يحيا في البحر
.
.
حقيقة .. قرات عن هذا الموضوع في اماكن عده
ولكني لم اتاثر هكذا الا عندما قرات جملتك الاخيرة
.
.
تحياتي لك والسلام
At Wednesday, May 30, 2007,
البنت الشلبية said…
انا فعلا ارفانة من الى بيحصل ده ,,طول عمرنا بنحس بالاحراج للمواطنات الفليبينيات والاندوسينيات بسبب وصمة العار الى لزقت فيهم وهيا انهم خادمات وتعتبر اشهر وظيفة ليهم فى الدول العربية بالذات
دلوقتى بقى نعمل ايه لما وصمة العار دى تلزق فينا احنا كمان
على فكرة بقى لو حاولتو تشتركو فى اى منتديات عربية زى مثلا منتدى حواء على ما ازكر هتشوفو قد ايه سيدات الخليج بيكرهو المصريات والمشاكل دى بتبان اوى فى اقسام الجمال مع انها مشكلة على النت لكن فى الاخر بتوضح قد ايه السيدة المصرية شئ كبير بيثير غيرة المرأة الخليجية ,, دلوقتى بقى بعد الهبل الى بيحصل ده هيشمتو فينا كل الناس وهتبقى المرأة المصرية مجرد خدامة فى البيوت هناك وتاخد على قفاها
انا عارفة ان فى عمالة مصرية هناك اه ,,لكن عملية تقنينها بالشكل ده بجد حاجة تكسف وتقل من كرامتنا
فى واحد مخبول طلع على برنامج 90 دقيقة بيقول ماهى هتخدم بأحترامها وكرامتها ,,ده عبيط ده ولا ايه ,,ماهى كده كده اسمها خدامة
كلمة اخيرة كلنا عارفين ان المواطن او المواطنة المصرية معدش ليهم كرامة فى العالم واكبر مثال على كده تواطؤ كافة الاجهزة بالذات الرسمية فى التعامل مع اى مشكلة بين اجنبى ومصرى على اسا ان المصرى دايما المجرم حتى لو كان مظلوم ,,ولو مش مصدقين اقروا مشاكل الناس الى اتجوزو من اجانب ومش عارفين ياخدو حقوقهم بعد الطلاق وكمان بيتعاملو معاملة الارهابيين فى بلدهم المحروسة
تمر حنة اشكرك انك كتبتى البوست ده
وحسبى الله ونعم الوكيل
At Wednesday, May 30, 2007,
البنت الشلبية said…
اه حاجة اخيرة صحيح هوا ليه مبيحصلش كده مع البنات اللبنانيات او السوريات او الاردنيات
الاجابة بسيطة هيا ان حكوماتهم بتحافظ على كرامتهم ومنظرهم العام بين باقى الدول
يا شماتة طنط زيزى فينا
At Wednesday, May 30, 2007,
Desert cat said…
الست الوزيرة خريجة 3 اعدادى ... بتصدر قرارات وتوقع على عقود علشان تشيل عن دماغها .. مش المصريين برضه عايزين يشتغلوا علشان يلاقوا لقمة العيش .. حيجيبوها منين يبقا يشتغلوا خدامين ... هى دى المهنة اللى اصبحت تليق بالمصريين يا وزيرة بالاعدادية ... حتفضلوا تهينوا فى كرامة المصرى لحد امتا ... يعنى لا بيتهان فى بلده ومش مكفى عايزين تهينونا بره بلدنا ... منها له
منها له
At Wednesday, May 30, 2007,
Anonymous said…
ممكن بعد اذنك تقري موضوعي عن موضوع تصدير خدمات للسعودية على
http://haha7016.blogspot.com/2007/05/blog-post.html
At Thursday, May 31, 2007,
أبو أمك said…
على غرار قرار وزيرة القوى العاملة
بكرة يصدر قرار بتصدير خادمين مصريين للسعودية
من وزير الثقافة
At Thursday, May 31, 2007,
Soona57 said…
حلو الموضوع ده يا دكتور وتعالى نلعبه صح
جهزى ورقة وقلم وتعالى نناقش الموضوعات دى مع بعض مناقشة موضوعية ونحاول نطلع بنتائج وتوصيات ونشوف حنسوقها إعلاميا إزاى :
أولاً هل الناس دى عندها بديل لهذا العمل أم لا نظام إيه اللى رماك على المر
ثانيا هل الناس اللى طلعة دى فى طابعهم السخرة زى الحرامية بتوع موسم الحج والا طالعين يسترزقوا
ثالثا هل من حق الناس دى على الدولة توفير فرص عمل لهم والا اخنا اصبحنا فى مجتمع رأسمالى مش بيرحم وكل واحد عقله فى راسه يعرف خلاصه ويالى نفسى
بالمناسبة الست هاله أقيلت وجاءت مكانها الأخت الفاضلة إيناس الدغيدى وقدرها الله على ملأ فراغ الموهوبة الراحلة
At Friday, June 01, 2007,
eldoctor said…
هى دعارة مقنعة و لا اجد وصفا اخر لها ..
المشكلة ان نظام مصر الحكومى يتفنن فى اختراع وسيلة جديدة كل يوم لحرق الدم .. و تشتيت اى تركيز فكرى على اصلاح او قضايا مصيرية
At Friday, June 01, 2007,
Anonymous said…
ما المفروض قوله او كتابته بعد ادراجك هذا..اممممممممم..
............
لا شىء غير مدونتك جميله سعدت بتصفحها
At Saturday, June 02, 2007,
Eric Matt said…
:((
At Saturday, June 02, 2007,
Anonymous said…
تفسير الخبر واذا عرف السبب بطل العجب
الموضوع وما فيه ان الظاهر انهم هيستغنوا عن الفليبينيين في دول الخليج كلها لأن الحكومة الفليبينية قامت بتعلية الحد الادنى للاجور بالاضافة الى فرضها غرامة عن كل شهر لا يتم في صرف الراتب كما هو مطلوب .. طبعا خطوة كان المقصود منها اصلاح احوالهم لكنها جات على دماغهم
للاطلاع على نص الخبر هنا
http://www.arabianbusiness.com/index.php?option=com_content&view=article&id=13589&Itemid=1
At Saturday, June 02, 2007,
كلبوزة لكن سمباتيك said…
اوافقك على هذا الكلام تماما لكن هناك بعد لم يتم مناقشته في هذا الموضوع و هو موقف المرأه السعودية من تشغيل خادمة مصرية
و احب ان اؤكد ان السعودية ترفض ان تشغل عندها خادمة مصرية لانها تعرف ان المصرية ان لم تكن جميلة فهي حكيمة و تستطيع ان تميل زوجها نحوها بقصد او بدون قصد
فالرجل السعودي لو قارن بين المصرية التي تستطيع الطبخ و التنظيف و الحياكة و امور التجميل و المجاملة و الاهتمام بالشكل و غيرها من فنون الانوثة و بين زوجته
لانخرب البيت و ربما اصبحت المشكلة هي زواج الرجل السعودي من الخادمة المصرية و لجوء السعودية للقضاء
ابشركم ان الموضوع مرفوض في البيت السعودي من جهه و من جهة اخرى المصرية لا تجيد ان تكون خادمة فهي صاحبة راي و وجهة نظر و في الغالب المخدومة ترفض ان تناقشها خادمتها و من هنا سينشأ الف باب للخلاف الذي ربما يتطور الى الضرب و السب و ساحات القضاء كذلك
اتمنى ان يحين الوقت الذي توفر فيه الحكومة المصرية الحياة الكريمة لابنائها و لا تضطرهم للجوء للخدمة في البيوت و الى الدعارة مهما اختلف مسماها
----
اختشي و تعالى
At Saturday, June 02, 2007,
momken said…
ياستى ولا يهمك كلنا خدامين اكل عيشنا
حتى الخليجين ناس كويسين احنا كمان كويسين ولا علشان هما خدامين زيك صحيح عدودك عدو مهنتك
ومحدش بيطيق زميل المهنه بتعته
يعنى لو جالك عقد معاهم مش هتروحى فوريره وتحرمينا من البلوج بتعتك
At Monday, June 04, 2007,
Anonymous said…
HOW ironic
indeed the woman is "aywa khadama"
at her home
in her country
abroad!!
At Monday, June 04, 2007,
Unknown said…
أنا معاكى تماما بس بلاش نبرة الطائفية،أغنياء السعودية هم أغنياء مصر هم أغنياء أمريكا،،،،
At Tuesday, June 05, 2007,
Unknown said…
يا جماعة الموضوع مش لسه باديء
احنا رخص ثمنا من زمااااااان واحنا مش حاسين
من يوم ما اتعرضنا فى سوق النخاسه
من يوم ما كرماة المصري بقت أرخص من علبة كبريت
من يوم ما بقي همنا المم ..واعطم الفم تتعمى العين
من يوما سكتنا وقلنا واحنا هانعمل ايه
من يوم اتضربنا واتسحلنا واعتقلنا واتكلمنا فى السر
مش من دلوقتى
لاء
ومش عائشة عبدالهادي
لاء
من يوم ما العساكر المصريين اتقتلوا على الحدود
من يوم ما وزير الخارجية اتضرب بالجزم فى المسجد الأقصي
من يوم ما مصر خدت صفر فى مونديال كاس العالم
من يوم ما اتقتل السفير المصري فى العراق
من يوم مابقي المصريين يتنافسوا على تقديم التنازلات عشان يشتغلوا فى الخليج ويهربوا من جحيم بلدهم
من يوم ما كتر الجواسيس
من يوم ما باع الفلاح أرضه عشان يجهز عياله ويبني بيت من المسلح
من يوم ماعرفنا ان الدم اللى فى عروقنا فاسد
والقمح اللى فى رغيف العيش مسرطن
والدواء فاسد
والخضار فاسد
والفاكهة فاسدة
والنظام فاسد
ايه يعني انهم يشغلوا المصريات خادمات
كويس انهم ماعملوش سوق نخاسه وباعوهم جواري
مش هاطول عليكو
اللى عندى كتبته فى مدونتى
برافو يا "..." مش طايق انطق اسمك سامحيني
اسمك فيه نبرة ذل مش حاببها
At Wednesday, June 06, 2007,
dr_lazeez said…
walahy 2e7na mosebetna ba2et moseba begad mish 3aref hayra`7asona 2aktar men keda eah .
maba2sh lena wala krama wala 2ema fe 2ay7eta fel 3alam wal 7ata fe baldna masr .
rabena ye2adrna we ne3mel 7aga teftekry yenfa3 ?
At Wednesday, June 06, 2007,
جبهة التهييس الشعبية said…
انت مش نبرتي وقعدتي تقولي ايوة خدامة ايوة خدامة
اهم صدقوكي
وح يصدرونا
At Wednesday, June 06, 2007,
يا مراكبي said…
أقول إيه بعد اللي إتقال ده كله .. إحنا كده بنطرحن صفة جديدة يوصفونا بيها وهي مش ناقصة صفات زيادة
الأجيال الخليجية الجديدة هنا مش مصدقة إننا كنا فعلا رواد قبل كده خالص .. منظر بلدنا وأفعالها دلوقت ما بيدلش على إننا كنا أسياد المنطقة أبدا
خليني شايل في قلبي وساكت
At Sunday, July 01, 2007,
Abo Amr said…
و الست جورجيت قليني في 90 دقيقة تقول
يا جماعة احنا حافظين حقوقهم
تيحي اللملكة و تشوف البيوت السعودية اللي سورها علو 10 متر
و مقفولة و مهجورة لان اللي جواها دماغهم في الطراوة
و بكام ب 1000 ريال
ميجبوش عيش حاف
انتي عارفة يا تمر
احنا في السعودية مكسوفين اوي
و مستعرين من ام الحكومة بتاعتنا
معدش غير نسوانا يصدروهم
تقريبا الحاجة الوزيرة لم تسمع
تجوع الحرة و لا تاكل بثدييها
و يجعلة عامر
At Wednesday, October 10, 2007,
Unknown said…
بيقولك واحد سعودي طلعله عفريت قاله ليك عندي طلب واحد .. السعودي قاله طلعلي كل المصريين من مصر .. قاله ليه بس يا بيه احنا عملنالك حاجه..!!!!؟؟؟؟؟ طبعا لا تعليق ربنا يكرمهم هناك ويوفقهم ..برده البيوت السعوديه كبيره ومحتاجه مساعدين .. والمصريات متعودين بقي طبعا تنفيض البيوت قبل العيد وطبخ عزومات رمضان وغسل السجاجيد ومشاوير السوق والطبيخ كل يوم .. الست المصريه هي اللي بتنزل شغلها الصبح وترجع تطبخ وتمسح وتزعق للعيال وتربي وتنضف وتنام تقوم للشغل تاني .. الست المصريه هي اللي بتتعب وتشيل وتوضب وتبكي وتحن وتحضن وتستحمل .. هيلاقو احسن منها فين للخدمه..عشان كده ربنا يوفقهم هناك ويرفعو راسنا كده .. قولي امين
At Friday, May 30, 2008,
جلال كمال الجربانى said…
سوق رقيق بس حديث شويه
مدونتك جميله حزورك باستمرار
At Saturday, July 19, 2008,
Mahmoud25x said…
فعلا يا شماتة ابلة ظاظا
قصدى هالة
Post a Comment
<< Home