أيوه خدامه

Wednesday, May 09, 2007

مرحبا بأيام اللامبالاة



فحتى ألفت انتباهك .. يا شرقى .. يجب أن أطارحك الغرام و أحذو حذو الغوانى

لغة الجسد .. و فقط لغة الجسد ..هى التى تثير فيك كل الحواس.. لتصبح وقتها ..حنونا

و قد كنت أظن أن العين بالعين و السمع بالسمع و العقل بالعقل

تظننى غبية .... تعتصرنى .. تتركنى أليافا و بذور
..
ثم أرتوى بدموعى حتى تظهر نبتتى الجديدة ليتلقفها قصاب آخر ينشر جسدى و يستمتع بأطعم لحم .. حتى الحوايا ترضيه

لن أبالى بلقب عدوة الرجل .. فأنا فقط عدوة القصاب .. أما " الرجل" فهو عشقى و وطنى و مستراحى

لن أواصل الأستجداء .. لن أتسول قطعة سكر و تربيتة على مؤخرتى و أنا ألهث بعد فوزى فى مباريات الوثب, ثم تتركنى فى حظيرتك و تذهب أنت الى الحانة مرة أخرى

خذ معك أشياؤك و أنت ذاهب الى الحانه .. لا تنسى السرج و اللجام و قطع السكر اللعينة .. و ابحث عن مطية أخرى تقامر عليها سواى.

يا شرقى .. لن أكون إلا أنا .. وجه واحد .. لانسان واحد
..
و عليك أن تتحمل

عليك أن تتحمل إرهاقى .. و شحوبى .. و كيلوجراماتى الزائدة

فلن أعطيك الا ما يرضينى أنا .. و لن تشم الا رائحة جلدى الطبيعية

يا شرقى كفاك تجريحا .. كفاك مقارنتى بالغوانى و الماجنات .. كفاك دفعى دفعا لخلع ملابسى قطعة تلو الأخرى لأستثارتك .. و عندما تبلغ ذروتك .. تتركنى ملطخة ببقاياك..ثم ترحل
إبقى أنت مع بقاياك .. و أنا من سأرحل .. باحثةً عن آدميتى و أنوثتى كما أحبها

يامن لم تتعلم معنى الحرية بالرغم من غليونك المنتصب بين شفتيك
يامن تنتفض لرؤية أمرأتك تضحك بصوت عالٍ .. ثم نجدك قبعا تحت أقدام الموامس تلعقها

يامن يحف شاربه من أجل امرأة غربية .. و تزكم رائحة عرقه .. رفيقته الشرقية

يامن تموء فى حضرة الشقراء .. ثم تعود ليثاً برياً بحضرة السمراء

أيها الشرير البارازايتى .. عشقتك يوما ..

فان أردت أستمالتى ثانية

ان أردتنى أنثى ..

فاركع أمامى و لثم قدمىّ .. و ابتعد عن شفتاى حتى لا يلفحك حنقى من أنانيتك

حتى لا يزعجك فهمى لألاعيبك البهلوانيه على ساحة جسدى

فقد عدت لا أحتمل أنانيتك .. كل شئ لك .. الفهم .. الحب .. الأجساد .. البطوله.. مزاجى .. حتى آخر قطعة لحم فى الطنجرة

تخلى عن بداوتك .. فلستُ ثريدا

ثم تخلى عن غربيتك .. فلستَ الا شرقى يستند إلى قبيلة تؤازره فى جاهليته و تأتى على ماتبقى من فريسته اذا مالاذت بالفرار .. ان استطاعت

لسنا ممن يستمتعن بحمل كروت عضوية جمعيات تحرير المرأة فى محافظهن
و لسنا ممن يحضرن عروض الأزياء فى الحفلات الخيرية
و لسنا ممن نقيس حرية المرأة بعدد السنتيمترات المكشوفة من بطنها

بل نحن نساء .. محض نساء

نساء لم تُقطع ألسنتهن .. و لم تُقصف أقلامهن بعد

أشعر بالوهن .. و لكنى لن أبوح به ..
ليس خوفا من فرارك .. و لكن لرغبتى فى حجب هذا الشرف عنك

.. أشعر بالخوف .. و لكنى لن أبوح به لأنه موصوم على جبينى منذ زمنا بعيدا

فلتذهب قبيلتك الى الجحيم ..... و ليذهب معها " كرباجك"
فإن أردتنى أنثى .. أردتك رجل

و إن أردتنى صدرا .. أردتك كتف

و إن أردتنى بيتا .. أردتك وطن

و لأبدأ أنا .. سأهجر ازدواجيتى .. سأقول أحبك عندما .. أحبك
و سأرفضك عندما .. اريد أن أقولها

لعلك ساعتها .... تسحب سكينك المغروز فى ظهرى و تهجر قبيلتك لأجلى

و ساعتها .. ربما ..... سأسامحك


.. هذه الكلمات ..حالة.. أفلتت منى بعدما أستثارتنى مقدمة ديوان الرائع نزار قبانى .. يوميات امرأة لا مبالية

Labels:

82 Comments:

  • At Wednesday, May 09, 2007, Blogger karakib said…

    طول ما انا بقرا كان نفسي اكتب مقابل ادبي و نزار قباني اسمه بتردد في دماغي بشكل غريب
    لو كنتي حطيتي أسمه في أول التدوينه كانت فقدت جزء كبير أوي من جمالها
    ممش عارف له البيتين دول هما اللي جم في دماغي كتعليق (تدوينتك من النوع الجيد جدا)
    ماذا يهمك من انا
    ما دمت أحرث كالحصان
    علي سرير الواسع
    ما دمت أزرع تحت جلدك
    ألف طفل رائع
    ما دمت أسكب في خليجك
    رغوتي و زوابعي
    ما شان أفكاري
    دعيها جانبا
    أني عادة أفكر بأصابعي
    أضحك بالحب ليلا نهارا
    و أرمي علي قدميك
    سلال الفواكه و الياسمين
    و أتلو عليك كلاما عن العشق
    ما جاء في كتب الأولين
    و لا جاء في كتب الآخرين
    فمن أي شيء تري تشتكين
    أضخ دمائي علي ركبتيك
    و أنت محدقة في سطور الجريدة
    و أنزف عند حلول الظلام قصيده
    و عند طلوع الصباح قصيده
    و أنت ككل النساء الكسولات
    تنتظرين حنينا
    و لا تعرفين شعور الحنين
    أصحك ..
    برقا و رعدا و موجا
    و انت تعيشين في كوكب آخر
    فلا تسخنين .. و لا تبردين
    و لا تضحكين .. و لا تحزنين
    و لا تمضغين الشراشف
    و لا تغمدين الأظافر داخل لحمي..
    و لا تأكلين زجاج المرايا
    و لا تعرفين
    فكيف أمام الزوابع لا تصرخين ؟
    ---------------------
    -----------------------
    كفاية كدة لأنه نزار كلامه لا ينتهي
    و كل كلمة في قصيدته شبه لينكات الاتش ام ال عاملة لينك عي قصيدة تانية
    و بالطريقة دي هاحط كل قصائده هنا
    ----------------
    تدوينتك حلوة أوي

     
  • At Wednesday, May 09, 2007, Blogger عمر said…

    100%

    تصدقي بالله ان دة اكتر بوست عجبني ليكي...

    انتي عارفة اني متفق مع الكلام دة.. عشان كدة حستني المناقشة تسخن بعدين آجي تاني
    :)
    وربنا يكون في العون

     
  • At Wednesday, May 09, 2007, Blogger Mohamed A. Ghaffar said…

    لا تنسى ان هذا الشرقى نتاج تربيه شرقيه

     
  • At Wednesday, May 09, 2007, Blogger The Groom said…


    لا حول ولا قوة الا بالله

    كم رجلا في الشرق تنطبق عليه هذه المواصفات و كم رجلا في الغرب تنطبق عليه هذه المواصفات؟

    عشت في المشرق و المغرب و أعرف الفرق جيدا و الذي أتمنى أن تدركيه

    لو تخففي من لذاعة أسلوبك شوية

    عموما

    كان المفروض ألا تخونك فراستك وأن تدركي ذلك الفارق وحدك

    جانبك الصواب هذه المرة في نظري

    ملحوقة

    تحياتي لك من ماناساس البلد
    :)

     
  • At Wednesday, May 09, 2007, Anonymous Anonymous said…

    جميل جدا بجد حسيت بكل كلمة انتى كتبتيها , انتى معبرة اوى انا تانى مرة ادخل البلوج بتاعك بس بجد قريته كله وعجبتينى اوى
    علا

     
  • At Wednesday, May 09, 2007, Blogger reham said…

    اسلوب اكتر من رائع عجبتنى اوى كلمة البارازيتى وكمان عجبتينى جدا لما قلتى اننى سوف اترك ازدواجيتى
    coz double standars are doing no good , showing something and hiding your truth is adding burden upon the shoulder ,mind and soul..wanna set urself free ? get away from hypocracy ,get real,stop the double face ,be urself ,lovew urself the way god has created you
    تحياتى اليكى يا صاحبة المدونة الرائعة

     
  • At Wednesday, May 09, 2007, Anonymous Anonymous said…

    yes , i read it 3 times , i like it, i think we (Orient MEN) , have to learn a lot , not only how to behave with women , but also with , frinds, neghbers(?) at work , in the ttraffic, concerts , and so , if we want to be trated like humenbeen we have to behave like one.

    thank u very much i hope a lot will read that nice WORDS.

    NAGDI ( munic)

     
  • At Wednesday, May 09, 2007, Anonymous فــــــــــــارس said…

    احم احم
    السلام عليكم

    انا اول مرة ارد
    بس انا متابع كتاباتك كلها

    ولان الموضوع المرة دى فيه نزار
    انا قلت لازم ارد

    ولانى قريت المقدمة بتاعة الديوان

    وطبعا اثارتنى جداااا

    ومثلك قمت بكتابة قصيدة
    لكن اقل عنفا من موضوعك


    انا احييك جدااا
    عن تلك الكلمات
    التى سوف تثير معظم الرجال
    وتقطع قولبهم
    لفقدهم دور الريادة
    دور تحديد المصير
    دور التحكم فى نساء شرقنا

    واضم صوتى اليك وابعث
    بتلك الرسالة
    :::

    سيدى العزيز
    ها انا اكتب اليك
    فلا تستغرب وادعونى
    كما يحلو لك
    حمقاء- ثرثارة
    او حتى شرقية
    ففى بلدتنا اخترعوا الرجال
    هذة الكلمة
    وقتلوا بها النساء
    اغتالوا احلامنا
    واغلقوا علينا االسماء
    ولان بلدتنا شرقية
    فيجب ان تكون
    ايامنا شرقية
    حياتنا شرقية
    حتى همسات حبنا شرقية
    لا تخاف على سيدى
    او حتى خاف__
    لقد تمردت على اقبية الجوارى
    وواجهت مملكة الرجال
    واعذرنى ان حاربت ملوكنا الرجال
    بعد ان دفنوا رؤسنا
    فى الرمال
    لو تعلم سيدى ماذا
    ينتظرنى بعد ان انهى خطابى!!!
    سيدمروا علي بابى
    ويمزقوا جلبابى
    وسيحاولون تهذيب انيابى
    فلا تهتم سيدى
    لقد حاولوا كثيرا
    ولكنى الان لدى اسبابى
    سيقولون غدا انى انتحرت
    او حتى جننت
    فلا اهتم بان اكون حمقاء
    ولكنى لست شرقية
    فشرقكم هذا سيدى يعبث بنا
    ويغتال النساء
    ونحن لا يحلو لنا سوى البكاء
    حتى اصبح الان من الغباء
    ان نصبح حتى نساء

     
  • At Wednesday, May 09, 2007, Blogger Mohamed said…

    بجد أسلوب رائع في العرض .. تحياتي ليكي ..

     
  • At Wednesday, May 09, 2007, Blogger ادم المصري said…

    بموضوعيه شديدة وبحيادية تامة
    احب اقولك انك بقيتي تفوقي كل التوقعات بفارق كبير عن كل مرة
    .
    .
    ودا في براعه الاسلوب واختيارك للصور المعبرة واستخدامك حتي للافاظ حتي لو كان فيه ما يثير غيرة او حنق البعض برغم فصاحتها .. فانا احيكي علي قدرتك الغوية وانحني لك احتراما
    واتأسف علي حالي لاني لا املك قبعه ارفعها تحيه لك
    .
    .
    اما بالنسبة للمواضيع والتي تدور كلها في فلك واحد وهي علاقه الرجل بالمراه والتي تخص بالتحديد صفات الجرل الشرقي والمراه الشرقيه من عيوب ومميزات
    فانا اري انك اوي ليلي م الكثير
    ولتكن تمر حنه هي ليلي
    فلم اطالع في حياتي من يتناول المواضيع النسوية بهذا الشكل .. فلنطلق عليكي وضمائرنا مستريحة
    كاتبه نسوية متميزة
    .
    .
    هذا بالطبع لا يعني عداوة للرجل بل العكس هو الصحيح بالطبع فحل المشاكل النسوية او تناول المواضيع بهذه الكثافه وخصوصا من قلم نسوي يعي حجم ومخاطر ما تتعرض له المراه يصب في النهاية في مصلحة الرجل وبالتالي يستفيد المجتمع بشقيه
    .
    .
    اخيرا احب ان اشكرك
    وانقل لك كل تحياتي
    وخالص تقديري
    والسلام

     
  • At Wednesday, May 09, 2007, Blogger Incomplete said…

    تمر حنننننننة
    جيييييييييتي على الجرح ياأختتتتتتتي والله
    الكلام ده حرف حرف كان محشور جوايا وكنت مش عارفه اطلعه ازااااااي
    جيبتي من الآخر ووفرتي عليا مشوار كبير.. ومش كنت هعرف اعبر عن اللي جوايا في الآخر زي ماعبرتي
    بجد كلامك مالوش حل
    ده انا هعملها منشورات واوزعها في المترو
    وهنزل البوست كمان في البلوج عندي بعد إذنك طبعاً
    تسلم ايديكي بجد
    :)

     
  • At Wednesday, May 09, 2007, Blogger None said…

    طول عمرك دكتور يا دكتور

    عارفه بقي احلي حاجه في موضوع البوست دا اني لما قريته فكرت اني احطه عندي في المدونه ..لقيت انكومبليت بتقولي انها هاتحطه عندها في المدونه بتاعتها ..شوفتي بقي توارد الافكار وشوفتي بقي انتي ازاي بتعبري بكلامك دا عننا كلنا

    تحياتي بجد

    ملحوظه : استنيتك الجمعه بعد الصلا ..ماجتيش ليه :P

     
  • At Wednesday, May 09, 2007, Blogger سجدة said…

    فعلا الرجل الشرقى متقلب جدا طبعا مش كلهم بس كتير متعبين

     
  • At Wednesday, May 09, 2007, Anonymous caesar said…

    الام مدرسة ان اعددتها اعددت شعب طيب الاعراق
    الام هى الانثى
    كلمات قمةف الروعة والجمال تعبياراتك عميقة ان زادت صراحتها وقسوتها على الرجل واعجبنى اكثر عند قولك ان اراداتنى انثى اردتك رجل ... الخ واحسست فيها بعمق الكلمات رغم بستطها من وجهة نظرى جمل من النوع السهل الممتنع
    ولكن الرجل الشرقى ليس بهذة القسوة ولا الغريزية لاننكر وجود بعض هذة الفئات من الرجال ولكنى اعتبرها وباء مثل الفقر والجهل فالمجتمع هو الجانى والرجل هو المجنى عليه
    اعتقد يجب ان تلومى المجتمع كله واعنى بكلمه كله (الرجل والمراءة معا) فاذا كان الرجل قاس فهو نتيجة تربية خاطئة قامت بها انثى ورجل معا
    لا تلومينا يا سيدتى نحن ضحايا مجتمعك الشرقى القاسى

     
  • At Wednesday, May 09, 2007, Blogger شيماء الجيزى said…

    رائعه بالفعل
    كلماتك تحمل معانى كصيره تشير الى قلوبنا
    قولتى ما يجول فى صدرونا عزيزتى
    تحياتى لكِ

     
  • At Wednesday, May 09, 2007, Blogger catofdeasrt said…

    الرجل الشرقى طماع طبعا لو كان تفكيره بهذا الاسلوب وهذه الطريقة
    لكن لكل قاعده شواذ وزى ما فى الحلو فى الوحش
    دائما تعجبنى تدويناتك
    لكى كل تقديرى

     
  • At Wednesday, May 09, 2007, Blogger catofdeasrt said…

    الراجل الشرقى اعتاد على اشياء كثير خاطئة ... برا البيت هلا هله ومن جوا يعلم الله
    دائما رائعه يا تمرمر
    احتراماتى

     
  • At Wednesday, May 09, 2007, Anonymous Anonymous said…

    الراجل الشرقى اعتاد على اشياء كثير خاطئة ... برا البيت هلا هله ومن جوا يعلم الله
    دائما رائعه يا تمرمر
    احتراماتى

     
  • At Wednesday, May 09, 2007, Blogger توتة توتة said…

    برافو عليكي فعلا بوست رائع

     
  • At Wednesday, May 09, 2007, Blogger ROMANTIC ROSE said…

    بجد بجد روعة بكل معني الكلمة .. ايه ي بنتي ده ؟؟ انفجرتي و فجرتي كل اللي جوانا .. بعبعي يا ستي بعبعي .. كلنا ف الهم حوااااااااااء

     
  • At Wednesday, May 09, 2007, Blogger Noony said…

    أييييي
    جامدة دي أوي يا تمورة
    يوة في رجالة كدة وفي ألعن من كدة..بس في رجال تانيين فعلاص رجالة...ومش بيخزنزا ولا بيبصوا لبرة ولا حاجة..مخلصين لزوجاتهم لأقصى درجة ولأبعد حد
    أسلوبك الساخر مصيبة كبيرة بجد..مع إنك دخلتي شمال جامد في الجزء الأول

    نوني

     
  • At Thursday, May 10, 2007, Blogger Sampateek said…

    تصفيق
    حااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااد

     
  • At Thursday, May 10, 2007, Blogger Carol said…

    استوقفتني كلماتك
    فقليل جدا ما يدهشني في عالم المدونين
    تدوينة جديدة ، قوية، جريئة
    تحمل الكثير من أصوات النساء الشرقيات
    بل اهات و بكاء و حزن

    بوست رائع تحياتي

     
  • At Thursday, May 10, 2007, Blogger Integrated Functions said…

    تمام كدة قوي

    أصلي بحب التمرد شوية

    كويس بردو علشان يبقى كل شيء واضح

    واللي عاجبه عاجبه

    واللي مش عاجبه ... مش مهم يعجبه

    بالتوفيق يا فندم

     
  • At Thursday, May 10, 2007, Blogger farida said…

    بوست موجع جدا
    الرجل أناني
    لكن لن أمارس الحب مع رجل لا أحب
    و لقب المطلقه بالنسبة لي افضل من لقب مطيه

    أحب كتاباتك بصفه عامه
    أبدعتي في هذا البوست
    و شكرا لكراكيب لنشره القصيده

    تحياتي

     
  • At Thursday, May 10, 2007, Blogger Soona57 said…

    ما تنسيش يا هانم إن اللى ربت الراجل الشرقى هى أم شرقيه ... ورينا يا هنانم هتربى إبنك إزاى
    وبعدين ربنا خلقى سيدنا آدم وخلق السيدة حواء تكملة له وعشان كده للرجال عليهن درجة وزى ما هناك آمور فى الحياة ليس من حقنا الكلام فيها فدرجة قوامة الراجل على المرآة لا يحق لنا النقاش فيها ... إنتهى

     
  • At Thursday, May 10, 2007, Blogger Soona57 said…

    وبعدين انتى عاملة ليه ابروفال على الكومنتس مش حضرتك غربيه وبتشجعى حرية الرأى

     
  • At Thursday, May 10, 2007, Anonymous shab masry said…

    راااااااااااااااااااااااااائعة يا تمر حنة

    كل مرة تبقى أقوى واقوى

    بس فيه طلب

    ومتقفشيش على الطلب لانه من رجل شرقى

    ممكن نقرأ اكتر؟

    بجد تدويناتك جميلة مووووووووووووووووت ونفسي اقراها كل يوم

    تحياتي

     
  • At Thursday, May 10, 2007, Blogger انا من اهوى ومن اهوى انا said…

    تمر حنه :

    انحنى اعجابا بسردك الرائع للموضوع وان كان فيه بعض الظلم وليس كل الظلم للرجل الشرقى ، ولكن يبقى الاعجاب بامتلاكك لتلابيب اللغه ومفرداتها .

    واستثار هذا الموضوع روح الرجل الشرقى الذى بداخلى وكتب ماكتبه الان ،

    ليس هذا هو الرجل الشرقى

    لست انا ممن يلهثون وراء الجنس

    لست انا ممن يبغون مفاتن الجسد والحس

    فأنا لست بشيطان ولكننى من الانس

    أأنس مع الحب واحب الهوى لذاته

    ولست ممن ينادون بشهوة الجنس

    انسان عاشقا لملهمه متفردة اعيش لها وحدها

    واترامى فى احلامها تعتصرنى مادامت

    لى وبى تحس .

    اوليس عيبا لو افتقرت لرجولتى !

    اوليس انصافا لو اعترفتى بأهميتى !

    فكيف اللوم يكون على امتلاك الرجوله

    فى زمن الهرم والكهوله

    هبه من الله لا لوم فيها
    لو كانت

    من اجل من احببتها ولم تحبنى بسهوله

    فالرجوله الشرقيه ليست بالفحوله
    او عضلات مفتوله

    انما هى عشق وهوى ودرب

    من الحريه المسؤوله

    نعطيها لنسائنا فى لحظات من الحنان

    والاطمئنان بأنها لنا انثى

    و لا تتحلى بالرجوله

    شرقيتى صارت اليوم عيبا

    وغربيتى لو تنادى بالكفر تكون بالمقبوله !

    فيا امرأتى تعالى معى نستعيد بأنفسنا

    ماضاع منا قبل ان تدركنا سكرات موت الحب

    ونصبح من ايامنا محض ذكرى مقتوله .

    محمد فوزى .

     
  • At Thursday, May 10, 2007, Blogger bahry said…

    بدون محلسة واسلوب التعابين والمدح البطال
    بجد اسف جدا
    الفكرة والبوست مع المدونة
    متناقض جدا جدا جدا
    وكله عمال يشتم في الرجل الشرقي
    والشرق المتعفن
    والتربية الشرقية
    وكأن الكل وارد مزارع الغرب

    الغرب اللي شايف المرأة موديل عاري جميل يستخدمها لتجميل قاذوراته

    بس علشان متفهمش غلط ان مش ضد المرأة وليس من نوعية الرجال الذين يؤمنون بالتفوق الذكوري الابدي

    بس فكرة نشر ثقافة الاستغناء ديه مش من مصلحة حد
    لا الست تقدر تستغني عن الراجل والعكس ضرب من الخيال وكل الحكاية ان موضوع تقسيم الادوار محتاج عقول متفتحة بدون مورثات او ممارسات خاطئة من الطرفين

     
  • At Thursday, May 10, 2007, Blogger khalid jarrar said…

    Nizar is so over rated, you should have read qa9a2idi when i used to write shi3r ayyam il shabab y3ni, good ol' days. women used to melt hearing them! *wink wink*
    bas khala9 ana 3i2ilt dil wa2t y3ni, 2ah wallahi ya abla! ma baktibsh anymore :D

     
  • At Thursday, May 10, 2007, Blogger قاسم أفندي said…

    ثوري
    أحبك أن تثوري
    ثوري علي شرق السبايا والتكايا والبخور
    ثوري علي التاريخ والوهم الكبير
    لا ترهبي احدا فالشمس مقبرة النسور
    ثوري علي شرق يراك وليمة فوق السرير

     
  • At Thursday, May 10, 2007, Blogger The Alien said…

    التعميم ف الحالات دي مش سليم
    مش كل الرجاله لغة الجسد هي اللي بتحركهم
    فيه كتير بيدورو علي مشاعر وأفكار ومش لاقيين

    إحنا محتاجين توعية
    محتاجين كلام كتير
    محتاجين نفك الحظر المفروض علي الكلام
    محتاجين نفهم إن الحب مش عيب ولا غلط ولا حرام

    تحية علي الإسلوب الجميل
    تحياتي

     
  • At Thursday, May 10, 2007, Blogger Horas said…

    صراحا بعدما قرأت قرابة نصف المدونة لم أستطع ان أكمل شعرت بنفسي اشمأزت وتقول هل هناك رجل يتعامل مع المرأة لهذا المستوي من الدونية والحقارة
    انا صحيح رجل وشهوة الجسد اجدها من اجمل وسائل التعبير عن حبي للمرآة لكن أن تصل لأن أتعامل معاها بهذه الحقارة ولا انسانية واتجاهل حواسيسها ومشاعرها وعقلها وكونها انسانة مثلي تمام ربما تكون حتي عند الله أفضل مني صعب
    حتي ولو كانت تلك المرأة داعرة او عاهرة لا أستطيع
    بجد الله يسامحك

     
  • At Friday, May 11, 2007, Anonymous Karim said…

    sorry for the argument really .. but dont u think u r too dare to discuss such things on public?

     
  • At Friday, May 11, 2007, Blogger BackBone said…


    كلماتك حسيستني بالكره


    فلو كان ده اللي الست الشرقيه بتحسه ناحيه راجلها

    اذن انا بكرهها

    بكرهها عشان بكره ان حد يفكر في كده

     
  • At Friday, May 11, 2007, Blogger Sampateek said…

    و ايه يمنع اني اعيش مع نفسي ده حتى انا فهماها و هي فهماني انام وقت ما احب و اصحى وقت ما احب و اكتب و اصوت و اخرج وقت ما احب

    ليه لازم اقترن بضمير مذكر علشان احس اني مؤنث
    انا كده فلة
    و اللي يروح يروح و اللي يرجع مش عايزينه
    و نرجع تاني نانتخ الاناني للمستوصف لحد نص الليل و قبل الفجر نصلي القيام
    كانت ايام حلوة
    ان شاء الله ترجع ويرجع احلى منها

    ولادي دول احلى حاجة حصلتلي ربنا يهديهم و يبارك فيهم و اشوفهم احسن ناس
    اما هو و هذا و انت

    مش عايزين النهاردة
    سمباتيك

     
  • At Friday, May 11, 2007, Blogger •«ρяoιd»•™ said…

    عندما ينتهي حياء المرأه

    فهي ليست امرأه

    عندما تتحدثين في هذه الأمور علي الملاء

    فأنتي حقاً قد فقدتي كل حيائك

    هذا ليس تخلف مني كما يدور في ذهنك الآن

    ولكن هذه الحقيقه

    ومن يقول غير ذلك فهو منافق

     
  • At Saturday, May 12, 2007, Anonymous Anonymous said…

    اولا :هذا الكلب الخنزير نزار فهو بالا جماع كااااااااااااافر وعليه من الله ما يستحق.
    ثانيا :هذا الكلام ملى ء بالدناءه والسفاله وقلة الحياء ومن ترضى او من يرضى ان يبوح بهذا الكلام او يتداول بين اهل بيته ولا يستحى من الناس فالاولى له ان يستحى من الخالق عز وجل
    ثالثا :الجماعه اللى يقروا ويعلقوا مش عند حضرتك بس فى مدونات اخرى ونجدهم( بيزيطوا ويهيصوا )هؤلاءهم اضل سبيل ......اللى هما الجماعه الزيييطه الجهلاء بدينهم فاقدى العقل .
    رابعا:كنا ننتظر من حضرتك اشياء اكثر قيمه واحتراما غير كده.
    وانا لله وانا اليه راجعون

     
  • At Saturday, May 12, 2007, Blogger جبهة التهييس الشعبية said…

    يا ختشي قالوا لي صاحبتشك تمر حنة بتشتم في الرجالة

    قلت يا حومتشي البنية اسيبها شوية تعمل لنا مشاكل مع الشوبان

    وجيت

    يا لهوي؟ هم فاكرين دي شتيمة؟ شوفي الإنسان لما يعمل الحاجة وما يبقاش دريان بنفسه ولما تواجهيه بيها يقول لك بتشتميني

    اذا كان فعلك شتيمة بطله يا سيدي

    وجعت قلبي

    بالذات كمان البوست اللي قبل ده بتاع المحاولات الفاشلة لتأجيل الرحيل

    حسيت اني مخنوقة

    ياختشي امال فين بقى الرباط المقدس والميثاق الغليظ اللي يدمج اثنين في كيان واحد ويبقى عهد امام الله والسكن والمودة والرحمة والامان والكلام ده كله؟

    كان بيحصل ده امتى يعني

    لما الست من اول يوم في الجواز وهي قاعدة على اشابيرها لبعدين الراجل يطير

    فين السكن بقى

    وللا فين الرحمة في ان واحدة عايشة كل لحظة في حياتها مهددة

    وفين المودة في علاقة مبنيه على مدى طول نفس الست وتفتق قريحتها عما هو جديد عشان يفضل قاعد معاها

    طبعا اللي ايده في المية زيي دلوقت كده ح يقول: وعلى ايه ما يغور

    بس لاني فاكرة ايام ما كانت ايدي في النار عمري ما اقول كده

    بس تفتكري شكل علاقة الزواج في مجتمعنا لها اي علاقة بحقوق الانسان وللا الحيوان؟

    بمناسبة الستات الفيمينست اللي جبتي سيرتهم

    الا هم ليه لازم يحلقوا ولد ويربوا شنبهم؟

    يعني دلوقت الخيار امام النساء

    اما انها تبقى عطيات
    او خليفة خلف خلف الله خلف خلاف المحامي

    ما ينفعش تبقى انسانة يعني

    انت ايه اللي خلاكي تجيبيني هنا انا اتنكدت

    طفحتيني القهوة اللي شربتيها لي

     
  • At Saturday, May 12, 2007, Blogger صاحب البوابــة said…

    كلمات معبرة

    توضح عن رؤيتك للرجل الشرقي

    تحياتي لأفكارك الجميلة

     
  • At Saturday, May 12, 2007, Blogger sherehan84 said…

    أنا كنت عايزه أعلق وكنت هقول كلام كتير بس آخر تعليق مكتوب ده لطشني ونساني كل اللي كنت عايزه أقوله .. مظنش انك تماديتي في الكلام زياده عن اللزوم ومظنش ان في لفظ خارج في التدوينه وكونك بتشتكي من وضع معين لازم توصفيه وانا مش شايفه في وصفك كلام مخل أو خارج .. وبعدين من حقك تعبري عن وضع مضايقك حتى لو الوضع ده خاص جدا ..
    اتنرفزت حقيقي

     
  • At Sunday, May 13, 2007, Blogger تمر حنه said…

    كراكيب
    لافض فوك لا فض فوك لا فض فوك
    رائع


    عمر
    قريت فيها .. آدى الدنيا ولعت .. خش برجالتك يا عمر

    Mohamed a. ghaffar
    مش ناسية .. و هى متوالية و حلقة مفرغة .. بس الخسران فى النهاية هو النتاج الجديد من المرأة الشرقية

    The groom
    أدرك الفارق .. أعلم أننا فى الهم سواء .. شرقيات و غربيات و لكننا فى الشرق نكافى بالندب و النحيب أما فى الغرب فقد سبقونا بكثير و دخلن فى حيز الفعل .. المشاكل بين الرجل و المرأة واحدة فى العالم كله و اكن حالة الرفاهية فى الغرب تطمس معالم الكآبه البادية عندهم.. فتظهر الصورة أكثر اشراقا
    و على فكرة .. كثيرا مايجانبنى الصواب يا بن مانساس .. هى جات عالمرة دى؟؟

    فارس
    عفوا .. يخرب بيت مدونتك و جمالها .. جو تانى .. أغنية ماجدة الرومى .. التصميم .. الكلمات.. لما أعوز أريح ممكن أبقى أهرب عندك؟ مستنية الأذن

    Mohamed
    دا أنا اللى تحياتى

    آدم ابن المصرى
    مش عارفة اشمعنى انت اللى بستنى تعليقك .. يمكن عشان البهدلة اللى بهدلتهالى فى أول علاقتنا .. يمكن انك بتثبت لى نظرية : مامحبة الا بعد عداوة؟؟
    القصيدة ياريس

    Incomplete
    أوعى تستأذنى تانى .. انتى فبيتك

    None
    معلش كنت بانفض .. و أوعدك الجمعة اجاية هاجى

    سجدة
    طبعا مش كلهم .. مش كلهم

    Caesar
    شوف يا سيزار .. مجرد أن نعترف بالخلل فهذا بحد ذاته ترضية .. الأم .. الأب .. الأعراف ..الجهل .. التخلف .. قمع الحريات الأنسانية .. الموروثات .. حتى الأساطير القديمة لها دخل فى ما يحدث .. و لكن المحصلة تقع علىّ أنا .. على حواء .. و لذلك نتبنى نحن القضايا فنحن المضارين الأساسيين

    شيماء الجيزى
    تحياتى

    Catofdeast
    عمرى ما قصدت التعميم .. أنا مرة شفت واحد بيحترم مراته .. آه و الله العظيم

    Anonymous
    احتراماتى يا فندم

    توته توته
    مش عارفه ليه بحب أشوفك هنا دايما

    Romantic rose
    كلنا فى الهم .... حواء .. لا فض فوكى

    Noony
    ده رمز يابنتى .. ولا شمال ولا حاجة.. صدقينى

    Sampateek
    بوسه كبيييييييييييييييييييييييييييييييييييييييييييييييييييييييييييييييييييرة


    Carol
    أنا من شرفت بوجودك

    Integrated functions
    دوسى فى المدونة الجديدة بتاعتك .. و أنا معاكى

    Farida
    كراكيب أبدع و أبدع و أبدع .. لقب المطلقة هو البعبع الذى يقف للنساء ابمرصتد و لى معه صولات و جولات قادمة .. حان الوقت لأستبعاد البعابيع من رؤوس الشرقيات

    Soona57
    انت فين بقالك كتير؟ وحشتنا خناقاتك .. أسم الله عالقوامة يا سونا .. و القوامة دى من ايه ان شاء الله؟ هو كل من اترسم فى وشه شنب أصبح له حق القوامه؟
    القوامة يا محترم تكليف و ليس تشريف .. فالقوامة بانفاق الرجل على المرأة ..و برعاية الرجل لشئون زوجته و أولاده كااااافة .. القوامة بالمحافظة على حقوقها و كرامتها .. القوامة ليست بالتهديد بالطلاق و تشريدها و أولادها .. القوامة ليست اهمال و سب و تعالى ..القوامة ليست بالعضلات و لا بالفحولة .. فالقوامة فى الدين ليست مطلقة و لكنها مشروطة .... ازيك يا سونا
    و بالنسبة للأبروفال و حرية الرأى فاننى قد وجدت من بعض من يظنون انفسهم لهم حق القوامة عليّا أنا كمان يقومون بسب أهلى و ده برضه مش من شروط القوامة .. يا سلام لو نقدر نعمل أبروفال فى الحياة اليومية ..

    Shab masry
    و الله أنا مفيش بينى و بين الشرقى اللى زى حضرتك كل خير و عمرى مابقفشش عالرجل الشرقى .. أرجع تانى للنص .. أنا بقفش عالجزار الشرقى بس

    أنا من أهوى و من أهوى أنا
    يا الله .. أسمحلى بس أنادى نون عشان تشوف لما بتبصوا للمواضيع بموضوعية بتبقى أد ايه لطاف و ظراف
    طب كان فين البقين دول بدال العك اللى عكيته فحقنا البوست اللى فات.... هعتبر الكلمتين الحلوين دول أعتذار لأمرأتك .. و ل نون.... ميرسى يا فوزى

     
  • At Sunday, May 13, 2007, Blogger تمر حنه said…

    Bahry
    نقطه .. نقطه .. أولا الشرق كمان تحول لتلك الآله التى تستهلك مفاتن المرأة حتى آخر قطرة من أنوثتها للترويج للسلع الأستهلاكية .. شفت اعلان : ايزى موزو؟؟ مش الغرب بس
    ثانيا:بديهى لا يستغنى الطرفان عن بعضهما منذ بدء الخليقة و حتى فناءها .. و لكن بشروط من يا عزيزى؟ نحن لا نستغنى و لكننا و لأول مرة نفرض شروطنا .. و هى سهلة و عادلة .. الكرامة و المحبة و المودة و الأحسان.. أفى هذا استغناء يا بحرى؟ يعنى انت شايف ان كده احنا بنطفش .. للأسف مافهمتش اللى بقوله


    Khalid bin Jarrar
    يعنى أنا اللى بكتب .. وحياتك يابن جرار مابستحمل أقراله قصيده على بعضها بس قريت المقدمة بتاعت الديوان و حسيت انه بيقوللى يابت يا تمر حنه أنا بانكشك أهو .. ردى بقى و ورينا هنقولى ايه ..بس و أهى غلطة و مش هتعود.. ولون الشوق موجود

    قاسم أفندى
    سوف أثور ... أتظن أنه هناك حياة لمن أنادى؟؟

    The alien
    قبل كل ده انتم محتاجين تعرفوا يعنى ايه امرأة؟ كيف تفكر؟ كيف تشعر بالألم.. و تكتمه .. ماذا تحتاج .. ماذا تكره .. و هذا مانحاول فعله ......... توصيل وجهات نظر

    Horas
    يجب أن تكملها .. أقرأها مرة أخرى و حاول ألا تشمئز .. هذا واقع .. فقط أقرأ تعليقات النساء هنا و بعض الرجال الشرفاء الذين لا ينكرون الحقائق
    أشعر بنبض النساء .. راقب وجوههن المتعبه فى الطرقات .. لاحظ الفرق بين نسائنا و الأخريات .. لاحظ لاحظ

    Karim
    أنا لم أقصد المعانى الحرفية لى كلمة كتبتا هنا .. أنا استخدمت الرمز .. كل ماكتبت كان رمزا ..أنا لم أناقش علاقات شائكة بالمرة .. أتحداك اذا كانت كلماتى قد أثارت فيك اى غريزة
    كريم .. القرآن الكريم ناقش قضايا شائكة لبيان رأى الشرع فيها .. كالزنا واللواط .. فهل هناك أشرف من القرآن ؟؟
    و لله المثل الأعلى

    Backbone
    و انت لو عاملت مراتك بالطريقة دى هى كمان هتكرهك ..

    Sampateek
    عارفة برضه يا سمباتيك لما يكون الرجل .. رجل .. بيديكى الدنيا و مافيها و السكن و المودة و الرحمة
    لما بيكن حلو كده و حنين و راجل بصحيح .... سيبك انتى

     
  • At Sunday, May 13, 2007, Blogger تمر حنه said…

    •«ρяoιd»•™
    شوف بقى .. أنا أضطريت أرد على التعليقلت كلها عشان أوصل لحضرتك
    فهمت انك شاعر .. بتفهم يعنى ايه رمز .. و كل ما أستخدمت هنا لوصف الصفات التى أكرهها و تكرهها كل النساء فى الرجل كانت رموزا .. هل وصلت الى هذه الدرجة من السطحية حتى لا تميز بين الرمز و السرد .. ألم تسمع قط عن شعراء عظام استخدموا الرموز؟؟ أنا لا أستطيع أن أقرأ قصيدة كاملة لنزار لأنه يستخدم ألفاظا صريحه .. تخدش حيائى و لكنى أستعرت منه فقط روح الثورة .. رغبتى فى الدفاع عن جسد المرأةو حرمته
    و لكن ماذا أقول فى عقلية تركت كل معانى الثورة و الرغبة فى الأفلات من براثن تملك جاهلى و أثارت قضية الحياء و قلة الحياء .. و الا فانك عندما كتبت بخط يدك فى قصيدتك الأخيرة :
    احن اليكِ سيدتي ..
    فأسكن شوق كلماتي .
    فضميني ..
    لأن البعد يأكلني ..
    يزيد من حماقاتي .
    فضميني
    هل كنت تقصد فعلا ما كتبت؟؟ تطلب من محبوبتك حضن على الملأ؟؟ فأنت تحب واحدة قليلة الحيا بصحيح .. و هذا أكيد مش مظبوط.. و يعنى ايه البعد يأكلك؟؟ أليس فى هذا تلميح مخل؟ تقصد ايه بالظبط بالحماقات؟ أكيد مش المقصود مثلا انك تحدف الناس بالطوب ولا تنزل البحر يهدومك!!ا
    يا محترم مش المفروض انك تنزل مع كتاباتك ملحق توضيحى لبيان المعانى التى تحتويها بطنك .. من فهم مقصدك فهو يستحق ابداعك...... و
    حاش لله .. متخلف؟؟ لأ طبعا مايدور فى ذهنى أعظم من هذا بكثير .... و انما أقول ايه لسانك سابق تفكيرك .. و مش هقولك كتر خيرك .. هقولك أمثالك هم من يشوهون صور رجالنا .....
    تحياتى
    -----------------------------------
    Anonymous
    أولا : ليس من حقك تكفير أحد فأنت لم تشهد خواتيم أعماله ولم ترى ما مات عليه و هناك نهى عن تكفير الناس و الا فأ حدكما قد باء بها

    ثانيا : من ينطق بمثل ألفاظك تلك فهو ليس بمسلم لأن المسلم ليس بطعان ولا لعان ولا فاحش ولابذئ .. و هل لك الحق فى أن تحكم على علاقتى بربى؟ من أنت يارجل ؟

    ثالثا: أحذر يا أخى انك الآن تطعن فى ضيوف أجلاء عندى ولا أسمح لك مطلقا بذلك .. فللضيف عندى حقوق .. و على أن أحميه .. و أيضا فقدت أفتريت عليهم جميعا و اتهمتهم بما هو ربما ليس فيهم و لسوف تبوء بأثمهم

    رابعا: و هل هناك شئ أقيم من الدعوة لأحترام المرأة و مراعاة أحاسيسها و حرمة جسدها؟ و منذ متى أمر دينك – يا أخى – بانتهاك آدمية زوجتك و حثك على معاملتها كالمطيه؟ أليس لك فى رسولك الكريم أسوة حسنه ... عفوا فلن أتهمك مثلما فعلت معى بالجهل .. اذهب و اقرأ كيف كان يعامل الحبيب أهل بيته ..أذهب و تعلم كيف كان الرجال فى دينك .. أذهب و أقرأ ما نقلته السيدة عائشة عن أدق مافى العلاقة بين الرجل المسلم و زوجته .. أكان فى هذا بذاءة؟ اذهب و أقرأ ... فأمامك الكثير

    و نصيحتى : كن بخيلا و حريصا على حسناتك لئلا تضيع بسبب احتقارك للناس و تكفيرهم و سبهم لو كنت فعلا تريد الآخرة كما جاء فى حديث "المفلس"

    -----------------------------------

     
  • At Sunday, May 13, 2007, Blogger تمر حنه said…

    جبهة التهييس المهلبية
    أنا أطفحك القهوة يا غالية .. لا عشت ولا كنت .. و لا ييجى اللى ينكد عليكى – دنتى روحى روحى روحى
    سيبك مالقهوة .. تعالى نشرب اتنين لاتيه توت .. و التفاصيل فى الميل .. مستنيه

    صاحب البوابة
    للأسف .. تعبر عن رؤية سواد النساء عنه فأننى عادة لا أتبنى قضايا شخصية ..

    Sherehan 84
    أرجوكى علقى دلوقتى براحتك .. أظن أنا ريحتك و رديت بما يكفى .. علقى يا شيرى متل مابدك

     
  • At Sunday, May 13, 2007, Blogger امام الجيل said…

    انا شايف ان العلاقة بين الرجل والمرأة حقوق وواجبات مش من حق اى حد يطالب بحقوقه وينسى واجباته وزى ما الرجل بيحتاج من المراة اشياء كذلك المراة لا تستطيع ان تتخلى عن الرجل هى دى المشكلة اذا كل واحد ادى واجباته وخد حقوقه الحياة تنتظم بس اذا ايهما طالب بواحد وفرط فى الاخرى حصل الخلل وكويس انك قلتى انك مش من جمعيات حقوق المراة وكده لانهم اثبتوا فشلهم بين النساء انفسهن واذا سالت اى سيدة بسيطة او متعلمة عن ارائهن ومطالبهن تجدها بعيدة كل البعد عن اراء تلكم المعقدات من وجهة نظرى بس كان نفسى يكون تعبيرك انقى شوية ومفيهوش التعبيرات الموحية تلك التى من الممكن ان تجرح اشخاص واللى بينادوا بحقوق المراة ومساوتها بالرجل هيبقوا خسرانين جدا لان المراة اذا تعاملت كمعاملة الرجل فيجب ان تتخلى عن الحنان وان تتخلى عن التقدير الزائد والدلع زى ما قلتى وان تعتمد على نفسها وتشتغل شوفى بقى الرجالة بيعاملوا نفسهم ازاى واعتقد انك مش ده قصدك بس ارفض فكرة التعميم بشدة وان كل الرجال هكذا وان كل النساء مظلومات وان العيب على الرجل دائماكفاية كده

     
  • At Sunday, May 13, 2007, Blogger Horas said…

    قرأتها للنهاية استجابة لكي لكن رأيي لم يتغير فهما كان أن هذا موجود في دنيا الواقع فأنا أرفضه وأشمئز منه ومن تسمح لنفسها يوما أن تعيش مع هذا النوع من الرجال وهما كثيرات اما لضيق العيش او لغد العيش او للعنوسة او ضل راجل او ما شابه فلا تكتبي عنها ومن سمح لنفسه أن يكون مثل ما تصفيه فهو حيوان ولس بإنسان وحتما ليس رجلا بما تحمل الكلمه من معني
    عموما انا اري أن هذا الأمر ليس صعبا علي المرأة اكتشافه من اللحظة الأولي مع من يفكر الإرتباط بيها وعليه التنقيب والتدقيق فياخيار حبيبها وزوجها الذي ترغب في العيش معه

     
  • At Sunday, May 13, 2007, Blogger عمر said…

    أحب أوضح وجهة نظري في عدة نقاط

    أولا: بالنسبة لمن يشيرون إلي خطأ التعميم بخصوص الرجل الشرقي... أنا متفق معكم ان التعميم خطأ.. لكن أظن أن كاتبة التدوينة أوضحت انها مجرد رد فعل انفعالي عبرت فيه عن تجربتها الشخصية من خلال تأثرها بمقدمة قصيدة نزار قباني.. يعني هذا نوع من الأدب الغرض منه التعبير عن حالة شخصية وليس بحث علمي الغرض من إجراء تقييم إحصائي لحالة حقوق المرأة في المجتمعات الشرقية.. وأعتقد ان التعميم في مجال الأدب هو نوع من الخطأ المقبول طالما كان ينقل بأمانة الحالة النفسية للكاتب

    ثانيا: بالنسبة لموضوع المقارنة بين الشرق والغرب.. رغم عدم اقتناعي بجدوي المقارنة أساسا لكن أنا اعتقد ان الدول الغربية بصفة عامة وصلت لمرحلة أكثر تقدما من الشرق (إذا جاز التعميم) في نشر ثقافة حقوق الإنسان بصفة عامة وحقوق المرأة بصفة خاصة.. أما الأغاني والأفلام التافهة التي نستوردها في بلادنا فهي في الحقيقة لمجرد الربح التجاري ولا تعبر عن العقلية الغربية بصفة عامة

    ثالثا: بالنسبة لموضوع التدوينة نفسه.. حقيقي ان عقلية أغلب الشباب الذين أعرفهم في مصر ومنهم أنا بها الكثير من المتناقضات عندما يتعلق الأمر بالجنس الآخر.. ففي حين يكون حال الرجل الوحيد/ الأعزب لا يرثي له فإنه لا يتوقف عن تكوين نظريات وثوابت في عقله عن المرأة بصفة عامة ووضعها في إطار أجتماعي من صنع خياله – مثلا: من منا لم يتفاخر بغرامياته أمام أصدقائه في مرحلة المراهقة؟ هذا في حد ذاته تكريس لفكرة ان العلاقة بين الرجل والمرأة علاقة ذات اتجاه واحد، فالرجل فاعل والمرأة مفعول به – من منا لم يسمع أو يقول كلاما من نوعية: الستات عايزة كذا أو أحسن طريقة للتعامل مع المرأة هي كذا وهذا أيضا تكريس لفكرة ان المرأة هي مفعول به يمكن حصر تصرفاته ورغباته في مجموعة من القواعد يصنعها الرجل ويقيم المرأة علي أساسها – حتي من يقولون أن المرأة هي الأم والمدرسة إلخ... فهؤلاء يعطون لنفسهم الحق في وضع إطار إجتماعي يفترض للمرأة أن تتبعه في حين أن هذا ليس من حقهم

    ورأيي ان سبب هذه الظاهرة يعود لطبيعة تكوين النفس البشرية.. فكل إنسان مهما بلغ من العقل والحكمة لديه رغبة دفينة في الاعتقاد بأنه محور الكون... لكن هذه الرغبة تصتدم بالواقع الاجتماعي الذي يشير إلي انه مجرد شخص من بين مليارات الإشخاص معرض للفشل والرفض... رد الفعل الطبيعي لدي أي إنسان عند الاصتدام بالآخر المختلف عنه هو رفض هذا الإختلاف لأن هذا هو أسهل أسلوب لإثبات أن نفسه التي يتمحور حولها الكون علي حق وأن من يختلف معها علي خطأ.. وهذا التركيب النفسي هو السبب الأساسي لكافة أشكال الاضطهاد سواء المبنية علي الدين أو العرق أو الجنس والحل الجذري لهذه المشكلة هي أن يفهم الشخص أن من يختلف عنه هو أيضا إنسان مثله ويظن أنه محور الكون أيضا.. وعلي هذا فإن الوضع المثالي هو أن يكون النوع (الجنس) عنصر غير مؤثر في تحديد الأطر الإجتماعية بمعني عدم قيام المجتمع بفرض مهام أو أفكار محددة سلفا بخصوص أفراده علي أساس الجنس وهذا طبعا سوف ينعكس علي العلاقة داخل الأسرة التي يفترض أن يكون تحديد أطر العلاقة فيها عمل مشترك بين الرجل والمرأة لا ينفرد به أحدهما ولا يفترض أي منهما أن الآخر يجب عليه اتباع سلوك معين لأن المجتمع حدده سلفا ولكن يجب أن يكون تحديد سلوك أفراد الأسرة وطرق التعامل فيما بينهم أمر متروك إلي أفراد تلك الأسرة يتحدد علي أساس شخصية كل منهم وقدرتهم علي التواصل والتفاهم

    ولو فيه أي خناقة يا تمر حنة إبقي إديني مزد كول

     
  • At Sunday, May 13, 2007, Blogger Mohamed said…

    لست من هواه المودنات ولا متابعه كل ما قيل و قال

    الا انى قرأت "حقك عليا .. ماتزعلشى "
    و التمست عزوبه كلماتك و هيام الشرقيه

    ثم عدت ثانية الى مدونتك لاجد تلك الشرقيه ثائرة ..غاضبه و حانقه

    لست من مريديكى فبالكاد اعرفك من سطورك ..
    و لست من اعدائك و ما اعتقد ان امرأة بذكاءة ذات اعداء .

    الا ان العم نزار .. احسن باثارتكى
    لست بحاجه اللى ان تدركى مدى عشق الشرقى و خوفه و عزة نفسه.. وكرامته فى الدفاع عن شريكة حياته

    و لسنا بحاجه الى ان نلعق انامل قدمك لنثبت اننا رجال اوفياء
    فمن يلعق الشقراء يلعق السمراء
    و من ينزف عن اجساد النساء نزارا و ليس عربيا يدرك كبرياء محبوبته
    و يرفع هامتها بجانبه ليس فوقه و لا تحته ..
    بل بجواره

    اعجبتنى الفاظك اللازعه فهو اسلوب يناسب من يلعقوا الاقدام

    ( انصحك بقراءة ما كتب به
    " رفقا باقوارير"

    mseta12@yahoo.com

     
  • At Sunday, May 13, 2007, Anonymous فــــــارس said…

    طبعا

    ممكن جداا تتفضلى تهربى عندى
    ولكى جزيل الشكر
    وان شاء الله تجدى ما يسركم


    دة انا مابصدق حد يهرب عندى

    الصراحة انا مش عايز انق على الردود
    الكتيرة اوى اللى عندك

    بس مسيرى يبقى عندى زيهم

    سلاااااامى

     
  • At Sunday, May 13, 2007, Blogger •«ρяoιd»•™ said…

    بسم الله الرحمن الرحيم

    السلام عليكم و رحمة الله و بركاته

    في البدايه الأختلاف في وجهات النظر لا تفسد للود قضيه

    اكيد كل واحد حر في تفكيره

    و برضه كل واحد حر في تعبيره عن تفكيره

    المهم بقي

    اننا اوكي عايزين ندافع عن جسد المرأه متفق معاكي انا

    بس اسمحيلي ازاي بنت تتكلم في مطارحة الغرام علي الملاء

    هتقولي حريه

    حريه ايه دي يا ربي اللي خلت الحياء ينقرض

    بتقولي انه فرس .. حصان يعني

    و الله فهمتها يعني و الحمد لله بس اللي اقصده من اني اخدت دي بالذات اقتباس

    اشمعني التعبيير ده بالذات اللي ممكن يوصل لمعاني تانيه

    هتقولي انك مش ملزمه توضحي قصدك ايه بتشبيهاتك و تعبيراتك البلاغيه

    هقولك صح

    بس تختاري و تفكري في التشبيه انتي بترسمي لوحه من الكلام بقلمك

    و مش كل واحد هيشوف اللوحه دي هيفهم انتي عايزه تقولي ايه

    و برضه مش قصدي اي حاجه

    انتي حره في اسلوبك

    و حره في تفكيرك

    و انا كمان حر

    و كل واحد في الكون ده حر

    انا كنت بقول رأيي و بس

    و عموماً سوري لو ضايقتك

    تحياتي

     
  • At Monday, May 14, 2007, Blogger Esmeralda said…

    كلامك كرباج للى يستحقه

    كرباج يا بنتى و الله

    حساه كان تقل و اتشال ولازم يبقى بعد الكلام ده زفره حارة

    انا حاسه كلامك اويي

    ألاااعاااا البارازايتى يعنى ايه؟؟؟؟ زى اللازانيا كده؟؟؟؟

     
  • At Monday, May 14, 2007, Blogger bahry said…

    الاستاذة تمر حنة
    بأمانة وتجرد أقري البوست تاني والتعليقات من الاخوات تعرفي ان انا كان عندي حق وان ديه ثقافة الاستغناء وليس القبول بشروط زي ما انتي رديتي
    رجعي تعليق نوارة وسمباتيك كده

    طبعا موضوع الشروط ده حقك وحق كل النساء وكمان الرجال

    مش ممكن اقبل امرأة لا تقدرني ولا تحترم كوني رجل له حقوق ولا تحفظني في غيبتي

    ومش ممكن المرأة تقبل ان تعيش عبدة ينحصر دورها في الجنس والولادة والطبيخ

    كل طرف له الحق في ان يعيش مع الطرف الاخر محتفظا بكرامته وخصوصيته سواء شرقي بقه او غربي
    لكن العنصرية واختصاص الرجل الشرقي -هو مش ملاك يعني - بكل هذه الموبيقات فهذا الذي نرفضه تماما
    ملحوظة هامة جدا
    للأسف انا ادعي اني فهمتك يا تمر حنة ولكنك لم تختاري من يعبر عنك صح واخترتي نزار
    حد يختار نزار عاشق النه.. اللي عايز الستات تثور علي ملابسها قبل الثورة علي الرجال
    اوت ديه يا تمر
    تحياتي

     
  • At Monday, May 14, 2007, Anonymous dr karim said…

    اكتب بالعربى احسن علشان اعتقد ده بريحك اكتر .. ودا واجب علىنا كلنا اذا كنا فى مدونتك..

    ايوا طبعا واضح انك بتستخدمى رموز والقران طبعا ناقش القضية دى او قضايا مشابهة ليها فى ايات كتيرة .. مش معترض انا على كدة خالص

    بس هوة القران بيناقش القضية دى ليه ؟ علشان يديلنا احكام نمشى عليها فى حياتنا مع زوجاتنا .. تمام؟

    و انتى بتناقشيها ليه؟ علشان نزار استفزك
    فالهدف هنا مختلف تماما

    بارك الله فيكى .

     
  • At Monday, May 14, 2007, Blogger maged stephen said…

    أنا اسف على التأخير ومعلش بقى ملقيتش غير البوست ده عندى أنتى عارفة بقى بواقى الشتا وده من المدونة الجديدة واسمها المرأة والرجل
    تقدرى تعتبرى أن ده جزء من تعليقى على هذا البوست
    الجزء الأول
    يفتح الستار بمصاحبةموسيقى أوبرا كارميلا بورانا
    الاضاءة قوية جدا والديك بيدن
    الديكور عبارة عن حقل معفن بس الخضرة جميلة ومتسأليش ازاى
    أسألى بتاع الديكور
    يدخل شاب ذو عضلات مفتولة ويرتدى بدلة شيك جدا وكرافتة ويعبق عطره المسرح كله والمسرح اللى جنبه برائحة زكية ويجر بيده حمار حقيقى يضع نضارة وفى فمه بايب وعلى ظهره وشاح احدى الجامعات المشهورة
    الحمار: أنتوا ليه بتعتبروا حمار شتيمة
    طب دانا لو حتى مش معايا الدبلون لازم واحد منكم يصحينى ويجبلى الفطار اه ولو عيان يجرى زى الجزمة يجبلى واحد متعلم طلع عين أهله فى الكلية علشان يعترفوا بيه ويدوله شهادة أنه ينفع يعالج سيادتى
    أحم أحم هو مين فينا بقى اللى حمار؟
    الفتى يا عم أنا ناقصك أنت عايز منى ايه؟
    عايز أعرف مزعل مراتك ليه ياض؟
    الفتى نعم يا روح خالتك ياض حاف من غير حضرتك

    تتوقف الموسيقى تدريجياثم ترتفع الموسيقى مرة أخرى تدريجيابأغنية فيروز أعطنى الناى وغنى
    تقل الاضاءة حتى تنعدم تماما ويقف الفتى يترنح فى منتصف المسرح حيث يسلط عليه بمفرده الترا فيلوت
    يبدأ الحمار فى الكلام بصوت مبحوح

    ياريت

    تحاول تكون انسان

    *
    *
    *
    يبدأ الانسان فى التفكير فى حل مشكلة ما فقط عندما يعترف أن لديه مشكلة أصلا
    أرى أن الرجل الشرقى فى تعامله مع المرأة_ وهنا أتحدث عن الأغلبية
    لا يعترف أصلا بأن لديه مشكلة وأن سلوكه عادى جدا
    فاذا عرف السبب لن يبطل العجب
    فكيف يبطل العجب من انسان لديه مشكلة ولا يريد أن يعترف بوجودها
    !!!!!!!!!!!!!!!!
    أرى أن تلك هى البداية اذا أراد الرجل أن يفعل شيئا
    يعترف بالمشكلة
    *
    *
    *
    الرجل يثار بالنظر
    المرأة تثار باللمس
    ليس هذا رأى شخصى ولكنه نتيجة لدراسات تمت فى بعض الدول المتقدمة
    التى نطلق نحن عليهم ناس فاضية
    اذا عرف الرجل تلك الحقيقة
    يجب أن يكون حذرا
    يجب أن يدرب عيناه عندما يتحدث الى امراة
    أن يتحكم فى تلك العينان اللى تدب فيهما خرطوشة رصاص
    الترجمة
    يعنى مش لازم يعمل لها مسح ذرى ومقطعية ورنين وفوق صوتية
    وملامح وشه بتفضح حلمه بالاشعة الحمرا
    *
    *
    *
    يدرب نفسه فى حالة الزواج أن المرأة عايزاه فى وقت زوج وأحياناصديق مخلص بس تاخد وتدى معاه فى الكلام من غير ولا بوسة مجرد فضفضة يعنى ومش سهوكة
    وأحيانا عشيق وحبيب مشبع عاطفيا قبل مايكون مشبع جسديا
    وأحياناأب تستخبى فى حضنه وخاصة فى بداية الزواج
    وأحيانا طفلها
    وأحياناتحتاج تحس لفترة محدودة وحتى نفاذ الكمية أنه سى السيد
    وأحيانا . وأحيانا. وأحيانا
    الراجل محتاج يركز أوى طب هى دلوقتى عايزا أنهى فيهم؟
    يعنى مش لو شافهامكشرة ومرهقة لازم يعمل جهبز وأول القصيدة كفر وهوب يحاول يلمسها
    لأنها ممكن تكون فى حالة مش طايقة حد يلمسها ومش لازم يصر يعرف هى زعلانة ليه لو هى
    فضلت عدم الكلام لأنه من غير ما يقصد بيخلى المشكلة اتنين مشكلتها الأساسية وكمان مشكلة جديدة وهى أنه مش قادر يفهمها ويتعامل معاها كما تتمنى
    ولورّفعت صوتها شوية وحطت راسها على كتفه مش لازم تملى يفسر ده بموضوع أنها نفسها تخاوىالواد محمد بأمة لا اله الا الله. ممكن حجم الموضوع عندها لا يتعدى جرعة حنان وأمان
    يجب على الرجل عدم خلط الأدوار
    الرجل كالطبيب
    فاذا كان التشخيص غلط يبقى عليه العوض
    فاهم ياض والا مش فاهم؟
    الفتى أحم أحم هو مين فينا الحمار
    يخرج الفتى والحمار ولكن فى اتجاهان مختلفان
    ستار
    تمت
    ماجد استيفن

    ملحوظة لو عجبك الجزء الأول من التعليق ويا ريت تردى عجبك والا لأ
    علشان لو كان عجبك هأبدأ أكتب الجزء التانى من التعليق وهتاخديى عليه كمان كيسين أوكسى أيه أوكسى أه أوكسى الكيس البمبى

     
  • At Monday, May 14, 2007, Anonymous الصارم الحاسم said…

    عندك حق في كـــــــل كـــــــلــــمــــة



    لكن "بعض" ما في التدوينة بصراحة...خدش حيائي
    :(

     
  • At Tuesday, May 15, 2007, Blogger maged stephen said…

    تمرمر
    نهارك أبيض جديد بكرتونته
    أرجو قبول هذا التحديث من جانبى على تعليقى فى هذا البوست
    أختيارى أن يتكلم الحمار وينصح الانسان لم أقصد به اسقاطا مهينا للرجل فلقد كرم الله الانسان عن دون المخلوقات وهذا أمر تتفق فيه جميع الاديان مع الأخذ فى الاعتبار أن كل واحد على دين أهله
    ولكن الاسقاط الذى كنت أقصده أن الرجل قد يسد أذناه عن النصائح التى يجب عليه تنفيذها عندما يقولها أى أحد له وينظر له كما لو كان لا يفهم شيئا وحاولت توضيح الفكرة فى النهاية بخروج الرجل فى الاتجاه المضاد ليستمر فى مواجهة الشقاء الذى ينتظره

    تمر حنة
    التحديث ده مهم يا أختى لحسن دول خلا ص بقوا بيكفرونى ويمكن يهدروا دمى زى ماعملوا مع عمر دياب علشان غنى أغنية راجعين من غير ما يقول ان شاء الله وطبعا العمر مش بعزّقة

     
  • At Tuesday, May 15, 2007, Blogger i`m just depressed said…

    والله جيتى على الجرح
    جدا جدا جدا...........0

     
  • At Tuesday, May 15, 2007, Blogger i`m just depressed said…

    والله جيتى على الجرح

    جدا جدا جدا .........................0

     
  • At Wednesday, May 16, 2007, Blogger Iskanderani said…

    مساء الخير عليك،

    قرأت البوست وسوف أكتب تعليق مناسب عليه عندما امتلك بعض الوقت

    جميل جداٌ الفكر بهذه الطريقه

    تحيات إسكندراني في بلاد الله الواسعة

     
  • At Wednesday, May 16, 2007, Blogger الأرمـوطــي said…

    كالعادة اكتر من رائع
    تحياتى ليكى

     
  • At Thursday, May 17, 2007, Blogger طهقان said…

    تمرحنة
    إزيك

    وانا باتجول في النت
    لاقيت موضوع حسيت اني قرئته قبل كدا
    وافتكرت اني قرئته عندك لانه عجبني

    في واحد داير على المدونات يسرق المواضعي وينقلها بأسمه في منتدي
    ستار تايمز
    سرق قبل كدا موضوع من عندي انا وطهقانة


    http://www.startimes2.com/f.aspx?t=4345788
    انا عملت اللي عليا

    يالا
    شدي حليك

     
  • At Thursday, May 17, 2007, Blogger الثائر دائما said…

    بجد كلامك رائع جدا
    ورغم ان دى اول مرة ازور مدونتك بس انا ضيفتها فى مدونتى على طول لانى شايف انها حالة جميله جدا اتنى انك تستمري عليها
    فكرتنى انها رد لقصيدة كتبتها بتقول فى اولها:
    ... فى البدء كانت الأنثي
    لكنها ..يوما نست
    فتبدلت
    صارت رموزا
    فى خضم المسألة
    صارت كما الأصفار
    قيما مهملة
    لكنها ..
    فى الأصل كانت امرأة

    ظنت بأن بقائها أنثى
    هو الحلم المحال
    فحاولت أن تكسره
    لكنما
    شيء خفي أنكرته .. فأشعله

    عموما اتمنى لكالمزيد من النجاح والابداع
    الشعر صدمة وانتى صدمتيني..اذن انتى كاتبه ممتازة
    الثائر دائما
    http://hishamallam.blogspot.com

     
  • At Saturday, May 19, 2007, Blogger YHYيــوســف الـمصـرى said…

    السلام عليكم
    وعليكم السلام
    !!!!!!!!

     
  • At Sunday, May 20, 2007, Blogger الطائر الحزين said…

    سيدتى
    هذه اول زيارة لى لمدونتك
    اعلمى ان هذا الرجل هو طفلك المدلل وتربيتك انت هى خريج فكرك ويليتنا نعمل عقولنا اكثر من اجسادنا
    تحياتى

     
  • At Sunday, May 20, 2007, Blogger الطائر الحزين said…

    هذا الرجل هو نتاج تربيتك
    فهو خريج حظيرتك انت وحضيرة ابواه قبلك
    لا تلومية عن نفسة وقد نقشت به الاخلاق والقيم
    وجعلت الجسد مطلبة والعقل ياتى فى المرتبة الاخيرة
    الرجل هو طفلك المدلل وصنيعتك انت
    تحياتى

     
  • At Monday, May 21, 2007, Blogger Prometheus said…

    As usual i like your posts and feel provocated by them!
    but this time i wonder who is satisfied with whom..
    most of oriental men are running after western women, and most of western men are running after oriental women. Oriental women wish to be with western gentlemen, and western women wish to be with oriental Men.. Reality is: thats only a way to run away from the own pattern. you have to live abroad to find out that the problem of oriental men is not specific oriental,, it is a male feature.. try to see every case as individual case, without classifying pattern!

     
  • At Monday, May 21, 2007, Anonymous Anonymous said…

    السلام عليكم و رحمة الله و بركاته
    يا ربيييييييي تعبت من قراءة التعليقات لدرجة اني نسيت كنت هاقول ايه.. ما علينا
    انا من المداومين على زيارتك على فكرة و باحب مدونتك جداااااا
    دي للعلم تاني مدونه ادخلها ف حياتي .. ولقيتها عند جدو اسكندر ..اللي هو اول مدونه ادخلها
    باحب كلامك جدا و موافقة عليه

    وفرتي عليا حملة السلخ اللي كنت هاشنها على مندوب جماعة التكفير و الهجرة اللي عندك ده
    لا فض فوك

    تحياااااااتي

    the wall

     
  • At Monday, May 21, 2007, Blogger .:.-=- ELGaZaLy-=-.:. said…

    السلام عليكم ورحمة الله وبركاته

    يمكن كلامك صحيح بس مين انتج الرجل الشرقى؟؟؟

     
  • At Tuesday, May 22, 2007, Blogger Mohamed Hamdy said…

    إيه المدونه دى

    لما وصلت لها بالصدفه ندمت إنى موصلتهاش من زمان , بجد كل المدونه رائعه , عمال أخرج من موضوع أدخل فى موضوع تانى ومش عارف أقف .. بجد هايله

    بالنسبه للشعر فهو رائع جدا .. وبصراحه بيتكلم عن واقع بنعيشه , ممكن تدخلى عندى فى مدونتى تحديدا على الموضوع دة

    http://demaghy.blogspot.com/2007/04/2.html

    عشان تعرفى وجهه نظرى فى كتير من المواضيع

    وياريت لو نتعرف شخصيا عشان إنسانه زيك بجد .. لا تعوض
    شكرا ليكى

     
  • At Wednesday, May 23, 2007, Blogger Fantasia said…

    Wonderful post! Men are selfish pigs. They wanna suck you up and then you go to hell, they never care. Egyptian men are the worst ever, with their narrow minds and superiority complex. They are just rubbish can walking on two feets!

     
  • At Thursday, May 24, 2007, Blogger Incomplete said…

    تمرمر الجميلة
    طولتي الفيبة
    ووحشتينا بجد والله
    عسى المانع خير
    :) :)

     
  • At Thursday, May 24, 2007, Blogger نفسنا said…

    تم أفتتاح العدد الأول من مجلة نفسنا
    نتمنى منكم زيارتنا

     
  • At Saturday, May 26, 2007, Blogger yasmina said…

    انا دخلت المدونة بالصدفة بس هي فعلا رائعة
    جميع ما كتبتيه يعبر عن الرجل الشرقي تماما
    ولا تظني انه هناك رجلا مختلفا فلا اعتقد
    انتظر مثلك متى لا نصبح خدامات ومتى نكسر القيود ونتحرر من مجتمعاتنا الغبية
    ومتى تعتبر كل منا انسانه بكامل معنى الانسانية وليس فقط ام او زوجة او اخت او خادمة او عشيقة او مومس حتى

    تحياتي وسازورك دائما

     
  • At Sunday, July 01, 2007, Anonymous Anonymous said…

    السلام عليكم ....احيكي علي نضوجك النفسي و العقلي ....فانا كل ما اقرأة في مدونتك هو نعبر صادق علي ما يدور بعقلي و احس بية و تثبتة ليةالأيام ....فانا اندهش من كل كلمة اقرائها لأنها تعبر عما بداخلي و لكني لا استطيع التعبير عنة ....نننتظر المزييييييييييد ....رب فكرة احيت امة

     
  • At Sunday, July 01, 2007, Blogger Abo Amr said…

    فإن أردتنى أنثى .. أردتك رجل

    و إن أردتنى صدرا .. أردتك كتف

    و إن أردتنى بيتا .. أردتك وطن

    الابيات كلها جميلة

    بس الثلاثة دول فيهم المعنى كله
    الندية فيهم واضحة اوي في كل شئ
    لكن داخل الندية دي
    برضه تمر بتقول ان العطاء عطاء المرأة قبل ان يكون عطاء الرجل
    جميل اوي ان اردتني بيتا اردتك وطن
    ياه على حضن الحبيبين
    اوطان مبعثرة تلتئم في عناق واحد

    احييكي اوي جدا خالص

     
  • At Sunday, July 08, 2007, Blogger ahimsa said…

    wow,3rfty t3abry bgd.gad3a

     
  • At Friday, July 13, 2007, Blogger tayehfelmadina said…

    بالرغم من انى متابع جيد للمدونات و المدونين الا انى قلما ما اعلق على موضوع بعينه ...كلماتك لاذعه ..حارقه ...حقيقيه ...فتحياتى الى فكرك و قدره تعبيرك الفائقه

     
  • At Friday, July 13, 2007, Blogger tayehfelmadina said…

    بالرغم من انى متابع جيد للمدونات و المدونين الا انى قلما ما اعلق على موضوع بعينه ...كلماتك لاذعه ..حارقه ...حقيقيه ...فتحياتى الى فكرك و قدره تعبيرك الفائقه

     
  • At Sunday, July 22, 2007, Blogger BOS_BOS said…

    الشعر ده جااااااااااامد طحن بصراحة انتي طلعتي دمااااااااااااااااغ ودماغ عالية كمان

     
  • At Monday, November 12, 2007, Blogger أحمـــــد علـــــــى said…

    فى رجالة كتير كدة.. تربية أحيانا وطباعا ساعات تانية.. بس مش كل حاجة نرميها على شرقيتنا.. ليها دخل ماقيش كلام.. بس مش هى السبب الوحيد.. الظروف اللى بنعيشها.. والمطحنة اللى بتفرمأحاسيسنا وانسانيتنا قبل جسمنا وأعصابنا.. وبعديت قى ستات كتير كدة.. بيستغلوا الراجل وبياخدوا اللى عايزينه بس.. سواء كان احتياج مادى او جسدى او حتى مجرد واجهة.. ديكور اجتماعى.. ليه مش بتتهمى النساء دول بالشرقية وبيبقوا بالنسبالكم حالات فردية..؟
    التعميم دايما غلط.. الرجالة فيهم الانانى والمعطاء ونفس الكلام عند الستات سواء فى الشرق الأقصى أو الأدنى أو حتى فى الغرب.. انت فى إدراج قلتى انك بتكرهى التابوهات - أعتقد كلنا كدة - قبلاش انت بنقسك ترسخى مفهوم واحد من التابوهات دى

     

Post a Comment

Links to this post:

Create a Link

<< Home