أيها الأخوة و الأخوات .. عينكوا عالدكانة
ايتها الأخوات و الأخوةعينكوا عالدكانة الكام يوم الجايين ,, كالعادة الواجب يتادينى ..
قررت النزوح كام يوم فى مرمة كده عالماشى ..
ياريت تبقوا تشقروا عالمطرح كل شوية ,, و تراجعوا محتويات الدكانة باستثناء الأربع مانجيات التيمور اللى مرقّدين فى الدولاب الكبير
السبانخ كالعادة فى التلاجة و العيش الشمسى فى السندرة –
ياريت لو الأخوات فى الجمعية هيعقدوا جلسات التأمل الأسبوعية فوق السطوح يبقوا يهووا الملايات بالمرة و لو الموضوع وصل لتشابك بالأيدى زى الصيفية اللى فاتت بلاش نعور بعض و نلحوس المكان – بس المطرح مطرحهم و ممكن يتاووا جثة أى راجل فى البدرون ,, المفتاح تحت الدواسة.
أنا هخلص المصلحة قوام قوام .. و راجعة
و النبى عينكوا عالدكانة ,, لحسن يخصخصوها,,,,,,,أشوف وشكم بخير
posted by تمر حنه @ 3:26 AM
50 Comments:
At Sunday, July 15, 2007,
Amr Ahmed said…
تروحي وتيجي بالسلامة
ومتخافيش
ولا حاجة من اللي قولتيها هتتنفذ
At Sunday, July 15, 2007,
Soona57 said…
مبروك الصلح والمصيف
طبعاً الفيلم ده كله عشان يصالحك وقد كان
لا مؤاخذه كل الستات بتجيب ورا بلا استثناء
ولما يزنقوا حبه عواطف على الأخت دموع
تحياتى وأجازة سعيدة
وبعدين اللى خلاكى تصيفى يجيب لك واحد أمن للبلوج الانتيكة
At Sunday, July 15, 2007,
Islamist Bloke said…
أول تعليق.........أول تعليق.........هييييييييييييييه
اية ده؟
الكومنت موديريشن شغال.........احتمال مكونش اول تعليق
يييييييييييه
عموما
انتى رايحة فين بس يا تمر حنة وسايبانا؟
المصيف واللا عمرة؟
ربنا يوفقك وترجعى بالف سلامة....يا مبدعة....يا ست الجماهير
والسلام
At Sunday, July 15, 2007,
الطائر الحزين said…
متخافيش يا ستى
انتى دوما فى ايد أمينة عارفها طبعا بتاعة السوارس يا سى السيد
تروحى وترجعى بالسلامة بس تبلطى السيراميك كويس وتغفى الحيطان بلاش شغل الكروتة بتاع الصنيعية
بجد ربنا يوفقك
ويا ستى ابقى زورينى والقى نظره
تحياتى
At Sunday, July 15, 2007,
محمد عبد الغفار said…
سالمه غانمه بإذن الله
At Sunday, July 15, 2007,
طهقان said…
مش قر ولا حسد
بس ..
يا بختك
تروح وترجعي بالسلامة
وماتخافيش على الدكانة
انا مش هاجي تاني إلا لما تصفري لي وتقولي
رجعت
اقعدي بالعافية
At Sunday, July 15, 2007,
سكينة said…
بالسلامة يا تمرحنة وربنا يكون معاك في المصلحة دي
ولو ان نفسي أفهم ليه بتشتري المانجة قبل المصيف كل سنة وتسبيها في النملية لو حسيت أنهم حيحمضوا قبل ما تيجي هأبعتم يحلوا بيهم بعد جلسة التأمل والفضفضة اللي على السطوح
:)
At Monday, July 16, 2007,
من القلب said…
ترجعى بالسلامة
At Monday, July 16, 2007,
Anonymous said…
واضح ان الناس عارفوا انك مسافرة اليومين دول كلهم امتنعوا عن التعليق
مع ان دي فرصة كويسه الواحد يتذكر المصيف والجو الحلو وساعه العصاري والمايوهات ال وال استغفر الله العظيم
ما علينا
نتمني ليكي اجازة سعيدة مش بس بعيدة يعني تكون شهر عسل
فريكيكو وسلام
ابو عمـر
At Monday, July 16, 2007,
Unknown said…
ههههههههههههههه
تروحى وتيجى بالسلامة يااااارب
وماتخفييييييش الدكانة فى عنيناااااا
عيب ده احنا جدعان اوىىىىىىى
:D
تحياتى وسلاماتى وخالص محباتى
At Wednesday, July 18, 2007,
Anonymous said…
salma ya slama trohy we tegy belslama
At Wednesday, July 18, 2007,
البدراوى said…
ترجعى بالسلامة با أبلتى
At Friday, July 20, 2007,
المـــفـــــــقــــــــوعـــــة مــرارتـهــا said…
هو انتي فاكرة انهم لو حبوا يخصخصوها ممكن نكح قدامهم
يابنتي البلد دي شعبها مالوش كلمة خاااالص
ترجعيلنا بالسلامة
At Sunday, July 22, 2007,
Anonymous said…
أنا مش فاهمة إنتي إيه حكايتك؟
كل سنة عينكو عالدكانة ؟
ماتتبطي وتهمدي وتئعدي تحرسي دكانتك ؟
وبعدين بذمتك هناك الجو شـِرح وبـِرح زي هنا ؟
ياطماعة
At Sunday, July 22, 2007,
rana 3amra said…
يااااااااااااااااااااه
انتى بتوصينا على ايه بس يا معلمة
بس فعنيا هاشقر عليه من حين لاخر حتى لا يصيبه الصدأ
ترجعى بالسلامة :))))))))))
At Monday, July 23, 2007,
Ert3ashat said…
عنيا ليييك :)
At Wednesday, July 25, 2007,
بنت القمر said…
بجانا اول مره ادخل عندك ومدونتك لذيذه جدا ورصد لهموم المصريه كمان انتى وجبهه دويتوا هايل...حقيقىالاتجاه اللى بتتكلموا فيه بعيد عن مشاكل مرحله الجامعه والبحث عن شريك لها طعم مميز ترجعي بالسلامه
At Thursday, July 26, 2007,
صاحب البوابــة said…
ارجو ان تنضمى الينا في حملة ( افضحوا تجار الكيف )
التفاصيل في مدونتي
سأنتظرك
At Monday, July 30, 2007,
Eric Matt said…
صباح الضحك
تروحي وتيجي بالسلامة يا رب
تحياتي لك من ماناساس البلد
At Wednesday, August 01, 2007,
شيماء الجيزى said…
قافله الدكانة وبتصيفى يا تمورة
طيب تسمحيلى احقد شوية
مهو اينعم انا جمب البحر دوغرى
بس مش عارفه اصيف
عاااااااااااااااااااا
بقولك ايه
تروحى وترجعى بالسلامة
ويارب تفضلى منورانا كده دايما
بكلامك الحلو
وعقلك النضيف
سلامات يا اوختشى
At Wednesday, August 01, 2007,
غمض عينيك said…
تروحي وترجعي بالسلامة ياتمر حنة
كده اجي اول مرة ازورك ومش الايقي
المهم انا هعدي عليكي مرة تانية تكوني رجعتي بالسلامة
محمد سمير
At Thursday, August 02, 2007,
Anonymous said…
انا اول مرة اقرى البلوج بتاعك بس جد مسخرة جامد طحن
ربنا يوفقك وينكد عليكي اكتر عشان المعانة هيا اللي بتخلق مبدع مش بيقولوها كده برضه بهزر معاكي ربنا يوفقك ويعلي دماغك كمان وكمان من غير نكد ولو انها مش راكبة بس ماعليناومصيف جميل واهو الراجل مش مقصر عايزك تعملي برونزاج على حسابه ماهو طيب وحسيس اهو امال مطلعة عليه اوشاعات ليه
سؤال بقى في السريع بس والنبي تجاوبيني واوعي تطنشيني ولو حد من ناضورجية قصدي سيكيورتي الدكانة يعرف الجواب يريح قلبي ويبل ريقي هو انتي الدكنورة قمرة بتاعة قصة "انت لي " اصل سبحان الله نفس النيكنايم وسمعت انك دكتورة وبرضه هيا دكتورة والبيكتشر بتاعتك ماعرفش ,قلت جايز يحصل زي الحواديت وتطبق نظرية الست درجات اللي لحد دلوقتي مش فاهماها _بالمناسبة برضه اي حد فاهمها يشرحهالي وله الثواب يوم الحساب_وتطلع اللي متابعة قصتها بقالي تلات اربع سنين وبدوَر عليها اتاريهاهونا .المهم من غير ما اطول واغرد خارج السرب
برافو عليكي وللامام سر واتقدم اتقدم وياريتك كمان تتندم قصدي بلاش تتندم
رانيا
At Sunday, August 05, 2007,
S H A H said…
تمر حنا
احب اطمنك الدكانة في أمان
انا جبتلك كام صبي كدة من دكانتي بس عيال عتاولة
و بالنسبة للجماعة المدمنين كلمناهم, الشرب كله فوق السطوح مقابل تهوية الملايات
و كادوه من عندنا تنفيض المخدات و المراتب و كنس السلم
وسلام مؤقت
At Tuesday, August 07, 2007,
ام العيال said…
have a nice time see u sooooo sooooon
ma3a el salamo 3aleko
At Tuesday, August 07, 2007,
Anonymous said…
متقلقيش لو حاولوا يخخصوها هنعمل اكتتاب شعبي، ومش هنسيبهالهم إلا لو حاصرونا بقوات الصاعقة :)
At Thursday, August 09, 2007,
شقاوة شعب said…
ماتقلقيش
واطمنى خااااااااالص على المانجة اللى فى الدولاب
دى فى الحفظ والصون
At Saturday, August 11, 2007,
Desert cat said…
تروحى وترجعى بالسلامة يا تمر
وانا كمان مش حرجع غير لما ترجعى بالسلامة
At Tuesday, August 14, 2007,
Anonymous said…
WAITING for you :)
enjoy your vacation!
At Tuesday, August 14, 2007,
سكوت هنصوت said…
عزيزتي
مدونتك اكثر من رائعة..
و أفكارك شديدة القوة والتأثير
لا تقلقي..مدونتك معنا في أمان
ارجعيلنا انت بالسلامة بس
تحياتي
At Thursday, August 16, 2007,
أسوور said…
مستنيينك يا ست الكل
At Saturday, August 18, 2007,
Anonymous said…
البقاء لله وحده
At Saturday, August 18, 2007,
He and She said…
Hey, how lucky I am to find your funny blog. Thank you for putting those simles on my face. I really love your style
At Saturday, August 18, 2007,
جوستيـن said…
!!!!!!!!!!!!!
At Sunday, August 19, 2007,
He and She said…
Ya khabar... Ana geet wa enti mosh hena? wa asafaaaah
nice blog by the way
At Sunday, August 19, 2007,
He and She said…
aih, ente feen
7d y2fel el dokan wa yroo7 yesayyeff
At Saturday, August 25, 2007,
. said…
تمرررحننة
طب ليه كل الطلبات دي ما تاخدي الدكان معاكي اهو بردو باب رزقك
وبعدين الدنيا سقعة والمدارس ورمضان والعيد بنوعيه والجلسة الافتتاحية للمرأة الصعيدية لسه متمتش
وغسيل اللياقات القضية التي لم يتم حسمها الى الان والجلسة الاستماع يوم القيامة كل ده هتسيبيه وتروحي تحت شمس من سماء فودافون وموبينيل واتصلات تحت الشماسي قصدي
بيتهيألي بلاش
احباط احباط احباط
At Saturday, August 25, 2007,
جبهة التهييس الشعبية said…
روحي يا شيخة
وتعالي بسرعة
At Monday, August 27, 2007,
Unknown said…
هو اية المصيف ده ؟
At Monday, August 27, 2007,
Anonymous said…
لما ترجعي بالسلامة ابقي شوف ي التقرير ده في إسلام اون لاين بيتكلم عن مدونتك
http://www.islamonline.net/servlet/Satellite?c=ArticleA_C&cid=1184649564841&pagename=Zone-Arabic-AdamEve%2FAEALayout
جوزك منكد عليك.. اعملي مدونة!!
At Tuesday, August 28, 2007,
ahmed mefrh said…
ان شاء الله حنشقر الصبح حنرش الميه علشان التراوه و بالليل حنقفلها و حناخد بالنا من المروحه شغاله ولا لا
At Tuesday, August 28, 2007,
sara said…
وحشتينا يا تمرمر
الغيبه طولت ليه كدا
At Tuesday, August 28, 2007,
Islamist Bloke said…
انتى رحتي فين؟
وحشتنا البوستات الجامدة يا تمر حنة
ترجعي بالسلامة
والسلام
At Wednesday, August 29, 2007,
Anonymous said…
حاضر من عيونا هناخد بالنا من الدكانه بس حكايه انهم يخصخصوها دي ما اقدرش اوعدك يا اختشي يعني لو عرضو علي انهم يشتروها وهيدفعو مبلغ كويس انا يا اختشي ضعيفه ادام الفلوس واديك شايفه اليومين دول كيلو الطماطم بقي بكام اهو يعني احسن ما يجيبوا مستثمر من بلاد بره انا احق يا اختشي وهبقي اشوفك برده وهراضيك باي حاجه
At Wednesday, August 29, 2007,
Anonymous said…
ياتوتو بقوا يخصخصوا كل حاجه المستشفيات في طريقها للخصخصه واحنا شعب حمال للاسيه وبينسي بسرعه بس والله الواحد لما بيفكر في الاوضاع دي بيكتئب ويبقي عايز يحدف روحه من فوق اي سرير بس ما دام تمر حنه موجوده خلاص هننسي الاكتئااااااااااااااااااب
At Thursday, August 30, 2007,
Anonymous said…
أختكم بتسأل الآن فى مباحث أمن الدولة
أسألوا لها التثبيت
At Friday, August 31, 2007,
Anonymous said…
أختكم بتتعذب الآن فى أمن الدولة
أسألوا لها الرحمة
At Saturday, September 01, 2007,
Anonymous said…
فينك يا ست الكل
يعني المصلحة طولت قوي
وحشتينا والله
م / محمد
At Sunday, September 02, 2007,
Anonymous said…
توتووووووو انتي فين كل ده بتصيفي يالا بقي وحشنا كلامك ايه ياعم هي القاعده عجبتك ولا ايه خلاص بقي خدي اجازه من نظمي ومن القرود واتحفيني بقي اعملي حساب ان في ناس مستنينك ويالا مستنينك تقوليلنا كل سنه واحنا طيبين خلاص رمضااان جاي وعازين نشوفك قبل رمضان
At Monday, September 03, 2007,
Khalid said…
o b3den ma3aki y3ni??????
ta3ali liddokkana ba2a i7na t3ibna saybeen il goyoosh o il mamaleek o 7a6eeen 3ena 3addokkaana!
At Friday, September 21, 2007,
مدحت محمد said…
عنينا علبى الدكانة
مش هيمنعها من انها تتخصخص
الحقيقة
شئنا ام ابينا
كلنا هنتخصخص
واللى مش هيتخصخص النهاردة هيتخصخص بكرة
والشعب هيتباع واحد واحد
وبكرة تقولو مسلم قال
Post a Comment
<< Home