أيوه خدامه

Friday, May 25, 2007

سنه واحدة و عملت كده فيّا


بمناسبة مرور عام على ميلاد المدونة دى .. عايزة أقول كلمتين:

بشكر أى حد ضيع من وقته دقيقتين و بص فى اللى بكتبه ..
أى حد ضيع من وقته دقيقة فى كتابة تعليق أيّا كان ..
أى ست حسّت انى قادرة أوصّل جزء من معاناتها ..
أى راجل تفهم معاناة النساء من خلالى ..
أى مصرى شاركنى فى حبى للبلد دى
......... أنا متشكرة خالص

و شعارنا: يا نعيش عيشة فل يا نموت احنا الكل

38 Comments:

  • At Friday, May 25, 2007, Blogger Khalid said…

    sana 7ilwa yaa gameeeeel...sana 7ilwa ya gameeeeeeeel sana 7ilwa ya tamr 7innnaaaaaaaaa sana 7ilwa ya gameeel :D :D :D

     
  • At Friday, May 25, 2007, Blogger أبو أمك said…

    وأدي كمان تلات دقايق, دقيقتين قراءة ودقيقة تعليق
    على الله بس تفتكرينا في المئوية

     
  • At Friday, May 25, 2007, Blogger جبهة التهييس الشعبية said…

    احنا اللي بنشكرك على السنة الممتعة دي

    عقبال سنين كتييييييييييييييييييييييييييييييييييييييييييييييييييييير

     
  • At Friday, May 25, 2007, Anonymous Anonymous said…

    انا اول مره اكتب تعليق بس انتى بجد دمك زى العسل ماشاء الله وبجد حاجات كتير م اللى قولتيها ببقى عاوزه انا اقولها بس بجد اسلوبك جميل اوى وسهل كده وبيوصل بسرعه

    كل سنه وانتى طيبه

     
  • At Friday, May 25, 2007, Blogger zordeak said…

    كل سنة وانتى طيبة
    وكل سنة والبلوج بيزيد روعة وتألق

    :)

     
  • At Friday, May 25, 2007, Blogger Amr Ahmed said…

    عقبال مئة سنة

    ونعملك مئوية زي بتاعت الاهلي

     
  • At Friday, May 25, 2007, Blogger Integrated Functions said…

    وبمناسبة مرور شهرين على تعرفي على مدونتك الجميلة, الشكر واجب لحضرتك على لحظات السعادة والعمق والاهتمام اللي شاركتينا بيها

    السنة الجاي أحلى وبتمنالك دايما الصحة والسعادة والتألق

    مش عارفة الكلام دة يا جماعة اللي يخلي الدمعة هتفر من عين الواحد

     
  • At Friday, May 25, 2007, Blogger bahry said…

    كل سنة وانتي بتقولي كلام مهم وبتضيفي جديد في عالم التدوين
    وربنا يرزقك الاخلاص والفهم السليم والحياد وعدم الكره
    كل سنة وانتي طيبة
    تحياتي
    بحري من اسكندرية

     
  • At Friday, May 25, 2007, Blogger Khalid said…

    yaaaaaaaaaaaaaaaaaay i got the first commmeen and got to be the first to say kolli sana winti 6ayyiba yay yay yay i feel so special! :D :D :D

    and i forgot to thank you, for writing all this time, and wanted to tell you that i check your blog everyday and sometimes many times a day, and wanted to tell you that you are a great writer, and want to tell you that i many many times forwarded your posts to friends and family, and wanted to tell you that i wish i coudl meet you oneday, and wanted to tell you that i am late and gotta go now :D

    gooddi day ya doc :D

     
  • At Friday, May 25, 2007, Blogger FATMA said…

    احنا اللي ميشكرين
    و كل سنة وانتي طيبة

     
  • At Friday, May 25, 2007, Blogger عشقك ندي said…

    كل سنة وانت والمدونة طيبة ويا ريت تكون السنة الجديدة مليانة بمواضيع جميلة وجريئة زي البداية اعتقد انك تستحقي جايزة علي اسمها بس اسمها جامد قوي ومعبر قوي
    بس ملحوظة صغيرة ارجو انك تتقبلي الرأي والرأي الاخر لأني من متابعتي -القليلة - لك لاحظت حدتك في الرد علي المختلفين
    جميع الامور في الحياة تحتمل الخلاف في وجهات النظر والرؤي وليس معني ذلك ان لا تتشبثي برأيك وقناعاتك لكن -علي فكرة انا احيان كتير فيا نفس عيبك بس باحاول اغيره-مع ترك الاخرين يعبرون عن اراؤهم بحرية
    اذا اردنا ان يسمعنا الخرون فلابد ان نسمعهم اولا

     
  • At Friday, May 25, 2007, Blogger سكينة said…

    تمرحنة
    كل عام وأنت بخير وأكثر سعادة ورضا يا رب العالمين
    عارفة أول علاقتي مع عالم المدونات كتبت كلمة مدونات على جوجل طلع مجموعة مدونات اول واحدة فتحتها وحفظتها عندي كانت مدونتك لما فيها من صدق ووصف والله دقيق لما نعانيه ونفعله ورغم ذلك فعلا يدركنا معظم الذكور مجرد خدامة
    على صدق المشاعر ووحدة المعاناة والفرح نلتقي إن شاء الله دائما
    دمت سعيدة ومعطاءة

     
  • At Friday, May 25, 2007, Blogger Eric Matt said…


    نعيش كلنا عيشة فل ونموت كلنا زي الفل

    عارفة

    كل عام و انت بخير و مدونتك بخير واكثر عقلا وسعادة

    :))

    ربنا يكرمك

    تحياتي لك من ماناساس البلد

     
  • At Friday, May 25, 2007, Blogger تــسنيـم said…

    كل سنة وانتي زي ما انتي


    تحياتي

     
  • At Friday, May 25, 2007, Blogger Soona57 said…

    كل سنة وإنت طيبه يا تمره
    GOOD JOB
    اتمنى السنة الجاية نبطل مناقرة بين الرجالة والستات وتكون
    فى حب مصر
    عشان نكون مرة واحدة موضوعيين فى حياتنا

     
  • At Friday, May 25, 2007, Blogger على بابا said…

    العمر سنة
    العمر سنة...... وطلع لها.....
    أنياب....
    ومخالب...
    من يومها......قطة
    قطة ولا كل القطط
    مِتفرَّدَة .....
    ومِسْتفرَدَة ....بالكلمة....والمعنى
    تبص...
    وتنص....
    بالشق فى الننى...
    تشق....
    وتستوعب
    وتحس
    قطة.....من السنانير....
    فىالرتبة عالية
    ليها لبدة
    مخبياها
    تحت المنديل
    إوعاكْ ....!
    وإوعاكِ....!
    دى برْيَّة ....ووحشية
    بتلعب بالنبوت .... والتت
    وتقول يحيا العدل لمّا الصنف ينخ

    العدل؟
    فين العدل يا سنور؟
    والأنثى
    طالع لها كل يوم مدفع
    ومش ح افسَّر
    مدفع بيضرب فى قلب قلب الراجل
    بيتردد نبضه فى مخه وشريانه
    وتقولى أنا ناشدة العدل
    بين الراجل والست
    إيش جاب النبوت للتت؟


    ياقطة ياسنور
    كلامك ع الراس من فوق
    بس.... مش شرط إن اللى فوق فوق
    ولا اللى تحت تحت
    دا الكورة بتلف
    وتجيب الشرق غرب
    والغرب شرق
    وان بصيتى م الناحية التانية
    ح تلاقى اللى تحت فوق
    واللى فوق تحت

     
  • At Friday, May 25, 2007, Blogger Xee said…

    تمر حنة

    أول مرة أدخل على البلوجات في حياتي كان 14/4/07 يعني من شهر و نص تقريبا
    و كانت مدونتك تاني مدونه أتصفحها في حياتي، فحطيتها في الفيفوريت و بقيت أبص عليها كل شوية
    من أول ما دخلت عليها انت نزلتي 3 بوستات جديدة بس و كلهم أجمل من بعض بس يمكن اخر بوست ليكي كان أقوى بوست كتبتيه في مدونتك - في رأيي- ودي أول مرة أسيب عندك تعليق
    حبيت بس أقولك كل سنة و انت طيبة

    تحياتي
    زي

     
  • At Saturday, May 26, 2007, Anonymous Anonymous said…

    كل سنة وانتي طيبة يا ست تمر حنة :)
    والعفو ياستي تستاهلي أكتر :)

     
  • At Saturday, May 26, 2007, Blogger Noony said…

    إن شاء الله هنعيش كلنا عيشة فل

    كل سنة والمدونة وصاحبتها طيبين

    :)
    نوني

     
  • At Saturday, May 26, 2007, Blogger قاسم أفندي said…

    كل سنة وانتي طيبة يا تمر حتة
    انا اللي باشكرك علي كل كلمة كتبتيها وأسعدتيني بقرءاتها

     
  • At Saturday, May 26, 2007, Anonymous Anonymous said…

    يا فندم - قصدي يا خانم هههههه :) - كل سنة وانتي طيبة يا تمر حنة وبألف خير وسعادة :) ... وتنوري الساحة البلوجرية... بمواضيعك
    البلدوزرية .. وأفكارك اللوزعية
    وعباراتك الصاروخية :).. وعقبال اليوبيل الفضي.. والذكري المئوية...زغرتي يابت منك ليها
    لولولولولولويييييي...
    أيوة كدة الأدب حلو !

    ههههههههههه
    :)
    تحياتي

     
  • At Saturday, May 26, 2007, Blogger محمد عبد الغفار said…

    عندك لا يضيع الوقت

    كل عام وانت بخير

     
  • At Saturday, May 26, 2007, Blogger سجدة said…

    كل سنة وانتى طيبة
    وعقبال الف سنة
    الصراحة كتابتك ممتعة جدا
    بس بتتأخرى
    انا عارفة يا اختى الطبيخ والغسيل والكلام دا ربنا معاكى
    بس متتأخريش علينا

     
  • At Saturday, May 26, 2007, Blogger إبـراهيم ... said…

    أنا من أسعد الناس إني عرفت مدونة متميزة زي مدونتك ...... وكل سنـة وإنتي ومدونتك أحلى ..... و أجمـــل


    خاااااالـــص تحياااتي
    :)

     
  • At Saturday, May 26, 2007, Blogger sara said…

    تمرمر الجميله

    كل سنه وانتي طيبه..كل سنه وانتي منورة البلوجر بكلامك اللي دايما في الصميم..كل سنه وانتي بتعبري عن كل ست وبنت مصريه

    ومن نجاح لنجاح دايما

     
  • At Saturday, May 26, 2007, Blogger yasmina said…

    كل عام وانت بخير وتقبليني زائرة عندك
    تحياتي

     
  • At Saturday, May 26, 2007, Anonymous Anonymous said…

    كل سنة وانتى ومدونتك طيبة وكنت محتاج ايميلك عايز اتعرف عليكى اكتر
    ش

     
  • At Sunday, May 27, 2007, Blogger abdo said…

    كل سنة وانتى طيبة
    وكل سنة وانتى بخير
    وكل سنة وانتى الى أقرب وعلى طاعته أدوم

     
  • At Sunday, May 27, 2007, Blogger Mohamed said…

    متأخرة شوية بس كل سنة وانتي طيبة وفي تألق دايما .. وعقبال 100000 سنة تدوين ..

     
  • At Monday, May 28, 2007, Blogger يا مصر اكتب إليكي رسائلي said…

    الزواوي طبعا
    الاخت العزيزة ـ تمر حنة
    طبعا اهنيئك بالعام الأول ـ واتمنى لك الدوام والتوفيق يارب ـ وكتر من امثالك ومحبينك ـ كل عام وانتي بخير يارب ـ وعلى الشكر مننا ليكي انتي اشركتينا في طرائف كتير وادخلتي البسمة رغم المعاناة ـ تناولاتك ـ فريدة ـ شيقة ـ مثمرة احنا اللي نشكرك ، ونتمنى المزيد .

     
  • At Monday, May 28, 2007, Blogger الكواكبي said…

    رغم ان اسلوبك في الكتابة مختلف عما تعودت قراءته - اصلي اخوان - إلا ان مدونتك حقيقي جميلة جداً
    كل سنة ومدونتك بخير . . وربنا يبعد عنك شرطة الإنترنت :)

     
  • At Monday, May 28, 2007, Blogger maged stephen said…

    الحب حق مكتسب بدون شكر
    فقط
    لمن يحاول أن يكون انسان
    عن جد
    ما أسعدنى قدر
    كتاباتك
    أفكارك
    شفافيتك الحقيقية دون الخوف من ردود الأفعال
    ردودك على التعليقات التى تنم عن امرأة تعرف ماذا تود أن تكون بل تفتخر بما غدت اليه
    تعانى مثل أغلب النساء
    ولكن
    نعم ولكن دى أكتر حاجة عاجبانى أوى
    ولكن تواجه المعاناة بابتسامة لتخفف من حدتها وتهون عن من حولها
    تمرمر أنتى من الأحرار يا تمر حنة وهنرشحك كلنا لحسن بجد لو حكم تانى يبقى بجد مايحكمشى
    (أيدين بها صاجات)
    شوفتى الهايبر بيعمل معايا ايه؟

    ولازم خلاص أنتى من الأحرار يا تمرمر

     
  • At Tuesday, May 29, 2007, Blogger Incomplete said…

    يااااااااه..جيت متأخر قوي
    :(
    كل سنة وانتي بألف خير ياأجمل تمر حنة
    كل سنة وانت واعية
    كل سنة وانت حرة وقلمك حر
    كل سنة واحنا مبسوطين بقراءة تدويناتك
    عقبال اليوبيل الماسي
    :) :)

     
  • At Wednesday, June 06, 2007, Blogger حسن مدني said…

    معلش متأخرة شوية
    بس كل سنة وانتي طيبة
    وعقبال 100 سنة

    على فكرة كتاباتك رائعة، وأنا متابع من فترة في صمت لأني لا أجد ما أقوله
    تحياتي

     
  • At Monday, June 11, 2007, Blogger Bou-ME said…

    كل سنة و مدونتك حلوة و انت بخير و بتكتبلنا كلام جميل زيك..

     
  • At Wednesday, September 24, 2008, Blogger هموم مواطن said…

    اولا كل عام وانتى ومدونتك با الف خير ثانياا انا رايى نموت احنا الكل احسن عشان نريح حسنى مبارك وشلتة

     
  • At Wednesday, March 11, 2009, Anonymous Anonymous said…

    ياريت تأكدى لى حاجة واحدة ...انك واحدة مش واحد بصراحة خفة الدم دى من فئة عالية جدا اشك اساسا انها موجودة فى ( الستات )محمد فريد

     
  • At Sunday, November 15, 2009, Blogger 45 said…

    ماتيجى بقى!!!!!!!!!!!!!!

     

Post a Comment

<< Home