البسكلته.. البسكلته ..البسكلته
خربش و اربح ......
اشترى "سُتره" .. خربش الكوبون فأنت كسبان كسبان
موتوسيكلات .. دراجات .. بلاى ستيشنز
استخدم "سُتره" و ابحث عن الجادون لتركب البسكلتة
"ستره" الواقى الذكرى الأقوى و الأفضل
لا تدفع أكثر من ثلاثة جنيهات....
انتهى الأعلان
ده مش اعلان موجه للأطفال ..
اشترى "سُتره" .. خربش الكوبون فأنت كسبان كسبان
موتوسيكلات .. دراجات .. بلاى ستيشنز
استخدم "سُتره" و ابحث عن الجادون لتركب البسكلتة
"ستره" الواقى الذكرى الأقوى و الأفضل
لا تدفع أكثر من ثلاثة جنيهات....
انتهى الأعلان
ده مش اعلان موجه للأطفال ..
ده مش أعلان حاجة ساقعة كازوزة ببس
ده مش اعلان شبسى طماطم ..
ده مش اعلان شبسى طماطم ..
ده اعلان عن واقى ذكرى يبث عبر أثير محطة اذاعية خاصة -99% من مستمعيها أطفال و شباب دون العشرين .. مهزلة اعلانية .
بس يلح علىّ كام سؤال هنا : (امنع الضحك لو سمحت )
اللى يلاقى الجادون الناقص يروح يستلم البسكلته منين بالظبط ؟
طب و لو حد شافه فى الشارع راكب البسكلته .. مبروك يا وحش .. جبت البسكلته منين؟
يقوله كسبها ازاى .. ( المفترض ان الأعلانات من النوعية دى للرجال المتزوجين الشرفاء)
و طبيعى هيعلقوا اسم المنتج فى الجرس بتاع البسكلته .... فضيحة يا معلم
طب بلاش .. و هنفترض انه مالقاش الجادون .. لو بنته سألته بابا : يعنى ايه واقى ذكرى .. يرد يقول ايه للبت الصغيرة ( مع العلم انه ماينفعش هنا كلاسيكية : لقيناكى على باب الجامع .....لازم تدورلك على كلاسيكية تانية )
طب بلاش دى و دى لو مازمازيل بريئة راكبة ميكروباص و سمعت الأعلان ده و هى مدفوسة بين أربعتاشر ذكر .. حدد رد فعلها فى هذه الحالة ..
و لو افترضنا مثلا مثلا يعنى .. لو ابنك اللى انت ناكت عليه و مش عايز تجيبله البلاى ستيشن كبرت فدماغه و راح اشترى كل يوم واقى ذكرى بمصروفه .. لزوم خربشة الكوبون عشان يكسب البلاى ستيشن .. هتتعامل معاه بأسلوب اللى فتح جرح يلمه و هتطفحهوله ازاى .... يعنى هتعوض الخسارة ازاى؟
الداهية بقى لو مراتك نازلة تشترى ريفو من الأجزخانة و ابنك اللى فأيدها لمح أعلان خربش الكوبون و اربح موتوسيكل .. فيه قوة فى الدنيا هتمنع رغبته الجامحة انه يجرب حظه و يكسب الموتوثيكل؟
بس يلح علىّ كام سؤال هنا : (امنع الضحك لو سمحت )
اللى يلاقى الجادون الناقص يروح يستلم البسكلته منين بالظبط ؟
طب و لو حد شافه فى الشارع راكب البسكلته .. مبروك يا وحش .. جبت البسكلته منين؟
يقوله كسبها ازاى .. ( المفترض ان الأعلانات من النوعية دى للرجال المتزوجين الشرفاء)
و طبيعى هيعلقوا اسم المنتج فى الجرس بتاع البسكلته .... فضيحة يا معلم
طب بلاش .. و هنفترض انه مالقاش الجادون .. لو بنته سألته بابا : يعنى ايه واقى ذكرى .. يرد يقول ايه للبت الصغيرة ( مع العلم انه ماينفعش هنا كلاسيكية : لقيناكى على باب الجامع .....لازم تدورلك على كلاسيكية تانية )
طب بلاش دى و دى لو مازمازيل بريئة راكبة ميكروباص و سمعت الأعلان ده و هى مدفوسة بين أربعتاشر ذكر .. حدد رد فعلها فى هذه الحالة ..
و لو افترضنا مثلا مثلا يعنى .. لو ابنك اللى انت ناكت عليه و مش عايز تجيبله البلاى ستيشن كبرت فدماغه و راح اشترى كل يوم واقى ذكرى بمصروفه .. لزوم خربشة الكوبون عشان يكسب البلاى ستيشن .. هتتعامل معاه بأسلوب اللى فتح جرح يلمه و هتطفحهوله ازاى .... يعنى هتعوض الخسارة ازاى؟
الداهية بقى لو مراتك نازلة تشترى ريفو من الأجزخانة و ابنك اللى فأيدها لمح أعلان خربش الكوبون و اربح موتوسيكل .. فيه قوة فى الدنيا هتمنع رغبته الجامحة انه يجرب حظه و يكسب الموتوثيكل؟
عياط و فرهده و ماليش دااااااااااعوة أنا عايز الواقى الذكرى ..
يابنى فرجت علينا الناس ..
ماليش دااااااااااعوة عايذ أكثب الموتوثيكل ..
يا حبيبى عيب .. طب خلاص أسكت أنا عندى فى البيت واحد لما نروح هفتحهولك .. ثم تنظر للناس اللى اتلمت : هاها معلش يا جماعة ولاهى ماحارماه من حاجة .. ده كل يوم بنجيبله اتنين ..
معلش يا مدام الأطفال أحباب الله .. ريحيه و يمكن يكسب و أهو اللى يفيض منه ابقوا استخدموه . يعنى مش هيخسّر ..و وجع البطن ولا كب الطبيخ ..... نيا ها ها ها
يادى الجُرسه يا ربى ..
معلش يا مدام الأطفال أحباب الله .. ريحيه و يمكن يكسب و أهو اللى يفيض منه ابقوا استخدموه . يعنى مش هيخسّر ..و وجع البطن ولا كب الطبيخ ..... نيا ها ها ها
يادى الجُرسه يا ربى ..
Labels: كاراخانة دار
posted by تمر حنه @ 5:01 AM
35 Comments:
At Sunday, May 27, 2007,
Eric Matt said…
هاهاهاهاهاهاها
صحيح بجد نفس الأسئلة دارت في بالي لما سمعت الاعلان نفسه من زمان
او مش فاكر يمكن حد حكالي عليه
بس عادي يعني
خليهم يزيدو الوعي بين الشباب بأهمية الواقيات
يا منجي من المهالك نجنا يا رب
:(
تحياتي لك من ماناساس البلد
At Sunday, May 27, 2007,
سجدة said…
قسما بالله العظيم
انا ما بقيت لاقية الفاط تناسب الأوضاع اللى احنا بنعشيها
تركبى المكيروباصات تلاقى اعلانات الأف ام كلها إباحية ولو مفيش إعلانات تبقى اغانى منيلة بستينن نيلة ولو مفيش دا ولا دا السواقين يشتموا بعض والشباب يشتموا بعض بالفاظ تخدش حياء ااقل الناس اخلاقا فى المجتمع
تيجى توصفى اللى بيحصل فى المجتمع
تلاقى نفسك عاوزة قاموس جديد
ومبروك البسكلتة على الكل
At Sunday, May 27, 2007,
محمود على said…
جامده موووت
انا للاسف مسمعتش الاعلان
بس لو سمعتوه هحول اوتماتيك علي اذاعه القران الكريم
At Sunday, May 27, 2007,
محمود على said…
هههههههههههههههه
بوست جامد مووووت
At Sunday, May 27, 2007,
a7lam 3adya said…
ههههههههه اه انا سمعت الاعلان ده واللى موتنى من الضحك اسم المتج ( سترة ) هههههههه لا والنبى ؟؟ بيستروا ازاى باه على اساس انو هيلبسوا ويخرج بيه
لا ولسه ...... قال سترة قال
At Sunday, May 27, 2007,
محمد عبد الغفار said…
الله يرحم ايام بم بم بيقدم جوايز
At Sunday, May 27, 2007,
abdo said…
أنا مش مصدق الكلام ده حقيقى فعلا
طيب الموتوسيكل نوعه ايه أصلى كنت بفكر اشترى واحد جديد أحسن يطلع من نفس النوع تبقى كارثة والناس تقولى انت جبت المتوسيكل ده من اين
على فكرة أنا عندى موتوسيكل فعلا الحمد لله
سلام
At Sunday, May 27, 2007,
انا من اهوى ومن اهوى انا said…
لازم يسيحو كدة فى وسائل الاعلام ويقولو واقى ذكرى طيب مايقولو كاندم ( condom)
يمكن الاعلان دا هنا مرفوض لاننا بلد شرقى لينا دين وعادات وتقاليد بس الموضوع فى حد ذاته موجود ومتداول وفيه منه انواع واشكال ومميزات عديدة ولسه ياما نشوف انا بوصفى فى المجال الاعلامى بشوف كل يوم من دا بس مش هنابرة بس مش لدرجه ان الموضوع يبقى عام كدة المصيبه بكرة يقولو على انواعه ومزاياة وطرق استخدامه والجديد منه
دا لينك لاعلان كاندم لمن يريد فقط لنرى ماسوف يصلنا قريبا من الاعلانات
http://www.youtube.com/watch?v=j_H5RK9T-wg
وربنا يعديها على خير .
محمد فوزى .
At Sunday, May 27, 2007,
abdo said…
على فكرة نسيت أقولك لنى مبسمعش راديو
وبعدين اللينك بيقول انها fmودى على ماأعرف انها اذاعة أغانى وأنا ماليش فى الأغانى لأسباب كتيرة قوىىىىىىىى مش لازم نقولها دلوقتى
At Sunday, May 27, 2007,
Mohamed said…
انتي بتتكلمي بجد الاعلان ده بيتذاع بالشكل ده على نجوم اف ام .. معلش أصلي مش في مصر ومش بسمعها ..
تعليقي الوحيد..
ربنا يرحمنا برحمته ..
بس سؤال: هو كده الواحد لو شاف بنت بتلعب بلاي ستيشن ممكن يشك في أخلاقها صح؟؟ .. مهو محدش عارف جابته منين ..
هم يضحك وهم يبكي.
At Sunday, May 27, 2007,
Esmeralda said…
اشمعنى الستات يعنى ليهم اعلانات تحرجهم اذا كان لانجيرى و المعروض فى الفترينات او اعلانات دايما و نوما مستريحا
المصيبه ان اللى وشه بيحمر فى كل الاحوال هما الستات
على الاقل عاملين لهم جوايز
ديه جرسه مش سترة
مبقاش فيه لا حيا و لا خشي
At Sunday, May 27, 2007,
Anonymous said…
طب امنع الضحك ازاي؟!!
على فكرة يا رجالة..قريت انه في أبحاث بتقول انه البسكلتة ممكن تسبب عجز..
على رأي عادل بيقول لك لو عايز تمنع أي حاجة من البلد قول انها بتسبب عجز..
At Sunday, May 27, 2007,
Amr Ahmed said…
ههههههههههههههههههه
سترة
سترة ايه ياعم
هي بنت
هيجوزها
جواز البنت سترة
هيهيهيهيهيهي
دي اصلا قناة بقالين
كانت الاول قناة اغاني يتخللها اعلانات
دولقتي بقت اعلانات يتخللها فواصل غنائية
At Sunday, May 27, 2007,
أمةالله بنت عبدالله said…
و الله الواحد فعلا مش عارف يقول ايه , المصيبة انى لما سمعت الاعلان ده اول مرة كنت فعلا فى الميكروباص و و الله ما كان فى غيرى بنت قاعدة فى الميكروباص و كلهم شباب , بجد على النظرات اللى حسيت انها كلها متوجهة نحوى و التتنيحة اللى كانت على وشى , بجد مش عارفة ازاى يتقال اعلان زى ده كل اللى بيسمعها فعلا شباب صغير و دايما بيبقى اى حد مشغلها خصوصا فى المواصلات يبقى ازاى اذيع حاجة زى دى كده فى حين انها ممكن تخدش حياء ناس كتير , على الاقل يذيعوها فى اوقات غير اوقات الذروة اللى كل حاجة فيها بتبقى فى وقت الذروة
ارحمنا برحمتك يارب و قنا من الفتن و استرنا و لا تفضحنا
At Sunday, May 27, 2007,
قلم جاف said…
"سترة"؟
عارفة دة بيفكرني بإيه؟
مرة القاضي جه يسأل واحد قصير (زي حالاتي) : اسمك إيه؟
قال له : نخلة..
قال له القاضي : حنكدب؟
At Sunday, May 27, 2007,
Anonymous said…
انتي عارفة غادة عادل اما كانت بتقول لهنيدي...يا خرابيييييييييي
أهي يا خرابييييييييي دي رنت في دماغي اما قريت موضوعك
At Sunday, May 27, 2007,
قاسم أفندي said…
الاعلانات مش بس بقت تجيب شلل ... لا بقت تجيب حاجات تانية وحشة كمان
نصيحتي للشركة المنتجة انها تبطل صرف علي الاعلانات بقي .. معدش منه فايدة .. أي حد هيسمع الاعلان مش هيحتاج الحاجات دي خااااااااااااالص
At Sunday, May 27, 2007,
sara said…
يا تمرمر يا حببتي ..احنا مش كنا عقدنا اتفاق من ايام المدعو اسامه منير اننا مش هانسمع الاخ اع دي تاني ..فيزيتة دكاترة المرارة والقلب غليت ناااار يا اوختشي ..خافي علي صحتك وقاطعي مثل هذة البرامج
بس انتي بتتكلمي جد ..يعني هو اسمه ستره .. مين العبقري اللي اختاره الاسم دا .. طب يعني الاسم عربي مشتق من الستر مثلا ..عموما لو كان منتج مصري ..دا يدل علي مدي التتور منقتع النزير اللي وسلناله ..صنعنا كل حاجه وفاضل لنا بس الكاندم
وعجبي
معلش ملحوظه ابيحه شويه : الا هما ازاي عاملين الجوايز دراجات وموتوسيكلات ..محسسني بجو الشمعدان ..المفروض هذا المنتج الفريد من نوعه ..تكون جايزته الوحيدة مزه هديه عند شرائك عبوتين ..حتي تتأكد من جودة المنتج.. خللي الدعارة الاعلانيه والخلقيه تكمل
At Monday, May 28, 2007,
Anonymous said…
بصراحة كتابتك عن الأعلان جميلة جدا" وعموما" أنت طريقتك ظريفة بس يا ريت تخفى على الرجالة شوية أنا عندى موقع يا ريت تطلعى علية وإذا عجبك وحبيتى تبقى تنشورى مواضيعك معانا جنب مدونتك طبعا" يكون زيادة الخير خيرين الموقع هو
http://albayanalmasry.com/
وهتلاقى فيه راسيلنا ممكن تبعتى منه إذا حبيتى طبعا" ودة هيكون شئ يسعدنا
At Monday, May 28, 2007,
BackBone said…
هيهئ
انا مش شايف غروب في الشئ
انا مسمعتتش الاعلان ده بس, احب انوه انهم في القريب العاجل هينزلو الواقي المؤنثي, و ممكن تلاقي اعلانات عن تخربشي و ممكن تكسبي عروسه او طقم مطبخ لعبه هديه
و البسكلته البسكلته البسكلته, عتمشي عالارض و عدووووووووووس
At Monday, May 28, 2007,
يا مصر اكتب إليكي رسائلي said…
يابنى فرجت علينا الناس
يادى الجُرسه يا ربى ..
At Monday, May 28, 2007,
bahry said…
سترة أيه الله يفضحهم دنيا وأخره
المشكلة بجد أن شركات الاعلانات والتسويق عندها هطل غير طبيعي وتقليد أعمي لمدارس الاعلانات والترويج الغربية ونقل الافكار بالمسطرة بدون وعي
عادي يعني هي جت علي ديه
بس بوست جامد
سلام علشان الحق البسكلته
At Monday, May 28, 2007,
Anonymous said…
واحد جاهل متجوز
انا اعرف ان الواقي الزكري ليه استخدمات معينة منها الضروري ...بين الزوج والزوجة .. ومنها لازوم قلة الادب وافتكر مرة كنت في صيدلية وشايف علب كتيرة معروضة ومن خبتي كنت فاكرها حلويات لبان زي ما كنا بنشوف زمان بس مش عارف ليه شكيت وسالت الصيدلي وقالي ده واقي زكري وديه انواعه... بالفرولة والنعناع والتفاح وبخلافه ....ربنا يستر
وتعدي الايام ديه على خير
At Monday, May 28, 2007,
Anonymous said…
من سنتين سمعت ان مصنع مصرى نجح ولأول مرة فى تاريخ مصر انه يصنع استيكة....وثارت المعارضة وهاجت وقالت بأة فى 2005 بتقولوا عرفنا نصنع أستيكة؟
على ما يبدو ان مصر عجبها تصنيع المطاطيات أو ان فيه صفقة مطاط كبيرة لحساب واحد فى لجنة السياسات ومش عارفين يعلموا اية بالمطاط
الكلام ده حقيقى فعلا؟
انا معنديش راديو ومبسمعش النجوم اف ام ولو ان محل الكبدة والسجق اللى على اول الشارع كل ما ادخل عنده الاقيه مشغلها واقوله لو سمحت وطي الصوت شوية....بس فى حياتي ما سمعت ولا اتخيل انى اسمع حاجة زي كدة
ساعات بروح ازور اختى واسرتها ويكون اولادها وزوجها قاعدين وييجي اعلان فى التليفزيون من بتوع اعشاب الضعف الجنسي.....بيحصل حالة احراج عام و زوج اختى يتكلم فى موضوع بصوت عالى عشان يطغى على صوت التليفزيون واختى تعمل نفسها بتكلم البنت الصغيرة ولو ان انتباهنا كان مع التليفزيون حالا وكلنا فاهمين ان الموضوع محرج بس اليومين دول بدأت اتخذ طريقة اكثر ايجابية واغير المحطة فورا لما اشوف حاجة زي كدة....مش هنفضل ندفن راسنا فى الرمل اكتر من كدة
وربنا يهدي
At Monday, May 28, 2007,
Desert cat said…
وهى المهازل اللى بتحصل للبنات فى الشوارع دى من شوية
ما هى برضه من الاعلام الهايف اللى مضيع الشباب ده
حنقول ايه
حسبنا الله ونعم الوكيل
At Monday, May 28, 2007,
karma said…
عالراديو
!؟
وبسكلته وبلي ستيشن
!؟
ومني بص و تاكسي؟
هما بيعلنوا الحاجات دي عالراديو
!!!!!!؟
I shock! على رأي دكتورتي في الجامعة الله يذكرها بالخير
يا أنا على نياتي ياني....براءة الأطفال في عينيه خالص
At Tuesday, May 29, 2007,
مصطفى محمود said…
انا بس عايز احييكى على مدونتك التحفة دى وكتاباتك الرائعة .
وكمان انا مش فاهم انتوا متضايقيين لية ومش عاجبكم الاعلان هو دة مش منتج زى اى منتج ؟ ولا اية العيب اللى فية يعنى انا مش فاهم لية الازدواجية اللى انتوا بتعملوها دى بتحبوا الجنس زى عنيكوا لكن رافضين اى كلام عنة وكانة عار او خطيئة مع انة صفة انسانية جميلة جدا .
تحياتى
At Tuesday, May 29, 2007,
Incomplete said…
تمورتي الجميلة
انا شايفه انه مش عيب ولا غلط الإعلان عن منتج جنسي..على أساس إن الجنس حاجة آدمية زي الأكل والشرب بالظبط.. المشكلة كانت في الحمير اللي اعلنوا دون أن يأخذوا في الإعتبار خلفية المعلن لهم.. هما قلدوا الغرب في الإعلان عن منتج جنسي ونسيوا ان الغرب المعلن لهم ناس بتبص للجنس على انه حاجة آدمية عادية جداً زي الأكل والشرب.. بينما هنا في الشرق الجنس تابوه وحاجة عيب وغلط.. مع إن الدين نفسه تعامل مع الجنس(فيما أحل الله طبعاً) بمنتهي الرقي والإجلال على أساس انه حاجة انسانية ووسيلة لتتويج المشاعر الإنسانية و للحفاظ على النسل البشري.. وإلا مكنش الدين أمر المرأة تتزين لزوجها وأمر الرجل كذلك..ومكنش رقّى مثل هذا التجمل والتزين لرتبة العبادة..وغيره كثير
احنا بس اللي عندنا العيب أهم من الحرام.. طلاب الأزهر ثقافاتهم الجنسية أفضل 100 مرة من طلاب المدارس العادية..لأن الثقافة الجنسية مش حرام في الدين لكن عيب قوي عند الناس العادية.. اللي يسيبوا البنت أو الولد حتى يثقفوا أنفسهم بأنفسهم من مصادر معظمها شاذ.. واتفرجي على الكوارث اللي بتحصل بعد كده
لكن لو احنا بنتعامل مع الجنس بعقلية أكثر تفتحاً..ماكنش اعلان زي ده ممكن يضايق حد، حتى الأطفال على اساس ان دي مادة دراسية علمية عندهم في المدرسة
عارفه اني طبعاً بحلم
:D :D :D :D
بس خليكي أ كثر واقعية ياتمرمر وهات لي طفل عند 9 سنين كده.. واديه الأمان واستجويبه كده..اراهن بعمري ان معلوماته الجنسية ممكن تكون أحسن من اللي عندي وعندك
طيب ليه بقى احنا مانكوش مصدر المعلومة دي وتبقى في النور.. بدل العك اللي بيحصل في الدرا
انا عارفه ان ردي طويل وفيه كلام مالوش لزمه أو علاقة بالموضوع.. بس ردود المعلقين اللي كلها استهجان و تمثيل وادعاء استفزتني بجد..كله لأ وماينفعش وياكسوفي ويالاهوي.. ده على أساس ان لسه في اطفال وشباب ومراهقين أبرياء مايعرفوش الكاندم.. والإعلان هو اللي فتح عينيهم ياعيني
!!
أعترض
:)
At Tuesday, May 29, 2007,
admelmasry said…
ههههههههههههه
والله ما قادر امسك نفسي م الضحك
.
.
هههههههههههههههه
صحيح علي راي المثل
اللي مش فاكره
.
.
هههههههههههههههه
تحياتي والسلام
At Wednesday, May 30, 2007,
karma said…
الثقافة الجنسية شيء وإنك تروج له في مجتمع أطفال شيء تاني. لما تكون محطة موجه بشكل مكثف للطفل؟ لأ ما اقوله تعال والله اشتري كوندم واكسب اللعبة الي كان نفسك فيها.
الغرب يمكن متحرر جنسيا لكن من ناحية تانية محافظ في بعض النواحي خاصة لما يكون في الموضوع أطفال وعيلة. والإعلانات بالذات لازم ليها ظوابط بالنسبة للوقت وللفئة الي متوجه لها الإعلان وحتى وقت عرض البرامج
وحتلاقي مية عيلة وعيلة اتكلمت واتظاهرت معترضة.
الثقافة الجنسية أساسية، وشبه معدومه حاليا في مجتمعاتنا لكن برضة التطرف بين اليمين والشمال غلط.
At Friday, June 01, 2007,
Dalia said…
ايه المسخره دى
هى وصلت للدرجه دى
حسبي الله و نعم الوكيل ... مافيش اى رقابه
At Saturday, June 02, 2007,
momken said…
ياههه يابنت الذين مش انتى يتمر حنه انا بكلم على مراتى اتريها بتقولى يا خويا سيبك من العربيه وهاتلك عجله زى بتوع هولندا
اصللى اختها معايا فى الصيف الى فات
جت من كام يوم بتقولى هاتلك عجله (بسكلته) روح بيها الشغل يبقى دى اللغه الجديده بقى تيجى الوحده تقول لجوزها متجرب حظك يعنى فى غرض فى نفسها
او تقوله روح ربنا يديلك البسكلته المره دى
At Tuesday, June 19, 2007,
bastokka طهقانة said…
اتارييي
انا اعرف واحدة صاحبتي مسميا ابنها الوسطاني سترة و لافة بسكلتة بملاية و شايلاها فوق الدولاب
عرفت دلوقت بس انها خربشت الكوبون و جوزها خربش البتاع
و تيمنا باسم المنتج سمو الواد على اسمه
و كسبوا الجادون
هي هي هيئ
انا عايزة من ده يا حزنبل انا عايزة من ده
اوروفوار
At Monday, February 18, 2008,
t3ban said…
طب ده ارحم من اعلان المساميرو الشفاطة و الي مش شغال
هو الأعلان في حد ذاته مش عييب بس ميجيش بين الماتش
انت بتخاطب ميين بالظبط
At Saturday, July 19, 2008,
Mahmoud25x said…
مسمعتوش
خسارة
وبعدين اذاعة زى دى اصلا توقعى منها اى حاجة ، دى تفاهة اف ام مش نجوم
Post a Comment
<< Home