أيوه خدامه

Friday, January 26, 2007

خيانة ... مبلوعة






السنة 1934
المشهد: ليل داخلى
يدخل البطل حجرة نومه فجأة بعد أن فاته القطار المتجه الى الأسكندرية فى طريقة للمحكمة للمرافعة عن أحد موكليه فيجد زوجته لابسه كومبينيزون بأكمام و تحتسى الخمر مع رجل غريب
توفيق: يا خاينة – بتخونينى فى بيتى و مع مين مع أعز أصحابى
سهير ( تدارى صدرها بالروب) : توفيق ماتظلمنيش يا توفيق – عبد الجواد أفندى كان بيراجع معايا حسابات العزبة و بعدين الكوفى وقع على الفستان فبعتته مع الكاماريرا عند المكوجى عشان ينشفه
توفيق: اخرسى – عليكى لعنة السماء – أنا فعلا آسف لأنى أعطيت أسمى و أموالى لواحدة دنيئة حقيرة مثلك.
سهير: أرجوك يا توفيق راجع نفسك – أنا أحبك.. أنا أعبدك.. أستحلفك بالسماء انك تتروى فى قراراك و متفهمنيش غلط . عبد الجواد أفندى صديق مخلص و يجب ألاّ تشك فى أخلاصه ليك برهه
توفيق : اذن انتى طالق يا هانم و انت يا عبد الجواد أفندى فأنا أسف لأنى أعطيتك ثقتى و سمحت لك تدخل بيتى – أخرج من بيتى يا حقير .. عليك اللعنة
سهير : تبكى بحرقة و يخرج توفيق للبار حتى يسكر فى صمت و يقود السيارة مخمورا و يحصل له شلل فى الحادثة - كااااااات

السنة : 2010
المشهد : برضك ليل داخلى
يدخل البطل حجرة نومه فجأة بعد أن فاتته الجيت فلايت بتاعت جنوب أفريقيا عشان يشوف نهائى كاس العالم فيجد زوجته ملط و بتشرب جوينت بانجو مطعم بالأكستاسى مع رجل غريب
توتى: يا بنت الايه – بتضربى بانجو مع أنتيمى من ورايا؟
سوزى: ايه الجليطة بتاعتك دى – مش اللى يدخل يخبط الأول – مانت صحيح مامتك ماكنتش فاضية تربيك.
توتى : لأ بجد يا سوزى – انت ليه قاعدة من غير الهدوم بتاعتك مع جيجو؟ داحنا فى يناير يو مايت كاتش كولد.
سوزى : تضع الروب على كتافها : أصل جيجو عندو مشكلة جامدة أوى لأن كوكى منفضّاله و بعدين أنا بحاول أخرجه من الكرايسز بتاعته – مش صاحبك و أنا لازم أسد فى غيابك؟ و بعدين خفت النار تمسك فى الهدوم السنسيتيك فقلعتها.
و بعدين متغيرش الموضوع – ايه اللى رجعك بدرى كده؟؟؟
توتى : مش عارف ليه مش مبسوط من اللى بيحصل بس المهم – ممكن ترولولى معاكو؟ كااات
ملحوزة
- ياريت نبطل نقرا بعنينا بس .. و نبحث عن الرمز ....الرمز و لاداعى للسطحية
- نبص كده عالرموز و نحاول نفهم منها التطور الذكورى مرورا بمرحلة القرون و تبدل شكل أطرافه تماما و وصولا الى مرحلة الأريال
مع تغيير فى عنصر واى الخاص بالكروموزومات الذكورية .... و يقاس على ذلك التطور فى المرأة

60 Comments:

  • At Friday, January 26, 2007, Anonymous واحد من الناس said…

    اخشى من ان يكون زمن تسجيل المشهد الثاني عام 2006

    ربنا يستر

    انا بجد خايف

    الفساد زاد
    والرجاله بيتباهوا بطول قرونهم

    ربنا يستر

    1minelnas.blogspot.comر

     
  • At Friday, January 26, 2007, Blogger بيسوو said…

    ياعيني
    لا بجد بيتعبوا...
    بس والله الموضوع لسة مبقاش بالصورة الفظيعة دي..اعتقد اننا لسة فينا اخلاق زمان
    لسة محصلش الانهيار الي انتي بتتكلمي عليه
    لسة لما الراجل يدخل يلاقي مراته مع واحد غريب مش شرط بقى تكون ملط
    لسة بيثور وبيقتل وبيدمر الدنيا وصفحة الجوادث خير دليل على ذلك

    لسة شوية..لسة شوية

     
  • At Friday, January 26, 2007, Blogger قاسم أفندي said…

    سؤال بس
    الاقي عندك مفتاح الشفرة بتاعت الرسومات اللي في الصورة؟

     
  • At Friday, January 26, 2007, Blogger tota said…

    تمر

    2010

    اعتقد العلم هيكون اتقدم ونوع المخدرات هيكون حاجات تانية شوية مختلفة

    اظن ان العكس هو اللى هيحصل ان سوزى هتلاقى توتى مع جيجو
    ومش هتزعل لان سوزى عنها ميمى بتاعتها بقى

    هو ليه اللخبطة كده لما تيجى 2010 نشوف مين مع مين مستعجلين ليه

    خلينا فى 2007 واللى فيها

    تحياتى

     
  • At Friday, January 26, 2007, Blogger karakib said…

    و يا تري رضيوا يرولو له معاهم و لا قالوا له اللي موجود علي قدنا ده غير أنه الراجل بتاع البفره قفل و معهمش كفايه .. علي فكره أول ما قريت كلمة كاماريرا دي أصابتني كريزة ضحك
    كاماريرا .. دي باللغه الأيه دي ؟

     
  • At Friday, January 26, 2007, Blogger Sampateek said…

    اختشـــــي
    اصل ده الجيل الي راضع مية ساقعة و بدل التيتينة كانوا بيدولوا لبان يتندغ

    انا بشوف مشاهد في الفيديو كليبس وشي بيحمر منها و نافوخي بيشيط

    لذلك انا مسحت كل قنوات الاغاني من على الدش
    كل اللي حولينا بيدفع اولادنا اللي هم الجيل اللي جاي للانحراف و الخلاعة و محو كل الحواجز بين الحلال و الحرام



    تمورة
    زوريني عاملة كارثة سودة

    اموه

     
  • At Friday, January 26, 2007, Blogger Amr Ahmed said…

    ههههههههههههههههههه

    بس اعتقد ان الكرامة
    مابتتغيرش بتغير الزمن

    يعني ممكن تلاقي الحالتين دول

    دلوقتي
    وقبل
    وبعد

    وبعدين انتي كده هاتخلينا نشك مقدما في زوجات المستقبل

    الحكاية دي بتفكرني بنكتة كده
    :

    واحد خد واحد صاحبه وراح البيت
    لقي مراته ومعاها واحد

    راح جري علي المطبخ ,صاحبه قاله هاتعمل ايه

    قاله هاعملي كوباية ليمون

    قاله واللي جوة ده
    قاله مايقوم يعمل لنفسه

    .......
    اي خدعة
    تحياتي

     
  • At Saturday, January 27, 2007, Blogger Mohamed A. Ghaffar said…

    من يكتب بالرمز وهى عادتك لا يصح ان يقول خلوا بالكم يا جماعه اللى انا كتبه ده برموز كذا كذا والا مكنش كتب من الأساس بالرمز ،

    وان فعل فهو كانه يقول للناس اللى بتقرأ انتم مش فاهمين انا اقصد كذا كذا انتم بس اللى مش فاهمين الرمز ، او كأنه يقول انا كتبت رمز غامض اوى وشرحه اهه

    وكلتا الحالتين المعنى مش حلو خالص

    انا بس عاوز اوضح انى مش بهاجمك لحسن الناس اليومين دول بتزعل من اى ملاحظه او نصيحه

     
  • At Saturday, January 27, 2007, Anonymous وائل said…

    السنة 2020
    المشهد: ليل داخلي كمان مرة
    يدخل الرجل حجرة نومه فجأة بعد أن فاتته الدنيا بحالها فيجد زوجته وصديقه يمارسان الجنس معاً.
    جرجس:ليه يا فاطمة؟ ليه تعملي كده, ده أنا اللي طول عمري بحبك وباتعب ليل ونهار عشان أرضيكي
    ثم يلتفت لصاحبه, وإنت أعز أصحابي, وأنا اللي وثقت فيك ودخلتك بيتي.

    وفجأة يصرخ الرجل في الاثنين معاً.. بطلوا نيك وأنا باتكلم

     
  • At Saturday, January 27, 2007, Blogger khalid jarrar said…

    HAHAHAHHAAHHAHAHHAH
    WA2EEEEEEEEEEEL!

     
  • At Saturday, January 27, 2007, Blogger بنوتة من وسط البلد said…

    يا حسرة على زمن الرجالة
    الموضوع مش محتاج خيانة زوجية ولا زوجة ملط ولا زوج شحط

    لو بصينا على شكل بنات اليومين دول ولبسهم عامل ازاى

    ومن غير رموز ولا سحر ولا شعوذة .. هنعرف ستات ورجالة 2010 شكلهم هيبقى عامل ازاى ...؟؟

    يا ميت ندامة

     
  • At Saturday, January 27, 2007, Anonymous أزئوزة said…

    تمرمر
    أولاً : ترولولي ؟ يعني نزغرطولي ؟
    ثانياً : إبني الورور ، ذو التسعة أعوام ، كان جنبي وانا بئرى ، لفت نظره الحروف الإنجليزي ، اللي ف الصورة ، وئاللي : ترتيب الحروف ملخبط !! المفروض يكون ترتيبهم : دابليو ، إكس ، واي ، زد
    تفتكري ياتمرمر هوَّ لَئـَط الرمز ، وانا لسة ماعداش عليَّ؟

     
  • At Saturday, January 27, 2007, Blogger No Fear said…

    السلام عليكم
    مبدئيا مش الكل كده
    و علي ما أعتقد مش مؤهلين لكده أصلا لأنهم عندهم كبت و كمان الكبت ده بيخرج علي الست سواء صالحة أو لا فمتقلقيش من الموضوع ده
    المشكلة في البنات الصغيرة اللي أبوها معتهم بجمع الفلوس و الفرجة علي الدش و الأمهات اللي مشغولة بالدش و حياتها بس
    ربنا يرحمنا يارب و يهدينا

     
  • At Sunday, January 28, 2007, Blogger Soona57 said…

    dfdsf

     
  • At Sunday, January 28, 2007, Blogger Soona57 said…

    يا سيدتى من واقع معيشتى في المجتمعات الأجنبية والأمريكية بوضع خاص برجاء أخذ النقاط الآتية في الأعتبار :
    1- ما كتبتيه لن يحدث سنة 2010 لماذا ؟ ببساطة الخيانة الزوجية لا تحدث إلا فى المجتمعات الشرقية وفى المجتمعات الغربية حالات نادرة الحدوث وإحنا بحلول 2010 سوف نكون مجتمع غربى
    2- ما هو تعريف الخيانة الزوجية ؟ هى نزوة جنسية سواء للمرأة أو الرجل فشل فى وضعها فى الإطار الصحيح فوضعت فى الإطار الخاطئ
    3- إذن لماذا تحدث فى المجتمع الشرقى ولا تحدث فى المجتمع الغربى ؟ لأن فى المجتمع الغربى جميع صنوف العلاقات الجنسية متاحة أمامك قبل الزواج سواء للمرأة أو للرجل وبلا أدنى مشاكل ونحنم فى تحولنا للمجتمع الغربى فهذه العلاقات أصبحت الآن متاحة قبل الزواج سواء في إطار غير شرعى من خلال العلاقات الجنسية العابرة فى الشوارع والمدارس والجامعات أو من خلال ظاهرة الزواج العرفى وبعد انتهاء غايتنا من تلك الغايات نبدأ فى عملية ترقيع غشاء البكارة لغرض الزواج والاستقرار
    4- فى سنة 1934 كان لدى الرجل يقين 100 % با، زوجته لم يراها أحد وفى الثمانينات كان لديه يقين 100 % بأن زوجته كانت على علاقة عاطفية من قبله بما يسمى الحب الأول وفي التسعينات كان الرجل على يفين 100 % بأنه ليس الرجل اللى كانت زوجته حاطه عينها عليه وفى العقد الأول من الآلفية الثالثة سوف يكون لديه يقين 100 % من أنه ليس أول واحد مارس الجنس مع زوجته وبالتالى سوف لا يكون هناك داعى لإجراء عمليات ترقيع البكارة ودوشة المصاريف وكشف الجسد للاطباء الذين فى كثير من الأحيان يودون عمل معاينة عملية لحجم الرقعة قبل عملية الترقيع
    5- لمعلومات حضراتكم بأن الست لا تخون في المجتمعات الغربية بعد الزواج لأن كل ما كانت تشتهيه قد اذاقته وكذلك الرجل فلاداعى للخيانة وفى حالة خيانة الرجل فتكون تكلفتها حياته من جانب المرأة لأنه طالما قررت الزواج فمعناه إنك قد قررتما النظافة والاستقرار وأصبح اللقاء الجنسى لقاء تكاثر أكتر منه لقاء عواطف

     
  • At Sunday, January 28, 2007, Blogger كوكو الضعيف said…

    عزيزتي تمر حنه
    لا اعتقد انه من الصحيح ان نطلق احكاما عامه لان ما يميز البشر بشكل لا يقبل الجدال هو الاختلاف الشديد والتنوع اللانهائي
    لذا اعتقد ان رؤيتك جانبها الصواب وان كنت انها تعبر بشكل ما عن تغير منظومة القيم التي طالما تعودنا عليها واعتبرناها في مراحل سابقة من المسلمات
    صورة سي السيد اعتقد انها غير موجودة الان مع هذا التيار الجارف الداعي الي تحرير المراة من عبودية المنزل ودعوتها للخروج من المنزل والمشاركة بفاعليه في كل الانشطة المجتمعية التي تدعم فكرة نديتها للرجل في الحقوق والواجبات
    ولكن ما يتعلق بنخوة الرجل المصري
    لا اعتقد انه من الممكن تجريد الرجل المصري من نخوته وان كان هناك بعض من غرتهم الثقافة الغربيه علي الرغم من ثبوت فشل مثل هذه الافكار الداعية الي التحرر المبالغ فيه والذي يتعارض بشكل مباشر مع تعاليم الدين وقيمنا وعاداتنا التي توارثناها عير الاجيال المتعاقبه
    ادعوكي وكل المصريين الشرفاء الي التمسك بعاداتنا الاجتماعيه وقيمنا الاصيله فمن ليس له ماضي ليس له حاضر

     
  • At Sunday, January 28, 2007, Blogger ME said…

    بجد وقعتينى ضحك .. ورغم ان ده مش بيحصل بانتشار لسه الحمدلله .. لككنه غالبا بيحصل .. بس نحمدربنا انه لسه ماوصلناش بشكل فاقع .. عموما انا بقول كده من زمان وماحدش مصدقنى .. يلا ..ان الله حليم ستار

     
  • At Sunday, January 28, 2007, Blogger أميرة البلطجية said…

    بالعكس..انا متهيألي ان الناس عندنا بتتدهور شوية بشوية لإلا في موضوع النار ولا العار يا ولدي
    على الاقل لما توصل لمراته وانتيمه.. لكن معندوش مانع اي حد تاني اوكية

     
  • At Sunday, January 28, 2007, Blogger Sampateek said…

    بما اني انا و تمر حنة اصحاب
    احب ارد على الاخ سونة


    حضرتك بتقول اننا لو بقينا متحررين و البنت جربت كل حاجة قبل الزواج مش حتحتاج تخون بعد الزواج


    اقول لحضرتك

    صباح الخير يا سونة

     
  • At Monday, January 29, 2007, Blogger Soona57 said…

    بصى يا ستى تمر حنه هانم وكلبوزة باشا
    انتم متفقين معايا إن أحنا بنتعرض لغزو ثقاى دينى عقائدى ... قولوا صح
    أول حاجة فى الغزو ده القضاء عاي عملية الختان
    وبعدين اشعال انار الجنسية فى الفضائيات من كليبات وخلافه
    ثالثا يقع المحظور بنسبة عالية فيصبح ظاهرة اجتماعية وطالما اصبح ظاهرة اجتماعية فيصبح عدم وجوده فى ليلة الزفاف تحصيل حاصل
    وبعد ذلك البقية تأتى
    فخلى بال حضرتك الجواز الرسمى في هذه المجتمعات واقصد به الزواج الموثق يكون في سن 35 يعنى الواد والبنت يكونوا اتهدوا
    اتمنى ان تكون الصورة قد وضحت

     
  • At Monday, January 29, 2007, Blogger Aoossa said…

    أنا عرفت المغزى من القصه
    أننا مش نشرب خمره عشان وحشه
    وأننا نشرب بانجو
    وأن مش أى حد يعرف يروول ويجهز الجوينات
    وأن توتى كوخه عشان بيجى فى أوقات مش مناسبه
    أنا شاطره

     
  • At Monday, January 29, 2007, Blogger الربان said…

    أبحثي عن الإعلام.... و الفن الرديء...و انشغال الاب و الام بالعمل أو خلافه عن التنشئة الاجتماعية الصحيحة...

    أبحثي عن دور المدرسة المفقود...و أيضا دور مدرس الفصل المفقود...

    أبحثي عن غياب القدوة في المنزل و الشارع و المدرسه....

    تحياتي

     
  • At Monday, January 29, 2007, Blogger khalid jarrar said…

    Soona,
    "ببساطة الخيانة الزوجية لا تحدث إلا فى المجتمعات الشرقية وفى المجتمعات الغربية حالات نادرة الحدوث"


    "لمعلومات حضراتكم بأن الست لا تخون في المجتمعات الغربية بعد الزواج "

    with all respect inta/inti btistahbil/y walla btistahbil/y?

    They west is the land of sex-after-marriage, for the love of God they have shows celebrating that, havent you seen freaking desperate housewives? dont you watch Oprag? swingers? infidality? daaaah???
    i have been around Americans for years. Dont you think you can fool us, shame on you.

    Look at the numbers from a recent issue of Playboy Magazine:

    -2 out of 3 women and 3 out of 4 men admit they have sexual thoughts about co-workers.

    -86% of men and 81% of women admit they routinely flirt with the opposite sex.

    -75% of men and 65% of women admit to having sex with people they work with.
    -----------------------------------

    -Approximately 70% of time on-line is spent in chat rooms or sending e-mail; of these interactions, the vast majority are romantic in nature.
    Dr. Michael Adamse, PhD., co-author of "Affairs of the Net: The Cybershrinks' Guide to Online Relationships"
    ------------------------------------

    Affairs affect one of every 2.7 couples, according to counselor Janis Abrahms Spring, author of "After the Affair," as reported by the Washington Post on March 30, 1999.
    ------------------------------------

    -Up to 37% of men and 22% of women admit to having affairs. Researchers think the vast majority of the millions of people who visit chat rooms, have multiple "special friends�.
    Dr. Bob Lanier, askbob.com
    ----------------------------------------

    According to Annette Lawson, author of "Adultery," published in 1989 by Basic Books.
    "The various researchers arrive at a general consensus�suggesting that above one-quarter to about one-half of married women have at least one lover after they are married in any given marriage. Married men probably still stray more often than married women�perhaps from 50 percent to 65 percent by the age of forty."
    -------------------------------------

    Associated Press reported:

    61 percent of Americans thought adultery should not be a crime in the United states; 35 percent thought it should; 4 percent had no opinion.

    50 percent of Americans say President Clinton's adultery makes his moral standard "about the same as the average married man,'' according to a Time-CNN poll.

    Want more?

    Its a sham to worship the iamge of the west, and a bigger shame to market it, o kaman based on lies.

     
  • At Monday, January 29, 2007, Anonymous mohamed said…

    أيوه خدامه
    لا اظن ان الاختلاف بين مشهدى الخيانة هو الزمن او الوظيفة
    فمن ركب قرون موجود من 1000 الى 2999
    سواء كان شغال ايه او شغال ايه ايه

    ولكن فى رايى ان الخلاف يرجع الى الرجل

    و ايضا يرجع الى المرأة

    لذلك قال الرسول علية الصلاة و السلام
    "فاظفر بذات الدين "

    الدين هو مفتاح ما يحدث
    اما نجاح او ان ان ان ان ان ا ن ا

     
  • At Monday, January 29, 2007, Blogger nilerebel said…

    هى بس فيه غلطه صغيره وهى ان كاس العالم هيكون فى شهر يونيو 2010 وبالتالى لما هى هتكون ملط فيه مبرر ان الجو حر مش يناير وشى مايت نوت كاتش كولد .

     
  • At Monday, January 29, 2007, Blogger ام العيال said…

    تمرمر
    ازيك وهشتيني بفظاعه اخت بشاعه
    و جه على نفسو ليه ماكان احسن بتأسف و يخرج بدل ما هو قطع حبل افكار العصافير الكتاكيب كما بلبل اصفر حيران
    ياتي النيله هي الرجاله حصلها ايه؟
    ممكن تعملي تحديت تخيلي لسنة 2090 كده مسلتلا
    و لا بلاش
    العيال بتمتحن و نص البلوجريه عندها اكتيئاب مزمزن

    يلا بالشفا

     
  • At Tuesday, January 30, 2007, Anonymous أزئوزة said…

    تمرمر
    أظن بعد التعليقات دي كلها ، آن الأوان لتفصحي عن الرمزية ف البوست

     
  • At Tuesday, January 30, 2007, Anonymous أزئوزة said…

    آه نسيت ائوللك : إن بعد ماتفصحي عن الرمزية ، هنيجي كلنا نزورك ف المكان اياها
    زمان أيام سنة 1934 كانوا بيزوروا الناس ف المكان اياها ، ومعاهم عيش وحلاوة . ياترى سنة 2010 تحبي نجيبلك إيه؟

     
  • At Tuesday, January 30, 2007, Blogger تمر حنه said…

    واحد من الناس
    لا تخشى يا واحد .. و مع ذلك 2006 من 2010 مافرقتش كتير .. يا سيدى اعتبرها 2006 ..و مقدرش أقولك ماتخافش .. آسفة تيس توو لييييت

    بيسوو
    لأ حصل الأنهيار يا قطة .... مش أصحاب روتانا سينما و ميلودى ارابيا و مزيكا رجالة؟ رجالة دول و لا مش رجالة و لابسين جلاليب و دشاديش و فوشهم شنبات؟ حصل ولا محصلش؟

    قاسم أفندى
    بس عشان انت أفندى محترم و بتتابع الأعلانات بنظام هقولك :
    من الشمال : علامة (زى بتاعت التواليتات) تدل ان ده راجل (دكر يعنى) و تحت منه الرمز العلمى للرجل – ماشى؟
    فى النص: علامة الرجل و هو مهتور : لاحظ نمو قرنين معقوفين ( كقرون التيتل) و نمو أربع أيادى جديدة ( دليل الكفاح من أجل لقمة العيش ) لاحظ النص التحتانى اسمالله عليه فيه وسط و تضاريس (بفعل الفراخ البيضه) و تقوس شديد فى الرجلين للخارج ( احدى علامات القلقسه و هو ماشى ) و ماخفى كان أعظم – لا حظ العلامات أسفل تحتوى على رموز كروموسومات رجالى و حريمى و علامات جديدة ما أنزل الله بها من سلطان
    من اليمين : الشكل النهائى للرجل و قد تدببت قرونه و تحولت الى أرايل .. و تحول هو شخصيا الى آله ميد إن شاينا أمريكية التصميم مكتملة الميكانيزم لا شعور و لا دم ولا احساس (راجع سكان عمارة سكسكة) حتى الرمز فى الأسفل تحول الى شكل مغلق على نفسه و لا يوجد سهم لفوق .. و يالا السلامة

    TOTA
    آه يا توتا أكيد هتطلع مخدرات جديدة و توتى و جيجو هيتبادلوا المواقع و غالبا هيطلع شوية من اخواننا بتوع الهيومن رايتس – برضه يوم الجمعة فميدان التحرير يطالبوا بتقنين علاقة توتى و جيجو و علاقة سوزى و ميمي و هيقولوا برضه حرية شخصية... زى يوم ماوقفوا مع البهائية..

    KARAKIB
    معرفش رضيوا ولا لأ – هو انا كنت معاهم؟ بس أكيد راضوه بحاجة .. و معرفش يا كركوبه ايه كاماريرا دى؟ كانوا بيقولوها كده فى الأفلام .. و كان فيه شماشيرجى ..و دايما كانوا بييجوا سوا

    SAMPATEEK
    بقى دى عملة تعمليها فيّا يا سمباتيك و انا الست الكُمَّل – بقى أخطف رجلى أزورك ألاقيكى لامه العيال حواليكى و بتشرحيلهم فيم سقافى – يخص على كده – دانا مابقتش عارفة أروح فين و آجى منين لولاالتلتيمة اللى متلتماها دى كان زمان كوكى عرف و رما عليّا اليمين .. ربك ستر – على فكرة مسحك للقنوات الخليعة مش هيمنع العيال من الأطلاع .. كان غيرك أشطر

    Amr ahmed
    بالعكس يا عمرو الكرامة العربية بتتغير بتغير الفصول الأربعة و شرفك .. ألف مبروك .. السعودية ( اللى فيها الكعبة و المسجد النبوى و زمزم و قباء و البقيع و جبل أحد و غار حراء و غار ثور .. عارفها؟) أنتجت أول فيلم سينما ... ابشر يا عمرو ..... أحتكم الأمر

    Mohamed a.ghaffar
    ياااا عبد الغفار .. يااااا عبد الغفار .. أنا عايزة أعترفلك بحاجة .. أنا خدعتك و كتبت الكلمتين دول من غير ما أرمز لأى شئ .. لا غامض ولا غيرو .. أنا كنت باضحّك معاكوا .. و بعدين لقيت الموضوع يحتمل اسقاط . فأسقطته . سورى يا عبد الغفار..ماعنتش أعمل كده تانى

    وائل
    السنه 2030
    المشهد : ليل داخلى (كالعاده)
    يدخل أبو عِلاء الى حجرة نومه فجأة بعد أن فاتته جنازته فيجد زوجته و صديقها فى السرير معا:
    لم يشعرا بوجوده لفرط استغراقهما .. و الظاهر انهم انتشوا جدا و نست الزوجة نفسها و صرخت : براحة براحة يابو عِلاء .... ففتح الزوج النور و الدمعة تكاد تفر من عينه و قال: أصيله يا أم عِلاء برضك تمرت فيكى العشرة .. و عشان طلعتى صاينة اسمى فغيابى اجرى اطقشيلنا بيضتين و بسم الله يا باشمهندس معانا.. مانتش غريب.

    Khalid ebn Jarrar
    يسلموا يارب .. ما أجمل هالضحكات .. يارب دايما

    بنوته من وسط البلد
    قطيعة يا بنوته ياختى .. ميتين ندامة .. و همّا دول بنات دول؟ عيال كده مسلوعة و معرقبة و مدهونين بوية .. فين أيامنا و السمنه البلدى ... محسسانى اننا من سنة 34

    أوزّتى
    انتى هبله؟ نزغرطولك؟ آه يوم خروجك مالقناطر ان شاء الله : خدى عندك يا أوخّة: المصدر: رل: راء ترالاملام لام
    و الرل كلمة مشتقة من الأنكليزية : روللينج أى اللف و تلك لفظة تدل عل طريقة استخدام المخدرات بعد خلطها بالتبغ ثم لفها فى ورق البفرة لتأخذ شكل السيكارة استعدادا للفها – دلوقتى هتقولى لى يعنى ايه سيكارة - ياختى جمال أمه الورور .. و النبى شوفيلنا كوتشى من اللى صغروا عليه للواد الصغير

    No fear
    لولا سلامك سبق كلامك .. مبدئيا تغير فالنة الزمالك دى و بعدين نتكلم .. عموما .. مما لا شك فيه ان فيه حاجات بتحصل و حاجات جامدة جدا و تيارات ساحبانا فى وشها و البشر بتحط ولدها تحت رجليها

     
  • At Tuesday, January 30, 2007, Blogger Muslim&Quptia said…

    شيء مقزز فعلا
    افتكر خطيب الجمعة مره قعد الخطبة كلها يشرح الفرق بين كلمة (رجال) وكلمة(ذكور) وان مش شرط ان كل ذكر تشريحيا يبقي راجل وان الايه اللي في القران اللي بتقول(رجال صدقو ماعاهدو الله عليه ) انطبقت في معناها علي رجال ونساء وساوت بينهم في الموقف..زي مابنقول في الموروث الشعبي عن بنت جدعه انها بنت راجل
    الاكس والواي اللي ف الصورة دي اعتقد انها رمز للكروموزومس الذكرية ايه بقي الزد والدبليو اللي تحت دي؟اختصار زوج يعني؟

     
  • At Tuesday, January 30, 2007, Blogger الدبور said…

    مشهد واقعي تماما و بيحدث بس في الطبقات الهاي اوي او الطبقات الدنيا اوي
    الناس الهاي بيعتبروا ده نوع من الرفاهيه او التغيير
    الناس الدنيا ممكن تضطرة الظروف انه يبيع جسد زوجته مقابل حفنه من الجنيهات

    تدوينه جميله جدا يا تمر حنه
    وابقي شرفيني في البلوج بتاعي هناك انا عامل ليكي لينك

    www.dabbor.blogspot.com

     
  • At Wednesday, January 31, 2007, Blogger khalid jarrar said…

    Rabbina yikrikinm ya tamr 7inna dayman bitkhajleeni b lo6fik:)

    I ahd such a wonderful evening, went with dad (imagine!) to the movies and watched this brilliant movie (Deja vu) its so cool and i recommend it.
    :)

    wish you a wonderful day ya doc:)

     
  • At Wednesday, January 31, 2007, Blogger تمر حنه said…

    Soona57
    1- الخيانة لاتحدث الا فى المجتمعات الشرقية بس؟ يا حومتى.. قطعت أمريكا و سنينها و اللى بتعمله فى النافوخ .. لأ لأ لأ يا سونا .. أنا أدعى على ابنى و أكره اللى يقول آمين – بقى قعدتك فى أمريكا و بعض الدول المتقدمة تخليك تيجى علينا كده – ايش جاب المنصورة للاس فيجاس؟ عموما أنا هسيبك للأيام و لكومنت أخويا خالد جرار – المحامى بتاعى اللى تحت ده و لأ ختى سمباتيك أم برباتوز فوشيا اللى تتك بشوية

    كوكو الضعيف
    كلامك فيه شئ كثير من الصحه يا كوكو – بس عايزاك فيوم من أيام الدراسة تنزل الضهرية و تتمشى أفرنجى كده على كورنيش أبو الفدا فى الزمالك أو عالنيل فى الروضة و لا بلاش خش الحرم الجامعى – و أقف جنب أى تجمع طلابى يحوى الجنسين و شوف الجو العام – هتعرف ازاى ان البنات هن الأعلى نفيرا و الشباب بياخدوا على نافوخهم و بيعيطوا – و فى كادر آخر عايزاك تتابع وقائع أى اجتماع قمة (من بتوع منتجع عين الصيرة ) حيث يوجد لفيف من سكان العمارة و معهم ضيوف من المناطق المجاورة اللى تبع حرامى المنطقة و اسمع أحلى تطبيل و كلام غزل و رقة و عذوبة – انا شخصيا بتمسك .. كلبوزة بتتمسك .. خالد جرار بيتمسك .. يعنى لسه فيه ناس بتتمسك

    ME
    يالا حصل خيييييير

    PRINCESS
    ايوه يا برنسيس .. فيه عندنا مثل بلدى جميل بيبن حقوق الصاحب على صاحبه ... و الأنتيم أولى بالشفعة

    SAMPATEEK
    طبعا سمباتيك انتى صاحبة بيت .. ردى و نص

    Aoosa
    انتى ست الشاطرين ... و هنسقفلك كمان – ربنا يحميكى يا أوسه .. ربنا يخليكى يا أووسه

    الربان
    أمّال .. أكبر صح .. وا أسفاه

    Khalid ben Jarar
    خالد أرجوك دايما رد بدالى لو فاضى .. بالذات يوم الأتنين و التلات بيبقى عندى غسيل و ايدى مش فاضية

    Mohamed
    يا محمد – الدين موجود و القرآن و السنه – و لكن التمسك بزمامه و تطبيقه كالقبض على الجمر فى هذا الزمن – القرون تتكاثر و تتوالد و تنتشر بسبب ماقاله الربان .. كل الظروف تصعب المهمة – نسأل الله السلامة

    Nilerebel
    اكسيكيوز مى – آيم ريلى سورى فور ذات ميستسك – بس أظن انه كان يقصد كولد بتاع الصيف – و انت عارف ان كولد الصيف أمر من السيف

    أم العيال
    تسدقى مخاصماكى و زعلانه منك – انتى فين ياست من زمان ... ولا طبق عاشوره ولا يمسيكى بالخير يا خالة تمر و لا حاجة خالص؟ يخونك الرز بلبن ولا اكمنى مسكته السلم علقنى فى الهوا و فلق – ابقى شقى علينا دايما

    أزئوزة
    لاهو انتى فكرة انى لو أفصحن هيسيبونى ل 2010؟ ...ماظنش يا مشمش – عالعموم أنا ماليش فى الحلاوة – ممكن تروا بيتى كوشون و بافرواز بالكريمة اللبانى و قليل من الكروكانت بنكهة اليتادل بروستاردى- و كولا لايت

    Muslim&quptia
    الزد و الدابليو مشروحين فى الرد السابق على الأخ الجليل قاسم أفندى – و لو عايز توضيح أكتر ابقى قوول

    الدبور
    ألا ازاى يعنى أنا و أبو الليل متصنفين +18 على أساس ايه؟ و الناس اللى حاططهم معانا دول جو تانى؟ أنصحك باعادة قراءة مدوناتنا بتأنى و الرد عليّا .. فى انتظار ردك

    Khalid ben Jarra
    As long as this issue is a bit personal , I can reply here in any language, I always LOVE to akhjelak be lofty, (meen lofty da) , you know the idea to go to a movie with your dad gave me a very good impression about you, I always knew that you are really nice, but the idea to hang out with yr old buddy duplicated my respect to u, belmonasba, I know that yr friend abu el leil cuddles his parents also, hakaza yakoon al Rejal.
    I saw the trailer of déjà vu and I intend to go, now I insist.

     
  • At Wednesday, January 31, 2007, Blogger قاسم أفندي said…

    مستشكرين ع الرد و"التمرحندي كود" زي دافنشي كود كده .. وايه موضوع الاعلانات دي ؟؟ ما داهية لتكوني بقيتي من قرائي .. يا كسوفي .. شرف كبير ليا يا فندم والله ..

     
  • At Thursday, February 01, 2007, Blogger مصر هى أمى said…

    ايوة خدامه ديه اول مرة ادخل فيها المدونة بتاعتك بجد حلوة اوى بس مش كل الرجالة اتغيرت عندهم صفات الذكورة حتى لو فى نسبة معينة الرجالة اتغيرا علشان المجتمع كله اتغير من اول اكبر راس اللى اصغر واحد شوفى زمان عبد الناصر كان بيعمل ايه كان عامل للبلد كرامة سيبك من التعذيب ايامه لكن المصرى كان ليه كرامة اما دلوقتى ملناش اى كرامة فكان لازم بطل قصتك يكون كده ماهو حاله من حال البلد اللى عايش فيها

     
  • At Friday, February 02, 2007, Blogger ام العيال said…

    هو انا اقدر استغنى بس هي شويه حاجات على محتاجات
    ابقي زوريني


    عامله سحلب
    اسهل في عمله و بلعه
    ابعتلك
    :)

     
  • At Friday, February 02, 2007, Anonymous Anonymous said…

    elmoshkela is not elkhyana elzawgeya
    i think the prolem is loss of principles fe kol 7aga
    zawgeya we mesh zawgeya

     
  • At Friday, February 02, 2007, Blogger zeiad said…

    the problem is not elkhyana elzawgeya
    i think the problem is loss of principles ...
    zawgeya we mesh zawgeya

     
  • At Saturday, February 03, 2007, Blogger عبدالله said…

    بوست جميل يا تمر حنه بس اقدر اصنفه في خانه التهيس بدون اسقاط علي الواقع فمهما تدور الحال فستظل الزوجه هي المكان الوحيد الذي يستطيع فيه الرجال اثبات رجولتهم
    :))))
    ده طبعا بعد ما الحكومات قفلت عليهم اي مكان تاني ينفعوا يعملوا فيه رجاله وبالتالي لسه صعب ان يتخلي عن مكانه الاخير

    تحياتي

     
  • At Saturday, February 03, 2007, Blogger DantY ElMasrY said…

    كل لما افتح مدونتك الاقى قدامى حاجة تتحدانى انى ماكملش لأن بجد عندك قضية وعندك طرح خاص شوية لكن أنا مش هاعلق على كلامك انا هاعلق على soona57ياريت نغمة اننا بنتعرض لغزو ابصر ايه لأننا اتفه من حد يفكر فينا بالغزو احنا زبالة مفاهيمنا عن الوفاء والأخلاص بدائية أو انفرا بدائيةالخيانة موجودة من الأبد وهاتستمر ورد فعل اى طرف عليها متنوع على فكرة جه على بالى ان الرئيس الأمريكى روزفلت كان بيزو مزرعة دجاج فى ولاية كنتاكى ووقف قدام احد العنابر هو وزوجته الزوجة لاحظت ان الديك يعاشر الدجاج بشكل مستمر وحيوية لافته فسألت المختص :كم مرة يستطيع الديك معاشرة الدجاجة فى اليوم فرد المختص :عشرة مرات على الأقل فلكزت الرئيس روزفلت لتلفت نظره فرد الرئيس:لكن يا عزيزتى انه لا يفعل ذلك مع نفس الدجاجة

     
  • At Sunday, February 04, 2007, Blogger جبهة التهييس الشعبية said…

    ليه التشاااااااااؤم ده يا شيييييييييييخة

    ما كل حاجة حوالينا ماشية زي الفل اهو

    ناس مفترية

     
  • At Sunday, February 04, 2007, Blogger www.blogs4arab.com said…


    يسعدنا تشريفك
    www.blogs4arab.com

     
  • At Sunday, February 04, 2007, Anonymous الزرافة الحسودة said…

    أنا أحسدك
    أنا احسدك
    أنا
    أ
    ح
    س
    د
    ك

     
  • At Sunday, February 04, 2007, Blogger الأباصيرى said…

    لألأ مش للدرجة دى يعنى

    انا عارف ان الموضوع ضرب عند بعد الرجالة وبقى فاضلهم عملية ويغيروا اسمهم ويخلوة سوزى، بس مش كل الرجالة كدة

    يعنى لو جيتى دورتى سنة 1934 هتلاقى الست كانت محترمة ولو بس جوزها بصيلها تلاقيها بترتعش

    لكن سنة 2006 ومش هقول 2010 بصى على البنات دلوقتى ياهتلاقيهم تحت الكوبرى ياعلى الكورنيش وطبعا مش قاعدين هناك يصلوا
    وفى الحالة دى مينفعش نقول كل البنات كدة

    أحنا الأتنين (ولاد وبنات) واقفين على حافة حفرة، فى منا اللى وقع ووصل للقاع وفى اللى لسة بيقع وفى اللى واقفين ورافضين يقعوا

    يعنى من الأخر وعلى بلاطة مش كل الشباب مركبين الاريل، ومش كل البنات فى شقق مفروشة

     
  • At Sunday, February 04, 2007, Blogger قاسم أفندي said…

    تمر
    أبقي تعالي زوريني عشان محضرلك هدية كده علي ما قسم بس يارب متكسفنيش

     
  • At Sunday, February 04, 2007, Blogger whyme said…

    انا عجبتنى الالمقارنه بس من منطلق فكاهى
    لانى لا اعتقد ان هذا يحدث الان او حتى سوف يحدث مستقبلاً

    الحكايه دمها خفيف و رمزيه انا عارف بس انا شايف ان دماغ الرجاله متغيرتش خصوصاً مع زوجاتهم
    اما موضوع القرون ده فهو من زمان موضوع استرزاق و متخديش فى بالك

    تحياتى

     
  • At Monday, February 05, 2007, Blogger MAKSOFA said…

    خليكي ايزي احنا في رحله

     
  • At Monday, February 05, 2007, Blogger DantY ElMasrY said…

    انتى معزومة عندى فى المدونة على تاج .ممكن تتفضلى؟

     
  • At Monday, February 05, 2007, Blogger farida said…

    الرلجل الشرقي مهما كان مايعا لا يقبل الخيانه و لا يغفرها

    ممكن يكون في رجاله سايبه ستاتها أو اخواتها او بناتهالبسهم فاضح و ليهم علاقات صداقه و حطي خط تحت صداقه دي

    لكن ان راجل شرقي يدخل يلاقي مراته في اوضة نومه مع صاحبه و يرول معاهم

    صعبه دي

    ده حتى الغربيين
    لسه عنده دم يا شيخه

    انتي مبتشوفيش افلام
    اجنبي
    unfaithful
    ريتشارد جير قتل الواد

    متطلعيش سمعه على الرجاله
    احسن هم سوقهم واقف خلقه
    مش ناقصين

     
  • At Monday, February 05, 2007, Blogger ادم المصري said…

    تعرفي وانا بقرا الملحوظة بتاعتك افتكرت عبد الحليم حافظ وهو بيكلم الجمهور في حفلاته

    الاغنية اللي جاية دي .. عايزة استمااااااع


    هههههههههههههه
    وكانه عايز يقولكهم ركزوا بقي يا اغبية مش كل حاجة رقص

    غالبا ما تجدي في الجمهور المتلقي كل الاشكال وكل الالوان .. فهذا الحال طبيعي بالتاكيد

    ولكن قد يثر ذلك علي نفسية المبدع اذا لم يدق المتلقي ابوابا معينه قد واربها المبدع في عمله منتظرا احدا ان يلج منها

    قد يصب المبدع احيانا بالاحباط من ردود الناس وفي النهاية هو الملام اولا واخيرا فاما ان موهبته ليست بالكفاية او انه عرض الذهب في سوق البعير فلم يعيره احد اهتماما او حتي لم يفهمة احد

    اما بالنسبة لكتاباتك .. فقد رايت فيكي اسلوب مميز جدا ... استخدامك للرمز ولطريقة السرد القصصي عند التحدث في موضوع ما

    فبدل المقال والكلام المباشر الذي قد لا يجد صدي عند بعض المتلقيين فتكون الرسالة مغلفة بقصة لا مانع اطلاقا من احتوائها للطرفة فهو اسلوب احييكي عليه فعلا

    بالنسبة ايضا لهذه القصة بالذات .. لمست فيها نوع من الاهه المكتومة والحسرة علي صفات اندثرت وبات من الصعب استرجاعها

    حقيقة لا نعلم جميعا ما السبب .. او نعلمه ونتجاهل .. لماذا تحول الشباب الي شباب ديوث لا تتحرك فيه الحمية والغيرة حالة انتهاك عرضه

    مهما كان العرض هو زوجة او مال او ارض بل احيانا نجد بعض الشباب قد تحول الي الشذوذ

    وشذوذ في كل شيء الافكار والمعتقدات والتصرفات حتي في الجنس

    لا اعتقد في نظرية ام قمرة هههه هذه التي يروجها البعض حتي نغض الطرف عن اهمالنا وكسلنا وانحدارنا في الهوة العميقة طوال هذه السنين

    فكيف ان تتوالي الاجيال منفذة رؤية او مخطط وضعة الاجداد لتدمر العرب من الاف السنين كيف لعاقل ان يصدق هذا .. ولكني اصدق ن العلم الحديث الذي فتح افاق لم يعد في مقدر العقل العربي اداركها
    جعلت من العقل العربي عقل قاصر علي فهم مجريات الامور

    وبات ينسج حوله الاساطير والحكايات التي تعينه علي فهم امور الحياة وهنا بداية الانزلاق

    احسنت يا تمر
    واني اري انك في تقدم مستمر
    تحياتي

     
  • At Monday, February 05, 2007, Blogger Sampateek said…

    الرجل العصري لا يكتفي بالشجار و النقار فحسب



    و لكنه اصبح يجيد النونوة كذلك


    تحياتشي

     
  • At Tuesday, February 06, 2007, Blogger الدبور said…

    انا قريت ردك عليا دلوقتي و انا بفكر اعاده ترتيب تصنيف المدونات عندي و انا في طريقي لقراءة البوستات السابقه و التي قد قرات معظمها
    و لاتزعلي نفسك يا تمر حنه
    اما بالنسبه لابو الليل فانا قرأت جميع بوستاته وحتي من اسم البلوج نفسه " يأخي ***" طبعا يمكن لفظ دارج بالاضافه الي ان معظم البوستات قد تحتوي علي الفاظ خارجه شتائم و سباب
    ارجو ان تكون وجهه نظري وصلت و في انتظار تعليقك
    تحياتي
    الدبور

     
  • At Thursday, February 08, 2007, Blogger bastokka said…

    الراجل بيعتبر ده تفتيح مخ و فرنجة
    و قالوا في المثل
    الفلاح لما يتمدن يقول لابنه
    بع......ي

    تعالي شوفي جوزي عامل فيا ايه في طهقان و طهقانة


    و انا عملت فيه ايه

     
  • At Friday, February 09, 2007, Blogger تمر حنه said…

    قاسم أفندى
    طبعا بزورك فى الخباسة و بستمتع بكتباتك

    مصرهى أمى
    و لو مشينا بالمعدل ده ..... يالا حصل خيييير

    أم العيال
    ما أحلى السحلب فى هذا البرد القارس ... هاجيلك بس كترى القرفة

    zeiad
    بالتأكيد كثير من القيم فقدت الا فيما ندر

    عبد الله
    ازاى يعنى الزوجة هى " المكان" لاثبات الرجولة ؟ حضرتك بتدى ايحاء مش لطيف يا عبد الله .. الزوجة مش جردل أو مرحاض أو فار تجارب يا سيدى .. أرجوك تخير كلامك

    Danty elmasry
    تفتكر ان طرحى أنا خاص شوية؟ يا عزيزى ..... أنا مالبلد دى .. عموما أهلا بيك يامصرى

    جبهة التهييس الشعبية
    معلش طلبت سواد معايا المرة دى ...

    الزرافة الحسودة
    جميلة جدا أيتها الزرافة أنتى .. طويلة .. صريحة .. أفريقية الموطن .. و حقيقى هذا ماكان ينقصنى فى أصدقائى .. ربنا يوفقك

    الأباصيرى
    مش كلهم .. تلات ترباعهم بس .. أظن نسبة كبيرة برضك

    Whyme
    مش هاخد فبالى .. تحياتى

    Maksofa
    آه صحيح فى رحلة .. يعنى نشيل كولمن ولا نعمل ايه بالظبط؟

    Farida
    بقى ريتشارد جير يتخان؟ و الجدع كان حلو و مستتها .. بس هى كانت عينها فارغة و محتاجة تغير شوية .. بقى ريتشارد جير يتخااان؟

    آدم المصرى
    تحليل أكثر من وافى يا آدم .. سعيدة بتواصلك معى

    Sampateek
    مياااااااو مياااااااااو

    الدبور
    يا دبور .. هنا حيث البعد الرابع و العالم الأفتراضى يجد البعض منّا متنفس للفضفضة .. لترديد ألفاظ كثيرة نرغب فى اعلانها و لكن الكثير من القيود و المحاذير تمنعنا .. أرجوك ركز فى المضمون و الأفكار و سيبك من الألفاظ فأبو الليل مدون فذ .. ذو أفكار ملهمة .. سيبك من نظام المدرسة و حضرة الناظر و ركز مع المضمون هتستمتع.

    Bastokka
    الا لما بيتمدن بيقول لأبنه ايه؟ مش عارفة المثل .. حقيقى – و جاية أتفرج عليكو

     
  • At Saturday, March 31, 2007, Blogger الأرمـوطــي said…

    مقدرش غير انى اقول يا بختة الى هتكونى من نصيبة انا مبعكس والله بس انتى فعلاً اخر سلالة حواء الى من النوع ده انتى زى متكونى فاهمة اية الى مدايق الرجالة ومغص عليهم عيشتهم عمرى مشفت واحدة فاهمة الراجل للدرجة دى على فكرة انتى لما تتجوزى لازم ان شاء الله تجيبى بنات كتير وتربيهم على افكارك دى محدش عارف يمكن الدنيا ينصلح حالها فى يوم من الايام

     
  • At Saturday, March 31, 2007, Blogger الأرمـوطــي said…

    مقدرش غير انى اقول يا بختة الى هتكونى من نصيبة انا مبعكس والله بس انتى فعلاً اخر سلالة حواء الى من النوع ده انتى زى متكونى فاهمة اية الى مدايق الرجالة ومغص عليهم عيشتهم عمرى مشفت واحدة فاهمة الراجل للدرجة دى على فكرة انتى لما تتجوزى لازم ان شاء الله تجيبى بنات كتير وتربيهم على افكارك دى محدش عارف يمكن الدنيا ينصلح حالها فى يوم من الايام

     
  • At Saturday, March 31, 2007, Blogger الأرمـوطــي said…

    مقدرش غير انى اقول يا بختة الى هتكونى من نصيبة انا مبعكس والله بس انتى فعلاً اخر سلالة حواء الى من النوع ده انتى زى متكونى فاهمة اية الى مدايق الرجالة ومغص عليهم عيشتهم عمرى مشفت واحدة فاهمة الراجل للدرجة دى على فكرة انتى لما تتجوزى لازم ان شاء الله تجيبى بنات كتير وتربيهم على افكارك دى محدش عارف يمكن الدنيا ينصلح حالها فى يوم من الايام

     
  • At Sunday, August 26, 2007, Anonymous انوشه said…

    رااااااااااااااائع انت جبت اللي كنت انا عايزه اقوله
    انا دايما كل ما بتفرج علي فيلم قديم اعمنا يوسف وهبي والافلام بتاعه زمااان دي والكلام والحوار الراقي اللي بتكلمو بيه بقول هو ايه اللي حصل اليومين دول حصل كتيييييييييييير خلاص الرجاله دلوقتي تضحكي عليهم بكلمتين وروله وخلاص بس طبعا مش كلمهم ده القله القليله

     
  • At Monday, November 26, 2007, Blogger AdoUra said…

    في حاجات كتير بضع بمرور الوقت
    ويم عن يوم الناس بتتنازل عن مباديء وقيم لدرجه وصلنا ان انت ليه بتعمل الصح ؟ دا كل الناس ببتعمل الغلط يعني هوا انت الفلوط اللي فيهم
    لو كل واحد بص وركز شويه هيلاقي ان بيعمل حاجات غلط وهوا مقتنع انها صح
    طيب انا عايز اركز علي ايه في كلامي دلوقت؟
    ايه الحاجه اللي نقيس بيها الحاجه صح ولا غلط بمعني انا بعمل حاجه من الحاجات اللي انا متعد عليها جدا وكل الناس متعوده عليها
    طيب انا ازاي ابقي متاكد انها صح؟
    لازم لازم يكون في فالكون حاجه اقيش بيها؟
    ما اظنش ان الموضوع يبقي مفتوح للعقل البشري للتقيم لان كدي هنوصل لمرحله من الهرج بشعه .
    انا في راي الدين هوا الحاجه الوحيده اللي ممكن نبني عليها نظم تقاليدنا وعرفنا ودي تبقي حاجه ابنه علي المستوي العام مش بتتغير بتغير الوقت والمكان

     
  • At Saturday, May 02, 2009, Anonymous Blogger Dynamic™ said…

    Assalamu'alaikum..

    Nice blog,

    Display a static image at any of the four corners of your blog, never going out of sight, visit = >>Blogger Dynamic™<<

    Thanks..:)

     

Post a Comment

Links to this post:

Create a Link

<< Home