تساؤلات من وحى... شاكيد
هل هى غلطة اعلاميه وقعت فيها اسرائيل ؟؟
لماذا بعد أربعين عاما ؟؟
لماذا الأعتراف بهذه الجريمة تحديدا دون الآلاف من الجرائم الأخرى؟
هل سيختلف الحال اذا ماثبت أن الأسرى كانوا فلسطنيين و ليسوا مصريين؟
هل نحن بانتظار أفلام وثائقية اسرائيلية أخرى للمطالبة بحقوق أسرى 1956 و 1973و أسرى فلسطين و لبنان ؟؟
هل كان محمد خلف ثاقب الرؤية الى هذا الحد؟؟
هل ستبدأ القناة الأولى ببث فيلم الغريب أم فيلم الرصاصة لا تزال فى جيبى؟؟
Labels: كاسك .. ياوطن
posted by تمر حنه @ 3:50 AM
9 Comments:
At Wednesday, March 14, 2007,
Blank-Socrate said…
تمر حنه خرجنا من الحرملك و هنتكلم فى السياسه انت جوة بس مع الحريم و ابو عيلاء عنده عيلاء عاوزة يربيه يلا ادخلى جوة بلاش كلام فاضى و اخو عيلاء اللى مات هناك ربنا عوضنا فى اخوه اللى اصغر منه
At Wednesday, March 14, 2007,
Blank-Socrate said…
This comment has been removed by the author.
At Wednesday, March 14, 2007,
Soona57 said…
شوفى يا ستى ححاول اجاوبك على اسئلتك بسرعة :
أولاً لماذا يكشف الجانى عن جرائمه ؟ وذلك من باب إن كنت ناسى أفكرك وإن إنتصار 73 ده كان هفوة نادرة التكرار
ثانيا : طبعا الدم الاسرائيلى لا يقارن أبداً فى قيمته بالدم العربى فلا يعقل أن نخد على قفانا في بلدنا ولما نيجى قدام إسرائيل تأخدنا الشهامة ... فلنا الفخر أن نأخد على قفانا من إسرائيل واحة الديموقراطية فى المنطقة
ثالثا فى راى الشخصى هناك وزير خارجية فى وزارة منتخبة منا نسيبه يشوف شغله وأكيد هو رجل كفأ وحيجيب لمصر حقها وإلا ما كناش عيناه فى هذا المنصب
مش كده وإلا إيه !!!
At Wednesday, March 14, 2007,
مصر هى أمى said…
تمر حنة
اعتقد ان اسرائيل اصرت تذيع الفيلم دلوقتى علشان تتعمد اذلالنا وتورينا انها تقدر تفضحنا وتذلنا وان حكومتنا مفيهاش حد يقدر يفتح بقه لانها هيا اللى بتؤمر وتنهى فى الحكومة بتاعتنا
تمر حنة لو انتى عايزة ضغطك يعلا وتتنرفزى هاتى جريدة الدستور النهاردة واقرى مقال ابراهيم عيسى وربنا يعينك ماشى
At Wednesday, March 14, 2007,
البنت الشلبية said…
الجواب سهل اوى اوى ان اسرائيل ملهاش كبير غير مامتها امريكا بيكا والباقى كله ولا ليه ريحة اللازمة ,,,,يعنى من الاخر بتقولنا ,,,آدى الى احنا عاملناه فى اسراكم ورونا بقا هتعملو ايه وآدى دقنى لو عملو حاجة
يلا المهم ان اسرانا كسبوا الشهادة ,,,الدور والباقى علينا هنعيش ونموت واحنا ...ولا بلاش
شكرا على البوست,,,شلبية المهلبية
At Friday, March 16, 2007,
قلم جاف said…
"هل يساوي الدم المصري الدم الإسرائيلي"؟
الإسرائيليون يعرفون أن مسائل الدم "ما فيهاش تكليف عندنا" .. بل إن الدم المصري لا يساوي الدم المصري في كثير من الأحيان.. تذكروا كيف تم كلفتة محرقة قطار الصعيد بينما ظل النواب والصحافة ينوحون على ضحايا العبارة؟
السبب : أن وزراء النقل السابقين من المصطفين الأخيار أعضاء الحزب ، وهم غلابة معهمش إلا نص مليون جنيه يتفرتك في المكتب بتاع رئيس هيئة السكة الحديدية (وقتها) ، أما ممدوح إسماعيل فدة رأسه أينعت وحان وقت قطافها ومعاه إشي وشويات..
بتوع العبارة عليهم تعويضات (يعني يستحقوا تعويضات) إشي وشويات ، أما بتوع القطار فدول عليهم عفريت ، محتاج الشيخ ديفيد كوبرفيلد علشان يصرفه!
وكلنا مجرمييييين ، كلنا ضحاااااايا ، العنب العنب العنب! :(
At Sunday, March 25, 2007,
Khalid said…
tamr 7inna:D
sorry ma fhimtich bizzabt, inti o annie 97ab?:)
At Wednesday, March 28, 2007,
تمر حنه said…
..Khalid ben Jarrar
NO KHALID, I dont know annie before, met her first time at yr blog, I liked her comment , regardless any difference betwen us>>>
sis tamr
At Sunday, July 01, 2007,
Abo Amr said…
يا ستي في رأيي ان كل الحكاية حاجة كده او اختراع اسمه حرية و ديموقراطية و حرية وثائق
كل الكلام ده مش موجودعندنا
بيطلعول الكلام ده بعد كذا سنة عشان الناس تعرف الحقائق او يوهموهم بكدة
الدور و الباقي علينا
لا عرفنا و لا هنعرف اي حاجة
Post a Comment
<< Home