أيوه خدامه

Wednesday, March 21, 2007

سايقة عليكوا النبى .. سيبونا نروَّح


ماذا لو دارت عجلة الزمان إلى الوراء ؟؟ و قٌدر لكى أن تختارى زمنا ما للتوقف عنده.... تُرى أى زمن أيتها المرآة ستختارين و لماذا ؟؟؟ سؤال سُئلته و طُلب منى الأجابة عليه .....

يا سلاااااام لو عدت .. فسأختار وبلا تفكير العودة إلى عصر الحريم ... و سأختار أن أكون السلطانه ...
لا ست الدكتورة ولا الباشمهندزة ...مالها مولاتى؟ مالها ست الكل؟
أنا و للآن مش فاهمة الغرض من نزولنا الشوارع و معاملتنا معاملة الرجالة ؟؟ هى دى المساواة؟؟ طب و ليه ؟ و هو احنا كنا أقل من الرجالة عشان نطالب بالمساواة معاهم؟
كل واحد عنده مجاله و مضماره .. فالمرأة " المفروض يعنى" هى الحته الحلوة فى الأنسانية .. لها مقومات بيولوجية و نفسية و آنسانية متميزة تماما عن الرجل .. مين بس معتوه بيطالب بالمساواة؟؟ هى المرأة يعنى لم تنقش بحروف من كهربة فى التاريخ ؟؟ و دورها الأزلى فى رفعة الأوطان هامشى؟
لآ واضح تماما ان نزول المرآة فى حلبة الرجال حسّن من وضعها و رفع من شأن البلاد ... واضح !!
كل اللى حصل كمية لخبطة و قلب موازين مالهاش حل .. لا الرجالة ارتاحت ..ولا الستات هبطت..
فبعد ما كنا هوانم بنستخدم هودج للأنتقال أصبحنا بنركب ميكروباصات و توكتوك ,, بعد ماكان اللى يرفع عينه عالبلكونة عشان يطل طلة ياخد علقة موت .. أصبحنا موديلز و اللى مايشترى يتفرج .. شفافية.
زمان كانت الحرة حرة و العرة عرة .. كان فيه فرق .. دى هانم .. ودى ..... دلوقتى موضوع التفرقة بين الصنفين محتاج مجهود مرعب ..
زمان كان الرجل فى حياة الست له وضع تانى .. مش عشان هو اللى بيصرف .. لأ .. عشان كان هو السند و الضهر و الأمان الحقيقى .. فكان من حقه ياخد المقابل من احترام و محبة و تقدير يمنعة من التصرف برعونة تجاه مراته و بيته .. أما الآن .. فكل مليم تضعه المرآة فى البيت يسلب أمامه درهم من احترام المرأة للرجل و قنطار حنق من الرجل على المرأة .. و بصورة لا ارادية يُشخِّص الرجل حنقه على المرأة فى صورة هروب من البيت .. عمليا و نفسيا ..و يبدآ "هو" فى التذمر ..و ممارسة ألوان القهر المختلفة على" هى" و هى مش ناقصاه .. فكل ماتبحث عنه هو سند و ظهر و وطن يحتويها .

مين العبقرى اللى أقر بأن نزول المرأة الى الشوارع سيرفع من مستوى الأسرة؟

مين اللى أقر ان قعدة الستات عالقهاوى مع واحد شيشة تفاحة سيعلى من شأنها و تطاول رقبتها رقاب الذكور؟

مين اللى قال ان دخول المرأة مجال التمثيل و الغناء و الرقص سوف يثبت حضارة المجتمع الذى تنتمى اليه؟؟

مين اللى قال ان نزول المرأة مجلس الشعب و المحاكم و الوزارات لن يسحق أمامه أجيال بها أطفال و شباب و مراهقين بحاجة الى أم متواجدة واعية متيقظة .. تراقب و تحاسب و تطبب و تلملم جروح شتى؟

مين اللى قال ان وقوف المرأة فى موقع تبنى برج سكنى لن يهدم أمان طفلة مراهقة ليس لها سوى تلك الأم لتشكو و تبث لها حزنها و تبكى على قدميها و تحرم رضيع من ثدى أمه ؟

و للأسف... سيداتى آنساتى سادتى أصبحت المرأة خاضعة لكمية مهولة من الرجال دون بعلها : رئيسها .. زميلها .. العميل .. حتى عامل البوفية و سواق عربية المصلحة بدعوى "أكل العيش".. و عندما تعود مساءا للبيت .. هى ناقصاه هو كمان ؟؟ مش كفاية طول النهار موطيين لخلق الله ؟؟ و ليها حق يا سى الافندى ماهى بتصرف على عيالك ياوحش .. ألف هنا و شفا .. أوعى تفتح بقك ..و هنا يبدأ مسلسل النكد الأزلى : بتاع شغالين برة و جوة .. وهكذا تذبل المرأة و تنهار و تنبت لها لحية فى بعض الحالات .

...أيها السيدات و الساده المرأة مرأة و الرجل.. رجل ..فى كل الحضارات و الأزمنة .. فالمرأة تلد و ترضع أولادها فى اقاليم دارفور و هامبشاير و نيو يورك سيتى و كوالا لامبور و السنبلاوين و ساوث كارولاينا ... منذ أيام ستنا حواء مرورا بالقوادم كليوباترا و زنوبيا و شجرة الدر و انتهاءا بالفضليات هيفا وهبى و ماريا و شاكيرا ..و قد أخدنا زمان فى الحساب اننا لا نستطيع جمع تفاحة و برتقالة لأختلاف طبيعتهما .. فالتفاحة تفاحة و البرتقالة برتقالة .. لكلٍ منهما خواصها و مزاياها و نكهتها الفريدة .. فاذا لم تكن هناك حاجة قهرية للعمل فلا داعى لعمل الفروت سالات .. فالتفاح يتأكسد و يتغير لونه اذاما انتنزعت قشرته و تعرض للهواء .

شكرا على المساعدات القيمة و الأصوات التى تنادى بالمساواة و لكن ...عفوا نحن لسنا فى حاجة للمساواة فلسنا الأقل ولا الأدنى ..فالمرأة بطبيعتها حققت المعادلة الفيزيائية المستحيلة : ناعمة و قوية و كلها حنية .. و قد أثبتنا ذلك بالفعل و نازعنا الرجال فى كافة مجالاتهم .. ولكن لا نريد أن نصبح جنسا خشنا .. لا نريد أن تجف ضروعنا و تتيبس أرحامنا ..لا نريد أن يضل أولادنا .. لا نريد أن تخطى بناتنا .. لانريد أن تُجش أصواتنا .. لا نريد أن نتحلى بأربطة العنق .. لا نريد أن نصبح مسخا .

تحديث توضيحى لازم

هذه الفكرة .. أو بالأحرى الأمنية ليست نتاج مراهقة فكرية لإمرأة كما أُتهمت فى بعض التعليقات ..أو عودة بالمرأة للخلف .. بل هى قمة النضج الفكرى و الأنسانى و التطور الطبيعى للمنحنى الحضارى
من يعترضون على "حلمى" سوف يرون بأعينهم غدا أن هذه الفكرة هى منتهى الرقى و التحضر.
الجسد الأنسانى (كأى مخلوق) محدود الطاقة .. فاذا أجهدناه بما لا يطيق تعب و أجهد معه الروح و النفس .. و عندما وضع الله على عاتق المرأة وحدها مسئولية " الأحتضان" الأجبارية : فى الحمل و الرضاعة حّملها بمجهود قاسى .. و عندما وضع فى فطرتها الأهتمام و التضحية و ايثار الأبناء على نفسها حمّلها بمسئولية إضافية .. ايضا- و لكن و مع ظهور تلك الطبقة الحنجورية من المعترضين على كل شئ و أى شئ .. بشر يظنون أنفسهم تقدميون و مثقفون و أعلى من الآخرين - بشر يعترضون حتى على الفطرة التى ستستمر رغم أنوفهم – أدخلوا المرأة فى طور جديد يتعارض – غالبا- مع الفطرة فأصابوها بالوهن الجسدى و النفسى .. انعكس وهنها على تابعيها و هم الأولاد و الرجل ...مما أفرز " فوضى انسانية عظيمة"
لم أقصد للحظة أن أبقى فى البيت لأكتفى بتربية العيال و الطبيخ و المسح .. عفوا – فأنا بالفعل أقوم بهذه المهام الى جانب عملى – و ماتجيش شملولة تقوللى أنا مابعملش كده لأنى هقولها تبقى ست ولا مؤاخذه معفنة .. ولا أردت البقاء فى مملكتى لأتزين للرجل و أتحمم له و أتنعم له .. فالمرأة المحترمة تتحمم و تتزين و تلبس بأناقة من دون الرجل ..و من لا تفعل ذلك لنفسها فهى أيضا ست .. معفنة
أنا لن أرتاح فى بيتى من أجل " النكاح" و ضد فكرة أن أصبح خادمة لرجل بل و هذا هو خطى التدوينى منذ بداياتى .. كل ما أريده هو أن : أريح جسدى و أدلله .. أكون أم جيده و متواجده .. أكون أمرأة غير مهانة أو مبهدلة شكلا و مضمونا .. أريد مساحة للحديث مع ابنتى .. أريد أعصابا للحوار مع ابنى .. أريد أن أصلى بهدوء و خشوع .. أريد مقابلة صديقاتى و الخروج معهن براحتى .. أريد أن أزور أمى و أشرب معها قهوة الصباح .. أريد أن أسهر أمام الكمبيوتر حتى الصباح .. أريد أن صحو من نومى غير مفزوعة كل صباح .. أريد أن أستقبل زوجى الشرقى وقت عودته و "أنا" اللى مرتاحة و رايقة .... حتى أتحمل "سخافاته و سطوته الشرقية " دون أن أنهار .... يا بتوع السقافة .. يا بتوع الحريات .. يابتوع حقوق القرد .... دى أبسط حقوق المرأة .. لا أقصد حقها فى العودة للبيت .. لأ لأ لأ .. حقها فى الأختيار .. ما تغلطوش الغلطة الكبرى تانى و تجبروها على الشارع ..زى ما أُجبرت على البيت يوما ما .. اللى عايزة تترشح لمجلس الشعب حرة .. اللى عايزة تسرح بجرجير حرة .. اللى عايزة تربى عيالها حرة .. اللى عايزة تسرّح بناتها حرة ..كل واحدة و قدراتها ..كل واحدة و أولوياتها .. المهم راحة الضمير...فهو أهم من التلميعة الأعلامية و الهيئة الأجتماعية
هو ده المنطق و لا مش هو .. يامتعلمين يا بتوع المدارس ..

Labels:

122 Comments:

  • At Wednesday, March 21, 2007, Anonymous Dr Karim yosef said…

    ya setty wallahi kalamk tale3 fel Sameem w gbty mn el a5er .. bs meen yfham ?!

    3la r2yk, meen ely 2al en el mar2a lazm tetsawa bel ragl, hya asln a2al mno !

    bs hwa 3lshan tdrabi el mogtma3 el shar2i aw el islami, lazm tedrabi el mar2a el awal, w b3d kda .. kolo byo2a3 lewa7do mn 3'er 7aga .. weslet?

    interesting Blog bgad !

     
  • At Wednesday, March 21, 2007, Blogger أُكتب بالرصاص said…

    رغم ان هناك تناقض بين خط وعنوان المدونة وبين هذا الموضوع
    ولكن
    الفطرة
    بتغلب
    وتلافي الست اللي واقفة في مظاهرة بتنادب بمساوة المرأة بالرجل
    وشعرها منكوش وعرقها قالب الدنيا
    تلاقيها لا اردايا تنادي

    "الست ست والراجل راجل"

    لا نقص في الست
    ولا شيء زايد في الراجل

    ولكن فطرة وتركيب كل منها مختلف ،
    بحيث يكمل كل منهما الاخر

    ويسرني في هذا المزنق
    ان اعبر بالشكر للست تمرحنة على عودتها للأصل والفطرة

    كما اعبر عن تحياتي لك ام
    في عيد فايزة احمد
    واخيرا احب اسمع اغنية
    ست الحناين يا حناننايا انت
    طررااااااخ

     
  • At Wednesday, March 21, 2007, Blogger Me2 said…

    وأخيرا حد تاني قالها غيري
    كنت حاسة إني بأذن في مالطة
    بس الحمد لله طلعت وسط ناس فيهم حد فاهم و بيعترف بالحق
    تصدقي بالله إني لما بخرج انا و جوزي لقضاء أي طلب بقينا بنتقرف من كم (النسوان) المرميين في الشوارع
    الانقح في حكاية الشيشة ديه إني شفت واحدة من أصحاب العبايات و اللي بقت بتصنف من افضل مرتديات الحجاب وهي قاعدة حاطة رجل على رجل و لا أجدعها معلمة بتشيش!!!
    مع إنها مش قاعدة قدام جزارة ولا قهوة
    وحدثي ولا حرج عن البنات اللي أقسم بالله ينطبق على مشيتهم قول الرسول عليه السلام مائلات مميلات و(خرقة) مربوطة على راسهم الظاهر دي من الإسعافات الأولية لما بيتخبطوا في دماغهم
    وحسبي الله و نعم الوكيل في أصحاب شعارات تحرير المرأة
    بهدلتونا

     
  • At Wednesday, March 21, 2007, Anonymous نورا said…

    ايه دا نفس اللى بقوله انا عاوزة ارجع البيت ومخرجش كل شوية ومطلعش الأتوبيس ولا اركب التوكتوك واتخانق مع السواق كل يوم
    ويجى جوزى كده محتاج حنانى واحط رجله فى مية نار قصدى ميه بملح ياااا والله المرأة ابتهدلت فى البلد وقال مساواة ايه ومبروك المرأة بقت قاضية طب اصلا المرأة لا تصلح قاضية لا تصلح لا تصلح اهو بس

     
  • At Wednesday, March 21, 2007, Blogger khalid jarrar said…

    y9aba7i ful ya hanim,
    o happy moms day to you, happy moms day to you, happy moms day to tamr 7inna happy moms day to you! :D

    o 3inna fil 3iraq fee kolma tin2al ba3d il post bita3ik:

    la 3ab 7algich, which translates bil 3arabi into: la fo`9a fooki!

     
  • At Wednesday, March 21, 2007, Anonymous nana said…

    رائع يا تمر حنة البوست
    انا الست اساسا خلقت لتكون سيدة فى بيتها اميرة فى مملكتها لكن مين يسمع ومين يقرا احترماى يا جميل

     
  • At Wednesday, March 21, 2007, Anonymous Anonymous said…

    رائع و أكثر من رائع
    أخيرا سمعت صوت يتحدث بالعقل و المنطق عن العلاقة بين الرجل و المرأة و عن أنها علاقة تكامل وأن دور المرأة يجب أن يكون مكمل لدور الرجل .

    أهنئك بشدة على البوست الجميل ده و ياريت تقنعي الجماعة بتوع حقوق المرأة بالكلام ده.

     
  • At Wednesday, March 21, 2007, Blogger maged stephen said…

    تمر حنة
    أنت مش ملاحظة انك لما كتبتى الأكل على الوبور أبقى عشى العيال وخلاص أنا رايحة لمى
    الأغلبية تعلقاتهم كانت فحواها أنها فكرة حلوة وكده وبتاع وشاى بالنعناع
    وانهارده الأغلبية بتأيد رأيك أن الراجل راجل والست ست
    أنتى بقيتى خطر فعلا وأحتمال أبلغ هيئة حموم الانسان
    اما عن البوست ده فيوجد أثنين فى مصر فقط يؤمنون بهذا الفكر
    أنتى وتمر حنة

     
  • At Wednesday, March 21, 2007, Blogger بنوتة من وسط البلد said…

    والله يا تمرمر
    لا كده عاجب ولا كده عاجب

    لو قعدتى فى البيت .. يقولك فشولتى ومتاخرة ومتخلفة ومش مهتمية بنفسك
    انتى فين والستات الى بشوفهم كل يوم فى الشغل فين . الذكية والمتعلمة والى شخصيتها قوية
    وبدل ما تبقى ملكة متوجة .. تبقى حلاوتهم الشغالة فى المطبخ والغسيل وطلبات العيال الى مش بتخلص

    ولو نزلتى الشغل .. تسمعى اسطوانه ايوا يا هانم ما انتى مش مهتمية غير بشغلك ورامية بيتك وعيالك وجوزك


    نعمل فيهم ايه بس .. نووووووووووولع فيهم ؟؟؟؟؟؟؟؟؟

     
  • At Wednesday, March 21, 2007, Blogger The Groom said…


    مية نار

    وناس عايزة تولع

    مممممممم أنا أفضل عايز أحسن

    ليه كل المشاعر المحترقة دي؟

    على العموم لا فض فوك يا من لست بخدامة

    تحياتي من ماناساس البلد

     
  • At Wednesday, March 21, 2007, Blogger Mohamed A. Ghaffar said…

    لا فض فوكى

    بس المشكله دلوقتى اننا كرجله اللى عاوزين مساواه

     
  • At Wednesday, March 21, 2007, Blogger Horas said…

    بداية أسعد بدخولي مدونتك لأول مرة
    كلامك إلي حد كبير فيه شيء المنطقية كلن من وجهة نظري الوتواضعة ان الأمر يحتاج للتوازن بمعني أن المرأة والرجل في الحياة علاقتهم علاقة تكاملية تتفاعل كل منهم مع الأخر في دنيا الحياة لتستقيم ولنسعد ولكن ما يحدث الآن من توحيل المرأة لجسد ومتعة سواء كانت حلالا او حراما هو ما جعلك تشعري بهذا الكلام لكن في وقت مطلوب من المرأة النزول للشارع وتفاعلها في مجتمعها وفي وقت مطلوب مكوثها في بيتها الأمر نسبي ويختلف من حالة لأخري لكن انحرافنا أقصي اليمين وأقصي اليسار دون اعتدال وتوازن ووسطية كما حثنا ديننا ورسولنا هو الذي فعل بنا ذلك
    لكي مني كل الإحترام والتقدير

     
  • At Wednesday, March 21, 2007, Blogger bastokka طهقانة said…

    عصر الحريم اية يا تمتم
    هو في احلى من دواسة البنزين تحت رجل الواحدة مننا
    و تدوس و تشرخ
    اللي انا خايفة منه و قالقني الكلمة اللي قلتيها
    (((حلبة الرجال))))
    السؤال هو الكلمة دي ابيحة و لا اية
    و اين تقع الحلبة دي في جتة الراجل و لا مؤخذة
    ما تبقي تيجي

     
  • At Wednesday, March 21, 2007, Blogger جبهة التهييس الشعبية said…

    ايوة يا تمر حنة

    انا طول عمري باقول موضوع المساواة ده مؤامرة عملها الرجالة علينا عشان يضحكوا علينا وياكلوا عرقنا

    وهي فين المساواة دي ياختشي

    ما بنشتغل زي الحمير برة وجوة وخدامات برضه

    ولعلمك بقى موضوع الصرف ع البيت ده ما خلاش الراجل يحترم الست بالعكس خلى الستات تعامل الرجالة بانصياع اكتر عشان اسم الله على مقامه مشاعره ما تنجرحش انها بتصرف على ولاده الوحش

    والرجالة يا عيني قال نفسه عزيزة وعشان نفسه عزيزة بدل ما يقطع ايده اللي بتتمد على شقا الولية قال عايز يعمل راجل بصوته العالي وساعات بايده الطويلة كمان



    بس فيه مشكلة يا تمر حنة

    الرجالة مفاهيمها اتغيرت

    يعني زمان كان يصرف على البيت ومش حاسس انه محملها جميلة ولا حاجة عادي يعني ده واجبه

    لكن دلوقت بقى اللي بيصرف على البيت كل شوية: انا الراجل في ام البيت ده وانا اللي باصرف ع البيت روحي شوفي الرجالة اللي بياخدوا فلوس مراتاتهم عشان تعرفي قيمتي


    يعني برضه مافيش احسن من قرشك في ايدك بدل ما تتذلي لحد

     
  • At Thursday, March 22, 2007, Anonymous sND said…

    This comment has been removed by a blog administrator.

     
  • At Thursday, March 22, 2007, Anonymous Anonymous said…

    .........
    .....
    ...

     
  • At Thursday, March 22, 2007, Blogger shlapia said…

    مين اللى قال ان نزول المرأة مجلس الشعب و المحاكم و الوزارات لن يسحق أمامه أجيال بها أطفال و شباب و مراهقين بحاجة الى أم متواجدة واعية متيقظة

    وهيا يعنى لازم تكون مجرد بتخدمهم فى البيت ,,فين احلامها وطموحها هيا ولا هيا آخرها تطبخ وتربى العيال

    ايوا تربية العيال مهمة جدا لكن هيا كده بتوهب نفسها للآخرين,,وبتحطم احلامها وطموحها

    ولو على كلامك يبقى بلاش تعليم للمرأة احسن ,,وكفاية نعلم البنت ازاى تبقى ام وخلاص تتجوز وتخلف وتربى وتخدم

    انا عجبانى البلوج بتاعتك بصراحة لكن فى البوست ده اعذرينى انا ضده نهائى

    وعامة الاختلاف فى الرأى لا يفسد للود قضية

    اه وكل سنة وانتى طيبة بمناسبة عيد الام ولانك ام

    سلام

     
  • At Thursday, March 22, 2007, Blogger shlapia said…

    كتبت رد طويل لكن مش مشكلة نكتبه تانى

    يا تمر حنة انتى ست والمفروض انك تقفى فى صف الستات وحقوقها

    يعنى لو الناس اقتنعت بكلامك ده هتبطل تودى بناتها المدراس ويكتفو بتعليمهم ازاى البنت تجوز وتبقى ام وتربى وتخدم

    وكمان فين احلام البنت وطموحها

    خلاص انحصر طموحها فى انها تبقى ام وبس,,ماشى يا ستى الامومة على عينى وراسى ,,
    بس فين المرأة من ده كله في احلامها فين طموحها ومتقوليليش انها بتلاقى طموحها فى اولادها

    ده ضحك على الدقون,,لازم المرأة تحس ان ليها كيان ووجود وانها بتعمل حاجة لنفسها الاول وتلاقى نفسها عشان تقدر تربى اولادها صح,,تربيهم على انهم يعتمدو على نفسهم وانهم يحلموا وازاى يحققو حلمهم

    انا عاجبانى البلوج بتاعتك لكن اعذرينى البوست ده انا ضده

    والاختلاف فى الرأى لا يفسد للود قضية ,,سلام

     
  • At Thursday, March 22, 2007, Blogger shlapia said…

    This comment has been removed by the author.

     
  • At Thursday, March 22, 2007, Blogger تمر حنه said…

    Dr karim yosef
    معلش يا دكتور دى مشكلة عالمية مالهاش دعوة لا بالشرقى ولا بالاسلامى
    كل الستات تعبت فى العالم و عايزة تروح .. تابع المجتمع العالمى و مطالبهم و انت تعرف

    أكتب بالرصاص
    و ربنا أنا لم أحيد يوما عن الفطرة و لكن بالتعايش و الموجود لازم نتزنق فى الحياة .. ماحنا خلاص دخلنا المعترك
    بقولك ايه سيبك من الأحلام اللى فى البوست ده .. و ربنا لأرجع للنغمة القديمة و أكتب بالرصاص يا صنف مايجيش الا بضرب النار .. و بمناسبة مولد الست فايزة .. بقولك من تلافيف قلبى : سيد الحبايب يا ضنايا انت..هتجيبلى جوز الحمام امتى


    Me2
    هو انتى مابنشوفكيش الا فى الأعياد يا ميتو؟؟ كلنا هذه المرأة و اللى تنكر انها عايزة تروح تبقى مش مظبطة .. بس ربنا يكفيكى شر العوز و الحوجة يا ميتو


    نورا
    الله .. تحطى رجليه فى مية نااار .. أد ايه انتى رومانسية يانورا .. بصى المرأة تصلح تكون أى حاجة بس عى حساب حاجة تانية


    Khalid ben Jarrar
    و انت طيب يا بن جرار ..ولا عب حلجك انت .. أنا قريت البوست بتاعك و جايه لك نحكى حكايات كتيره قوى على رواقة .. يا غالى


    Nana
    كل الأحترام لكى


    Anonymous
    انت عارف يا أنونيموسموس ان البلاوى بتوع الحقوق أى حقوق : مرأة .. انسان .. حقوق القرد دول بشرية مرتزقة لا هم لها الا جمع التبرعات و السفريات و الروتر اكت و ريسبشيونات و بس بيسخنوا السواد الغلابة .. عمرهم ماهيقتنعوا


    Magid bin Stephen
    عايزاك شوية ياغالى يابن الغاليين
    أولا : موضوع العركة اللى انت موسطنى فيها : بص : أنا طول عمرى ماليش فى الخناقات اللى فيها ستات .. عايزة طولة بال و كيد و رديح و حركات أنا ماليش فيها زى مانت راسى .. بس ليّا رأى : انت شخصية حادة الذكاء و الفراسة و كوووول ,, مش أى حد ممكن يحتوى دماغك ياماجد .. فلا تتوقع ان الكيميا بتاعتك هاتلبس مع كل البشر .. أنا شخصيا قريتك فى الكومنت بتاعك و ماحتجتش توضيح .. فنصيحتى لك : ماتزودش مع حد مش بالعك من ذات المبتدأ

    ثانيا : البوست ده نعتبره أمنية .. حلم .. تمنى .. بدليل انى كتبتة و نمتلى تلات ساعات و نزلت زى الجزمة عالشغل و كملت اليوم عااادى جدا .. و لو فيه عمر مش هعمل غير كده .. و بعلم بناتى و هشغلهم زى الجزم برضك .. لأن ده لايف ستايل لا بد منه .. و البوست ده فيه تمرد على واقع لا مناص منه .. بالظبط كده زى الفار اللى شرب كاسين و قال: ينعل أبو القطط..
    أما لما أفلمت لهركيايز و سيبتلوا العيال و رحت عند أمى فده ممن يكون طرق لهندلة واقع فعلى و محاولات مستميتة من المرأة ل"دحر" عدوان فاشى من بعض الرجالة الوحشين قلالات الأدب .. فالبوست ده أمنية كلنا نفسنا فيها بس الزمان مش سامح (عولمة و شفافية و كويز و حركات أيّا كاسكليا ) و بوستات هيركليز و نظمى و أبو رحاب و شركاهم دوكهوما: تبع الواقع .. و محاولة تظبيطه و التعايش معه من واقع : حلاوة الروح
    بس بدينك لو انت شخصيا اتعرض عليك تتستت و تقعد فى البيت هتقول ايه؟؟ عينى فعينك كده

    بنوتة وسط البلد
    لأ .. ماهو يانعيش عيشة فل يا نموت احنا الكل .. الشرط نور .. نقعد كلنا ، يعنى يرضيكى نقعد أنا و انتى فى البيت و تيجى واحدة زى كلبوزة سمباتيك ولا جبهة التهييس تعايرنا؟ و نبقى احنا مرنخين فى البيت و هم صايعين طول النهار ياخدوا رجالتنا مننا؟
    ماشى لو ولعنا فى الرجالة و عدموا من على وش الدنيا .. أنا مستعدة نقعد .. ماحنا هانورثهم بقى ..

    The groom
    مانت أصلك مش مالبلد دى .. كتيت على ماناساس و مريح نفوخك (فين ماناساس دى يا كابنشين؟) .. بشوقك
    كل المشاعر المحترقة دى محصلة بلاوى زرقا : تربية و ظروف اقتصادية و تمييز جنسى و عولمة و حاجات كتير .. خليك عايز أحسن


    m.a.Ghaffar
    هههههههه .. بعينكوا ..لازم تلفوا عالمحاكم و جمعيات الحقوق و تتشحططوا ..


    Horas
    يبقى هى اللى تحدد امتى تشتغل و امتى تقعد فى البيت بناءا على تسلسل الأولويات و الغايات و الوسائل و قدرتها الشخصية ..و يتمسك الرجل بدوره ولا يجبرها على سد عجزه على حساب أشياء كثيرة أخرى هى مسئولة عنها ..


    Bastokka
    كان ينقطع لسانى قبل ما انطقها .. بس على ما أسمع يا باساتوك انها تقع مباشرة خلف الطورلوب و الله أعلم .. آه تشرخ رايحة النادى .. رايحه للمزين ..كده ندوس و ماله


    جبهة التهييس المهلبية
    بتوجعيلى قلبى و هو مش ناقص ..دلوقتى آه طبعا لازم ينكسر فايدها قرش .. بس زى ماوضحت للولا ابن ستيفن (انظرى الشكل) اللى بقوله هنا افتراضى .. حلم .. أمل وكده .. طبعا ماينفعش يتحقق طول مالبنى آدمين ملخبطين كده .. محتاج أجيال ورا أجيال عشان يتنيل و يتهبب و يتحقق .. ماتوجعيش قلبى بقى
    أسكتى مش أكتشفت ان فيه راجل كويس و بيصرف على بيته و بيحترم مراته و يقولها يا توتا .. لأ و مش كده بيودى العيال النادى و بياخدها للدكتور .. آه و النعمة ,, بس سمعت انه مات .. ياللا الله يرحمه

     
  • At Thursday, March 22, 2007, Anonymous فلة said…

    ايييييييييييييه
    حطيتي ايدك عالجرح
    يا ريتني اطلع من المكتب ده وما رجعلوش تاني

    عايزة انام براحتي يا جماعة

    اصلا هم فهموا قلة ما بتفهمش من النسوان انهم لازم يطالبو بالمساواة البايخة دي
    والموضوع كمل كده
    مع انهم هم اللي كانو يتمنو يتساوو فينا والله

     
  • At Thursday, March 22, 2007, Blogger قاسم أفندي said…

    من أحلي ما كتبتي
    بس تفتكري رأي جماعة السقافة والفكر المستنير أمثال نوال السعداوي أيه؟
    جايز فعلا رأيك ده بيعبر عن الأنثى داخل مجتمعنا كأغلبية بس للأسف الأغلبية دي صوتها مش طالع
    والصوت العالي فقط لأشباه النساء
    تحياتي وتقديري بجد

     
  • At Thursday, March 22, 2007, Blogger Love & Feelings said…

    رغم اني امراه عامله و عاشقه للعمل و لكني اؤيد كل حرف بل و نقطه في موضوعك . .. و لكن الامنيه دي ممكن تتحقق مع من يشعرك بانكي امرأة و مع من هو كما قلتي سند و ضهر ليك ، اعتقد ان كل امأه تتمنى ان تكون و تظل امرأه ناعمه حنينة و لكن ما يدفعها إلى ما هي فيه هو الرجل للاسف ، فمعظم من يعمل يعمل لكي تهرب من شعورها بسيطره الرجل عليها سيطرته البارده .. نعم لان هناك سيطره تحبها المرأه و تكون دافئه
    احيكي على كلماتك و اتمناها من كل قلبي ان اكون مثل هوانم زمان اصحاب الجلسات الموسيقية و الدماغ المرتبة الشيك .. بس قول للزمان ارجع يا زمان

     
  • At Thursday, March 22, 2007, Blogger Love & Feelings said…

    رغم اني امراه عامله و عاشقه للعمل و لكني اؤيد كل حرف بل و نقطه في موضوعك . .. و لكن الامنيه دي ممكن تتحقق مع من يشعرك بانكي امرأة و مع من هو كما قلتي سند و ضهر ليك ، اعتقد ان كل امأه تتمنى ان تكون و تظل امرأه ناعمه حنينة و لكن ما يدفعها إلى ما هي فيه هو الرجل للاسف ، فمعظم من يعمل يعمل لكي تهرب من شعورها بسيطره الرجل عليها سيطرته البارده .. نعم لان هناك سيطره تحبها المرأه و تكون دافئه
    احيكي على كلماتك و اتمناها من كل قلبي ان اكون مثل هوانم زمان اصحاب الجلسات الموسيقية و الدماغ المرتبة الشيك .. بس قول للزمان ارجع يا

     
  • At Thursday, March 22, 2007, Blogger Horas said…

    بالضبط ما قولتيه هو ما اقصده لان والرجل العاجز عديم المرؤرة الذي يسدد عجزه بزوجته او اخته او محبوبيته
    أضيف أيضا حاجه المجتمع وطبيعة التخصص فمثلا مهمة جدا المرأة المعلمة او المدرسة مهم جدا المرآة الطبيعة همم مثلا المرأة الكوافيرة وما شابه من مهن وأعمال تجيدها المرأة دون الرجل وتساعد بها في بناء ونهضة المجتمع اما أن نتعامل معها كجسد او وسيلة لسد عجز فذاك مزعج
    فكم أحترم المرأة وأقدسها لمخلوقه وكإنسانة

     
  • At Thursday, March 22, 2007, Blogger The Groom said…


    صحيح نسيت أقولك
    ماناساس البلد دي في فيرجينيا المحطة أمريكا المحافظة

    أما بقا المشاعر المحترقة دي ربنا قادر انه يطفيها - وأنا صحيح عايز بس لو لاقيت بنت مشاعرها دي مطفية أو مولعتشي أساسا حتجوزها عالطول

    صحيح كمان انا من مصر و عشت فيها 7 سنين كانو كافيين يخلوني أحبها أوي صحيح أنا كتيت قبل ما مشاعري تحترق بس ولو - مصر هي أمي و نيلها هو دمي لحد ما جالي تسمم

    سلاااااام

     
  • At Thursday, March 22, 2007, Anonymous emo said…

    والله يختى عندك حق مين اللى قال اننا كنا عايزين مساواة وكلام فاضى من ده ..... ياسلام ما احلاها قعده البيت ولا الواحد يصحى من بدرى ويجرى فى الشوارع ويتشعبط فى المواصلات علشان خاطر الشغل ... يقطع الشغل وسنينه .... وياريت بعد ده كله بنعجب ... طبعا لأ بنبقى برضه مقصرين ومش قايمين بواجباتنا ...... انا شايفة ان احلى ما فى الراجل انه يكون رجل بمعنى الكلمة يتحمل المسئولية ويعول الأسرة وأحلى ما فى المرأةرقيقة جميلة وتكون الصدر الحنين لجوزها وأولادها ان تكون امرأة وطبعا ده لا يتحقق لو كانت ياحرام متبدله وطالع عنها فى البيت والشغل
    ربنا يخليكى لينا ياختى .... وتسلملنا ايدك اللى بتكتب كل ما يعبر عنا

     
  • At Friday, March 23, 2007, Anonymous ashrafitsh said…

    الله أكبر....ما يجيبها إلا ستاتها
    عمري مكنت اتصور إني أقول حاجة زي كده بس بجاد عفارم
    خلينا احنا الرجالة قاعدين كده لو حد مننا فتح بقه يبقى عنصري،متحيز للرجالة ضد المرأة و مش بعيد إرهابي
    و جمعيات النسوان المتوحشة تتلم عليه و تضع فيه أسنانها و أظافرها
    آه مهو الستات دلوقتي بيلعبوا مصارعة إنتوا مبتشوفوش إي أر تي رياضة و لا إيه؟
    و ربنا يسامحوه قاسم أمين افندي اللي حرر المرأة.. حررها عالآخر إذا مش مصدقين اتفرجوا عالبنات في كل حتة في الجامعة والمولات أو شوفوا كام كليب كده تفتكروا سفاح المعادي ممكن يخليهم يتلموا؟؟؟؟؟!!!!!
    عقبال ما يتحرر الرجالة و يرجعوا زي زمان
    و يا رب يرزقنا بواحدة عايزة زمن الحريم برده و متقولش زمن الرجالة انتهى و أنا زيي زيك

     
  • At Friday, March 23, 2007, Blogger الأرمـوطــي said…

    ينصر دينك ...يسلم فمك وتسلمى....عظمة على عظمة على عظمة ياست الكل ...يااااااااااااه على النعمة انتى بتفهمى والله انتى عاقله الواحد من زمان نفسه يشوف واحدة عاقلة الحمد لله ربنا نولهالى قبل مموت..معلش لو كنت دخلت كده من غير مخبط بس والله ده من فرحتى

     
  • At Friday, March 23, 2007, Blogger الأرمـوطــي said…

    ينصر دينك ...يسلم فمك وتسلمى....عظمة على عظمة على عظمة ياست الكل ...يااااااااااااه على النعمة انتى بتفهمى والله انتى عاقله الواحد من زمان نفسه يشوف واحدة عاقلة الحمد لله ربنا نولهالى قبل مموت..معلش لو كنت دخلت كده من غير مخبط بس والله ده من فرحتى

     
  • At Friday, March 23, 2007, Blogger الأرمـوطــي said…

    ينصر دينك ...يسلم فمك وتسلمى....عظمة على عظمة على عظمة ياست الكل ...يااااااااااااه على النعمة انتى بتفهمى والله انتى عاقله الواحد من زمان نفسه يشوف واحدة عاقلة الحمد لله ربنا نولهالى قبل مموت..معلش لو كنت دخلت كده من غير مخبط بس والله ده من فرحتى

     
  • At Friday, March 23, 2007, Blogger الأرمـوطــي said…

    ينصر دينك ...يسلم فمك وتسلمى....عظمة على عظمة على عظمة ياست الكل ...يااااااااااااه على النعمة انتى بتفهمى والله انتى عاقله الواحد من زمان نفسه يشوف واحدة عاقلة الحمد لله ربنا نولهالى قبل مموت..معلش لو كنت دخلت كده من غير مخبط بس والله ده من فرحتى

     
  • At Friday, March 23, 2007, Blogger الأرمـوطــي said…

    ينصر دينك ...يسلم فمك وتسلمى....عظمة على عظمة على عظمة ياست الكل ...يااااااااااااه على النعمة انتى بتفهمى والله انتى عاقله الواحد من زمان نفسه يشوف واحدة عاقلة الحمد لله ربنا نولهالى قبل مموت..معلش لو كنت دخلت كده من غير مخبط بس والله ده من فرحتى

     
  • At Friday, March 23, 2007, Blogger الأرمـوطــي said…

    ينصر دينك ...يسلم فمك وتسلمى....عظمة على عظمة على عظمة ياست الكل ...يااااااااااااه على النعمة انتى بتفهمى والله انتى عاقله الواحد من زمان نفسه يشوف واحدة عاقلة الحمد لله ربنا نولهالى قبل مموت..معلش لو كنت دخلت كده من غير مخبط بس والله ده من فرحتى

     
  • At Friday, March 23, 2007, Blogger الأرمـوطــي said…

    ينصر دينك ...يسلم فمك وتسلمى....عظمة على عظمة على عظمة ياست الكل ...يااااااااااااه على النعمة انتى بتفهمى والله انتى عاقله الواحد من زمان نفسه يشوف واحدة عاقلة الحمد لله ربنا نولهالى قبل مموت..معلش لو كنت دخلت كده من غير مخبط بس والله ده من فرحتى

     
  • At Friday, March 23, 2007, Blogger الأرمـوطــي said…

    ينصر دينك ...يسلم فمك وتسلمى....عظمة على عظمة على عظمة ياست الكل ...يااااااااااااه على النعمة انتى بتفهمى والله انتى عاقله الواحد من زمان نفسه يشوف واحدة عاقلة الحمد لله ربنا نولهالى قبل مموت..معلش لو كنت دخلت كده من غير مخبط بس والله ده من فرحتى

     
  • At Friday, March 23, 2007, Blogger الأرمـوطــي said…

    This comment has been removed by the author.

     
  • At Friday, March 23, 2007, Blogger الأرمـوطــي said…

    This comment has been removed by the author.

     
  • At Friday, March 23, 2007, Blogger الأرمـوطــي said…

    This comment has been removed by the author.

     
  • At Friday, March 23, 2007, Blogger maged stephen said…

    العزيزة تمرمر
    فى الواقع لأ لأ مش البحر مليان قواقع
    بالنسبة للموضوع اللى طلبته منك أنا بأشكرك على الاهتمام وعلى المشاوير الى مدونتى لكن يا تمر حنة أنا لم أكن أقصد أطلاقا أنك تتدخلى علشان تصالحينا بل فقط تعرفين ماذا كتبت وتقوليلى رأيك بصراحة هل أنا غلطان؟ هل أنا متعمد اهانة؟ وهذا ما كنت أرجوه فقط يعنى بالتأكيد لن أهتم بالتواصل المستقبلى مع شخص من هذه النوعية
    أما بالنسبة للبوست والتوضيح اللى انت رديتى على به فأنا عايز أطمنك أنى هارش من غير توضيح وبالنسبة لسؤالك عن ماذا سأفعل اذا جائتنى الفرصة عشان أتستت؟ فأحب أعرفك وأنا برضه عينى فى عينك بناءا على طلبك أن الفرصة جات لى أكتر من مرة وعلى سبيل المثال عروسة أصغر منى بحوالى 5 سنين عندها فيلا وفيها حمام سباحة ووارثة كمان لوكة فلوس وعايزين واحد يشارك بمجهوده واحنا بنشترى راجل وطبعا انا رفضت الليلة بتاتا تقولى أيه بقه يا أختى
    رجالة غاوية فقر

     
  • At Friday, March 23, 2007, Anonymous أزئوزة said…

    يادي نغمة البيت والغيط اللي كل شوية نعزفها ، وبتنشـِّز مننا
    مائلتلك ئبل كدة ف بوست "الصراحة راحة ، وانت مابتعرفش" . فينك ياأوسة عشان تؤيديني ؟
    عموماً زي مائالت شلبية : البتاع دة مايفسدش للبتاع دة قضية

     
  • At Friday, March 23, 2007, Anonymous أزئوزة said…

    إيه إيه ؟
    Your comment has been saved and will be visible after blog owner approval !!
    و دة من إمتى ياروح خالتك ؟
    طب استني عليَّ

     
  • At Friday, March 23, 2007, Anonymous ملتزمة said…

    الأخت المحترمة تمر حنة
    جازاك الله كل خير يا أختي وأكثر من أمثالك المدافعين عن الحقوق الحقيقية للمرأة. يطالب الإباحيون بتحرير المرأة ولا يعلمون أن الله قد كرم المرأة ورفع عنها عبء العمل الذي لا طاقة لها به, خصوصا في مثل شوارع مصر التي خلت من الأمن والأمان وإنتشر فيها الخارجون عن شرع الله مثل الخلايا السرطانية المفزعة. فالأصل في المرأة هو القرار في البيت، وعملها خارج بيتها خروج عن هذا الأصل، فمهمتها الأساس أن تكون راعية لأسرتها مربية لأطفالها ، والشرع قد تكفل لها بضمانات تجعل بقاءها في بيتها عزا لها وكرامة ، ومن ذلك إيجاب النفقة على الرجل، وإسقاط بعض الواجبات التي تسلتزم الخروج كصلاة الجماعة، والجهاد، والحج إذا لم يتيسر لها محرم.

    انا متزوجة من رجل تقي يعرف الله جيدا لذلك أنا لا أتحرك إلا معه أو مع أخي أو ابني الذي لم يتعدى العاشرة من العمر لكني والله لا اسكن إلا لوجوده جانبي أينما ذهبت. قررت منذ سنوات أن أترك العمل -كنت أعمل طبيبة- وابقى في منزلي لأربي أبنائي على طاعة الله ومحبته. صارت حياتي أشبه بتلك الحياة التي تحلمين بها وتتمنيها لنفسك وللنساء من بنات دينك. أنظف منزلي واطعم ابناءي من خير الله وأنتظر زوجي لأسعده وأدللة وأرتدي له ما غلا ثمنه وخف وزنه لتمتع كل منا بالآخر في الحلال. صديقاتي مثلي ايضا, نقضي وقتنا في تنعيم بشرتنا وتكحيل عيوننا وتستفيد كل منا من خبرات الأخرى فصرن أقرب لي من أمي وأختي اللتان تصران على العمل والإختلاط بالرجال رغم نصيحتي لهما. تقول أختي أنها مضطرة للعمل لأن دخل زوجها لا يكفيها. ليس هذا إلا طمعا. المسلمة الحقيقية هي التي لا تخالف شرع الله ولو ماتت وأولادها جوعا. كما أن الله هو الرازق بغير حساب. حاولت أن أقنعها أكثر من مرة بأن ضيق رزقها ماهو إلا غضب الله عليها لخروجها عن صحيح الدين لكنها لا تسمع.

    اكتب لك عن تجربتي لأخبرك أن حياتي تغيرت كثيرا يعد هذا القرار, فبشرتي صارت أصفى وصحتي وزوجي وأولادي صارت أفضل بكثير. ماذا تريد المرأة منا أكثر من ذلك في الحياة؟



    جازاك الله كل خير مرة أخرى واسمحي لي أن اعبر عن إعجابي بكتاباتك الهادفة وموقعك الرائع.

    لكن اسمحي لي بالتدخل في شؤونك الخاصة إذا سمحت لي -طبعا- بذلك.. احببت بالطبع أن تكون الصورة الأساسية على موقعك هي صورة لفتاة منقبة ملتزمة بدينها. لكني أرى أن في نظرتها شيئا ما من الطيش ربما أو التلاعب. اعذريني فأنا والله لا أقصد إلا تنبيهك ليس أكثر. فحجاب الله ليس لعبة ولا يصح للمسلمة الحرة أن تنظر بمثل نظرة الفتاة في الصورة.

    السلام عليكم ورحمة الله وبركاته

     
  • At Friday, March 23, 2007, Blogger أحمد said…

    يعنى طبعا حذفك لتعليقي تصرف فعلا غير محترم، لكن انت حرة وعموما انا لى مدونة اعرف احط عليها تعليقي كويس واحط رابط للمدونة بتاعتك وللتدوينة المستفزة دى

     
  • At Friday, March 23, 2007, Anonymous كسمك said…

    This comment has been removed by a blog administrator.

     
  • At Saturday, March 24, 2007, Anonymous Anonymous said…

    بحار البحارين : انا بصراحة حابب اكون على علاقة بالاخت الملتزمة التي كتبت التعليق و مع صديقاتها الذي سبقني فمجموعة من الاخوات الخاشعات التقيات يجلسن مع بعضهن البعض مستسلمات لقضاء الله و قدره يتحدثن في فنون النتف و انجع السبل لاغواء ازواجهم او حتى لاغواء بعضهن جو سكسي جميل عالاخر ذكرني بالوقت اللطيف الذي كنت اقضيه مع مجموعة من زميلات الدراسة نتحدث انا و صديقي الذي انتحر معهن في نفس المواضيع تقريبا في شقة احداهن مع فارق انهن لم يكن ملتزمات و تقيات و انما سافرات متبرجات و الله اكبر و لله الحمد

     
  • At Saturday, March 24, 2007, Blogger Wild at Heart said…

    و ليه مانبصش على شغل المرأة انه استقلال و تنفيس عن الطاقة و اثبات الذات و اكتساب خبرات؟
    انا رأيى ان اللى عايزة تشتغل من حقها تشتغل,و انا شايفة انها تشتغل احسن عشان تقدر تعمل الحاجة اللى بتحبها(التدريس مثلا) و ده حاينعكس على أسرتها لأنها حتبقى سعيدة و حاسة انها ايجابية و منتجة مش بس بين الأربع حيطان لكن كمان فى المجتمع كله.
    قدرى انها اتطلقت و جوزها رماها فى الشارع هى و العيال, و ده بيحصل يااااااما فى الطبقات الفقيرة, مش يبقى معاها قرشين احسن تعرف تدبر بيهم امورها بدل ما تسأل غير الله؟
    افرضى واحدة اصلا ماتكتبلهاش تتجوز او جوازها اتاخر, مش الأحسن انها تنزل تفيد الناس و تفيد البلد و تفيد نفسها بدل ما هى قاعدة من التليفون للتليفزيون للكمبيوتر للسرير!!!
    اما دينيا لو كان الشغل مضر للمرأة كان ربنا حرمه عليها, وللا ايه؟

     
  • At Saturday, March 24, 2007, Blogger تمر حنه said…

    SHALAPIA
    ليه نغمة صف الستات و حقوقها دى؟ صف الستات قوى من غير ما حد يقف لها و حقوقها مش اننا نحرضها على شئ .. أى شئ
    حقوقها اننا نمنع الرجل الشرقى من اساءة معاملتها و تحميلها فوق طاقتها بالتزامات لا ترغب فيها : سواءا كانت شغل أو قعدة فى البيت
    أنا ضد ان الست تنزل مرغمة تشتغل عشان تصرف على البيت بدل الرجل أو معاه .. هذا الى جانب واجبات داخلية فى البيت
    هى عايزة تنزل و الشغل بالنسبة ليها متعة و تحقيق ذات .. حقها تنزل .. ظروفها الخاصة ماتسمحش و عايزة تفضل فى البيت تفضل
    اللى عايزة أقوله هو عدم أرغام المرأة لعمل أى شئ دون رغبتها الشخصية ..
    أنا مش هتكلم شوفى معظم تعليقات الستات .. برضة مجبرين و مرغمين على شئ ضد راحتهم ..

    فله
    اللى عايزة تشتغل هى حرة و اللى مش عايزة هى حرة برضه

    قاسم أفندى
    نوال زينب (السعداوى سابقا) و والدة منى نوال(حلمى سابقا) رائدة الأستنارة المصرية ماهى الا افراز ماسخ لما يساوى تحرير المرأة من الرق .. و رغبة الأنسان من التحرر من النصوص الشرعية و الكتب السماوية .. و الشذوذ عن أى مألوف .. فلا تعجب اذا مانادت بخروج المرأة للعمل من باب التحدى و المكابرة فقط .. ولو على حساب المرأة نفسها و ضد رغبتها و راحتها .. قمة التعصب و الحماقة

    LOVE & FEELING
    هناك فرق شاسع بين العمل للمتعة .. العمل كأوبشن .. و بين الأشغال الشاقة و الدهولة .. ف ديفولت الفطرة للمرأة هو الرحرحة ..و لكن – كما قلتى – التحدى الذى فرضه الرجل عليها سواء كان فى الشرق أو فى الغرب فرض عليها لعبة التحدى و محاولات اثبات الذات ..

    HORAS
    هو فعلا اللى انت بتقوله ده يا حوراس؟ من قلبك يعنى و لا كلام للنشر؟ أصل مزضزع تقديس المرأة كمخلوقة و انسانه أصبح شئ نادر جدا فى الشرق ..سؤال فى سرك : انت مرتبط؟

    The groom
    عايز تقنعنى انك عشت فى مصر 7 سنين بس؟ يافتى !!

    Emo
    و آدى ياخوانّا مثال حى عاللى بقوله .. المرآة فى العالم كله .. مش فى مصر بتشتغل بسبع ايدين و ليها تمن رجلين و مخين و تلات قلوب و تسع عينين .. يعنى عدل ولاّ ظلم ؟

    Ashrafitsh
    ماينفعش سا أشرفيتش ان جنس يتكلم بلسات جنش آخر لأنه مش هيقدر يعبر بدقة عمّا يشعر به .. ثم الرجل ممكن يتهم بان ليه مصلحة فى مطالبه .. و على رأيك بقى طالبوا الرجالة انهم يرجعوا رجالة بنخوتهم و جدعنتهم و حنيتهم و محاباتهم لبيوتهم و عيالهم و فوق كده .. يرجعوا لعزة النفس و عدم السماح للست بالأنفاق .. كلمة فسرك الراجل لما بيسمح للمودام تحط ايدها فجيبها شكله بيتهز أوى قدامها

    الأرموطى
    ياخويا خش من غير ماتخبط .. هو انت غريب .. بس انت انفعلت كده ليه؟ عموما بيتك و مطرحك بس و النبى تقول للزملاء انك انت اللى شلت التلات كومنتات اللى تحت لحسن جالى جواب من مجهول مبهدلنى و بيقول انى بشيل التعليقات اللى مش على كيفى ..

    Mageb ebn Stephen

    انت تغلط يا ماجد؟ ده الأدب ماجد و الأخلاق ماجد .. و ربنا
    و لأ انت مش غاوى فقر .. بس مؤخرا أختلف مفهوم الرجولة و النخوة فى ظل فوضى الأخلاقيات .. بس ياماجد دنت بتقول بسيم و كده .. اخص عليك كنّا ناخد العيال يبلبطوا هناك ..خالص مالص تقديرى و احترامى

    أزئوزة
    لأ يا أزئوزة .. ماكى عايزة البتاع يفسد للودكل القواضى و اخلص منك و من قلبة دماغى فساعة واحدة..مانتى شغالة شغلة روقان و مزاج عالى .. ماشى يا أوزّة؟ و بعدين أنا عملت التحكم فى التعليقات دى عشان بعض الأخوة الموش مؤدبين شتمونى و جابوا سيرت مامتى و انتى عارفة ان ده مش موصوع مطروح للعامة .. عموما أنا سايبة عينة صغيرة تحت عشان محدش يزعل منى و يفتكرنى بصادر وجهة نظره

    الملتزمة
    لى وجهة نظر فيما ذكرتى : الخطاب الدينى المباشر الذى تنتهجينه – عفوا- لا يصلح لهذا الزمان ولا المكان .. لا خلاف على ضرورة الأذعان لما أمر به الله و الألتزام بالشرع .. و لكن أختاه .. انت أمرأة ربنا كرمك برجل يتقى الله فيكى و فى بيته و أولاده و يقدر ما ضحيتى به من أجله .. و ده مش واقع معظم النساء بما فيهن أمك و أختك
    .. هل أمرنا الدين بالتواكل؟ هل أمرنا بأن نترك أولادنا يتضورون جوعا أو يعيشون دون مستوى أقرانهم؟ ما الحرام فى عمل المرأة حتى تسد عجز زوج عاطل أو بخيل ؟ الدعوة منى هنا كما هو واضح من العنوان الموجه للرجال : أرجوكم قوموا بواجباتكم تجاهنا و أولادكم حتى لا تضطرونا لبذل جهد مضاعف لتعويض تقصيركم .. المرأة التى أقصدها هنا مش المرأة اللى مصره تحتك بالرجال .. ده مش الأساس بالمرة .. طب و ازاى ربنا يرضى اننا نترك ولادنا يموتوا جوعا؟؟
    أنتى فهمتينى غلط .. أنا لا أحلم بمثل حياتك بالمرة بالمرة بالمرة .. تقتصر كل حياتى على طبيخ و كنس و مسح و انتظار للباشا أدلله و أسعده و ألبس له و يوم ماأخرج أخرج فى حما أبنى أبو عشر سنين ؟؟؟؟؟؟؟ دانا يجيلى انهيار عصبى حاد .. و أنا و صحابى مالناش سيرة غير ازاى نهنن أزواجنا و نكحل عيوننا.. بقى ده كلام يا أختاه ؟؟ هو ده الدين يا أختاه؟؟ فين السيلف استيم يا دكتورة (تقدير الذات) فين هواياتى الشخصية؟ فين آرائى ؟ فين شخصيتى؟ فين أنا؟ .. هو احنا يا نشرّق يا نمرّق .. و على رأى أزئوزة الخلاف فى البتاع لا يفسد للود قضية .. بالمناسبة لى سؤال : ماذا سوف يكون موقفك اذا ما طلب زوجك الزواج بأخرى ؟؟هل ستظلين على موقفك أم ماذا؟ بانتظار ردك
    _____________________________________________________________________
    الكومنتين الأخيرين فقط تركتهم أحتراما منى للرأى و الرأى الآخر .. و إيمانا منى بضرورة عرض كل وجهات النظر و عدم احتكار الحريات .. تركتهم لنتعرف على نوعية المنتفعين بالتزنيق فى الستات و الأحتكاك بهن فى أدنى الصور .. أما اللى أسمه أحمد ده فلا يستحق منى أى اشارة لوجودة من أصلوا ... هو لا رأى و لا رأى آخر.. جتكوا القرف مليتوا البلد انتو التلاته
    _____________________________________________________________________

     
  • At Saturday, March 24, 2007, Blogger تمر حنه said…

    WILD AT HEART
    عداكى العيب و ماختلفناش ..

     
  • At Saturday, March 24, 2007, Blogger nilerebel said…

    كويس انك اتكلمتى عن حاجه مسكوت عنها بس الموضوع عايز شوية تدقيق ومراجعه لحاجات كتير اوى فى حياتنا وهى ازاى بدات وازاى دخلت حياتنا من الاساس يعنى موضوع حقوق المرأه ازاى بدأ ؟ بعد الحرب العالميه الاولى والتانية قتل ملايين من البشر " تقريبا 60 مليون حسب بعض التقديرات" كان اغلبهم من الشباب الا فى قوة العمل ولما الحرب خلصت فى اوربا كانوا محتاجين لاعادة البناء ومحتاجين لقوة بشريه وهنا اجبروا المرأه على الخروج من بيتها لدرجة ان فى روسيا مثلا " فقدت عشرين مليون فى الحرب العالميه التانيه " المرأه عملت فى مناجم الفحم وفى كل الاعمال الشاقه .يعن عندهم خروج المرأه كان اجبار وليس اختيار ولما المرأه وجدت نفسها رغما عنها تعمل نفس عمل الرجل فكان طبيعيا ان تناضل من اجل المساواه .كل الحاجات دى اصلا ما حصلتش عندنا احنا اخدنا بس دعوات المساواه بدون التعرف على خلفياتها .

     
  • At Saturday, March 24, 2007, Blogger أحمد said…

    طيب ليه كدا يا تمر حنة؟

    طيب هقولك على حاجة ابعتى لى عنوان بيتك وحددى المهر اللى بابا ممكن يطلبه فيكى وانا اجى اخطبك واصالحك واتجوزك

    انت فعلا زوجه صالحة وانا ولد متريش وممكن اعيش في نعيم بشرط انك كل دا يكون في الحلال وتدلعنى وادلعك

    ها قلت ايه موافقه تتجوزينى؟

     
  • At Saturday, March 24, 2007, Blogger الأرمـوطــي said…

    انا متشكر ليكى يا تمر حنه بس انا والله مشلتش غير كومنتاتى انا بس لان ارسال الكومنت علق عندى وقعدت احاول ارسله كتير وفى الاخر لاقيت الكومنت بتاعى اتبعت ولا ميت مره فحاولت اشيل بعض الكومنتات الزيادة عشان شكلهم وهما متكررين كده مش لذيذ بس صدقينى انا ممسحتش كومنتات حد غيرى
    وانا اسف لو كان سؤ التفاهم ده سببلك مشكله تحياتى ليكى

     
  • At Saturday, March 24, 2007, Anonymous Marwa Abd Allah said…

    ما انتي اخرك خدامه صحيح

    ادام انتي مالكيش الا في الخدمه عامله بلوج و بتعبري عن رايك ليه؟
    يا خدامه؟ ارجعي مطرح ما جيتي للمطبخ و المسح
    و سيبي الي بيفهمو يكتبو

    مكانك تنضيف الزباله و الاوساخ
    وتبسطي سيدك وبس
    ؟؟
    دورك الوحيد في الحياه الخدمه
    مين الي اداكي الحق تكلمي عن المرأه يا واطيه يا وضيعه
    اخرك ترضعي عيال و راجل
    اتفو عليكي
    فعلا جاموسه

     
  • At Saturday, March 24, 2007, Blogger يعقــــوب .... said…

    هى ده الفطرة السليمة و عمرها ما كانت الأفكار ده أفكار رجعية و قديمة بالعكس ده أفكار كل الأزمنةو لا حتى افكار تقل من شأن المرأة و توقف نموها ده بترفع منها و تخليها أمل و طموح للرجل ...و يا بنتي ينصر دينك و يعلي صوتك يا رب

     
  • At Saturday, March 24, 2007, Blogger يعقــــوب .... said…

    انا مش عارف كنت كتبت تعليق و مش لايه,بس مش مشكله انا اريت البوست كذا مرة لأني مكييف جدا من الكلام ده و كلام الطبيعة و الفطرة البتخلي المرأه أمل و مبتغى و المستحيل للرجل.المرأة العربية الأصيلة المتعلمة الواعية المتحضرة الكانت موجودة زمااااااااان

     
  • At Saturday, March 24, 2007, Blogger Sampateek said…

    اختشي اختشي مالك ناكشة شعرك لية و كانسة السيدة على مين؟
    تعالى ندخل اله الزمن و نرجع العصر الحجري عند كسوبي دو واحلى حاجة في العصر ده المرزبة الكبيرة اللي بتطلع في الكرتون
    علشا لمانظمي يهلضم ياخد واحدة تحوله للعصر العصافيري
    الارموطي فاضلك كومنت و تاخد 75 قرش

     
  • At Saturday, March 24, 2007, Anonymous Anima said…

    تسلم إيدك يا تمر حنة

    ربنا يكملك بعقلك و أشوفك في بيت العدل إنشاء الله
    :)

     
  • At Saturday, March 24, 2007, Blogger Noony said…

    السلام عليكم ورحمة الله وبركاته
    تمر حنة

    بجد بجد...جبتي من الآخر...أنا نفسي برضه نرجع تاني لزمن الحرملك والسلاملمك...ونفصل بين القوات..البنات والستات ليهم مملكتهم وعايشين حياتهم السعيدة من غير بهدلة الشغل والمواصلات وقلة القيمة اللي بتحصل دلوقتي....والرجالة يشتغلوا ويتهدوا طول اليوم عشان لما يرجعوا يبقوا تعبانين ومامايجوش جنبا ولاحتى يكلمونا
    بس قول للزمان ارجع يا زمان
    الله يسامحك يا قاسم يا أمين..هو حد اشتكاله الرجل دة؟ يجي يشوف البهدلة والشحططة اللي احنا فيها دي!!!ويا ريته عاجب
    حسبنا الله ونعم الوكيل

     
  • At Saturday, March 24, 2007, Anonymous Dr Karim said…

    salam alikum ..

    1st of all, kol wa7ed byban mn his/her reply, so dont upset mn el nas elly bt7ot comments rude w eza kant btdol 3la 7aga fa hya btdol 3la elet el adap wel nafsana !

    2nd,
    i guess you didnt understand el comment beta3 'Moltzma' .. try to read it again w shoofy kda..
    mazonesh en el m3na ely t2osodo enha tshraa2 5les, bel 3aks, bs hatedy le gozha w betha mesa7a akbar shewaya mn elly el stat bydoha el yomen dol lel beet . .
    m3a kda bardo htrya7 nafsaha mn el t3ab, w hta7fez 3la nafsaha, w htnami hewaytha w m3arfha ..

    3lshan mafish ragel by7eb el set elly dm3'ha fadya .

     
  • At Saturday, March 24, 2007, Anonymous Anonymous said…

    kedah ya tamrhenah shamety el regalah fena we raga3tena met sanah lewarah.....tab mahy aked el ra7ah 7elwah bas ely ana mota2kedah menoh in ay insanla yamlek 7oretoh wala karamtoh ela iza malak estklaloh el mady we el ma3nawy. we mosh 3arfah law wa7dah gozha talakha wala etgawez 3aleha wala 7ata mat hate3mel eh

     
  • At Saturday, March 24, 2007, Anonymous Anonymous said…

    shamety fena el regalah ya shekhah menek lelah.we raga3tena met sanah lewarah.ana kont mo3gabah beky gedan bas ya khosarah zaharty 3la 7akektek fe3lan de afkar khadamen

     
  • At Saturday, March 24, 2007, Anonymous Anonymous said…

    tamr hena ya 7abibty.entyaked 3ayanah.hya el 7ekayah bel basatah de.enty kalamek ma7sob 3aliky .hwa eh el 3eeb fe in el set tokaf ganb zawgaha we tesharkoh fe kol 7agah bas hwa kaman lazm yeshel mas2olyet el beet ma3aha .fa el regal kawamon bema ma yonfekon men amwalahm wa anfosahom .ya3ny el ragel ely yafred 3la meratoh tesref 3la el beet lazm hwa kaman yatanazel 3an el kewamah shewayah.wala eh ya 7elween

     
  • At Saturday, March 24, 2007, Blogger shlapia said…

    عيب اوى يا جماعة الناس الى بتشتم دى ,,امال فين ثقافة الاختلاف

    وبعدين دى واحدة بتعبر عن رأيها الخاص فى البلوج بتاعتها يعنى احنا الى بنييجى نقرالها ونرد بأدب واحترام عليها سواء متفقين معاها او مختلفين

    بجد عيب عيب,,,الناس الى شتمت اظهرت ثقافتها بجد حاجة تكسف

     
  • At Sunday, March 25, 2007, Anonymous Anonymous said…

    habeebet alby
    tesadda2y bellah? ana ba2aly 36 sana 3ayza arawa7,,,,, teegy ne3mel galset ta2amol fo2 el sotoo7 we negeeb el gaz wel fallaya we el assab? allah yer7am ayam el sotoo7 we farag we om a7mad shakman .el hanem el soghayara be3afya we me7tageen el gardal wel safenga.
    ana khaltek yamma

     
  • At Sunday, March 25, 2007, Blogger The Groom said…


    آه ولو مش مصدقاني مش ححلف برضو

    بس أنا فعلا عشت في مصر 7 سنين من 99 الى 2006 بس و قبليها و بعديها مسافر

    ربنا يصلح الحال

    ماناساس البلد بتسلم عليكي وبتقولك تعالى

    سلاااااام

     
  • At Sunday, March 25, 2007, Blogger عبدالله said…

    من اجمل ما قرات عن موضوع تحرر المراه
    ياه لو كل البنات تفكر بالطريقه الجميله دي اكيد هيبقي العالم اجمل بس المهم يكون فيه لسه رجاله تقدر تفهم الكلام ده انها مش مشكله فهم الستات بس

    تحياتي

     
  • At Sunday, March 25, 2007, Blogger يعقــوب أو فانتــي said…

    عزيزتي تمر حنة، أول مرة أدخل علي المدونة بتاعتك و بحييكي علي الكلام الجامد جدا اللي قولتيه و من غير ما أفضل أثني عليكي كتير عشان في ناس فالفعل أثنوا علي كلامك، أسمحيلي بقي أنسي لمدة عشر دقايق اني ابن ناس و أرد بالنيابة عنك علي أحفاد بني عبس اللي علقوا بكلام مش ظريف !!! أول حاجة عدد البنات اللي قالت كلام مش ظريف أكتر من الولاد بكتير و بالتالي حيكون كلامي موجه للبنات بنسبة 95 %، أول حاجة بالنسبة للبنت اللي اسمها باستوكة بالنسبة لسؤالك في أي منطقة تقع حلبة الرجل، فأنا ممكن أتطوع و أوريكي بس خودي بالك ان اللي يطرقع ميتحسبش، أما بقي أنك أحلي حاجة في الدنيا انك تدوسي و تشرخي بالعربية فخليني أنصحك ان متتأخريش وانتي علي المقطم عشان بابا مايجبكيش من القسم يا بطة، و أنصحك ابقي اطلبي مؤخر صداق كبير عشان واضح انك مش حتعمري كتير في جواز حيث أن الراجل المحترم ميحبش واحدة عاوزة تصيع في الشارع طول النهار طول، أما بقي لشلبيه، أيه الكلام الجامد ده، عندك حق والله يا شيخه، طب أيه رأيك نتجوز و أسيبك تحققي ذاتك بس علي شرط، حتصحي الصبح، تفطري العيال و توديهم المدرسة أو انا أوديهم أو الباص مختلفناش، و تروحي شغلك، و طبعا مش حترجعي قبل الساعة اربعة من الشغل تلاقي العيال ولادنا رجعوا بالفعل من المدرسة الساعة اتنين و بما اني بره ف الشغل و سيادتك برضه يبقي حتلاقي عيالنا بقلهم ساعتين مطلوقين في الشارع زي السلعوة مستنيين مامي اللي عندها كيان وظيفي تحن عليهم و تروح تفتحلهم عشان يفضلوا متهببيين كمان ساعة و نص لحد لما ماما صاحبة الكيان تعملهم أي حاجة في السريع عشان يتغدوا و بعد كدة طبعا ما حتصدقي تنيميهم ساعة عشان تلحقي تغسلي المواعين و يادوب بتنشفي ايديك، سمعتيني بدب المفتاح في الباب و حتحضريلي الغداء، ماحنا زي ما احنا عارفين كيانك مش معناه انك تنسي انك مرأه و شرع الله بيأمرك انك تاخدي بالك من جوزك، و طبعا علي ما انام بعد الغداء و يدوب تكوني لميتي الغسيل حتلاقي عيالك صحيولك زي القرود و تبتدي تذاكرلهم، و طبعا انا لما أقوم من النوم حتقوليلي تعالي كملهم مذاكرة لحد ما أطبق الغسيل و علي ما اذاكرلهم ساعة حتكون الساعة جت سبعة ولا تمانية وتلاقي العيال فتحوا بقهم عايزين عشاء و طبعا حتحضري ليهم و ليا و بعد كدة حتخشي تغسلي المواعين و بما اني راجل متعاون حدخل انا انيمهملك يا ستي ولا تشغلي بالك بس حطي بقي في بالك ان بعد ما كل الفيلم ده يخلص انتي مطالبة بواجب مسائي خاص جدا يحتاج مجهود خاص و موود خاص يفترض انه يكون موود لذيذ بس طبعا بعد يوم طويل زي ده ابقي قابليني لو كنتي فاكرة انتي اسمك ايه اساسا مش حتي موود عادي، و استحملي بقي يا حلوة الكلام ده كل يوم و ابقي قابليني لو عند سن الخمسة وتلاتين مبئاش شكلك بنت خمسة و اربعين و انتوا مشاء الله كل سنة بتفرق معاكوا أوي و ساعتها بقي ابقي سلميلي علي كيانك و صدق اللي قال اللي يحب الدح مايقولش أح،طبعا السيناريو اللي انا قلته ده في حالة انك حتراعي شرع ربنا انك تشتغلي أو اسف تدوري علي كيانك و في نفس الوقت تراعي شرع الله في بيتك و عيالك، أما بقي بالنسبة للأخت الملتزمة، جزاكي الله كل خير انك بتراعي ربنا في جوزك و عيالك بس مالوش لازمة ذكر تفاصيل زيادة شوية عشان زي ما انتي شفتي كدة في حبة شباب تعبانة و مقضية نص عمرها في الحمامات و عايزين يمسكوا في أي بوقين يقعدوهم ف الحمام بقية عمرهم، أما بقي بالنسبة للأخت اللي مستغربة من اللي بتشوفوا مع جوزها برة، متستغربيش يا ست الكل، ده حتي الابهات (الرجالة أوي) بيقولك اليومين دول لما حد بيتقدم لبنتهم بيقولوااحنا عاوزين شقة تلات شيش وحجارة، و بالنسبة للأخت وايلد آت هارت، متقلقيش لو الست اطلقت و أترمت في الشارع ساعتها لها رب اسمه الكريم و هو يمهل ولا يهمل و بعدين بلاش استهبال و النبي عشان شغل ايه ده اللي في مصر اللي يجيبلها فلوس حتعرف تحوش منها عشان لو أتطلقت تصرف علي نفسها هي و عيالها، هو حلو عليها تشتغل لحد لما نصيبها يجي و بعد كده تؤعد ف البيت و علي رأي المثل اللي عنده معزة يلمها، أما بقي للي اسمها مروة عبد الله، ده انتي عاوزالك صفيحة زبالة مش بني آدم يرد عليكي، انتي يا بنت الناس تروحي تقري بقي في قصص الأنبياء أو تقري قرآن أو اعملي أي حاجة في أم حياتك عشان بس تفهمي أن مفيش حاجة اسمها عيب، ايه يعني تشيل زبالة؟ دي اذا كانت بتشيل زبالة يعني نظيفة، يعني لو الزبال معداش عليها حيفضل بيتها نضيف عشان هي نظيفة، الدور و الباقي علي العالم اللي بتزبل مكانها زي المعيز و عايزين اللي يجي يمسحلهم، علي فكرة سيدك و سيدي و سيدنا كلنا محمد عليه الصلاة و السلام كان أمي، و عشان بس محدش يقول طب ده الرسول يعني معجزة، ح أقول ان طه حسين كان أعمي و بيتهوفن أنطرش و هو عندة 8 سنين بس الناس دول بقوا علامات في التاريخ البشري، أختصار القول ان مش معني أن تمر حنة معتزة بدورها في الحياة زي ما قال الدين يبقي يتقال عليها متخلفة و جاموسة و تشيل زبالة، من الآخر اللي عاوزة تشتغل خليها تشتغل، بس لما تتجوز لازم تريح، أكرملها و أحسن لعيالها قبل زوجها، و اذا كان الزوج ظروفه مش مساعداه يبقي خليها تشتغل بس الاتنين لازم يستحملوا كم المشاكل اللي حتحصل و أولها العيال في البتنجان

     
  • At Sunday, March 25, 2007, Blogger يعقــوب أو فانتــي said…

    هو في يا بشر أحسن من إن الست تصحى الصبح براحتها تفطر تاخد الشاةر بتاعها و لو في جاكوزي يكون تمام,و بعد كده تعمل شوية رياضة وبعدين تعد في التراس أو البلكونة و تشرب حاجه لذيذة و تقرا الجرنال أو اي روايه..و ممكن تنزل تعمل شوبنج خفيف كده و كمان مافيش مانع تروح المكتبة تشتري رواية جديده او كتاب جديد و برضه ممكن تعدي على واحدة صاحبتها و بعدين السواق يؤجعها البيت و بروح هو السوق يشتري طلبات البيت و بعدين ترجع هى تاخد شاور كمان في الروقان عقبال لما الخدم يجهزوا الأكل عشان جوزها قرب يرجع و هى يقعد بعد الشاور تظبط نفسها م المكياج و تستخدم احسن و ارقى الانواع و اغلاها و لما جوزها يرجع يتغدوا و يعشوا حايتهم بأه يا اما خروج يا اما هوم سينيما و في نفس الوقت الاولاد يكونوا رجعوا من المداؤس الانترناشيونال عاملين الوورك بتاعهم و جايين راقيين يلعبوا حبه مع ابوهوم و امهم ...ده صوره مبسطه عن عصر الحريم الجديد اللي انا شايف ان مافيش واحدة مبتحلمش به في اى مكان كان و اي ثقافة من اول ربة البيت للاخت العاملة لرئيسة الجمهورية....فبلاش حقد بأه من الحريم المتجرجره في ساقية الشغل عشان أل اه يحققوا ذاتهم و يثبتوا نفسهم.وانبي اتلهوا على عينكوا و يطلوا تحزيز على السلطانة ده قصر ديل يا أزعر...يا تمر حنة اتمنالك تحقيق امنيتك ...و احترامي الخاص لكل مرأه عاملة عشان تأكل عيالها و تحميهم مش عشان تحقق ذاتها أل ذاتها ستين نيلة,,,و لا كلام بعد كلام فانتي

     
  • At Sunday, March 25, 2007, Anonymous Anonymous said…

    Firstly, it is always a pleasure to read your thoughts. You arecertainly a first class writer with excellent logics, who discuss very serious topics, in humerous cutting ways.

    Secondly, I do not think Marwa (above)has the mental capacity or the intellects to understand your writting, her answers are a damning prove of this. As for Ahmed ( also above) the less one say about him the better.

    I find it extremely revealing that El-Multazema are excited by looks in the Hegab!!!!

    Keep writing Tamrhenna, you are a gem

     
  • At Sunday, March 25, 2007, Blogger يا مراكبي said…

    الله عليكي .. البوست ده مدرسة لوحدة .. أنا فاكر إنك كتبتي حاجة قريبة من كده زمان شوية

    أنا مش معجب بالبوست علشان أنا راجل .. أنا معجب بيه لأنه منطقي وموضوعي وعقلاني .. وأنا مش ناسي إني ما إخترتش إني أكون راجل ولا كانت شطارة وتوفيق مني .. دي أقدار الله سبحانه

    تحياتي ليكي

     
  • At Sunday, March 25, 2007, Blogger يعقــوب أو فانتــي said…

    ياد يا فانتي بعد كده اكتب اسمك عشان منتلخبطش يخرب بيتك...يعقوب

     
  • At Monday, March 26, 2007, Blogger thanks God ....the life is not infinitive although it`s -in few times- very wonderful said…

    بجد كلامك اكثر من رائع , بحب انا اللي يقول رأيه من غير ما يقلق من ردود الناس التانية اللي هيجوعوا دماغنا بكلمتين عن المساواة و الحرية و التقدم , كلامهم سطحي, كلامك منطقي وواقعي رغم انوفهم
    اشكرك ايتها الرائعة

     
  • At Monday, March 26, 2007, Blogger خجل said…

    يعني لو انتي يا تمر ما كنش باباكي جابلكوا كمبيوتر ما كنتيش
    حتعرفي تنزلي البوست دا..
    لأنه مش ينفع البنت تروح سايبر
    عشان بيبقى مليان اولاد

    ولو رحتي لوحده صحبتك باباها متطور
    (جابلهم كمبيوتر)
    لازم ترجعي بعد ساعه اواتنين البيت

    عشان العوعو بيطلع الساعه 8
    وبابا بيخاف ع الحلوه
    وعيب لما البنت تشوف القمر بالليل

    (دا لو سمحولك يا ملكه تروحي)


    احا يا تمر حنه

    وانشاء الله لما جوزك يطلقك .. عشان ياقه القميص ما غسلتهاش كويس

    ابقى اتزلي عشان النفقه
    واتزلي لباباكي واتمحكيله عشان النفقه
    بعد لما تيجي مش حتكفيكي

    وبرده لازم تنزلي تشتري الخضار م السوق
    وتعرقي وارف .. والستات تشم ريحتك
    اما الرجاله لا .. تقفي ف المظاهره لأه
    لحسن يشموا ريحتك

    ..
    وبرده حتطلعي البلكونه وانتي شايله المرتبه عشان تنفضيها ..وانت شعرك منكوش
    ورحتك برده وحشه .. وممكن جوزك يتنازل ويشلها
    لو انتي حامل في ولد
    اما لو بنت .. يبقى طين فوق راسك


    وما ينفعش البت الشاطره تجيب وحده تساعدها ف البيت
    ..عشان تحافظ على (فلوس جوزها) أكرر
    (فلوس جوزها)
    أكرر
    (فلوس جوزها)

    واحا تاني

     
  • At Monday, March 26, 2007, Anonymous أزئوزة said…

    شيئ سيئ اللي حصل دة
    إيه مستوى الحوار المتردي اللي حصل ف البوست دة بالظبط؟
    أنا أول مرة اشوف عندك ياتمرمر الانحدار اللفظي دة !! ياي بلدي أوي
    وانتي ليه بتنشريلنا غسيلهم اللي مش نظيف ؟
    لما يوصلك تعليق منهم ، إلغيه منك لنفسك ، من غير حتى ماتئريه . مش عايزة حاجة تجرح عينيكي المتبرئعين دول ياتمرمر
    همَّ من حئهم يعترضوا ، زي مانا مش متفقة معاكي ف مضمون البوست دة ، لكن ليه التجريح و استعداء الآخرين ؟
    اللي مش عاجبه كلامك ، يعرض وجهة نظره بأدب ، و لو مش عاجبه خالص وبيستفزه رأيك ، مايجيلكيش تاني . إهمالهم للرد خير عقاب ليكي ، و خير ثواب لينا

     
  • At Monday, March 26, 2007, Blogger harmless said…

    لم اتعجب من هذا الراى الشاذ ولا من هذا الربط الغير واقعى ولا منطقى ما بين متاعب الحياة وبين موضوع البوست

    تعودت ان جميع الاراء مهما كانت شاذه او متطرفه فلن تعدم لها مؤيد او اثنان

    ما تعجبت له هو هذا الكم من التاييد لهذا الراى العجيب والذى بالتاكيد ان ساد لن يرضى اى طرف لارجل ولا امراه

    الصورة الساذجه للمراهقين من الذكور عن امراه فى الحريم تنتظره ناعمه متزينه متعطره
    رضاه هو كل همها
    ومتعته هى كافه اهدافها
    هذه الصورة ان تحققت لن يكون سعيدا

    والصورة المقابله التى تعبر عنها صديقتنا
    المراه الجسد صاحبه الرحم الذى لا يتيبس والصدر او الضرع الذى لا يجف
    وهذه تعبيرات صديقتنا واعتذر للنساء عنها
    هذه الصورة الكئيبه لا تجلب سعاده ابدا
    الحرائر يرون فى انفسهم انسانيه اكثر من هذا

    يا صديقتنا
    الرجل لا يريد جسدا ينكحه
    ولا أمه تسجد له
    ولا خدامه تخدمه
    الرجل يريد شريكه لحياته
    شريكه

    والمراه التى حملتها ثقافات مثل ثقافتك فكره انها جسد
    وانها حريم
    وان قيمتها فى نعومه جسدها
    وتماسك نهودها
    واكتناز اردافها
    هى امراه مظلومه

    اعرف انى حملت كلام اكثر مما ينبغى
    ولكن ذاك نتاج التعليقات
    فاعذرينى

    تحياتى

     
  • At Monday, March 26, 2007, Blogger ert3ashat said…

    انا مش عارف اقولك ايه..بس انا مبسوط ان في بنات لسه بتفكر كده بجد...فعلا مش مهم الشغل عشان محدليش شتيمتين علي البلوجر عايزه تشتغل تشتغل بس الاول البيت..و التاني البيت..ة التالت البيت..بعد كده هي حرّه في اولوياتها...صدقيني لو الاب صايع و خامورجي بتاع حاجات مش كويسه بس الام واخده بالها من العيال هيطلعوا كويسين ممكن محرومين من وجود الاب بس كيسين و ليهم مستقبل بس العكس..مش صحيح...توبيك ده عاجبني

     
  • At Tuesday, March 27, 2007, Blogger None said…

    تمر حنه يا تمرحنه
    مش عارفه ليه حسيت ان تخيلك لعصر الحريم كان بمبي بمبي اكتر من اللازم_انا زيك مقتنعه جدا ان موضوع المساواه من البدايه كان خدعه_يعني ماهو بردو في عصر الحريم كانت الست صحيح ملكه بس بردو كان في جواري ..المشكله في ايه بقي ..انك لو انتي الملكه يبقي لازم تستحملي سرمحة الراجل مع الجواري وما ملكت ايمانه كل يوم والتاني ..اما بقي لو كنتي الجاريه يبقي حدث ولا حرج

    في زمنا الاغبر بقي الست حاجه من تلاته
    ياست بيت وغالبا ماتفرقيهاش عن حلاوتهم الخدامه لا في الشكل ولا في المضمون..الا من رحم ربي ..واللي يغيظك اكتر انها ممكن تكون حلاوتهم الخدامه بس بالليسانس وللا حتي الماجيستير فوق البيعه كمان(التعليم بردو بيفرق في طشة الملوخيه وطرق تغيير البامبرز للعيال)..وغالبا سي السيد بردو لازم يبقي في حياته جليله وزبيده وجمالات كمان لأن امينه فقط لا تكفي ..والشكوي المعتاده اني مش لاقي سعادتي في البيت والناس تلوم عليكي انك اهملتي في نفسك واهملتيه وهيلاقو له الف مبرر انه يعط او يتجوز عشان يبحث عن سعادته الضائعه..رغم ان الوضع لو اتعكس الست ما تشتكيش لحد غير لربنا ..لأنها لا ينفع تتجوز عليه ولو حصل وعطت زيه او بصت بره يبقي البندجه يا ولد والتار ولا العار


    الحاله التانيه انها تكون عامله وانتي تكلمتي باستفاضه جدا عن الموضوع دا من انها بدل ما تتحمل سي السيد في البيت لأ بقي في البيت والشغل والمواصلات وحتي ساعي المكتب كمان والله العظيم.. ياكدا يا اما تعليقات من نوع ماتتلمو في بيوتكم احسن واحنا ناقصينكم في البيت والشغل كمان .....الخ ولما بقي ترجع الشغل من هدة اليوم لازم تأكل وتحمي وتشخخ العيال وابوهم كمان يا كدا ياتبقي مقصرة في حق بيتها والمفروض الست اولاويتها تكون بيتها

    الحاله التالته انها تكون زبيدة او جليله _وحاليا جيجي وفيري _وبردو في الحاله دي حدث ولا حرج وبنعيد تاني سيناريو الجواري بس بمقتضيات العصر الجديد..
    يعني المشكله يا تمرمر مش في العصر ..المشكله في الرجل الذي لا يمل ولا يكل علي مر العصور من استعباد المرأة بس بطرق مودرن وسبور تناسب كل عصر ..بدايه من عصر الحريم اللي عايزة تعيشي فيه يا قطه اللي عصر الفضائيات والسايبر

    وحسبنا الله ونعم الوكيل

     
  • At Wednesday, March 28, 2007, Blogger Sampateek said…

    التحديث ده اللي هو الهلضمة مش كده؟
    انا حعمل بنصيحتك و ابطل شغل و اقعد في البيت من اول ابريل و اديها سهر للصبح و نوم للضهر و اخر بلطجة
    عجبتني قوي حتة اللي متعملش معرفش اية تبقى ست نتنة هههههه
    البنات فعلا عايزين وقت و نفس علشان نصاحبهم و الشغل بيقطع النفس
    علشان كده حتفرغ
    و اكتب مذكراتشي
    اموووووووووه

     
  • At Wednesday, March 28, 2007, Blogger shlapia said…

    السيدة الجميلة تمر حنة

    انا كده فهمت وجهة نظرك واحييك عليها بجد

    الى انا فهمته منك انه لابد ان يكون للمرأة حق الاختيار فى عيش حياتها وهيا حرة بقى تشتغل تقعد فى البيت براحتها

    اقولك انتى زى السكر وعداكى العيب ومتزعليش من الناس الى بتغلط دول ,,دول ثقافتهم كده تعملى ايه بقى ,,سيبك انتى تدللى يا تمرمر ولا يهمك
    :)

     
  • At Wednesday, March 28, 2007, Anonymous Anonymous said…

    لي تعليق ليس عن موضوع التدوينة ولكن دفعني له موضوع التدوينة
    فقد كتبت عن تعريفك بنفسك انك (واحدة مصرية) وبالرغم من ان حقك ان تكتبي ما تريدين، ولكن في العالم التدويني المصري معروف أن هناك مدونة شهيرة باسم (واحدة مصرية) وهذه الواحدة هي من هؤلاء البنات الهبل اللي بينزلوا المظاهرات ويعرقوا ويقفوا قدام عساكر وضباط الأمن المركزي وبيتعرضوا لاحتمال الضرب والسحل وكل البهدلة
    فطبعا دي واحدة هبلة مش المفروض انك تغامري ان الناس تغلط وتفتكرك هي
    فياريت تغيري وصفك لنفسك ولك انك تختاري لنفسك اي وصف تاني

     
  • At Wednesday, March 28, 2007, Anonymous Anonymous said…

    excuse me for writing in english , but this is a comment on your "tawdi7" i really respect your human need to stop being a work slave and becoming a person that enjoy the most important in you life ; your hobbies your children , you relation with your husband , your fiends, your sport ,your studies maybe too. but what i don't understand , don't you imagine too that this is the same for your husband too; he also want to stop working in a job that eh hates , he wants to stop taking the bus every morning, he wants to enjoy his hobbies, his children, his wife , his friends, his readings , his music, just like you . so the problem is not about women or men it is about human nature and our seek of happiness . me too i wish that a day i won't be obligated to work for my living, than i really can enjoy my life . in this point we would "work" but we will be doing what we like it will be a hobby not a "job" not a slavery . i have a deep respect and understanding for this wish, but i think you had you ideas not clear enough and that is why you messed everything . and instead of wishing to be a free human you made your wish be transformed to be wishing to be a non-working slave. the ides of stopping "working" was the aim of many school of taught all over our history, and maybe we can think of it as the main goal of our humanity. but this doesn't come by making men work for both of women and men. but instead let us think of a way that make us all FREE. you can take a look on this http://gharbeia.net/ar/node/98 it is in it's aim the same but more clear.

     
  • At Wednesday, March 28, 2007, Blogger Horas said…

    بصي يا تمر حنة انا لا أعرف الكلام الا بما انا مقتنع بيه ومن قلبي ولا عقلي وكلامي عن اقتناع تام وربنا يعلم صدق كلامي وأعرف انه ربما يكون نادرا لكن أنا لم اكون الا انا
    اما مسألة مرتبط فمش ينفع الكلام علي الملآ مش كده ولا ايه :)
    ايملي موجود عندك
    تحياتي

     
  • At Wednesday, March 28, 2007, Blogger Horas said…

    علي اكتر حاجه مش عاجباني شوية في مدونتك في التعليقات ان الشباب نسبة كبيرة منهم واخده الموضوع فور فاني وبس دون ما يحاولوا مع انهم يتبسطوا يحللوا ويستفادوا
    بجد مبسوط من ردك عليا
    تحياتي

     
  • At Wednesday, March 28, 2007, Blogger شجره الدر said…

    اه ياتمر حنه يااختى فاهماكى جدا
    واله فاهماكى وحاسه بيكى وانا شغاله من 8 الصبح زى التور اللى فى ساقيه لغايه9 باليل ويكن اكتر
    لكن كل واحد حر فى اختياراته
    ياريت يسيبونا نختار
    كفايه منهج الاختيار الاجبارى ده
    ها تختار اللبن ابو سم ولا المياه
    فاهمانى
    ؟

     
  • At Thursday, March 29, 2007, Blogger Lasto-adri *Blue* said…

    انا الصراحة مش فاهمة
    :S
    بفرضا ان المساواة عبث لفظى..... نجى نقول نرجع عصر الحريم؟
    واقول شيلاه يا سى السيد من تانى.. خدامتك تحت رجليك ؟؟؟؟
    بذمتك يا تمر حنة ح تبقى مبسوطة؟
    ح تبقى مبسوطة انتى اسما ملكة البيت وفعليا كنبة جايبها سى المحروس عشان تجيب له العيال وتعمل له الغدا وآخر الليل لما يرجع من لفه فى الشوارع تعمله معرفش ايه؟.. وبكرة يقول لك "عليا الطلاق"... ودورى بالمحاريس اولاده.. شوفى مين يرضى يصرف عليكى.. ان ماكنش اساسا قعدك فى بيتك مع ضرر...


    يا تمر حنة... العيب مش على شغل الست من عدمه، بالعكس... الست حقها تشتغل طول ما انها لا بتشتغل فى شئ عيب ولا حرام
    احساسك بالمشاركة فى المجتمع ماينفعش يبقى حكر على الرجل و عشان هو بشنبات واحنا لاء
    !!!
    ح تقولى مشاركة المرأة فى أولادها.. مش ح ختلف معاكى.. انما هل هذا كل شئ فى الحياة؟.. ثم انما هى تربية الأولاد على المرأة بس؟

    العيب على اللى بيستخدموا كلمة "مساواة" غلط
    على اللى يشوف مراته راجعة م الشغل زيها زيه... عشان تساعد فى مصاريف الزمن الأغبر دا، وتلاقيه حاطت رجل على رجل ويقول لها هاتى كباية ماية
    العيب مش فى الشغل يا تمر حنة ولا فى التعليم.... العيب على اللى واخدها حجة عشان يشوف واحدة ست واقفة جانبه فى الاوتوبيس ويتلزق فيها لحد مايطلع عين ابوها ويخلها تبدأ تبجح فى الكلام وتقول ما لذ وطاب

    اقول لك ايه بس....
    ياريت تراجعى فكرتك تانى... عشان يبقى حرام علينا لو كنا فى زمنا دا وحد يقول نرجع عصر الحريم
    :S

    مش كل النساء صالحات... ومش كل الرجال ملائكة أيضا

    وشكرا

     
  • At Thursday, March 29, 2007, Blogger мїяάЖάгїм ™ said…

    Hello Tamr 7enna, it was really nice to see such a post by a woman. Begad you impressed me.
    This is the first time I visit ur blog & I'm so happy to know the way to such a good mentality.
    I'd like also to invite you to visit my modest blog, I guess my last post will interest you.
    Karim

     
  • At Thursday, March 29, 2007, Blogger أبوفارس said…

    والله مش عارف أقول أيه أنا قريت البوست ومعطم التعليقات عليه ولم أستطع التعليق لعدم جدواه..فيه واقع أجتماعى ثقافى فى مصر اﻷن لاعلاقه له بالعصر على اﻷطلاق ولاأعنى به تخلف تقنى..فى زيارتى اﻷخيره لمصر أغسطس الماضى وجدت أصغر عيل فى العائله معه تليفون نقال أحدث ميه مره من تليفونى..الحاصل..أى مجتمع تقوده طبقه مهيمنه أيديولوجيا وتتسرب مجموعه قيم وممارسات أجتماعيه منها الى باقى طبقات وفئات المجتمع..مصر تهيمن عليها وتقودها طبقه بزرميط غريبه أثارت أنتباهى وكانت مدخل حوارات وتعارف ع النت مع عدد من المثقفين المصريين معطمهم يعيش خارج مصر ..هذه الطبقه تحمل فكر تلفيقى غريب جدا من ضمن مظاهره هو هذا الحلم الوردى اللى طرحتيه حضرتك فى هذا البوست العجب واللى يركب تمام على مسلسل رمضانى من كام سنه بتاع نور الشريف الحاج متولى ولا مدبولى مش فاكر..أنا شفت فى المارينا بعينى هذه الرؤيه متحققه فى بعض العائلات..سيدتى نساء منقبات عندها بدل الخدامه الفليبينيه أتنين وعربيه محترمه تتدلع طول اليوم تشترى غطاء للرأس من بوتيك هناك والله بأربعمائه جنيه ترفض أن خادمتها الفليبينيه تنزل معاها نفس البحر ف اليشمك بلاج الحريم فقط ولما فتح الله علينا بحوار مع أحدى تلك النساء الفضليات كان الحديث مليان باﻷيحاءات الجنسيه وبشكل فج أثارت حتى أستغراب زوجتى المفرنسه والغير محجبه بالطبع....الصوره الورديه اللى بتحلم بيها اﻷخت الكاتبه تماما ومن ممارسات هذه الطبقه المتميزه اللى راكبه على أم المجتمع بكافه السبل تتسرب قيم وممارسات وأخلاق تجد ناس زى حضرتك وتعمل لها غسيل مخ محترم فتتبناه رغم تناقض هذا الخطاب مع مصالحك المباشره..مجتمعات ديناميكيه مثل الهند والبرازيل وتركيا تقودها طبقات تهتم بالتعليم والعمل والتنافس..أما نحن...بأقولك أيه مياميسا ...آسف للأطاله..تحياتى..ومودتى..خالد

     
  • At Friday, March 30, 2007, Blogger kareem said…

    هاااااااى تمر حنة

    الله عليك
    اول مرة ادخل مدونتك بالصدفة
    بجد موضوع رائع و متفق معاكي
    عمر ما كانت الست اقل من الراجل
    لازم نعترف باختلاف الجنس
    حتى الاختلاف موجود ف نفس الجنس
    و مش معنى كده ان فيه حد احسن او اعلي من التاني
    بس كل له اهتماماته و ميولة و صفاته المختلفة
    لكن ف الاخر كلنا بشر

    بجد انا بايد كلامك
    و عمر ما كان ان الست اقل من الراجل لو فضلت ف بيتها تراعي ولادها و البيت

    صديقك الجديد
    كريم

     
  • At Friday, March 30, 2007, Blogger تمر حنه said…

    أبو فارس ..المفرنس
    وخمسين من عندى يبقوا ميا وخمسين مسا يابو فارس
    و الله أنا اللى مش عارفة أقول ايه فى تلك الشرذمة الهاربة من نار التخلف الأيديولوجى المستوطن .. ثم يبدأون فى ممارسة نقد الوطن الأم عبر الأثير ..و خلاص
    اذا أردت سيدى نقد مجتمعاتنا المتخلفة .. فأستحلفك بالله أن تمارس هذا الحق فى حدود النقد الأيجابى .. لقد خذلت البلد كغيرك من الكفاءات الهاربة الى النور .. تفرنست"على حد تعبيرك" أنت و عائلتك ..ثم خلطت الأوراق حتى تجدد مبررات كافية لتواجدك فى كندا و هى ليست بحاجة لك ..و تركت بلدك المسكينة تطحن بين شقى الأيديلوجيا المهيمنة و الليبرالية المفخخة .. و ها أنت تزور الوطن فقط لترصد أحواله السلبية ثم تترجمها لحالات من السخط لتبعث فيك حالة من ارتياح الضمير بسبب فرارك من البؤس الى الرغد.
    كل ما رصدته حق .. و لكن مالضير فى أن يكون للمرأة المنقبة خادمة فليبينية أو اثنتين .. أو تشترى غطاءا لرأسها بأربعمائة أو أربع آلاف جنيه حتى؟
    ثم لماذا أقحمت " النقاب" فى الموضوع ثم أردفت بعد ذكرك لزوجتك المصون بلفظ "و الغير محجبة بالطبع" ؟
    عيب يا دكتور الحركات دى عشان انت مبقتش مننا .. لا أكلك من أكلنا و لا شربك من شربنا .. لا وجيعتك وجيعتنا و لا دواك دوانا ..
    الغريب يا خالد انك ماتعلمتش من كندا أبسط الحقوق الأنسانية التى يجب أن تمنح للكافة .. ماسمعتش عن الهيومان رايتس ؟؟ لو حاسّة انى مش مستمتعة بالشغل و ان الشغل ده هيضيع الفاميلى فاونديشن بتاعتى و ان احتياجاتى المادية ماتساويش "بالنسبة لى " راحتى و استقرارى أنا و أحب الناس لى.. أطفالى .. يبقى مش من حقى آخد قرار الريتايرمنت؟؟ رجعنا للسليفارى تانى؟؟ رجعنا لعصر الجوارى ؟ مفهوم الأستعباد يا عزيزى أن يجبر الأنسان على عمل مايكره .. أن تعمل أمرأة برضاها فهى حره و ألا تعمل فهر حرة .. و بالذات اذا ما كانت ماديا قادرة على الأستغناء .. فالمجتمع الحديث كالرجل المستبد .. يستغل احتياج المرأة اليه كوسيلة للضغط عليها ..
    بلاش يابو الفوارس تدخل عيشه على أم الخير – بالبلدى عشان تفهمنى : لو واحدة زي حالاتى مالهاش مزاج تشتغل لأى سبب يتعارض مع مصلحتها الشخصية ( مش عارفة قدرت ازاى تحددها ؟؟؟) ولو واحدة منقبة بتدى ايحاءات جنسية أثارت ضيق المودام المفرنسة .. بلاش تهتف بسم الأمه و بسم الأنسانية و الأديولوجية و الدين عشان تزيد البلد ندبة فوق وجهها .. و تزيد الأسلام طعنة فى الظهر ..لو ليك شوق تخدم بجد .. تذكرة وان واى تيكيت أوتاوا – كايرو .. اتعاص معانا و حارب أمثالى و أمثال المنقبة صاحبتنا وأمثال الطبقة البرجوازية الحاكمة .. صحح مفاهيم الدين لمن يسيئون تطبيقها ..علمّنا اللى اتعلمته على مدى تلتاشر سنة فى واحدة من أكثر البقع رقيا فى العالم ...وبلاش تعمل زيى و تنشر ثقافة التخلف و الرجعية ..
    و آدى واحد قلبها دين و سياسة من وراء البحار …..
    هيّا ناقصاك انت كمان؟؟

     
  • At Saturday, March 31, 2007, Blogger Incomplete said…

    تمر حنة..أخيراً حسيت اني مش أنا الكائن الأنثوي الوحيد اللي بيفكر كده
    طبعاً احنا لينا حرية الإختيار..اللي عايزة تنزل تشتغل براحتها..واللي عايزة تكون في بيتها براحتها
    وأنا رأي -وأنا حرة في اختاري طبعاً- إن أكون مع أولادي في بيتنا.. ومش معنى كده اني بلاش اتعلم وكفاية عليا ازاي اخدم العيال وابوهم وخلاص..لأ بالعكس أنا لازم أتعلم واتثقف جداً..واطلع على كل جديد فكرياً وأدبياً واقتصادياً واجتماعياً وسياسياً..علشان أعرف أكون وأشكل أدمغة أولادي..وأطلع لمجتمعي رجل حر شجاع مايخافش يقول لأ.. وأطلع بنت شريفة حرة ومتعملة..علشان أعمل جيل يعمل جيل حر واعي مثقف وشجاع..مش ببالغ والله..بس ده اللي انا بحلم أعمله..بدل ماحناجيل أقلية واعيين مثقفين..والباقي ضحل سطحي وجبان
    أنا فعلاً مش قادرة أنسى أوقات كتير كنت بحتاج فيهاماما وكنت مش بلاقها لأنها ببساطة كانت امرأة عاملة!..أنا مش عايزة بنتي تعيش مواقف تحتاجني فيها ومش تلقاني..مش عايزها تكون زيي
    أنا حالياً خياري اني اشتغل..وفعلاً مش مرتاحة في مكتب ال******* اللي أنا فيه ده..مش حلو ابداً الشغل في مجتمع ذكوري شرقي..وخاصة لو كان بحكم العمل تحت منك رجالة من أصل واطي..واخدين على ان الست اتخلقت علشان يأمروها وتخدم أهلهم..ويجوا الشغل يتجننوا ان رئيستهم واحدة ست.. حاجة كده الحرب ارحم منها.. كتير بتهان..وكتير بهين اللي قدامي آسفة..بس تعملي ايه في ناس دماغتها وسخة..وهيفضل الشغل خياري لحد ماربنا يحقق امنيتي ويزرقني بأولاد أعيش حياتي ليا وليهم

     
  • At Saturday, March 31, 2007, Blogger Incomplete said…

    كمان نسيت أقول ..إني نفسي نرجع لعصر الثلاثينات والأربعينات وأكون هانم من هوانم جارد سيتي
    علشان لبسهم كان جااااامد موووووت الصراحة
    :p

     
  • At Saturday, March 31, 2007, Anonymous الصارم الحاسم said…

    نادرا ما الواحد يلاقي ست عاقلة كده اليومين دول


    انا لم اقرأ التعليقات بعد ...لكن الموضوع نفسه رائع بارك الله لك

    اما من يهاجمونك...فكون اننا نعيش في ظروف استثنائية على كل المستويات اليومين دول لا يعني ان كل الرجال سيفهمون ويقدرون هذا الكلام

    لكن اساس تفكير حضرتك سليم جدا.....بارك الله لك في رجاحة عقلك

     
  • At Monday, April 02, 2007, Anonymous واحد عجبه الكلام said…

    السلام عليكم و رحمة الله
    بصراحة أرائك جميلة جدامع انى بشجع نزول المرأة للشغل
    عشان 99% مش بيفكروا زيك كدة
    إنما بيزهقوا من قاعدة البيت اصلا و اول ما نرجع من الشغل ياكلو الحتة اللى فاضلة من دماغنا بدل ما يصلحو اللى إتاكل فى الشغل
    فاحفاظا على الحتة اللى فاضلة دية بفضل نزول الست الشغل عشان نرجع حالنا واحد و تحس إحنا بنتعب إزاى
    إنما لو تفكيرها زيك كدة يبقى دا غاية المراد بصراحة هو فيه راجل يكره ان مراته تهتم بنفسها و بيه
    اللهم إلا إذا كان شافله شوفة تانية :D
    المهم انا حبيت بس اهنيكى على افكارك و عقلك الراجح و ربنا يبارك لجوزك فيكى و يباركلك فيه

     
  • At Monday, April 02, 2007, Blogger Horas said…

    من الواضح يا تمر حنه ان أبو فارس فهم مقصد كلامك بشكل خاطئ
    لكن هو حقيقا رغم اتفاقي معاه في جزء صغير من كلامه لكنه متحامل بشكل مبالغ فيه

     
  • At Monday, April 02, 2007, Blogger Horas said…

    علي فكرة انا نسيت أقولك ان في ناس بتقول ألفلظ ميصحش تتقال في التعليقات يا ريت تبقي تفلتري الدنيا واحب اتعرف عليكي لو ترسيلي ميلك أكون شاكر

     
  • At Tuesday, April 03, 2007, Anonymous أزئوزة said…

    إنتي ياست خيار وفائوس
    إشمعنى يعني اتشمللتي و شمرتي ، ورديتي على أبو فارس ؟
    وانا أزئوزة مريدتك الدائمة ، تطنشيني بالكـَسوة دي ؟ ( كـَسوة أحلى من قسوة ) أصلي اتستت اليومين اللي فاتوا بتوع الكام أجازة ف بعض دول ، وئعدت ف البيت ، فلئيت لساني اتعوج كدة وبأيت رئيئة

     
  • At Tuesday, April 03, 2007, Blogger أول مرة said…

    مش عارف ليه من ساعة ما كتبتي البوست ده و أنا كل مرة أفتح الجهاز لازم قراه هو و التعليقات اللي عليه
    طريقة طرحك لرأيك ككل كتاباتك ....لذيذة

    أولاً :الموضوع في حد ذاته عادي في مؤيدين لهم رأي .. اختيار .. دوافع في مختلفين لهم رأي .. اختيار .. دوافع . اللي ملاحظه و مش قادر أفهمه ودا غالباً من جهة المختلفين ليه إنك لو مش معايا تبقى ضدي "مع سيل من الشتيمه" و الغريب أنهم بيقولوا حرية المرأة و حرية الاختيار و مش عارف حرية كلب البحر !!!
    و إيه علاقة الثقافة بالأباحه و الردح؟!!
    ثانياً : أنا أعرف مثلاً أن الواحد لما يكون نشئته لها خلفيه دينيه في أغلب الأوقات تكون أفكاره متأثرة بتنشئته و لما يكون الأهل ملهاش دعوة بالدين و الحجات دي في الغالب هيكون في الطراوة
    لكن دول جنس ملتهم إيه ؟؟

     
  • At Tuesday, April 03, 2007, Anonymous نور said…

    السلام عليكم و رحمة الله و بركاته
    انا قرأت تقريبا كل المواضيع فى المدونة
    و بصراحة انا مندهش من مستوى التفكير و الكتابة و الصياغة للمواضيع
    انتى اكيد بتشتغلى فى حاجة ليها علاقة بالكتابة سواء صحافة و دار نشر او خلافه
    لأن بصراحة كل كتاباتك بتنم عن مستوى وعى بالأمور حوالينا عالى و حس أدبى بجد نادر إلا انت تلاقيه فى كاتب ساخر قدير مش اى كاتب
    انا بهنيكى على كل الموضيع و مدام تفكيرك كده اكيد اولادك تفكيرهم هيكون احسن كمان و طول ما فى زيك مستقبل شباب بكرة مش مظلم زى ماهو باين قدامنا
    المهم احسنت و أرجو ان أقرأ لكى المزيد

     
  • At Tuesday, April 03, 2007, Anonymous Anonymous said…

    لا أملك إلا الإعجاب الشديد بأفكارك ودقة طرحك لموضوع المرأة العاملة والكارثة التي وصلنا إليها نتيجة هذا التحرر المنفلت
    وأنا أقرا البوست بتاعك حسيت انك بتتكلمي عني شخصيا من كثرة التفاصيل التي تنطبق على الواقع الذي أعيشه وخصوصا انفاق المرأة على منزل الزوجية هذا وما يؤدي اليه من اهتزاز نظرة الإحترام والود المتبادلة بين الزوجين وإستبدلها بنظرة أنانية من الزوجة خوفا على شقى عمرها ونظرة مليئة بالحقد من الزوج على الزوجة التي أهملت بيتها وأولاده علشان تعمل قرشين ثم لا تريد انفاقهم على البيت وباقي التفاصيل التي ذكرتيها حرفيا
    بصراحة مش انتو بس اللي عايزين تروحوا غحنا كمان عايزين نروح ونستريح ونريح

     
  • At Wednesday, April 04, 2007, Blogger الربان said…

    تحياتي للجميع...

    اولا : الاصل اننا جميعا بشر خلقنا أحرار... يعني لنا حرية الاختيار...و هذه هي الامانة التي عرضها المولي سبحانه و تعالي علي السموات و الارض و الجبال ...فاشفقن من حملها...اشفقن ان يكون لها الاختيار ...و حملها الانسان الجهول الظلوم .

    يعني كل واحد أو واحده لها حرية الاختيار...و هي امانه...لان اختيارها أو اختياره لا بد ان يتوقف ان كان سيؤدي الي اساءة للاخرين.

    يبقي من ارادت ان تعمل فهذا حقها...و هي أدري بمصالحها.

    ومن أختارت رعاية الزوج و الاولاد و البيت هي حرة...طالما هذه رغبتها.

    و لابد من احترام وجهتي النظر.

    ثانيا: لابد ان نتعلم ثقافة الاختلاف ، و لولا الاختلاف لما تقدمت البشرية ، و لم يظهر المبدعون و المخترعون. الاختلاف نوع من الاجتهاد...ان كان صحيحا له اجران و ان كان مخطيء فله اجر.
    و لابد من ان نعلم اولادنا ثقافة الاختلاف...و ان الاختلاف في الرأي لا ينبغي ان نقابلة بقلة الحياء و قلة الادب ...و تدني الالفاظ و بذائتها.

    ثالثا: الاصل انه لا يوجد مساواة بين الرجل و المراه ، بل يوجد تكامل...و كل ميسر لما خلق له...

    وفي رأيي المتواضع ان المولي سبحانه و تعالي وضع مسؤلية كبيرة و شاقة علي كاهل المراة.... و هي الاعداد الجيد لجيل من الشباب يفترض ان يكون منهم قادة للامه و للشعب...اعداد تربوي..و تعليمي و ثقافي و اجتماعي وكافة المهارات الحياتية.
    اقول و بكل صراحة...ان هذه المهمه عظيمة و شاقة...و لابد للمراه ان تكون نالت قسط وافر من التعليم و لديها الصبر و قوة التحمل من اجل تنشئة اجتماعية صحيحة.

    رابعا: الي الذين يطالبون بالمساواه..هل تعلموا ان المراة التي تعمل في الغرب تتقاضي نصف اجر الرجل الذي يعمل في نفس الوظيفة.

    خامسا: من يخشون الطلاق... و النفقة و ما الي اخره...اقول ان المراه ان احسنت اختيار زوجها الذي ان بغض منها شيء تذكر اشياء اخري محببه ...و اذا كرهها لم يظلمها...اذن حسن الاختيار للزوج او الزوجه مهم جدا.

    من واقع تجربة شخصية...الانسان نفسه هو الاساس و الاختيار الصحيح للشريك هو الاساس.
    المراة شيء اساسي جدا و مؤثر في كل حياتنا....سواء في العمل او البيت.


    تحياتي

     
  • At Wednesday, April 04, 2007, Blogger الربان said…

    اسف اني مضطر اضيف تعليق مهم نسيته في التعليق الاول.

    بعض الاخوات الفاضلات .. رددوا موضوع رغبة الرجل الجنسية...و اشباعها و الي اخره...

    انا لا اري اي غضاضة او ظلم للمراة حين تتجمل و تلبي رغبة زوجها...
    بل علي العكس...هي تلبي ايضا رغبتها و ترضي خالقها... الدكتورة مريم الدريع( كويتية ) تقول ان الجنس بين الزوجين عبادة....نعم هو كذلك لانك تحصنيه يا اختاه من الوقوع في المعصية
    و هو ايضا حين يلبي رغبتك ينال الاجر لانه يحصنك من الوقوع في المعصية.
    و امر الرجال بالتجمل لزوجاتهم كما هن يتجملن لازواجهن...

    الجنس في داخل الزواج هبه من الله الي عباده... لا يقدرها الا من حرم منها.
    و حتي لا تتحس بعض الاخوات فلنسميها العلاقة الحميمة.
    تحياتي

     
  • At Wednesday, April 04, 2007, Blogger كوكو الضعيف said…

    كلامك بجد هايل وسليم منوجهة نظري 100% لكن الواقع اتغير كتير عن زمان
    لم يعد سهلا يا زميلتي العزيزة ان تتغير المفاهيم بمجرد التعبير عن الراي
    نتفق معظمنا حول ضرورة تواجد المراه في البيت من اجل استقامة الحياه
    للرجل مهام .... وللمرأه مهام اخري
    علينا قياد حمله تدوينيه شامله باستخدام لافتات وبانرات وما الي ذلك لدعوة المراه للالتزام بالمنزل ومن فيه ومراعاة مسئوليتها الاوليه التي قدرها لها الله
    وعليكم انتم يا فتيات اليوم زوجات المستقبل ان لا تقبلن بالزواج الا بمن يستطيع ان يستتكن ويصرف هليكن ويكون رجلا كما ينبغي
    والا فسوف تكون النتائج في الاجيال القادمة جد وخيمه
    والسلام

     
  • At Thursday, April 05, 2007, Blogger khalid jarrar said…

    omg, exceeded a hundred comments. thats a first in any arabic-written blog i ever read.

    i write in english which means i have a much bigger audience, and still only few on my posts gor over 100 comments walla:)

    its a sign that your blog is great.

    congratiolations:)))

     
  • At Thursday, April 05, 2007, Anonymous Anonymous said…

    الست اللي باحترمها جدا جدا جدا...تمر حنه...وبعد
    يعني عايزين ماتشتغلوش عشان تتستتوا وترحرحوا في البيت وتعملوا مانيكيير وباديكيير واي دونت كير؟؟
    كلا...وكلا...
    انزلوا اشتغلوا واتعبوا وارجعوا البيت واشتغلوا كمان واتعبوا اكتر...
    ولو حسيتوا ان في حاجه غلط في المساواة فاعتقد عشان المساواة ماحصلتش صح ومية مية...فلازم تطالبوا بمساواة اكتر..يمكن ده يحل المشكله..يعني اعمال اكتر واصعب في الجيش والشرطة...امن مركزي مثلا...المهم مادام انتوا اللي بديتوا بالمساواة...كملوها ياحلويين بأة.

     
  • At Friday, April 06, 2007, Blogger أمةالله بنت عبدالله said…

    برافوااااااااا برافوااااااااااااااا ياتمر حنة بجد برافوااا على البوست الرائع ده , أنا الفكرة عاجبانى جدا بس لما اجى افكر ان انا ممكن فى يوم من الايام جوزى يعمل اى حاجة تتضطرنى انى أصرف على نفسى و مش الاقى شغل هتبقى مشكلة , و ان كان على تحقيق الذات اعتقد ان تحقيق ذاتى لما عيالى تكون متربية كويس و يتقال اه اصل ده الواد فلان ابن فلانة , لما يشاوروا على جوزى و يحسدوه عليا , بس المشكاة ان كل الحاجات الجميلة دى محتاجة فعلاً راجل يقدر مش يعتقد انك بتعملى كده لانك لازم تعملى كده , هنا أقوله لأ أنا بعمل كده بمزاجى لأنى أنا عايزة كده .
    و كمان ان كان على الشغل ممكن قوى تدورى على شغل من البيت يكون بيحققلك اللى انتى عايزاه من غير البهدلة اللى الواحد بيشوفها كل يوم دى , على الرغم من انى بادرس لسه بس بصراحة كفاية بهدلة المواصلات و اللى الواحد بيشوفه كل يوم فيها .
    حسبنا الله و نعم الوكيل

     
  • At Sunday, April 08, 2007, Blogger شــــمـس الديـن said…

    كل زمن علي فكرة و له الهوانم بتوعة

    يعني الواحد ممكن لو كان جاء في عصر الهوانم اللي حضرتك مسمياة دا كنتي ممكن تبقي - لا قدر الله - امة تتناقلك الايدي دون ان يكون لك دية و ملكيش اي نوع من الكرامة

    فئة العبيد كانت كتير اوي زمان

    اما بقي هوانم دلوقتي بيج متبغددين اخر بغدةة

    يعني مشعرفش هي مجرد نظرة هروب من واقع نعيشة و لكن الزمن هو هو و كل حتة و كل زمن فيه النساء المتبهدلات والنساء المتستتات

    يعني زمان او قعدة الست في البيت مش حلو اوي زي ما مضرتك متخيلة و اعرف نماذج كتير اوي قاعدين في البيت و اخر بهلدة صراحة

    اللي معجب بكلامها يقعد كدا و يقوف هينفع ولا لأ :)

    اخيرا ...

    احب اهدي لكم مقطع من اغنية ... و عايزنا نرجع زي زمان قول للزمان ارجع يا زمان

    دمتم بكل التحية و التقدير

     
  • At Monday, April 09, 2007, Anonymous Anonymous said…

    يا تمر حنة .. تحية حارة على مقالك كلمة كلمة و حرف حرف .. شكرا .. و شكرا لكل من يملك عقل ( ناقد ) يستطيع به تحليل الأمور و الوصول الى استنتاجاتها بصرف النظر عن تعارضها مع الكهنوت السائد و الأصنام المسندة

    ناقد

     
  • At Monday, May 28, 2007, Blogger محمود علي said…

    اكتر من رائع
    بوست قوي جدا
    لان الي كاتبه انشي مش راجل
    لانها ادري بمشاكل النساء من الرجال
    لانها حططت ايديها علي مشاكل كتير جدا شايفنها بس مش قادرين نتكلم عنها

     
  • At Monday, May 28, 2007, Blogger محمود علي said…

    u

     
  • At Monday, June 11, 2007, Blogger Doba said…

    انا معاكى فى كل اللى انتى كاتباه - حاساكى بتعملى صرخة حق وانا أؤيدك بل وأحييكى

    تحياتى وتقديرى

     
  • At Sunday, July 01, 2007, Blogger Abo Amr said…

    المشكلة ان الستات كلهم و الرجالة برضه كلهم عارفين الفطرة اللي اتكلمتي عنها
    لكن بيكابروا
    انا معنديش ادني مانع بل بالعكس بشجع زوجتي اللي مفضلتش انها تشتغل
    بشجعها تتعلم لغات و كمبيوتر و انترنت و كل حاجة من دي عشان نفسها اولا و عشانها هي قبل مني

    عشان تعرف تتكلم مع العيال
    و عشان تبقى زي ما بيقولوا ست اب تو دايت
    لكن ليها و لبيتها

    كلامك وجع ناس كتير في التعليقات
    لانه جه في الصميم
    او على الحتة اللي بتوجع

    بوست صادق لاقصى درجة

    و تحيا تمر و الفطرة

     
  • At Sunday, August 26, 2007, Anonymous Anonymous said…

    والله يا اختي كلامك جه علي الوجيعه يسلم بقك
    هو ده الصح بس تعملي ايه بقي لو السند اللي انت بتكلمي عليه مش موجود هو احنا يعني لازم نقعد نستني سيادته لغايه ما يجي يالا المهم يجي ولا ما يجيش هو حر بس كلامك صح انا نفسي اسهر لغايه الصبح ادام الكمبيوتر واعمل كل حاجتي من غير سربعه و اصحي من النوم براحتي مش ابقي حاسه اني لازم اصحي والله صحيح يعني هو احنا عملنا ايه زودنا ايه جبنا الديب من ديله لا والله لا ديب ولا حتي قطه هو احنا نقعد في بيوتنا معززين مكرمين من غير بهدله كل يوم تسلمي ويسلم كلامك يا تمر حنه بس اكيد اختنا الحاجه نوال السعداوي ولا اختها بركه لو سمعو كلامك ده هنخاف عليكي منهم ياريت تستخبي اليومين دول ههههههههههه

     
  • At Tuesday, October 09, 2007, Blogger Dr. Manosy said…

    اخيرا حد تالت قالها غيري
    والغريب ان اللي بيدافعوا عن حق المرأة الولية الغلبانة اللي حيه احنا
    في العودة للدار حتى لو ندبت بالتار

    هن أساسا من الوليات العاملات
    وفعلا والله
    الباشا المدير يتنطط ويتكلم في كلام متظبط
    والبيه الساعي يلسن
    اللي شعرها مبلول واللي زعلانة النهاردة
    والبشوات المحاسبين
    والجمهور الغفير من الرجاجيل
    يقعدوا يلسنوا وقال ايه بتكلموا على حياتهم
    ودا اللي مراته ....
    ودا ...............
    والاكادة يا با العمدة أنهم بيخدوا رأي الولية المسكينة
    على أساس أنها نموذج عامل للولية العاملة الراعية بالتاكيد لجوزها ومظبطالوا الظبابيط

    قولوا معايا طظ لمن نادى بعمل المرأة
    ولا تخشي يا تمر حنة
    أن يقولوا عودة للرجعية
    ما هو لما قلنا الحجاب فرض والعفة (اي عدم المشي البطال)
    واحد قالك الحجاب تخلف
    ومسكوه وزارة الثقافة
    واليونيسكو
    والتانية قالت أنا مع الجنس قبل الجواز
    وعملت أفلام برنو على أنها ثقافة حرة
    وتبيان للواقع
    والله انتو اللي واقع عقلكوا من دفاغكم
    ارحموا اللي خلفونا
    احنا ستات رجعيييييييييييييييييييييين
    ممكن تقعدونا نحمل ونولد في البيت
    بدل ما نولد في الاتوبيس والا المصلحة
    قولوا ورايا يا ستات
    طظ في عمل المرأة
    طظ في من نادى بعمل امرأة
    ونعم لعصر السلطانة والجواري

    د.منوسي
    http://drmanosy.blogspot.com/

     
  • At Tuesday, October 09, 2007, Blogger Dr. Manosy said…

    معاكي يا تمر حنة
    قولوا ورايا يا ستات
    طظ في اللي نادى بعمل الستات

    http://drmanosy.blogspot.com/

     
  • At Sunday, December 02, 2007, Blogger Esper said…

    كلامك صحيح مية في المية

     
  • At Monday, February 25, 2008, Anonymous Anonymous said…

    اول مره ادخل المدونه ومقرتش غير موضوع سايقه عليكم النبى تسيبونا نروح وقررت اشترك فيه على الفور مش هحكى كتير ولا هغنى بس يكفى يا تمر انك قولتى كلام جوا ناس كتير مش قادره تطلعه لمجرد الخوف من ان حد يقول عليهم رجعى او متخلف شكرا وجزاكى الله كل خير برغم ان كلامك كان فيه بعض السفه وبدون زعل وده ميصحش مع كلام الرسول صلى الله عليه وسلم بس المهم المضمون والمقصد ومشكوره على الكلام الاكثر من رأئع وتستاهلى 21 طلقه تحيه ليكى

     
  • At Tuesday, April 01, 2008, Anonymous Anonymous said…

    برافو نفس الفكرة بتاعة المساواة دى بنفس كلامك وحروفك بقالى سنين بحاول افهمها لأتنين أو تلاتة عرفتهم في حياتى لكن واضح أن لا حياة فيمن تنادى

     
  • At Monday, July 21, 2008, Blogger عبدالرحمن said…

    اللـــــــــــــــــــــــــه
    هو دا الكلام
    الله عليكي الله
    هو دا العقل والزكاء
    كان نفسي أقرا الكلام دا من زمان
    والله في أمل لسا
    ربنا يكتر من أمثالك
    سلامو عليكم

     
  • At Friday, October 31, 2008, Anonymous ملكة said…

    في اثناء ما انا بتفرج على مدونتك
    ندمت اني دخلتها بسبب التدوينة دي والتعليقات دي الا تعليقات قليلة محترمة زي تعليق بلو لست ادري
    بس برضو تشكري
    انتي واللي علقوا وموافقينك
    عشان عرفتوني ان المبدأ المتخلف ده فعلا منتشر مش مجرد حالات استثنائية
    عرفتوني اني لما اجي اتكلم اتكلم عن نفسي وبس لأن 90% من نوعية الستات اللي زي اللي هنا مايستاهلوش اتكلم عنهم او انتقد المجتمع الزبالة عشان بيضايقهم
    حقيقي اسوأ عدو للمرأة هي المرأة اللي زيها
    المرأة اللي زي اللي قريت لها هنا تدوينة وتعليقات
    خلتوني احس ان الستات المصريات نصهم مايستاهلوش يتعاملوا الا جواري
    هما عايزين كدة وده اللي المفروض يحصل
    بس ياريت اللي يتطرطش مجاري بمزاجه
    مايوسخش غيره
    يعني من باب ان انا انسانة حرة وعايزة اتعامل على هذا الاساس فماليش دعوة بغيري اللي عايزة تتعامل كجارية وبتجبر الرجالة يعاملوا كل الستات غيرها كجواري
    طول مافيه نوعيات كدة عمرنا ماهنتقدم لا ستات ولا رجالة ولا مجتمع اصلا
    انا ندمانة اني دخلت نرفزت نفسي هنا... عمري ماكنت متصورة بالأمانة يعني اني هلاقي الكمية دي من الستات والرجالة بيفكروا كدة
    حاجة بجد تقرف!

     
  • At Friday, January 09, 2009, Blogger Conquer worm said…

    اهوه ده بقا ياخوانا اللى الواحد يقول عليه
    كلام جميل وكلام معقول (متظبط ومتسستم )مقدرش أأول حاجة عنه
    وشويه شويه حاسمع السلام الوطنى بيدب جنب ودانى وانا قاعد وأولك بلغ سلامى للقيادات وقول لهم ان انا فدا البلدوفى الحالة دى لازم الراجل يبقى مربوط( خلى بالك من مربوط دى مهمةجدا
    على الدرجة الخامسةوكمان يكون مرشح متفلتر يعنى اى معصور كويس علشان يقدر عالتالتة اللى اهم من دى ودى وهى انه لايعرف كده ولا كده وده حايبقى دايما المؤشر انه مافيش غلط فى النظام السيستم يعنى والا ساعتها حانودى وشهم مننا فين بتوع تحرير المراة
    واستر على ولايانا يارب ومع السلام عليكو بقا علشان انت بص......

     
  • At Friday, January 09, 2009, Blogger Conquer worm said…

    كلام جميل وكلام معؤل مأدرش أوول حاجة عنه
    وياسلام لو الراجل يكون مربوط عالدرجة الخامسة والناس درجات واهم حاجة لا يعرف كده ولا كده والا حايبقى العيب فى السيستم وساعتها نودى وشهم مننا فين الناس بتو ع تحرير المرأة والله يمسيك من الخير يابا كنت دايما تتعجب من حال الدنيا وتقول
    اييييييييه عمرها ما بتكمل
    ودنيتنى وراه علشان اعرف مابتكملش ليه مع الراجل ده
    واللى حسبته لاقيته
    لقيت انه مع انه ليه عقلية جبارة لدرجة انه كان الانسان الوحيد اللى مابعرفش الف وادور عليه
    الا انه كان عايزها تكمل من غير مالحاجة توافق انها تكمل
    طب ازاى انى عايز افهم مع انى مخلوق بفهم والله العظيم
    لدرجة انى اقدر اجاوب على سؤال اللمبى اللى بيقول علل او بما تفسر
    هل محلات الجزارة دى بتبيع لحمة؟ طب ازاى.

     
  • At Thursday, April 30, 2009, Blogger Hamada said…

    السلام عليكم
    حقيقتا المدونه دى فيها افكار كويسه
    بغض النظر عن طريقه عرض الفكره وطريقه الاقناع انما فيه افكار كويسه
    انا ملاحظ ان اكتر الردود رغم انى مقريتهومشى كلهم كانوا مؤيدين لان المراه مراه والرجل رجل
    والمفروض ان ده مش تايد لان دى الحقيقه فعلا لاكن اهو..
    الناس الى اعترضت على ن المراه تربى اولادها وبس قاول ان كده المراه بتلغى احلامها وطموحاتها
    عاوز اسالهم سؤال
    ايه هيا طموحات المراه؟
    لو جاوبوا اجابه مقنعه انا هنضم ليهم فى الحال
    وتانى حاجه
    من ناحيه العدل والمساواه
    مخلوق زى المراه
    يكون فيه العاطفه الكبيره دى والرقه دى والامومه دى
    وفى نفس الوقت يقدر يبقى قوى ويشتغل وياخد قرار ويعمل شغل ميه ميه
    من الناحيه المنطقيه
    كده الراجل صفر على الشمال
    احنا معانا مخلوق يقدر يجيب اولاد ويربيهم ويشتغل ويجبلهم اكل ويعمل كل حاجه
    المراه بتظلم نفسها من غير ما تشعر
    مش حاسه انها مكرمه بانها انثى
    مش عارفه ان كونها انثى ده يديها ميزه على الرجل
    عاوزه تبقى زيه
    وطبعا مستحيل تبقة زيه
    كده هتقف فى النص
    لهتبقى مراه ولا رجل
    اعتقد كلام مقنع
    والى عنده اعتراض انا برحب بيه
    والى عنده راى يقدر يغير فكرتى انا منتظره
    ده مش تحدى ولا حاجه
    بس علشان الى مقتنع ان المراه تتساوى بالرجل صراحتا انا بشفق عليه
    بحس انه مشلاقى العلم الى يقوله ان ده الصح مش ده
    وبشعر كمان ان كائن زى المراه فيه كل الحنان والحب الى فى الدنيا يتحول لرجل
    بكده الرجل هيتحول لحيوان


    شكرا
    Hamada
    http://ketabat-hamada.blogspot.com/

     

Post a Comment

Links to this post:

Create a Link

<< Home