أيوه خدامه

Friday, February 09, 2007

واحدة سيجوريا .....

فوجئت منذ فترة برسالة ألكترونية فيها مذكرة مرفوعة للأمير الوليد بن طلال ( طويل العمر يزهزه عمره و ينصره على من يعاديه .. ها هى) تطالب برأس المدعوة : هالة بنت السرحان !!!!
الصراحة ماعجبتنيش فحوى العريضة .. يعنى الست دى هتنشر ايه ولا ايه .. هى بس لازم تبيع ..و ده بيزنيس !!!
ثم أسعدنى الحظ و تابعت حلقات فتيات الليل ..... أيون : أعترافات الساقطات المصريات و كيف انخرطن فى هذا المضمار و كيف تحولن الى مومسات و مدمنات و ساقطات ..بالصوت و الصورة ...تابعتها ليه؟ لأن هالة سرحان أعلامية بارعة و ممتعة و قعدتها حلوة .
بس يعنى يا دكتورة هى كل المواضيع الشائكة بتاعتك تنحصر فى المرأة المصرية؟ بغاء .. سحاق .. ختان .. هباب ؟؟ للدرجة دى لحمنا رخص مقابل مواضيع مفرقعة و استمرار عملك فى روتانا و احتفاظك بكل صلاحياتك الشخصية؟؟
فضحتينا عالهوا .. يابنت السرحان ...
طالعة تحاسبى البنات عالدعارة و الأدمان؟؟ عارفة الدعارة يا هالة؟ طب شوفى حلقة ست الستات اللى استضفتى فيها جمال سليمان و اللى قعد بين زميلاتك المغوارات و تولت ملهمتك الساحرة ايناس الدغيدى مهمة تأكيله التورته فى بقه .. دى مش مقدمات دعارة يامّا ؟ انتى و زميلاتك اللىصح و البنات هما اللى غلط؟؟
لما تفتتحى منظومة السلام بالبوس و الأحضان مع زمايلك الذكور و أبنائك الممثلين ( عيل عنده 35 سنه زى رامز و حلمى) و تقعديهم على حجرك .... فكرى و انتى تعرفى مين اللى بيسهلها عالبنات و يهمش المقدسات و يهدم التابوهات .. طبعا ده بصفتك رمز ..
لما تستضيفى حضرتك ايناس الدغيدى و تقول باللفظ الواحد : بستمتع بتصوير الأفلام اللى بتتكلم على مواضيع جنسية و انها بتحب شكل جسد الرجل .. أصله جميل .. و جايه بتحاسبى بت عندها تمنتاشر و عشرين سنه كل أملها انها تقبض فى ايدها ألفين جنيه آخر الشهر وتشحن الموبايل ... بحثت فلم تجد ماتبيعه سوى جسدها ........لأنها لا تملك غيره ..
أنتى بتضحكى على مين؟؟؟؟ بتقولى صيحة تحذير للأسرة المصرية .. على أساس ان قلبك عليها ..
ماشى يا متعلمة يا بتاعت المدارس لو قلبك عالأسرة المصرية يبقى خدى بقى المواضيع اللى تتكلمى فيها ( و بعيدا عن السياسة) :

عايزين حلقة عن الشيوخ اللىفوقنا بشوية عالخريطة اللى بييجوا لينا هربانين من الكتمة و الكمكمة و لابسين الغطرة و العباية ... بيستغلوا البنات الجعانين اياهم .. اللى ماحيلتهومش حاجة .. و مشوار للحوامدية يشتروا بت عيله قاصر أهلها مش لاقيين اللضا .. خمس تلاف يا قطة .. و ياخدوا البنية قانونى و تمام التمام .. و كام شهر و فايدها عيل ترجع لحضن أمها ... هتعمل ايه تفتكرى؟؟ لأ و حددى بالظبط مين السبب فى اللى هتعمله.

خدى موضوع تانى:مناقشة رواية بنات الرياض و تحليلها و مطابقتها بالواقع مع اطلاق بعض الصيحات التحذيرية للأسرة الخليجية و تحليل ظاهرة الأنحراف بدافع المزاج الشخصى .. و بعيدا عن أى ضغوط مادية.. و هذا الموضوع أحرى بالغوص فى أغواره لأنه ضد الطبيعة فهنا : تأكل الحرة بثدييها دون أن تجوع ....

موضوع تالت : البغاء فى المغرب : فن أم شطارة أم ماذا؟

موضوع رابع : ظاهرة اللواط فى منطقة الخليج العربى – هل هى ظاهرة اجتماعية سببها قمع الحريات الشخصية و وجود المطوعين .. أم ماذا؟
موضوع خامس : نسوان لبنان يرقصن على أنغام الرصاص الطائفى و الصهيونى و حكاية " رهاب المثلية" .........
موضوع سادس : لجوء النساء العراقيات للدعارة بسبب الحرب و الترحيل ...
فيه مواضيع كتير يا هالة بعيد عن مصر و المصريات ...
انتى عارفة و أنا عارفة ان شعاراتك لن تفيد الأسرة ولا المجتمع فى شئ و الا فلماذا كل هذه المساحة الأعلانية التى تخللت حلقاتك .. فإن كانت فعلا نيتك خير .. فكان الأحرى بكِ أحترام شعارك : صيحة تحذير للأسرة المصرية و عدم السماح لكل هذه" البوب أبس " و كأنك تعرضين فيلم بورنو ... و أنتى متأكده ان الناس مش هتقدر تغمض عنيها ..... ماهو لحم رخيص و كأن المصريات مبولة المنطقة.
فيتو يا بنت السرحان .. حقيقى رخصتى لحم بنت بلدك .. انتى و ضيفاتك .. مش دى الحرية يا قطة ... ولا الشجاعة .. الشجاعة انك تفتحى الملفات كلها .. و ماتخافيش على كرسيكى .. أصل الأمير مش فاضى و مشغول فى فرح البت بنته .. بيسَتّرها ..
الحقيقة :انتى مذيعة رائعة و أعلامية مطرقعة .. فكك من المصريات و المصريين و قضايا الشرف الشائكة و الفتاوى الدينية و خليكى فى المزز و الأمزاز.. بنضحك لنا شوية وننبسط و بنشوف اعلاناتكم برضه و ساعتها نوعدك اننا مش هنغمض عنينا ولا نقفل ابقاقنا.
( ملحوزة : أبقى قولى لسمو الأمير لو قلبه عالأسرة المصرية بجد يقتطع جزء من مصاريف فرح بنته و يجعلها وقف لتزويج ألف بنت مصرية و كفهم البغاء و الرذيلة ... و له الأجر و الثواب عند الله) ..
تحديث واجب: أعترف و أقر بتميز الدكتورة و تعدد مواهبها .. فبعد نجاحها كصحفية ثم كأعلامية أثبتت براعة فى مضمار التمثيل .. و أهدى اليها أغنية : جديد اللى انت بتقوله .. حقيقى طريقة مختلفة .. برافو قدرت تخدعنى و خاننى ذكائى معترفة
بقى كده يا هالة يعنى كمان البنات طلعوا متأجرين ب 400 جنية و بيتزايه ...... و جالك قلب تعملى كده فى بناتك يا أم المصريين؟؟؟
تحديث.. و نفسى يكون الأخير
الدكتورة طالعتنا على الأوربت- فى برنامج القاهرة اليوم مدافعة عن نفسها - الكلام مكتوب حلو أوى و مقنع و معبر .. بس الأسلوب كان مستفز جدا .. ياريتك كنتى خليتى عمرو أديب يقراه .. كنتى هتكسبى أرض و انتى لما تبقى تهدى على الناس شوية اطلعى اقريه بشوية حنيه , أسلوب الكلام بالحواجب غير مستساغ فى الفترة الحالية و انتى لست بحاجة لمزيد من الأعداء.
غير مقبول أيضا أن تعاير الناس بما قدمته لهم ( قنوات غير مشفرة .. أفلام لقاءات مع مشاهير .. سفر ليبيا ابان أزمة الحصار .. تحذيرات بخصوص الأقصى ) .. فلم يكن مجهودها لوجه الله تعالى و رسوله .. و لكن كان عمل مدفوع الأجر و ان كان حتى لوجه الله و بدون أجر فالناس هم من يصنعون النجم .. بالطبع هالة موهبة و كويسة ومتميزة بس لولا المشاهد لما صبحت هالة هالة .. فشعار هالة : مش هتقدر تغمض عنيك .. اللى هو مين؟ اللى هو المشاهد .. فلأ يا حبيبى لأ بلاش معايرة الى جانب انك بتستمتعى متعة خاصة بما تؤدين ..
عبارة : أنا أقف قدام دووول .. و هما دول يطلعوا ايه؟ ( المراد الثلاث فتيات) خانها التوفيق فيه لأنها قالت من قبل انهن ضحايا و انهن مثل بناتها .. بل و تقصمت دور الأم أمام البنتين المدمنتين فى الحلقة الأولى ( عندما قالت لهن : عملتوا فينا كده ليه؟ احنا قصرنا معاكوا فى ايه؟ ) ولا ده كان أيضا سكريبت يا قطة؟ .. طبعا بنات قلالت الأدب و يستاهلوا قطع رقابيهم سواء كن عاهرات أو مأجورات .. بس يا هلوله انتى لازم تجدى لهن الأعذار اشمعنى الراقصة دينا وقفتى الى جوارها فى محنتها ؟ ولا اكمن دول بنات شوارع و ماعندهمش صحاب مذيعين؟ ؟ مايصحش تتكلمى عنهم بالطريقة دى الا بعد تحقيقات النيابة و كلمة القضاء
مرة تانية يا دكتورة: لمصلحتك بلاش تواجهى الجمهور و انتى منفعلة و اياكى و الأستهتار بالرأى العام و اياكى ثم اياكى ترفعى
حواجبك تانى و انتى بتكلمينا ....
ملحوزة: اذا لم يعمل رابط دينا : كات أند بيست الرابط ده:
Post translation here

Labels:

50 Comments:

  • At Friday, February 09, 2007, Anonymous Anonymous said…

    معاكي تماما

    و مش هالة سرحان بس يا تمر حنة
    كل الفضائيات شغالة و عظ على طريقة التحذير من الكوارث في مصر
    قبل أن تحاسبوا مثلا كانت فيه بسمة وهبة بالحجاب و بردو شغالة على تيمة المصائب المصرية , في قضايا المواريث بالتحديد رأيت مهازل في السعودية لكن نماذج قبل أن تحاسبوا كانت مصرية فقط و غيره و غيره

     
  • At Friday, February 09, 2007, Blogger قاسم أفندي said…

    فيما أذكر أن هناك مثل شهير يقول:
    لا تقذف بالحجارة إلا الشجرة المثمرة
    أتفق معك في ضرورة الحد من هذه السفاهات ولكن ليس بالتحول إلي سفاهات جديدة ، أي عاقل يعلم أن كل شعب وله آفاته، والتجريح والتعريض في الشعوب لن يفيد في شىء ولكن سيدتي الفاضلة لنكن أكثر وضوحا إن هذه القنوات الفضائية غرضها الأول والأخير هو الربح المادي فقط لا غير ومعلوم انحدار الذوق والأخلاق ومعلوم أيضا أن أكثر من نصف جمهور هذه القنوات من المصريين بطبيعة تعدادهم السكاني ومعلوم أيضا أن التعرض لغير المصريين سيفتح أبواب جهنم عليهم لأن تلك الشعوب وبخاصة الخليجية وإن كانت أقل عددا إلا أنها أيضا أعلي صوتا ولا أقصد هنا فقط الصوت السياسي ولكن يكفي مثلا أن يعترض أحد أصحاب الشركات الخليجية فيمنع اعلانته علي تلك القناة احتجاجا مثلا .. بالمناسبة تفتكري ممكن ساويرس مثلا يعملها ويقطع اعلانات موبينيل من علي روتانا علي سبيل الاحتجاج؟
    اه نسيت أقولك
    قلمك رائع كالعادة
    تحياتي

     
  • At Friday, February 09, 2007, Blogger قاسم أفندي said…

    فيما أذكر أن هناك مثل شهير يقول:
    لا تقذف بالحجارة إلا الشجرة المثمرة
    أتفق معك في ضرورة الحد من هذه السفاهات ولكن ليس بالتحول إلي سفاهات جديدة ، أي عاقل يعلم أن كل شعب وله آفاته، والتجريح والتعريض في الشعوب لن يفيد في شىء ولكن سيدتي الفاضلة لنكن أكثر وضوحا إن هذه القنوات الفضائية غرضها الأول والأخير هو الربح المادي فقط لا غير ومعلوم انحدار الذوق والأخلاق ومعلوم أيضا أن أكثر من نصف جمهور هذه القنوات من المصريين بطبيعة تعدادهم السكاني ومعلوم أيضا أن التعرض لغير المصريين سيفتح أبواب جهنم عليهم لأن تلك الشعوب وبخاصة الخليجية وإن كانت أقل عددا إلا أنها أيضا أعلي صوتا ولا أقصد هنا فقط الصوت السياسي ولكن يكفي مثلا أن يعترض أحد أصحاب الشركات الخليجية فيمنع اعلانته علي تلك القناة احتجاجا مثلا .. بالمناسبة تفتكري ممكن ساويرس مثلا يعملها ويقطع اعلانات موبينيل من علي روتانا علي سبيل الاحتجاج؟
    اه نسيت أقولك
    قلمك رائع كالعادة
    تحياتي

     
  • At Friday, February 09, 2007, Blogger أميرة البلطجية said…

    ولا تكلم ع المصريات ولا على غيرهم يا تمر حنة..محنا كلنا مسلمين في الاخر
    الفكرة ان الست دي بفتح ع الناس مواضيع مكتش تيجي في دماغهم اصلاً
    وان شاء الله جزاءها هي واللي معاها كما قال الله
    (إن الذين فتنوا المؤمنين والمؤمنات ثم لم يتوبوا فلهم عذاب جهنم ولهم عذاب الحريق

     
  • At Friday, February 09, 2007, Blogger ام العيال said…

    شوفي يا تمرمر
    هاله دي لا هي مثل و لا حاجه
    و الي بتعمله دا ما هو الا مدعى الى تفتيح عقول الفتيات الهبل فلما تقول وحده انها بتطلع 10000 ج في الشهر يالله كل وحده يائسه و مش لاقيه اللضا حتروح تعمل زيها
    و الا ايه؟؟
    انا من ناحيتي لا اراها سوى مسخ
    و عامله هالوما على الفاضي ال مش حتقدر تغمض عينيك ال
    و عجبي

     
  • At Friday, February 09, 2007, Blogger karakib said…

    قديما
    أتي الجنود للأسكندر الأكبر بأحد اللصوص الذي كان يسرق مؤونه الجيوش ليحاكمه بنفسه
    فأجابه اللص الفصيح
    عزيزي ملك ثلثي الأرض ... انت تدخل بجيوشك الجراره البلاد فتنهبها و تسصرقها و تأخذ منها ما شئت و ما يزيد عن حاجتك ... اما انا فأسرق لكي أكل و أشبع جوعي ... انت تقام لك التماثيل و المدائح و القصائد و التيجان و العروش و يبجلك جنودك و شعوب البلاد التي تقهرها .. أما انا فيلعنونني لأني أريد أن أشبع جوعي فقط
    -------------------
    عندما يكرر التأريخ نفسه
    يتكرر بصورة هزليه قميئه الي أقصي الحدود ... و لكنه يتكرر

     
  • At Saturday, February 10, 2007, Blogger zeiad said…

    this is the world of masale7 , of course everybody justify masla7to with religion, principles, eldefa3 3an el7a2 welsharaf welfadeela .. etc .... ay justification welsalam.
    elgomhoor 3ayez yetfarrag 3la fadaye7 masr welhanem 3ayza tebset elgomhoor 3shan el23lanat.
    bas keda

     
  • At Saturday, February 10, 2007, Blogger محمد عبد الغفار said…

    لم يعجبنى أتجاهك بنشر فضائح باق العرب من بابا مش احنا لوحدنا مركزين علينا ليه

    الفكره مش فكره التركيز على فضائح المصريين ولا ان غرض الوليد بن طلال ولا زوجه ابيه التشهير بينا ولا فكره اننا بنعرض عشان نعالج ولا كلام فارغ من ده انما الموضوع موضوع تجارى بحت واستسهال

    فالقناه مع الرائجه والمواضيع اللى تشد المشاهد وده متوافر فى المواضيع اللى من النوعيه اللى بتركز عليها هاله سرحان واللى تحقق اعلى نسبة مشاهده وطبعاًمش هيتحقق ده الا اذا كانت تهم المصريين عشان همااكبر شعب عربى اما الأستسهال بقى فبيكون انهم لسه هيلفوا ويدوروا ويسافروا بره عشان يعملوا مواضيع ممصر جنب البيت

    أما عن نفسى فأنا لا اشاهد هاله سرحان وكل اشباهها

    هذه وجهة نظرى والله اعلم

     
  • At Saturday, February 10, 2007, Blogger No Fear said…

    السلام عليكم
    أنا فخور بنفسي إنني بدخل علي المدونة بتاعتك
    ربنا يكرمك
    و يارب حد يدل المحترمة هالة سرحان علي مدونتك دي يمكن تتكسف علي دمها
    شكرا لك بجد
    سلام

     
  • At Saturday, February 10, 2007, Blogger tota said…

    تمورة
    الحقيقة ان جريدة الحادثة قامت بالواجب وزيادة شلفطوها على صفحات الجريدة وعملوا معاها احلى واجب
    ان شاء الله يكون من نصيبها
    لا اعترض على ان ما قالته حقيقى ولكن فعلا لما التركيز على مصر يعنى هى مرتبها موقوف على فضايح مصر
    اعتقد ان هالة محتاجة وقفة كبيرة مع نفسها علشان كل ما تروح قناة تطرد شر طرده كده
    وبعدين كفاية بصراحة عليها كده لاننا اتخنقت منها قوى اساسا مش بحبها ولا بحب اسلوبها ولا طريقتها كلها على بعضها كتلة استفزاز يا ساتر يا رب

    ممكن تطالبى من منبرك هذا باقالتها ارجوكى

    تحياتى

     
  • At Saturday, February 10, 2007, Blogger bluestone said…

    تعليق على عجل وهارجع تاني

    الله يكرمك يا شيخة وينورهملك كمان
    انتي قلتي كلمتين في الصميم
    لما يبقى البتاع بن طلال
    والست هانم واتباعها اللي بيروجوا ان الحرية مختصرة في الحرية الجنسية فقط
    دول نجوم الساعة وملوك الاعلام
    وتقعد الست هانم تبيع في الكلام على كيفها على حساب مصر

    انا مش ضد كشف الاسرار والمشكلات ومناقشتها بس لازم يطبق على الكل

     
  • At Saturday, February 10, 2007, Blogger eldoctor said…

    قال تعالى" وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا() وكم أهلكنا من القرون من بعد نوح وكفى بربك بذنوب عباده خبيرا بصيرا"

     
  • At Saturday, February 10, 2007, Anonymous Anonymous said…

    شفتي يا تمر حنة
    طبقا لحلقة 90 دقيقة دلوقتي الحلقة طلعت متفبركة و البنات اللي فيها كانوا جايين في الأصل عشان يصقفوا و يرقصوا كجمهور للحلقة
    و هالة سرحان أقنعتهم يقولوا سيناريو معد سلفا مع وعد ان وجوههم مش هاتظهر لكن فوجئوا ان شخصياتهم واضحة للي يعفهم حتى رغم تغطية الوجوه , عشان كدا أعلنوا الحقيقة

     
  • At Sunday, February 11, 2007, Blogger عمر said…

    يخرب بيت دماغك

    والله الواحد من كتر البلا قرف وزهق من الكلام.. انا المدونة عندي عملتها منتدي ترفيهي للعاطلين.. وقريبا حقلبها سبيل.. عمالين نتكلم ونلطم وأمثال هالة والدغيدي هما اللي واكلين الطبخة باللي فيها - علي فكرة جمهورية مصر العربية تحولت إلي طبخة دة لو ما كنتيش عارفة الموضوع دة - الفساد أكثر من أن يحكي عنه والحل الوحيد هو الاستعباط

    بوست مؤلم جدا

     
  • At Sunday, February 11, 2007, Blogger kaed said…

    واللة يا أنسة تمر اللى إسمها هالة سرحان دية مبتنزليش من زور ولية مدعية اللة يحرقها و نفسى ومنى عينى تغور من وشنا جتها القرف
    على فكرة المدونة بتاعتك تحفة

     
  • At Sunday, February 11, 2007, Blogger karakib said…

    http://www.masrawy.com/News/2007/Arts/Stars/FEBRUARY/10/hala_sara7an.aspx





    http://www.masrawy.com/News/2007/Arts/Stars/FEBRUARY/10/hala_sara7an.aspx

     
  • At Sunday, February 11, 2007, Blogger karakib said…

    برنامج90 دقيقة يفضح فبركة هالة سرحان

     
  • At Sunday, February 11, 2007, Anonymous Anonymous said…

    ربنا يسعدك ويوفقك يارب..
    عجبني أوي كلامك..

    هالة سرحان ربنا يهديها.. وصلت للحالة الي بيوصلولها أغلب الفنانات لما بيعجزوا -مع العلم انها ممكن تكون معاها من زمان لأنها مش نجمة أوي- والحالة دي عبارة عن اثبات انا معجزتش ياجماعة انا لسه شابة أهو وزي القمر

    حوار التصابي ده هو الي بيجيب ورا/ خلاص بئه دماغ مين وتفكير مين

    ربنا يهديها.. أهي بردو محسوبة على فصيلة البني آدمين

    تحية جامدة تمر حنة.. إنتي بألف راجل :))

     
  • At Sunday, February 11, 2007, Blogger MAKSOFA said…

    برنامج 90 دقيقه وبناء علي المقال الذي كتبه الكاتب الصحفي سيد علي فضح هاله سرحان ، وجاء بالبنات المشاركات اللواتي ذكرن أنهن يشتركن في هذا البرنامج للتصفيق مقابل 25 جنيه ، وجاءت لهن الست هاله وقالت لهن مزنوقه يابنات ، وأتفقت معهن يقلن الكلمتين دول تمثيل مقابل 400 جنيه ووعد بفرصه عمل ، مع تطمينهن بأن صورهن لن تظهر علي الشاشه ، كما أن أصواتهن ستتضخم بحيث لايعرفهن أحد
    والذي حدث أنهن فضحن وجلبن العار لأنفسهن ولعائلتهن

    بوست رائع ياتمر حنه

     
  • At Monday, February 12, 2007, Blogger كلبوزة لكن سمباتيك said…

    الست هالة لمت البواريك و الرموش و الب..و كل الحاجات العيرة و بلغت فرار على الامارات لحين هدوء الحملة و على ما طبخة المحامين تستوي و يعكموا البنات و يطلعوا مرة تانية يقولوا

    يوه اصل احنا كنا شغالين دعارة بس سوهي علينا

    كان نفسي تشرف على البرش مع سيئات السمعة اللي بحق و حقيق
    و يظبتوها
    بس ليها يوم
    ده اول مسمار في نعشها و انت عارفة يا اخة
    العجل لما يقع
    تكتر سكاكينه
    اسكتي مش طلعت لا دكتورة ولا غيره و طلعت مركبة الدكترة عند البت شفيقة بتاعة البستيج اياها اللي في درب البرابرة
    و حشني البوستيج يا تمرمر ماتبعتيلي كوبيتين
    انت اللي لابدة في الدرة و قافشة كل الحكرات و السنكات

    قبلاتشي

     
  • At Monday, February 12, 2007, Blogger أشرف حمدي said…

    انا معاكي طبعا
    ويوست جميل جدا .
    للأسف ماعدش فيه كلام أعلق بيه لأنك فعلا قولتي كل اللي كنت عاوز أقوله

     
  • At Tuesday, February 13, 2007, Blogger عبدالله said…

    بوست جميل فعلا محتاجين ان الناس يكون عندها الفكر ده في حب بلدنا

    موضوع المجنونه هاله خلاص ماهي اتفضحت و الي كان دي اصله وليه مجنونه مش لاقيه حد يعبرها اتجننت علشان الناس تعبرها

    تحياتي

     
  • At Tuesday, February 13, 2007, Anonymous Anonymous said…

    يا لهوىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىى
    بس كنت عاوزة اصرخ

     
  • At Tuesday, February 13, 2007, Blogger الحصان الأسود said…

    ماشاء الله عليكي يا تمر حنة موضوع كامل متكامل

    بالوصلات (اللينكات) قضيت اكتر من اربع ساعات اقرأ كل المواقع فيها والتعليقات والآراء

    بجد برافوووووو

    بس اقولك انا مش شايف ان هالة سرحان وحشة

    الوحش هو من يدفن رأسة في التراب

    بنات الليل واقع وظاهرة منتشرة و تغطية الشرطة لهم مقابل استجاباتهم واموالهم هو أمر واقع ايضاً

    اعتقد انة ربما هذة الضجة من الشرطة لإنتقاد هاله سرحان لوضع خطأ يضير منتفعين بة من الشرطة

    انا لا اعتقد ان مقدمة برامج شهيرة و مقتدرة ومتمكنة مثلها بحاجة لفعل هذة المسرحية الهزلية ولماذا في الاساس فليس اكثر من بنات الليل وبنات الشوارع

    والله أعلم

     
  • At Wednesday, February 14, 2007, Blogger nooooooooooo said…

    لم اتابع حلقات او تفاهات هاله شو
    من مدة قاطعت هذة القناة لانها تافهه جدا و الوقت اثمن من ان نضيعه فكلامها الفارغ

    هناك مئات الفضائيات ممكن اضيع وقتى معاهم

    لكن الموضوع تابعته من برامج القاهرة اليوم و 90 دقيقة

    و الصراحة شايفة اننا اعطينا الست دى شهرة لازم تستغلها و تزودها و هى بتعمل كدة

    القناة نجحت علشان فى ناس بتدور على التفاهات متابعاها

     
  • At Wednesday, February 14, 2007, Blogger يا مصر اكتب إليكي رسائلي said…

    آه يا تمر حنة
    أنا اخوكي الزواوي الطرشجي يا تمره ، يارب تكوني فاكراني
    وفاكرة لما كتبتي من فترة موضوع يخض الطقم دا برده ، وانا من الأخر سألتك عن هوية الناس اللي بتمول القنوات ومختلف وسائل الاعلام الأخري التي تسمح بما يشابه ؟ هنا عزيزتي مربط الخيل

    سلمت يداكي ولسانك لما ذكرتية عن ينت السرحان ـ وان كنت اتفق مع على الكثير من مؤهلاتها ، إلا انها في نظري ( تيييييييييييييييييييييييييييييت )، عملت كارير ناجح ، لم يكن لينجح إلا بالشروط المتفق عليها في تحرير العقود المعنية ، وأصبحت من شخصيات المجتمع .. تصوري انا من 26 يناير 2007 بحاول اكتب اللي واقف في زوري مش قادر لدرجة اني انتابني اليأس .. لبعض الوقت .. عموما انتي قلتي اللي انتي وانا وكل الناس المحترمة متفقين عليه. ـ المرأة المصرية أيا كانت هي وبأي وصف ولو حتى عاهره ـ فهي أشرف من كل بناتهم دي على بعضهم وفي شوال واحد كمان . اه على فكره بمناسبة معلوماتك اللي جاية من المطبخ الحقيقي يعني ـ هي بنت الــــــــــ سرحان ، زوجته الأولى ، البرنسيس بنت مين يعني ، بنتها ولا بنت اللي تستاهل
    ــــــــــــــــــــــــــــــ
    ولو سمحتي لي أرد على قاسم افندي
    الأخ العزيز قاسم أفندي
    اكتب لسامح وشوفة ها يعمل ايه.
    ــــــــــــــــــــــــــــــ
    تحياتي إليكي والأصدقاء

     
  • At Thursday, February 15, 2007, Blogger koukawy said…

    انا بقي اللي استفزني اكتر و اكتر00
    حلقه مبروك عطيه الداعيه الاسلامي اللي المفروض بنتعلم منه 00و راح قعد وسط الحريم الواطيه 00لامؤاخذه في اللفظ
    و قعدوا يلعبوا بيه الكوره
    انا اي داعيه بيروح البرنامج بتاع الأنسه هاله بتنجان بيسقط من نظري زيّها بالظبط

     
  • At Thursday, February 15, 2007, Anonymous Anonymous said…

    فعلا على رأى الأخkoukawy أى شيخ بيجى مع الست دى خلاص نزل من نظرى لأنه بيجى وميخدش فرصة يتكلم ويفضلوا يلعبوا بيه الكرة ويضحكوا وهما فرحانين اوى والشيخ يستاهل اصلا انه يروح أمكان زى دى الواحد قرب يفقد الثقة فى كل حاجة ربنا يستر

     
  • At Thursday, February 15, 2007, Blogger Bella said…

    الحقيقة انا لااتعب نفسي ولااحرق اعصابي بمشاهدة المدعوة هالة سرحان لانها لاتقدم الا كل ماهو قبيح وتتعمد الاثارة بشكل سخيف وممجوج بخلاف تعمدها استخدام تلميحات جنسية فاضحة معتقدة ان ماتقوله يرفعها لمصاف الظرفاء وخفيفي الظل وتستضيف ضيفات اقل مايُقال عنهن

    ولا بلاش

    شاهدت اعلانات عن برنامجها ولكني لم اشاهد الحلقة

    وصراحة وليس دفاعا عن هالة ولاغيرها

    فالبنات يستاهلن قطع رقابهن ولاتستحق واحدة منهن اي تعاطف بالمرة

    ولولا انها لم توظفهن كما وعدتهن ماتقدمن بشكوى ضدها

    ولولا افتضاح امرهن لاستمر الحال ولتمت فبركة موضوعات اخرى غير فتيات الليل

    اصلا الفتيات المصفقات في برنامجها ببطونهن العارية لسن اقل من فتيات الليل بأي حال من الاحوال

    برأيي ان الداخلية لولا حديث البنات عن وقوف رجال شرطة خلفهن لما تحرك احد
    ولما التفت احد لشكوى البنات ولاساعدهن في الوصول لبرنامج 90 دقيقة ولاالحديث مع سيد علي ولاغيره

    فتيات الليل موجودات وهناك رجال شرطة يديرون شبكات دعارة وهدا امر معروف وليس جديد

    المفروض ان نواجه مشاكلنا بشجاعة ولانتحدث دوما عن وجود نفس المشاكل في البلاد الاخرى هروبا من مواجهة عوراتنا

    صحيح البلاد الاخرى فيها مافي مصر وربما أكثر

    ولكن لاننكر ان الفساد عندنا اكثر بدليل قبول مصرية مثل هالة سرحان العمل على تشويه صورة بلدها بهده الوقاحة

    الفضائيات العربية تتكسب من الحديث عن مصر ومصائب مصر

    ولكن في نفس الوقت تستخدم مديعين ومديعات مصريين للقيام بهدا العمل القدر

    هل يضحون بمرتباتهم من اجل عيون مصر

    طبعا لا

    رغم انهم كانوا يغترفوا الآلاف في التليفزيون البائد في ماسبيرو

    ولكن لامانع من مزيد من الدولارات

    وتحيا مصر

    وربنا يكثر من مصايبها حتى يغتني حثالة الاعلاميين على حساب سمعتنا وكرامتنا جميعا

    وإلي الجحيم ياهالة سرحان انت ومن شابهك من الاعلاميات الخليعات والاعلاميين المأجورين

     
  • At Friday, February 16, 2007, Blogger Unknown said…

    بوست هايل
    أحييكي
    ومش هاقول رأيي في هالة سرحان علشان الست دي سحبت كهربا كتير من غير لزمة

     
  • At Saturday, February 17, 2007, Blogger زمان الوصل said…

    لو افترضنا أن مذيعه فى تليفزيون "المغرب" مثلا أرادت تقديم حلقه عن الدعاره فى مصر .. كما نطلب نحن من "هاله" المصريه تقديم حلقه عن الدعاره فى المغرب .. كيف سنتقبّل الأمر يا ترى؟

    حين قدّمت "جوسلين صعب" فيلمها "دنيا" حول قضية الختان فى مصر هاجت الدنيا و ماجت باعتبارها غريبه و دخيله تناقش قضايا مصريه و ما تخلّيها فى اللبنانى أحسن .. طيب لماذا نتوقّع من "هاله" ما لم نتقبّله من غيرها !!

    أعتقد لو حدث هذا الذى نتخيّله سنجد بعبع "سمعة مصر" و "شأن داخلى" تطارد من يصدّق هذه الدعوه .. و واضح أن محدّش فعلا بيقدر يغمّض عينيه عن البرنامج !!

     
  • At Saturday, February 17, 2007, Blogger قاسم أفندي said…

    والله يا تمر يا اوختشي موضوع الكلام بالحواجب ده بيني وبينك مستفز اوي وبيئة اكتر حاجه
    للاسف نادرا ما تجدي من "النجوم" من يعترف بانه صنيعة جمهوره بالفعل فلا تجدي غير الاستعلاء والتكبر ، تعرفي نجوى ابراهيم كانت بتعلم المذيعات الجداد ايه في التلفزيون؟
    للأسف مشفتش حاليا ولا سابقا ولا مذيع مصري باستثناء منى الشاذلي من يعرف كيف يحترم الضيف والجمهور
    شكرا للتحديث
    تحياتي

     
  • At Sunday, February 18, 2007, Blogger بيتنا القديم said…

    والله العظيم دمك خفيف

    يارب اعدم بوش وشارون والمالكي وهالة

    بنت سرحان و الخ الخ الخ...دمك خفيف

    اول مرة ادخل فيها مدونتك

    لكن خلاص قررت أجيب منامة وارقد امام بابها

    يا سلام ياست خدامة...قد ايه كلامك

    رائع...الكفر كلاتوه بيتحدد عليك

    وربنا يجعلوه عامر...ويديم عليك نعمتوه
    *******************
    تااااااااااااااااااااااااااج
    ****************************
    ممكن تسألي نفسك بجد آذيتي مين النهاردة

    ورفع إيدوه للسما ونكش شعره ودعا عليكي؟!

    أيتها الفارسة الأنجلوساكسونية(متسأليش معناها إيه عشان معرفش)...اليك هذا التاج

    إما ان تجوبيه وإما سجن المغووووول مدي الحياة مع حسن الهلالي جوز ياسمينة، اللي خانوه بدران، اللي كان شغال مع السيد شاهين، اللي هو كمال الشناوي
    *********************

    اسم مدونتك؟

    لماذا اخترته.. ماذا تقصد به؟

    هل فكرت في إغلاق المدونة.. والسبب؟

    صورتك ف المدونة، رمزيتها؟

    طبيعة كتابتك في المدونة بشكل عام..

    سياسة.. قصة.. عبث.. كلام فاضي؟

    لماذا تدون أصلاً؟

    أحلى جملة قيلت لك في وصف مدونتك؟

    التعليقات بالنسبة لك.. أهميتها؟

    أحلى بوست كتبته.. ضع اللينك.. ثم اذكر لماذا؟

    أفضل مدونة قرأتها.. يمكن اختيار عدة مدونات؟

    أفضل بوست قرأته.. يمكن اختيار أكثر من بوست.. ومتنساش اللينك؟

    هل خسرت صديق بسبب كتابة هنا؟

    حد قل أدبه ف التعليق.. إيه رد فعلك؟

    أسوأ مدونة.. الإجابة إجبارية.. ويمكن اختيار عدة مدونات.. هي كتيرة أصلاً :) ؟

    أسوأ بوست.. لازم تجاوب.. ويسمح بتعدد الاختيارات؟

    أسوأ مدون.. ما هو حاتجاوب حاتجاوب؟

    انشر الآن بشكل حصري بوست لم تجرؤ على نشره من قبل.. مش محتاج أقول إجباري؟

     
  • At Monday, February 19, 2007, Blogger شخبطة ملوكى said…

    تمر حنه
    بجد موضوع رائع و متكامل مما جميعه
    اعتقد ان الجمله بتاعت ان الامير قلبه ع الاسرة المصرية عجببتنى قوى لانه الامير فعلا رامى هلب على الاسرة المصرية و المجتمع بشكل عام حتى يجعل المجتمع المصرى كفيلم بورنو معداش ع الرقابة ليسلى به الوطن العربى كله و يساعده فى هذا مجموعة ممن يسمونهم المثقفين و الاعلاميين يستغلون كل ملامح القذارة ليبرزوها مع انها موجوده و يمكن بشكل اكبر فى جميع المجتمعات العربية
    يعنى مصر هى اللى بقت الحيطة المايله ليهم
    اشكرك على الموضوع

     
  • At Monday, February 19, 2007, Blogger عادل سلامة said…

    لو فيه حد ناوى يعمل تنظير لفن البلوجات والبوستات .. هاقوله على المدونة بتاعتك

    نموذج والنعمة
    تسلم ايدك
    أمتعتينى


    وبمناسبة حالة سرحان

     
  • At Monday, February 19, 2007, Anonymous Anonymous said…

    بصراحة احنا اللى خدامينك يا تمورة لكن الموضوع فيه علامات استفهام كتير يعنى البروموشن بتاع البرنامج بيتذاع من زمان وفيه البنات واضحين ...أهلهم بقى مفاقوش غير بعد البرنامج بكام شهر!! ولا البنات ماكتشفوش المصيبة اللى هتحصل غير بعد الفاس ما وقعت فى الراس !! ولا الحكاية فيها لعب من تحت الترابيزة والموضوع اتفهم بعد ما بسلامتها ما عملت وصلة نفاق قذرة لمبارك على الأوربيت ؟ المهم دعوة للجميع انهم يبعتوا المذكرة دى ويوقعوها للوليد ابن طلال للإعتراض على طريقة الست دى وعلى فكرة انا سمعت من الدكتور صلاح قبضايا وده صحفى مصرى على المحور انها لا دكتورة ولا حاجة يعنى كل حاجة فى حياتها تمثيل فى تمثيل .. بصراحة انا اطالب انها تاخد اوسكار أقذر ممثل
    دمتم سالمين

     
  • At Wednesday, February 21, 2007, Blogger جبهة التهييس الشعبية said…

    هههههههههههههههههههههههههههههههههههههههههههههههههههههههههههههههههههه

    انت بتكتبي حلو قوي

    عموما هي بترفع حواجبها بشكل عام

    بس بيني وبينك

    هي صعبانة عليا

    حاسة ان كل الناس شمتانة فيها

    واللي قالقني اكتر

    ان اللي يدفع التمن يبقى المعد الغلبان

    دي عيال بتاكل عيش يا ستي

    حتى لو البنات متأجرين

    يعني هو فيه واحدة بنت ناس يعني ح ترضى تمثل دور زي ده؟

    والله يا بنتي انا ما عارفة حاجة

    البنات صعبانين عليا

    والمعد صعبان عليا

    وهي نفسها صعبانة عليا

    والصعبانية زادت كده ورطرطتت وانا احتاست فيها

    اعمل ايه؟

     
  • At Thursday, March 01, 2007, Anonymous Anonymous said…

    1_ هوه يااما العرب يتكلموا عن فضايحهم زينا يا اما احنا نسكت زيهم؟ معلش بس المنطق ده لا يستقيم رغم انه اول انتقاد بيتوجه لهاله سرحان.

    2- نسبة المشاهدة الأكبر هى فى مصر قبل ما تكون فى البلاد العربية التانية. والحاجة الغريبه ان اللى بيشتموا فى هاله سرحان بيتفرجوا عليها من اول لاخر الحلقة، او يقولوا انهم مبيتفرجوش عليها طيب بينتقدوا ايه؟

    3- فجأة بين يوم وليلة بقت كخة وبتسوء سمعة مصر اللى زى الفل؟ هى يعنى هى اللى جت ونشرت غسيلنا الوسخ؟ ما هو معروف ومحفوظ بالبيت والحارة والشارع.

    وعجبى

     
  • At Wednesday, March 07, 2007, Blogger themidas-egypt said…

    Dear Tamr Henna,

    Chapeau!! I always thought that Hala Sarhan is nothing but a vulgar, pretentious.... (Khaleeny Mo2dab A7hsan).

    Prostitution has many faces. What is really interesting is that some think that when a woman sells her honor for money she is a prostitute while when others sell the honor of their country are called TV stars!!!

     
  • At Wednesday, March 14, 2007, Blogger Unknown said…

    معاكي فدفاعك على بنات مصر بس انتي عايزاها تسيبهم و تفضح بنات المغرب و لبنان ليه بقى
    اسفة بس ده مش منطق دول بيغلطو و دول بيغلطو و كمان هي اولى انها تتكلم عن المصرين لأنها مصرية

     
  • At Friday, March 16, 2007, Anonymous Anonymous said…

    Responses to “Arabisc: Egyptian Women a Cut Above the Rest”

    http://www.globalvoicesonline.org

    February 10th, 2007 at 2:52 am Modern Pharaoh:
    LOL! How could you say because she was feeding him cake, its a prelude to prostitution!! …Lighten up and relax your fundementalist view on things before you give yourself a heart attack



    February 10th, 2007 at 4:57 am Jordan & Maria Seidel:
    interesting…i would like to know what the perception of feminism is in the arab world…is it considered negative by women? here in poland, it still has negative connotations…different ideas about it from east to west…

    and actually, i dont’ understand why women think that such issues are unconnected with the bigger issues in egypt and beyond, aren’t they really the symptoms of those bigger problems in the arab world? what about domestic violence, is that really so trivial?

     
  • At Friday, March 16, 2007, Blogger تمر حنه said…

    the womwan is adopting a new approach that we are not intimate with in Egypt, our traditions, for those who forgot, prohibit that intimacy among different sexes,modern Pharoh, bet modern, i was not able to relax ,sorry, I am Arabian, Egyptian, Muslim, I have my traditions that I will stick to.

    Jordan&Maria, for my country, morals’ violence is also a problem, we are not USA, not Poland, we are what we are.
    We give these issues some care for they are what left for us to control, other issues , we are deprived from discussing them.

    Any way, while Hala was discussing this issue she had some actress to take over the role of the hooker, the girls went to the DA and will sew her as 2 of them were divorced and one is chased by her folks as Hala promised them to cover therir faces , but didn’t.
    Hala’s show was fake, Hala broadcasts in a satalite channel where most of Egyptian intermidiate level families couldn’t afford to watch, the owner of the Channel is Saudian, Hala’s hectic way of conversation realy provokes eveybody, and what she wants is to SELL , her tv has Ads , and what she wants is spectators.

    Regards

     
  • At Wednesday, March 28, 2007, Anonymous Anonymous said…

    Personally, I agree on some level with Tamr Henna. It is true.. she mainly makes these programs just to further spur the already present interest in her “attractive” shows. I don’t believe that she is really hosting these shows to get this info across to the Arab world because, obviously, everyone knows what happens in Egypt in regards to women. However, I feel that she should speak more of the issues of male oppression rather than female “loosness” I like to call it. Male oppression is a more detrimental aspect in our society than the things that women do in Egypt. She needs to address how women are viewed in, not just Egypt, but the entire Middle East esppecially the conservative Gulf regions. Hala Sarhan mostly speaks of issues that interest both males and females. She never really takes a stand for what happens to women and says “look at what men are doing… this is wrong”. Im not pointing the finger at men now for what Sarhan is doing, but i feel that there are more important things that are happening to women than the decision to become a prostitute or coming out about being lesbian.

     
  • At Saturday, June 23, 2007, Blogger admin said…

    متاكدة انك بنت؟؟؟

    مش عارف ليه مش بالعها بس علي العموم في سؤال

    كاسك يا وطن بتاعت الشاعر شفيق سلوم
    مالالي كاس يا وطن
    من تاني املا انت
    سقطوا العرب في الحساب والجبر والاملا

     
  • At Saturday, July 19, 2008, Blogger Mahmoud25x said…

    بجد برافو عليكى ، بوست جميل جدا ومعبر ، وللأسف الشعب دا مشكلته انه بينسى بسرعة ، يعنى مش بعيد تلاقى هالة سرحان بعد سنة ولا حاجة على القناة الاولى بتعمل برنامج دينى !

     
  • At Tuesday, September 23, 2008, Blogger هموم مواطن said…

    يا اختى تمر حنة هالة سرحان دى واحدة تربية شوارع والله تربية الشوارع اشرف منهااااا دى بتاجر ببناات مصر وشرفهم عشان ترضى اسيادها

     
  • At Tuesday, January 20, 2009, Blogger مونتي بوكيه ورد said…

    تعبير اكتر من رائع يا تمر حنه ... و بجد فيكي خفة دم بنت البلد ال بتطلع كل ال لساني مش عارف سطقه ولا قلمي قادر يجمع افكاره ... انت وضحتي بكلامك الشامل لاكتر من مشكله في مكان واحد حاجات كتيره بتلف حولاينا زي كدا اغنية بنلف في دواير ... الشخصيه دي عملت زي ال عمل جروب كبير و عمل دعايه واشتهر وجه في لقاءات و اعلاميات و اتعمل عليه سبق رصحفي عشان بيحارب سلبية معينه حواليه و هو من جواه بيعمل كدا عشان يشوفها بتنتشر اكتر والمعلومه عنها تكتر و الفساد يبقي عاده طبيعيه مافيش منها كسوف ...هي عملت كدا ... عايزه ال ميعرفش يعرف وال مشافش يشوف ليه اشمعني هو ميشوفش يعني ؟
    مع انها لو نيتها حلوه مكنتش عملت زي ما انت بتقولي كدا وجابت عيل من سن عيالها 35 سنه وقعدته علي حجرها وباسته يا ضنايا باسم الفن و الاخوه والصداقه والحريه ... لو كانت عايزه تبني وتصلح كانت بقت قدوه مش لازم بالحجاب لان ال مبتحترمش حجابها مش محترمه ... كان لازم تجيب ناس فيها خير بجد وتوريهم للبنات وتنسي الناس حتي ان في فسادحواليهم عشان يتغيروا
    زي كدا لما اتنين متخاصمين وواحد عايز يصالحهم اكيد مش هيطلع المساويء ال شافها ف الاتنين لبعض وهيحاول يقربهم بطريقه حلوه عشان ينجح علاقتهم ... ربنا يهدينا ويهديها وينتقم من كل ال بيحاولوا يفسدوا معاني و عماد الاسلام امين يارب

     
  • At Sunday, March 14, 2010, Blogger mostafa said…

    Guys you have to understand that Hala was in the west exposed to the western media.
    and any one who lives in the west understand that the media dig for dirt to get the high light, to be in the top of the actin, to get the attention of the viewers then the advertiser money,the whole west remmember when Madonna and brightny Spears kissed each other and when janete Jackson show when the bra was cut (by mistake) on live TV got every body's attention.
    so it is not about da3ara or saketat it is about rating ya people 3alshan keda kollo beytkalem 3ala Hala Sar7an we salem le 3ala faro2 shosha wa
    lo3'atona al gameela
    darsh

     
  • At Friday, March 19, 2010, Blogger mostafa said…

    Tamr alf shokr n ent katabty el kalam dah we akhadeetea fe re7a lel a3mak we sglteha fi Blogger.

    nas kteer 3andha a7ases abl 3alam el net we katma we sakta well nas elle 3aysha ma3 ba3d ta7t nafsel sa2f mosh7asen wala 3arfeen we law 7ad 3abbar teb2a ellet adab,

    geel bel kamel bal3 kteer we saket
    ommy we omak we omek we ommoh we omaha shlo gebal abl zaman el
    3awlama welkhol3 wel 50/50 weana
    7orra ,just thought kee up the good work and please don't stop writing .
    Darsh

     
  • At Sunday, May 19, 2013, Anonymous Anonymous said…

    معايير ألجودة في أيامنا لا تتعدى معايير ألجودة على زمن الخليفة .مروان ألحمار

     

Post a Comment

<< Home